ದೀಪಾವಳಿ ಸಮಯದಲ್ಲಿ ಟಿಕೆಟ್ ಸಿಗದಿದ್ದರೆ ಇಲ್ಲಿದೆ ಪರಿಹಾರ..ಯಾವ ರೈಲಿನಲ್ಲಿ ಕನ್ಫರ್ಮ್ ಸೀಟ್ ಪಡೆಯಬಹುದು?

ದೇಶದಲ್ಲಿ ಮುಂಬರುವ ಅದ್ದೂರಿ ಹಬ್ಬಗಳೆಂದರೆ ಅದು ದೀಪಾವಳಿ ಮತ್ತು ಛಾತ್. ಜೀವನೋಪಾಯಕ್ಕಾಗಿ ಮನೆಯಿಂದ ಹೊರಗೆ ಬಂದು ವಾಸಿಸುವ ಜನರೂ ಹಬ್ಬ ಹರಿದಿನಗಳಂದು ಮನೆಗೆ ತೆರಳಿ ತಮ್ಮ ಆತ್ಮೀಯರೊಂದಿಗೆ ಹಬ್ಬ ಆಚರಿಸಲು ಬಯಸುತ್ತಾರೆ. ಇದಕ್ಕಾಗಿ ಅವರು ಮುಂಚಿತವಾಗಿ ಪೂರ್ವ ತಯಾರಿ ಸಹ ಮಾಡಿಕೊಳ್ಳುತ್ತಾರೆ. ಆದರೆ ಕಾರಣಾಂತರಗಳಿಂದ ತಡವಾಗಿ ಬಂದು ಕನ್ಫರ್ಮ್ ಸೀಟು ಸಿಗದೇ ಪರದಾಡುವವರ ಸಂಖ್ಯೆಯೇ ಹೆಚ್ಚು. ಆದರೆ ನೀವಿದಕ್ಕೆ ಹೆಚ್ಚು ಚಿಂತಿಸುವ ಅಗತ್ಯವಿಲ್ಲ. ಇದಕ್ಕಾಗಿ ರೈಲ್ವೆ ಹೆಚ್ಚುವರಿ ವ್ಯವಸ್ಥೆಗಳನ್ನು ಮಾಡಿದೆ. ಅದರ ಲಾಭವನ್ನು ಹೇಗೆ ಪಡೆಯಬೇಕೆಂದು ನಾವು ನಿಮಗೆ ತಿಳಿಸುತ್ತೇವೆ.

ಹಬ್ಬದ ದಿನಗಳಲ್ಲಿ ಸೀಟ್‌ ಸಿಗುವುದೇ ಹರಸಾಹಸ. ಕೌಂಟರ್ ತೆರೆದ ಕೆಲವೇ ಸಮಯದಲ್ಲಿ ಬುಕ್ಕಿಂಗ್ ನಿಲ್ಲುವ ಪರಿಸ್ಥಿತಿ ನಿರ್ಮಾಣವಾಗುತ್ತದೆ. ಆದ್ದರಿಂದ, ಭಾರತೀಯ ರೈಲ್ವೆಯು ಇಂತಹ ಪ್ರಯಾಣಿಕರಿಗಾಗಿ ಹಬ್ಬಗಳ ಸಮಯದಲ್ಲಿ ವಿಶೇಷ ರೈಲುಗಳನ್ನು ನಡೆಸುತ್ತದೆ. ಅಂದರೆ ರೈಲುಗಳ ಸಂಖ್ಯೆಯನ್ನು, ತ್ವರಿತ ಬುಕಿಂಗ್ ಆಯ್ಕೆಗಳನ್ನು ಸಹ ಹೆಚ್ಚಿಸಲಾಗುತ್ತದೆ. ಈ ಮೂಲಕ ಪ್ರಯಾಣಿಕರು ಸೀಟುಗಳನ್ನು ಪಡೆಯಬಹುದು. ಈ ವರ್ಷದ ದೀಪಾವಳಿಯಂದು ಪ್ರಯಾಣಿಕರಿಗಾಗಿ ವ್ಯವಸ್ಥೆ ಮಾಡಿದ ಅಂತಹ ಕೆಲವು ರೈಲುಗಳ ಬಗ್ಗೆ ಇಂದಿನ ಲೇಖನದಲ್ಲಿ ನೋಡೋಣ. ಇದರಲ್ಲಿ ನೀವು ತ್ವರಿತ ಬುಕಿಂಗ್‌ ಟ್ರೈ ಮಾಡಬಹುದು.

ಯಾವ ರೈಲುಗಳಲ್ಲಿ ತ್ವರಿತ ಬುಕಿಂಗ್ ಸುಲಭವಾಗಿ ಲಭ್ಯ?

ದೆಹಲಿ-ಪಾಟ್ನಾ ಸೂಪರ್‌ಫಾಸ್ಟ್ ಫೆಸ್ಟಿವಲ್ ಸ್ಪೆಷಲ್ ಎಕ್ಸ್‌ಪ್ರೆಸ್ - ದೆಹಲಿಯಿಂದ ಅಕ್ಟೋಬರ್ 24 ಮತ್ತು 31 ರಂದು ಹೊರಡಲಿದೆ.

ನವದೆಹಲಿ-ಬರೌನಿ ಫೆಸ್ಟಿವಲ್ ಸ್ಪೆಷಲ್‌ ಟ್ರೈನ್ - ದೆಹಲಿಯಿಂದ ಅಕ್ಟೋಬರ್ 27, 30 ಮತ್ತು ನವೆಂಬರ್‌ನಲ್ಲಿ 02, 05 ರಂದು ಹೊರಡಲಿದೆ.

ನವದೆಹಲಿಯಿಂದ ಸ್ಪೆಷಲ್‌ ವಂದೇ ಭಾರತ್ ಟ್ರೈನ್ - ದೆಹಲಿಯಿಂದ ಅಕ್ಟೋಬರ್ 30, ನವೆಂಬರ್ 1, 3 ಮತ್ತು 6 ರಂದು ಹೊರಡಲಿದೆ.

ತೇಜಸ್ ಟ್ರೈನ್‌ ನಂ 02248 ನವದೆಹಲಿಯಿಂದ ಪಾಟ್ನಾಗೆ - ದೆಹಲಿಯಿಂದ ಅಕ್ಟೋಬರ್ 31, ನವೆಂಬರ್ 2 ಮತ್ತು ನವೆಂಬರ್ 5 ರಂದು ಹೊರಡಲಿದೆ.

LTT ಮುಂಬೈ-ಬನಾರಸ್ ಸಾಪ್ತಾಹಿಕ್ ಸ್ಪೆಷಲ್‌ ಟ್ರೈನ್ - ಮುಂಬೈನಿಂದ ಮಧ್ಯಾಹ್ನ 12 ಗಂಟೆಗೆ ಹೊರಡಲಿದೆ.

LTT ಮುಂಬೈ-ಬನಾರಸ್ ಸಾಪ್ತಾಹಿಕ್ ಸ್ಪೆಷಲ್‌ ಟ್ರೈನ್ - ಬನಾರಸ್‌ನಿಂದ ರಾತ್ರಿ 8:30 ಕ್ಕೆ ಹೊರಟು ಮುಂಬೈ ತಲುಪಲಿದೆ.

LTT-ದಾನಾಪುರ ದ್ವಿ- ಸಾಪ್ತಾಹಿಕ್ ಸ್ಪೆಷಲ್‌ ಟ್ರೈನ್ - ಮುಂಬೈನಿಂದ ಮಧ್ಯಾಹ್ನ 12 ಗಂಟೆಗೆ ಹೊರಟು ದಾನಪುರ ತಲುಪಲಿದೆ.

ತತ್ಕಾಲ್ ಟಿಕೆಟ್ ಬುಕಿಂಗ್‌ಗೆ ಪ್ರಯಾಣಿಕರು ಈ ಎಲ್ಲಾ ರೈಲುಗಳಲ್ಲಿ ಟಿಕೆಟ್ ಕಾಯ್ದಿರಿಸುವ ಆಯ್ಕೆಯನ್ನು ಪಡೆಯುತ್ತಾರೆ. ಹಾಗಾಗಿ ತತ್ಕಾಲ್ ಬುಕ್ಕಿಂಗ್ ಸಮಯದಲ್ಲಿ ಯಾವುದೇ ರೈಲಿನಲ್ಲಿ ಸೀಟು ಸಿಗದಿದ್ದರೆ ಇನ್ನೊಂದು ರೈಲಿನಲ್ಲಿ ಟಿಕೆಟ್ ಬುಕ್ ಮಾಡಬಹುದು. ಇದರಿಂದ ನೀವು ಛಾತ್ ಮತ್ತು ದೀಪಾವಳಿಯಂದು ನಿಮ್ಮ ಪ್ರೀತಿಪಾತ್ರರ ಬಳಿ ತಲುಪಬಹುದು.

ಎಷ್ಟು ದಿನ ಮುಂಚಿತವಾಗಿ ನೀವು ತತ್ಕಾಲ್ ಬುಕಿಂಗ್ ಮಾಡಬಹುದು?

ಮೊದಲನೆಯದಾಗಿ, ರೈಲು ಹೊರಡುವ ಒಂದು ದಿನದ ಮೊದಲು ಮಾತ್ರ ನೀವು ತತ್ಕಾಲ್ ಟಿಕೆಟ್‌ಗಳನ್ನು ಬುಕ್ ಮಾಡಲು ಸಾಧ್ಯವಾಗುತ್ತದೆ. ನೀವು ತತ್ಕಾಲ್ ಟಿಕೆಟ್‌ಗಳನ್ನು 1 ತಿಂಗಳು ಮುಂಚಿತವಾಗಿ ಅಥವಾ 2 ತಿಂಗಳು ಮುಂಚಿತವಾಗಿ ಬುಕ್ ಮಾಡಲು ಯೋಚಿಸುತ್ತಿದ್ದರೆ ಅದು ಸಾಧ್ಯವಿಲ್ಲ. ಉದಾಹರಣೆಗೆ, ನೀವು ಅಕ್ಟೋಬರ್ 31 ಕ್ಕೆ ರೈಲು ಟಿಕೆಟ್ ಬುಕ್ ಮಾಡುತ್ತಿದ್ದರೆ, ಅಕ್ಟೋಬರ್ 30 ರಂದು ಮಾತ್ರ ತತ್ಕಾಲ್ ಅನ್ನು ಬುಕ್ ಮಾಡಬೇಕಾಗುತ್ತದೆ. ನೀವು ಸಮಯಕ್ಕೆ ಸರಿಯಾಗಿ ಟಿಕೆಟ್ ಕಾಯ್ದಿರಿಸದಿದ್ದರೆ ಈ ಅವಕಾಶವನ್ನು ಸಹ ಕಳೆದುಕೊಳ್ಳುತ್ತೀರಿ. ನೀವು ತಪ್ಪಾದ ರೈಲಿನಲ್ಲಿ ಟಿಕೆಟ್ ಕಾಯ್ದಿರಿಸಿದರೆ, ಭಾರತೀಯ ರೈಲ್ವೇ ಪ್ರತಿ ಕೋಚ್‌ಗೆ ವಿಭಿನ್ನ ಟಿಕೆಟ್ ರದ್ದತಿ ನಿಯಮಗಳನ್ನು ಹೊಂದಿದೆ ಎಂಬುದನ್ನು ನೆನಪಿನಲ್ಲಿಡಿ.

ತತ್ಕಾಲ್ ಬುಕಿಂಗ್ ಯಾವಾಗ ಮಾಡಬಹುದು?

ತತ್ಕಾಲ್ ಬುಕಿಂಗ್ ಸಮಯವು ರೈಲು ಹೊರಡುವ ಒಂದು ದಿನ ಮೊದಲು. ಭಾರತೀಯ ರೈಲ್ವೇ ಇದಕ್ಕೆ ಸಮಯ ನಿಗದಿ ಮಾಡಿದೆ. ನೀವು ಆನ್‌ಲೈನ್‌ನಲ್ಲಿ, ಏಜೆಂಟ್‌ಗಳ ಮೂಲಕ ಮತ್ತು ರೈಲ್ವೆ ನಿಲ್ದಾಣದಲ್ಲಿರುವ ಕೌಂಟರ್‌ಗೆ ಭೇಟಿ ನೀಡುವ ಮೂಲಕ ಟಿಕೆಟ್‌ಗಳನ್ನು ಬುಕ್ ಮಾಡಬಹುದು. ನೀವು ಸ್ಲೀಪರ್ ಕೋಚ್‌ನಲ್ಲಿ ಟಿಕೆಟ್ ಕಾಯ್ದಿರಿಸಲು ಬಯಸಿದರೆ, ತತ್ಕಾಲ್ ಬುಕಿಂಗ್ ಕೌಂಟರ್ ಬೆಳಗ್ಗೆ 11 ಗಂಟೆಗೆ ತೆರೆಯುತ್ತದೆ. ಅದೇ ಸಮಯದಲ್ಲಿ, ಎಸಿ ಕೋಚ್‌ಗಳಿಗೆ ತತ್ಕಾಲ್ ಬುಕಿಂಗ್ ಕೌಂಟರ್ ಬೆಳಗ್ಗೆ 11 ಗಂಟೆಗೆ ತೆರೆಯುತ್ತದೆ. ಏಜೆಂಟರು ಟಿಕೆಟ್ ಕಾಯ್ದಿರಿಸುತ್ತಿದ್ದರೆ, ಕೌಂಟರ್ ತೆರೆದ ಅರ್ಧ ಗಂಟೆಯವರೆಗೂ ಬುಕ್ ಮಾಡಲು ಸಾಧ್ಯವಾಗುವುದಿಲ್ಲ ಎಂಬುದನ್ನು ನೆನಪಿನಲ್ಲಿಡಿ. ಏಕೆಂದರೆ, ಅವಕಾಶ ಸಿಕ್ಕರೆ ಒಂದೇ ಬಾರಿಗೆ ಹೆಚ್ಚಿನ ಟಿಕೆಟ್‌ಗಳನ್ನು ಬುಕ್ ಮಾಡುತ್ತಾರೆ.