ಇಲಿಯ ಬಾಲವನ್ನು ಹೋಲುವ ಜಲಪಾತವನ್ನು ಕಂಡಿದ್ದಿರಾ?

ಎಲ್ಲಿದೆ ಈ ಜಲಪಾತ

PC: Marcus334
ಕೊಡೈಕೆನಾಲ್‌ನಿಂದ 40 ಕಿ.ಮೀ ಮತ್ತು ಚೆನ್ನೈನಿಂದ 485 ಕಿ.ಮೀ ದೂರದಲ್ಲಿ, ತಲೈಯಾರ್ ಜಲಪಾತವು ರ‍್ಯಾ ಟ್ ಟೈಲ್ ಅಂದರೆ ಇಲಿಯ ಬಾಲ ಎಂದೂ ಜಲಪಾತವೆಂದೂ ಕರೆಯಲ್ಪಡುತ್ತದೆ. ತಮಿಳುನಾಡಿನಲ್ಲಿ ಅತೀ ದೊಡ್ಡ ಜಲಪಾತಗಳು ಮತ್ತು ಭಾರತದಲ್ಲೇ ಮೂರನೇ ಅತೀ ದೊಡ್ಡ ಜಲಪಾತ ಇದಾಗಿದೆ. ಕೊಡೈಕೆನಾಲ್ ಸಮೀಪ ಚಾರಣ ಮಾಡಲು ಇದು ಒಂದು ಜನಪ್ರಿಯ ತಾಣವಾಗಿದೆ.

975 ಅಡಿ ಎತ್ತರದ ಜಲಪಾತ

PC:Barbaragailblock
975 ಅಡಿ ಎತ್ತರವಿರುವ ಈ ಜಲಪಾತವು ದತ್ಗಿಲ್ ಕಡೆಗೆ ಘಾಟ್ ರಸ್ತೆಗೆ ದೂರದಿಂದಲೇ ಗೋಚರಿಸುತ್ತದೆ. ಸಾಮಾನ್ಯ ಜನರಿಗೆ ಈ ಜಲಪಾತವು ಪ್ರವೇಶಿಸಲಾಗುವುದಿಲ್ಲ ಎಂದು ಪರಿಗಣಿಸಲಾಗಿದೆ, ಏಕೆಂದರೆ ಇದಕ್ಕೆ ಯಾವುದೇ ಪ್ರವೇಶ ಮಾರ್ಗವಿಲ್ಲ. ಆದಾಗ್ಯೂ, ಕೊಡೈಕೆನಾಲ್ನಿಂದ ಘಾಟ್ ರಸ್ತೆಯ 34 ಕಿ.ಮೀ. ರಸ್ತೆ ಪ್ರಯಾಣದ ನಂತರ 6 ಕಿಲೋಮೀಟರ್ ಚಾರಣದೊಂದಿಗೆ ಈ ಜಲಪಾತವನ್ನು ತಲುಪಬಹುದು. ಚಾರಣ ಅವಧಿಯು ಸುಮಾರು 2-3 ಗಂಟೆಗಳ ಒಂದು ಮಾರ್ಗವಾಗಿದೆ.

ಇಲಿ ಬಾಲ ಆಕಾರದಲ್ಲಿನ ಜಲಪಾತ

PC: Barbara Gail Block
ಫಾಲ್ಸ್‌ನ ತುದಿಯಲ್ಲಿ ನೀರಿನ ಇಳಿಜಾರು ಕೇಂದ್ರೀಕರಿಸುವ ಎರಡೂ ಕಡೆಗಳಲ್ಲಿ ಕಡಿಮೆ ಕಾಂಕ್ರೀಟ್ ಗೋಡೆಯು ಫಾಲ್ಸ್ ಅನ್ನು ಉತ್ತಮ ಇಲಿ ಬಾಲ ಆಕಾರದಲ್ಲಿ ಕೇಂದ್ರೀಕರಿಸುತ್ತದೆ. ಗೋಡೆಯ ಉದ್ದಕ್ಕೂ ನಡೆಯುತ್ತಾ ಜಲಪಾತದ ಕೇಂದ್ರದ ಬಳಿ ಹೋಗಬಹುದು. ಪೆರುಮಾಲ್ ಮಲೈ ಹಳ್ಳಿಯಿಂದ ಬರುವ ನದಿ ನೀರು ಈ ಜಲಪಾತದ ನೀರನ್ನು ಮಾಲಿನ್ಯಗೊಳಿಸಬಹುದು, ಹಾಗಾಗಿ ಈ ಪ್ರದೇಶಕ್ಕೆ ಭೇಟಿ ನೀಡುವವರು ಈ ನೀರನ್ನು ಕುಡಿಯದಿರುವಂತೆ ಸಲಹೆ ನೀಡಲಾಗುತ್ತದೆ. ಇಲ್ಲಿನ ನೀರನ್ನು ಕಲುಷಿತವೆಂದು ಪರಿಗಣಿಸಲಾಗುತ್ತದೆ ಮತ್ತು ಇಲ್ಲಿ ಸ್ನಾನ ಮಾಡುವುದನ್ನು ತಪ್ಪಿಸುವುದು ಉತ್ತಮ.

ತಲುಪುವುದು ಹೇಗೆ?

ಕೊಡೈಕೆನಾಲ್‌ನಿಂದ ದಂಡಿಗಲ್ / ಮಧುರೈ ಬಸ್ಸುಗಳನ್ನು ಹಿಡಿಯಬಹುದು, 34 ಕಿಮೀಗಳ ನಂತರ ಘಾಟ್ ರಸ್ತೆಯ ಕೆಳಗೆ ಇಳಿದು ಇಲ್ಲಿಂದ ಜಲಪಾತಕ್ಕೆ ಚಾರಣ ಮಾಡಬಹುದು. ಚಿಹ್ನೆ ಫಲಕಗಳು ಇಲ್ಲ ಆದರೆ ಕೊಡೈಕೆನಾಲ್‌ಗೆ 34 ಕಿ.ಮೀ ದೂರವನ್ನು ತೋರಿಸುವ ಮೈಲಿ ಕಲ್ಲು ಇದೆ.

ಮಂಜಲರ್ ಅಣೆಕಟ್ಟಿನಿಂದ ಚಾರಣ

PC: Mprabaharan
ರ‍್ಯಾಟ್ ಟೈಲ್ ಜಲಪಾತಕ್ಕೆ ಸಾರ್ವಜನಿಕರಿಗೆ ಪ್ರವೇಶಿಸಲಾಗುವುದಿಲ್ಲ, ಏಕೆಂದರೆ ಇದಕ್ಕೆ ಯಾವುದೇ ರಸ್ತೆ ಇಲ್ಲ. ಜಲಪಾತದ ಮೇಲ್ಭಾಗಕ್ಕೆ ಹೋಗುವಾಗ ಪಾದಯಾತ್ರಿಕರು ಜಾಗರೂಕರಾಗಿರಬೇಕು . ಶುಷ್ಕ ಋತುವಿನಲ್ಲಿ ಜಲಪಾತದ ಕೆಳಭಾಗದಲ್ಲಿ ಮಂಜಲರ್ ಅಣೆಕಟ್ಟಿನಿಂದ ಚಾರಣವನ್ನು ಪ್ರಾರಂಭಿಸಲು ಸಾಧ್ಯವಿದೆ. ಈ ಚಾರಣವು ಮಂಜಳಾರ್ ಜಲಾಶಯದ ಸುತ್ತ ಮಾವು ತೋಟಗಳು ಮತ್ತು ಆಲೂಗೆಡ್ಡೆ ಕ್ಷೇತ್ರಗಳ ಮೂಲಕ ಹಾದುಹೋಗುತ್ತದೆ.

ಕಾಮಾಕ್ಷಿ ದೇವಿ ದೇವಾಲಯ

PC: Barbara Gail Block
ಇಲ್ಲಿ ಕಾಮಾಕ್ಷಿ ದೇವತೆಗೆ ಮೀಸಲಾಗಿರುವ ಸಣ್ಣ ದೇವಾಲಯವಿದೆ. ದಂತಕಥೆಯ ಪ್ರಕಾರ ಕಾಮಾಕ್ಷಿ ಇಲ್ಲಿ ಬಿದಿರು ಪೊದೆಯಲ್ಲಿರುವ ಜಲಪಾತದ ಪಾದದಲ್ಲಿ ಹುಟ್ಟಿದ್ದು, ಆದ್ದರಿಂದ ಅವರನ್ನು ಮೂನ್ಕಿಳನೈ ಕಾಮಾಕ್ಷಿ ಎಂದು ಕರೆಯಲಾಗುತ್ತದೆ. ಈ ಸ್ಥಳವನ್ನು ಅಮ್ಮ ಮಚ್ಚು ಎಂದು ಕರೆಯಲಾಗುತ್ತದೆ.