Click it and Unblock the Notifications
ಇಲ್ಲಿ ಎಷ್ಟೇ ಬಿಸಿಲಿದ್ದರೂ ಕೂಡ ವರ್ಷಪೂರ್ತಿ ನೀರು ಚಿಮ್ಮುತ್ತದೆ ಮತ್ತು ಈ ಜಾಗದಲ್ಲಿ ರಾಮ ನೆಲೆಸಿದ್ದನು ಎಂಬ ಮಾತಿದೆ. ಹಾಗಾದರೆ ಯಾವುದೀ ಜಾಗ, ಎಲ್ಲಿದೆ ಮತ್ತು ತಲುಪುವುದು ಹೇಗೆ ಎಂಬ ಎಲ್ಲಾ ಮಾಹಿತಿಯನ್ನು ಇಲ್ಲಿ ತಿಳಿಯಿರಿ.
PC : Wikipedia
ಒಂದಾನೊಂದು ಕಾಲದಲ್ಲಿ ರಾಮ, ಸೀತೆ, ಲಕ್ಷ್ಮಣರು ತಮ್ಮ ವನವಾಸದಲ್ಲಿ ಇಂದಿನ ನಾಮದ ಚಿಲುಮೆಯನ್ನು ತಮ್ಮ ಹಳ್ಳಕೊಳ್ಳಗಳಲ್ಲಿ ಒಂದಾಗಿಸಿಕೊಂಡಿದ್ದರು. ಇಲ್ಲಿ ತಂಗಿದ್ದ ಸಮಯದಲ್ಲಿ ಒಂದು ದಿನ ರಾಮನು ತನ್ನ ಹಣೆಗೆ ತಿಲಕವನ್ನು ಹಚ್ಚಲು ನೀರನ್ನು ಹುಡುಕಲು ಹೊರಟನು. ನೀರಿಗಾಗಿ ದೀರ್ಘ ಮತ್ತು ಪ್ರಯಾಸಕರ ಹುಡುಕಾಟ ನಡೆಸುತ್ತಿರುವ ಸಮಯದಲ್ಲಿ ಆ ಒರಟು ಭೂಪ್ರದೇಶದಲ್ಲಿ ನೀರು ಸಿಗಲಿಲ್ಲ. ಆದ್ದರಿಂದ ರಾಮನು ಹುಡುಕಾಟವನ್ನು ನಿಲ್ಲಿಸಲು ನಿರ್ಧರಿಸಿದನು ಮತ್ತು ನೀರಿನ ಮೂಲವನ್ನು ಏಕೆ ರಚಿಸಬಾರದು ಎಂದು ಆಲೋಚಿಸಿದನು? ನಂತರ ಒಂದು ಬಂಡೆಯ ಮೇಲೆ ಬಾಣವನ್ನು ಹೊಡೆದನು ನಂತರ ಆ ಬಂಡೆಯಲ್ಲಿ ರಂಧ್ರವು ಮೂಡಿ ನೀರು ಹೊರಹೊಮ್ಮಿತು. ಆ ನೀರನ್ನು ತೆಗೆದುಕೊಂಡು ರಾಮನು ತನ್ನ ಹಣೆಗೆ ನಾಮವನ್ನು ಧರಿಸಿದನಂತೆ. ಹಾಗಾಗಿ ಈ ಚಿಲುಮೆಗೆ ನಾಮದ ಚಿಲುಮೆ ಅಥವಾ 'ತಿಲಕ ವಸಂತ' ಎಂದು ಹೆಸರು ಬಂದಿದೆ. ನಾಮ ಎಂದರೆ ತಿಲಕ ಮತ್ತು ಚಿಲುಮೆ ಎಂದರೆ ವಸಂತ ಎಂಬರ್ಥವಿದೆ. ವರ್ಷವಿಡೀ ಎಂತಹದೇ ಬಿಸಿಲಿದ್ದರೂ ಕೂಡ ಇಲ್ಲಿ ನೀರು ಬರುತ್ತದೆ ಎಂಬುದು ವಿಶೇಷ ಸಂಗತಿ ಕೂಡ
ಇಲ್ಲಿ ಏನೆಲ್ಲಾ ಇದೆ ? :
ನಾಮದ ಚಿಲುಮೆಯಲ್ಲಿ ಒಂದು ಸಣ್ಣ ಮ್ರಗಾಲಯವಿದ್ದು ಅದರಲ್ಲಿ ಜಿಂಕೆ, ಕವಡೆ ಇತ್ಯಾದಿ ಪ್ರಾಣಿಗಳಿವೆ. ತಂಪಾದ ಗಾಳಿ, ಉತ್ತಮ ಮರಗಳು, ತುಂಟ ಕೊತಿಗಳು, ಬಣ್ಣ ಬಣ್ಣದ ಪಕ್ಷಿಗಳೀದ್ದು, ವಾರಾಂತ್ಯ ಕಳೆಯಲು ಇದೊಂದು ಉತ್ತಮ ಸ್ಥಳವಾಗಿದೆ.
ಭೇಟಿ ನೀಡುವ ಸಮಯ :
ವರ್ಷದಲ್ಲಿ ಜನವರಿಯಿಂದ ಡಿಸೆಂಬರ್ ತಿಂಗಳಲ್ಲಿ ಯಾವಾಗಲಾದರೂ ಈ ಜಾಗಕ್ಕೆ ಭೇಟಿ ನೀಡಬಹುದು.
ಪ್ರತಿದಿನ ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 5ರ ವರೆಗೆ ವೀಕ್ಷಣೆಗೆ ಅವಕಾಶವಿರುತ್ತದೆ. ಆದರೆ ಬುಧವಾರ ಮಾತ್ರ ರಾತ್ರಿ 10 ಗಂಟೆಯವರೆಗೆ ಭೇಟಿ ನೀಡಲು ಅವಕಾಶವಿರುತ್ತದೆ.
ಈ ಜಾಗ ಎಲ್ಲಿದೆ ? :
ನಾಮದ ಚಿಲುಮೆ ಹೆಸರೇ ಸೂಚಿಸುವಂತೆ ತುಮಕೂರು ಜಿಲ್ಲೆಯ ದೇವರಾಯನ ದುರ್ಗದ ಸಮೀಪವಿರುವ ಒಂದು ಪ್ರೇಕ್ಷಣೀಯ ಸ್ಥಳ. ಇದು ಬೆಂಗಳೂರಿನಿಂದ ಸರಿಸುಮಾರು 75-80 ಕಿ.ಮೀ. ಮತ್ತು ತುಮಕೂರಿನಿಂದ 14 ಕಿಮೀ ದೂರದಲ್ಲಿದೆ.
ನಾಮದ ಚಿಲುಮೆಯು ಬೆಂಗಳೂರಿನ ಮೆಟ್ರೋ ನಗರಕ್ಕೆ ಹತ್ತಿರದಲ್ಲಿದೆಯಾದರೂ ಸಹ ಇಲ್ಲಿನ ವಾತಾವರಣ ಶಾಂತವಾಗಿದ್ದು, ಉತ್ತಮ ಸಮಯವನ್ನು ಕಳೆಯಬಹುದು. ಈ ಸ್ಥಳವು ದೇವರಾಯನದುರ್ಗ ಮೀಸಲು ಅರಣ್ಯದೊಳಗೆ ಇರುವುದರಿಂದ ಕರ್ನಾಟಕ ಅರಣ್ಯ ಇಲಾಖೆಯು ನಿರ್ವಹಿಸುತ್ತದೆ.
ಇಲ್ಲಿಗೆ ತಲುಪುವುದು ಹೇಗೆ ? :
ಈ ಜಾಗಕ್ಕೆ ಬಸ್ಗಳ ಮೂಲಕವು ಮತ್ತು ಸ್ವಂತ ವಾಹನಗಳಲ್ಲಿ ಕೂಡ ತಲುಪಬಹುದು.
