ಭಾರತದ ಕೆಲವು ಪ್ರಖ್ಯಾತ ಬಿರ್ಲಾ ಮಂದಿರಗಳು

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಲಕ್ಷ್ಮಿ ನಾರಾಯಣ ದೇವಾಲಯ : ಹಿಂದೆ ಮೊದ ಮೊದಲು ಮುಘಲ್ ಸಾಮ್ರಾಜ್ಯದ ಕೊನೆಯಲ್ಲಿ ದೇಶದ ಇಂದಿನ ರಾಜಧಾನಿ ಹಾಗೂ ಅಂದಿನ ಮುಖ್ಯ ಪ್ರಾಂತವಾಗಿದ್ದ ದೆಹಲಿಯಲ್ಲಿ ಹೇಳಿಕೊಳ್ಳುವಂತಹ ಭವ್ಯವಾದ ಹಿಂದು ದೇವಾಲಗಳು ಇರಲಿಲ್ಲ. ಈ ನಿಟ್ಟಿನಲ್ಲಿ ಸಾಮಾಜಿಕ ಕಳಕಳಿ ಹೊಂದಿದ್ದ ಬಿರ್ಲಾ ಕುಟುಂಬದ ಬಲದೇವ್ ದಾಸ್ ಬಿರ್ಲಾ ಅವರಿಂದ ದೆಹಲಿಯಲ್ಲಿ ಈ ದೇವಾಲಯ ನಿರ್ಮಿಸಲ್ಪಟ್ಟಿತು ಹಾಗೂ ಇದು ಮಹಾತ್ಮಾ ಗಾಂಧಿಯವರಿಂದ ಉದ್ಘಾಟಿಸಲ್ಪಟ್ಟಿತು.

ಚಿತ್ರಕೃಪೆ: Vinayaraj

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಪ್ರಧಾನವಾಗಿ ಲಕ್ಷ್ಮಿ ಸಮೇತನಾಗಿ ನೆಲೆಸಿರುವ ಲಕ್ಷ್ಮಿ-ನಾರಾಯಣನಿಗೆ ಈ ದೇವಾಲಯ ಮುಡಿಪಾಗಿದ್ದು ಶಿವ, ಕೃಷ್ಣ ಹಾಗೂ ಬುದ್ಧನ ಸನ್ನಿಧಿಗಳೂ ಸಹ ಇಲ್ಲಿವೆ. ಏಳುವರೆ ಎಕರೆಗಳಷ್ಟು ವಿಶಾಲವಾದ ಪ್ರದೇಶದಲ್ಲಿ ಈ ದೇವಾಲಯ ವ್ಯಾಪಿಸಿದ್ದು ಹಲವಾರು ದೇಗುಲಗಳು ಹಾಗೂ ಇತರೆ ರಚನೆಗಳು ಮತ್ತು ಕಾರಂಜಿ ಉದ್ಯಾನವನ್ನು ಇಲ್ಲಿ ಕಾಣಬಹುದು. ಹಾಗಾಗಿ ಇದೊಂದು ದೆಹಲಿಯ ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿಯೂ ಸಹ ಗಮನ ಸೆಳೆಯುತ್ತದೆ. ಇದು 1939 ರಲ್ಲಿ ನಿರ್ಮಾಣವಾದ ದೇವಾಲಯವಾಗಿದೆ.

ಚಿತ್ರಕೃಪೆ: A.Savin

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಹೈದರಾಬಾದ್ : ತೆಲಂಗಾಣ ರಾಜ್ಯದ ರಾಜಧಾನಿ ನಗರವಾದ ಹೈದರಾಬಾದ್ ನಗರದ ಹೃದಯ ಭಾಗದಲ್ಲಿರುವ ನೌಬತ್ ಪಹಾಡ್ ಎಂಬ 280 ಅಡಿಗಳಷ್ಟು ಎತ್ತರದ ಚಿಕ್ಕ ಗುಡ್ಡವೊಂದರ ಮೇಲೆ ಈ ದೇವಾಲಯವನ್ನು ಬಿರ್ಲಾ ಫೌಂಡೇಷನ್ ವತಿಯಿಂದ ನಿರ್ಮಿಸಲಾಗಿದೆ ಹಾಗೂ ಇದು ನಗರದ ಪ್ರಮುಖ ಪ್ರವಾಸಿ ಆಕರ್ಷಣೆಗಳಲ್ಲೊಂದಾಗಿದ್ದು ಪ್ರೀತಿಯಿಂದ ಬಿರ್ಲಾ ಮಂದಿರವೆಂದೆ ಕರೆಯಲ್ಪಡುತ್ತದೆ.

ಚಿತ್ರಕೃಪೆ: Karthik Easvur

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಸುಮಾರು ಹದಿಮೂರು ಎಕರೆಗಳಷ್ಟು ವಿಶಾಲವಾದ ಭೂಮಿಯಲ್ಲಿ ವ್ಯಾಪಿಸಿರುವ ಈ ದೇವಾಲಯವು ಪೂರ್ಣಗೊಳ್ಳಲು ಹತ್ತು ವರ್ಷಗಳೆ ಬೇಕಾದವು. 1976 ರಲ್ಲಿ ಲೋಕಾರ್ಪಣೆಯಾದ ಈ ದೇವಾಲಯ 2000 ಟನ್ ಗಳಷ್ಟು ಶ್ವೇತ ವರ್ಣದ ಅಮೃತಶಿಲೆಯಿಂದ ಅದ್ಭುತವಾಗಿ ನಿರ್ಮಿತವಾಗಿದ್ದು ಸಾಕಷ್ಟು ಆಕರ್ಷಕವಾಗಿ ಕಂಡುಬರುತ್ತದೆ.

ಚಿತ್ರಕೃಪೆ: ambrett

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಹನ್ನೊಂದು ಅಡಿಗಳಷ್ಟು ಎತ್ತರದ ಗ್ರಾನೈಟ್ ನಲ್ಲಿ ಕೆತ್ತಲಾದ ವೆಂಕಟೇಶ್ವರನ ವಿಗ್ರಹ ಹೊಂದಿರುವ ಈ ದೇವಾಲಯ ಪ್ರಮುಖವಾಗಿ ವೆಂಕಟೇಶ್ವರನಿಗೆ ಮುಡಿಪಾಗಿದೆಯಾದರೂ ಅವನ ಪತ್ನಿಯರಾದ ಪದ್ಮಾವತಿ ಹಾಗೂ ಅಂಡಾಲ ದೇವಿಯರಿಗೆ ಮುಡಿಪಾದ ಪ್ರತ್ಯೇಕ ಸನ್ನಿಧಿಗಳು ಇಲ್ಲಿವೆ.

ಚಿತ್ರಕೃಪೆ: Nikhilb239

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಕಾನಪುರ್ : ಉತ್ತರ ಪ್ರದೇಶದ ಒಂದು ವಾಣಿಜ್ಯ ಹಾಗೂ ಮಹತ್ವದ ಪಟ್ಟಣವಾದ ಕಾನಪುರ್ ನಲ್ಲಿರುವ ಬಿರ್ಲಾ ಮಂದಿರವಿದು. ವಿಶಾಲ ಪ್ರಾಥನಾ ಪ್ರಾಂಗಣ ಹಾಗೂ ಇತರೆ ದೇವರುಗಳ ಸನ್ನಿಧಿಗಳನ್ನು ಹೊಂದಿರುವ ಈ ವಿಶಾಲ ಹಾಗೂ ಭವ್ಯವಾದ ದೇವಾಲಯವು ಕಾನಪುರ್ ನಿವಾಸಿಗರ ಹೆಮ್ಮೆಯಾಗಿದ್ದು ದಿನವೂ ಸಾಕಷ್ಟು ಜನರಿಂದ/ಪ್ರವಾಸಿಗರಿಂದ ಭೇಟಿ ನೀಡಲ್ಪಡುತ್ತದೆ.

ಚಿತ್ರಕೃಪೆ: Abhishek Dwivedi Kanpur

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಕೊಲ್ಕತ್ತಾ : ಪಶ್ಚಿಮ ಬಂಗಾಳ ರಾಜ್ಯದ ರಾಜಧಾನಿ ನಗರವಾದ ಕೊಲ್ಕತ್ತಾ ನಗರದ ಅಶುತೋಷ್ ಚೌಧುರಿ ಅವೆನ್ಯೂನಲ್ಲಿರುವ ರಾಧಾ-ಕೃಷ್ಣರಿಗೆ ಮುಡಿಪಾದ ಬಿರ್ಲಾ ಮಂದಿರ ಇದಾಗಿದೆ. 1970 ರಲ್ಲೆ ಈ ದೇವಾಲಯ ನಿರ್ಮಾಣದ ಕಾಮಗಾರಿ ಆರಂಭವಾದರೂ ಸಂಪೂರ್ಣವಾಗಿ ಈ ದೇವಾಲಯದ ನಿರ್ಮಾಣ ಪೂರ್ಣಗೊಂಡಿದ್ದು 1996 ರಲ್ಲಿ.

ಚಿತ್ರಕೃಪೆ: Supriya.ratnaparkhi

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಆಕರ್ಷಕ ವಾಸ್ತುಶೈಲಿ ಹೊಂದಿರುವ ಈ ಬಿರ್ಲಾ ಮಂದಿರ ನೋಡಲು ವಿಶಾಲ ಹಾಗೂ ಭವ್ಯವಾಗಿದ್ದು ನಿತ್ಯವೂ ನೂರಾರು ಸಂಖ್ಯೆಯಲ್ಲಿ ಭಕ್ತಾದಿಗಳು ಹಾಗೂ ಪ್ರವಾಸಿಗರಿಂದ ಭೇಟಿ ನೀಡಲ್ಪಡುತ್ತದೆ. ಕೃಷ್ಣ ಜನ್ಮಾಷ್ಟಮಿಯ ದಿನದಂದು ಈ ದೇವಾಲಯಕ್ಕೆ ಅಪಾರ ಪ್ರಮಾಣದಲ್ಲಿ ಭಕ್ತರು ಭೇಟಿ ನೀಡುತ್ತಾರೆ ಹಾಗೂ ಉತ್ಸವವನ್ನು ಬಲು ಅದ್ದೂರಿಯಾಗಿ ಇಲ್ಲಿ ಆಚರಿಸಲಾಗುತ್ತದೆ.

ಚಿತ್ರಕೃಪೆ: Kolkatan

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಬಿಟ್ಸ್ ಪಿಲನಿ : ರಾಜಸ್ಥಾನದ ಶೇಖಾವತಿ ಪ್ರದೇಶದ ಝುಂಝುನು ಜಿಲ್ಲೆಯ ವ್ಯಾಪ್ತಿಯಲ್ಲಿರುವ ಪಿಲನಿ ತನ್ನಲ್ಲಿರುವ ಅಪಾರ್ಅ ಜನಪ್ರೀಯತೆ ಹಾಗೂ ಪ್ರತಿಷ್ಠಿತವಾದ ರಾಷ್ಟ್ರೀಯ ತಾಂತ್ರಿಕ ವಿದ್ಯಾಲಯವಾದ ಬಿರ್ಲಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಾಜಿ ಆಂಡ್ ಸೈನ್ಸ್ ಶೈಕ್ಷಣಿಕ ಸಂಸ್ಥೆಯಿಂದ ಹೆಸರುವಾಸಿಯಾಗಿದೆ. ಖಾಸಗಿಯಾದ ಈ ಶೈಕ್ಷಣಿಕ ಸಂಸ್ಥೆಯ ಆವರಣದಲ್ಲಿರುವ ಬಿರ್ಲಾ ಮಂದಿರವು ಸಾಕಷ್ಟು ಸುಂದರವಾಗಿದೆ. ವಿಶೇಷವೆಂದರೆ ಜ್ಞಾನ ನೀಡುವ ಕೇಂದ್ರದಲ್ಲಿರುವ ಕಾರಣ ಈ ಬಿರ್ಲಾ ಮಂದಿರವು ಸರಸ್ವತಿ ದೇವಿಗೆ ಮುಡಿಪಾದ ದೇವಾಲಯವಾಗಿದೆ.

ಚಿತ್ರಕೃಪೆ: Vinwe

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಜೈಪುರ್ : ರಾಜಸ್ಥಾನದ ಜೈಪುರ್ ಪಟ್ಟಣದಲ್ಲಿರುವ ಸುಂದರವಾದ ಬಿರ್ಲಾ ಮಂದಿರ ಇದಾಗಿದೆ. ಇದನ್ನು ಲಕ್ಷ್ಮಿ-ನಾರಾಯಣ ದೇವಾಲಯ ಎಂದೆ ಕರೆಯುತ್ತಾರೆ. ಮೋತಿ ಡೊಂಗ್ರಿ ಬೆಟ್ಟ ಕೋತೆಯ ಕೆಳಗೆ ಎತ್ತರವಾದ ಭೂಪ್ರದೇಶದ ಮೇಲೆ ಈ ದೇವಲಯದ ನಿರ್ಮಾಣ ಮಾಡಲಾಗಿದೆ.

ಚಿತ್ರಕೃಪೆ: Arjuncm3

ಪ್ರಖ್ಯಾತ ಬಿರ್ಲಾ ಮಂದಿರಗಳು:

1988 ರಲ್ಲಿ ನಿರ್ಮಿಸಲಾದ ಈ ದೇವಾಲಯ ಜೈಪುರದ ಪ್ರಮುಖ ಪ್ರವಾಸಿ ಆಕರ್ಷಣೆಗಳಲ್ಲಿ ಒಂದಾಗಿದೆ. ಈ ವಿಶಾಲ ಹಾಗೂ ಭವ್ಯವಾದ ದೇವಾಲಯ ಅದ್ಭುತವಾಗಿ ನಿರ್ಮಿತವಾಗಿದ್ದು ರಾತ್ರಿಯ ಸಮಯದಲ್ಲಿ ದಿಪಗಲಿಂದ ಇದನ್ನು ಬೆಳಗಿಸಿದಾಗ ಅದರ ಅಂದ-ಚೆಂದ ನೋಡಲು ಎರಡು ಕಣ್ಣುಗಳೂ ಸಾಕಾಗದು.

ಚಿತ್ರಕೃಪೆ: wikimedia

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಶಹಾದ್: ಮಹಾರಾಷ್ಟ್ರದ ಥಾಣೆ ಜಿಲ್ಲೆಯಲ್ಲಿರುವ ಶಹಾಡ್ ಒಂದು ಪಟ್ಟಣವಾಗಿದ್ದು ಇದು ತನ್ನಲ್ಲಿರುವ ಬಿರ್ಲಾ ಮಂದಿರದಿಂದಾಗಿ ಹೆಸರುವಾಸಿಯಾಗಿದೆ. ವಿಶೇಷವೆಂದರೆ ಈ ಬಿರ್ಲಾ ಮಂದಿರವು ವಿಠೋಬ (ವಿಠ್ಠಲ) ದೇವರಿಗೆ ಮುಡಿಪಾದ ದೇವಾಲಯವಾಗಿದ್ದು ಈ ತಾಣದಲ್ಲಿ ಸಾಕಷ್ಟು ಹೆಸರುವಾಸಿಯಾದ ಹಿಂದಿ ಚಿತ್ರಗಳ ಚಿತ್ರೀಕರಣಗಳು ನಡೆದಿವೆ.

ಚಿತ್ರಕೃಪೆ: wikipedia

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ಭೋಪಾಲ: ಮಧ್ಯ ಪ್ರದೇಶ ರಾಜ್ಯದ ರಾಜಧಾನಿ ನಗರವಾದ ಭೋಪಾಲಿನಲ್ಲಿರುವ ಬಿರ್ಲಾ ಮಂದಿರವು ಲಕ್ಷಿ-ನಾರಾಯಣರಿಗೆ ಮುಡಿಪಾದ ಭವ್ಯ ಹಾಗೂ ಆಕರ್ಷಕವಾದ ದೇವಾಲಯವಾಗಿದೆ. ನಗರದಲ್ಲಿರುವ ಚಿಕ್ಕ ಕೆರೆಯ ದಕ್ಷಿಣಕ್ಕೆ ಈ ದೇವಾಲಯವಿದ್ದು ದಿನವೂ ಅಪಾರ ಸಮ್ಖ್ಯೆಯಲ್ಲಿ ಜನರಿಂದ ಭೇಟಿ ನೀಡಲ್ಪಡುತ್ತದೆ.

ಚಿತ್ರಕೃಪೆ: Bernard Gagnon

ಪ್ರಖ್ಯಾತ ಬಿರ್ಲಾ ಮಂದಿರಗಳು:

ಬಿರ್ಲಾ ಮಂದಿರ, ವರಾಣಸಿ: ಕಾಶಿ ಎಂತಲೂ ಕರೆಯಲ್ಪಡುವ ಪ್ರಖ್ಯಾತ ಧಾರ್ಮಿಕ ಪ್ರವಾಸಿ ತಾಣವಾದ ಉತ್ತರ ಪ್ರದೇಶದ ವರಾಣಸಿಯಲ್ಲಿ ವಿಶ್ವನಾಥನ ಈ ಹೊಸ ದೇವಾಲಯವಿದೆ. ಹಿಂದು ಬನಾರಸ್ ವಿಶ್ವವಿದ್ಯಾನಿಲಯದ ಆವರಣದಲ್ಲಿ ಶಿವನಿಗೆ ಮುಡಿಪಾದ ಈ ಭವ್ಯ ದೇವಾಲಯವಿದ್ದು ಉತ್ತರ ಪ್ರದೇಶದಲ್ಲೆ ಅತಿ ಎತ್ತರವಾದ ದೇವಾಲಯ ಗೋಪುರ ಹೊಂದಿದೆ.

ಚಿತ್ರಕೃಪೆ: Kuber Patel, Rosehub