2023ರ ಹೊಸವರ್ಷ ಜನವರಿಯಲ್ಲಿ ಕರ್ನಾಟಕದ ಈ ಐತಿಹಾಸಿಕ ತಾಣಗಳಿಗೆ ಪ್ರವಾಸ ಮಾಡಲು ಪ್ಲಾನ್ ಮಾಡಿ

ಮೈಸೂರು ಅರಮನೆ, ಮೈಸೂರು

ಮೈಸೂರಿನ ಹೃದಯ ಭಾಗದಲ್ಲಿ ನೆಲೆಸಿದ್ದು ಚಾಮುಂಡಿ ಬೆಟ್ಟಕ್ಕೆ ಮುಖ ಮಾಡಿಕೊಂಡಿರುವ ಅದ್ಬುತ ಮೈಸೂರು ಅರಮನೆಯು ಅತ್ಯಂ ಪ್ರಮುಖವಾದ ಐತಿಹಾಸಿಕ ಸ್ಥಳಗಳಲ್ಲೊಂದೆನಿಸಿದೆ. ಈ ಅರಮನೆಯು ಒಡೆಯರ್ ರಾಜವಂಶದವರ ವಾಸಸ್ಥಾನವಾಗಿದ್ದು, ಕರ್ನಾಟಕದ ಅತ್ಯಂತ ಪ್ರಸಿದ್ದ ಐತಿಹಾಸಿಕ ಸ್ಮಾರಕಗಳಲ್ಲೊಂದೆನಿಸಿದೆ. ಈ ಸ್ಥಳಕ್ಕೆ ಪ್ರತೀವರ್ಷ ಅಂದಾಜು ಎಂಟು ಮಿಲಿಯನ್ ಪ್ರವಾಸಿಗರು ಭೇಟಿ ಕೊಡುತ್ತಾರೆ ಎನ್ನಲಾಗುತ್ತದೆ.

ಬೀದರ್ ಕೋಟೆ, ಬೀದರ್

ಬೀದರ್ ಕೋಟೆಯು ಕರ್ನಾಟಕದ ಐತಿಹಾಸಿಕ ಹೆಗ್ಗುರುತುಗಳಲ್ಲಿ ಒಂದಾಗಿದ್ದು, ದಕ್ಷಿಣ ಭಾರತದ ಸಾಮ್ರಾಜ್ಯಗಳ ಅಪ್ಪಟ ವಾಸ್ತುಶಿಲ್ಪ ಚಾಕಚಕ್ಯತೆಗೆ ಕನ್ನಡಿ ಎನ್ನಬಹುದು. ಈ ಕೋಟೆಯನ್ನು ಈಗ ಅಸಾಧಾರಣವಾದವುಗಳಲ್ಲಿ ಒಂದೆಂದು ಪರಿಗಣಿಸಲಾಗುತ್ತದೆ. ಬೀದರ್ ಕೋಟೆಯ ಮೂಲವು ಇಂದು ಕಳೆದು ಹೋಗಿಎ ಆದರೂ ಈ ಅಸಾಧಾರಣವಾದ ಕೋಟೆಯು ರೋಮಾಂಚಕ ಇತಿಹಾಸವನ್ನು ಕಂಡಿದೆ ಎನ್ನಲಾಗುತ್ತದೆ ಮತ್ತು ಈ ಕೋಟೆಯು ಹಲವಾರು ಸಾಮ್ರಾಜ್ಯಗಳ ಏಳು ಬೀಳುಗಳಿಗೆ ಸಾಕ್ಷಿಯಾಗಿದೆ ಈ ಕೋಟೆ ಕಂಡ ಸಾಮ್ರಾಜ್ಯಗಳಲ್ಲಿ ಕಾಕತಿಯರು, ಚಾಲುಕ್ಯರು, ಸಾತ್ವಹನರು ಮತ್ತು ಯಾದವರು ಸೇರಿದ್ದಾರೆ ಇವರ ಜೊತೆಗೆ ಮೊಘಲರು ಮತ್ತು ನಿಜಾಮರೂ ಸೇರಿದ್ದಾರೆ.

ಬಾದಾಮಿ, ಬಾಗಲ್ ಕೋಟೆ

ಬಾದಾಮಿಯ ಗುಹಾಂತರ ದೇವಾಲಯಗಳ ಸಂಕೀರ್ಣವು ಮತ್ತೊಂದು ಪ್ರೇಕ್ಷಣೀಯ ಸ್ಥಳಗಳಾಗಿವೆ. ಇಲ್ಲಿ ನಾಲ್ಕು ಹಿಂದೂ ಗುಹಾಂತರ ದೇವಾಲಯಗಳಿವೆ ಮತ್ತು ಇದನ್ನು ಮತ್ತು ಇದು 7 ನೇ ಶತಮಾನದಷ್ಟು ಹಿಂದಿನ ಭಾರತೀಯ ರಾಕ್-ಕಟ್ ವಾಸ್ತುಶಿಲ್ಪದ (ಬಾದಾಮಿ ಚಾಲುಕ್ಯ ವಾಸ್ತುಶಿಲ್ಪ) ಒಂದು ಆದರ್ಶ ಸ್ಮಾರಕವೆಂದು ಪರಿಗಣಿಸಲಾಗಿದೆ. ಎಲ್ಲಾ ನಾಲ್ಕು ಗುಹೆ ದೇವಾಲಯಗಳು ವಿವಿಧ ವಿಷಯಗಳನ್ನು ಮತ್ತು ಹಿಂದೂ ದೇವತೆಗಳ ಶಿಲ್ಪಗಳನ್ನು ವಿಹಾರಾರ್ಥಿಗಳಿಗೆ ಅನ್ವೇಷಿಸಲು ಹೊಂದಿವೆ.

ಮೇಲುಕೋಟೆ, ಮಂಡ್ಯಾ

ಮೇಲುಕೋಟೆಯು ಕರ್ನಾಟಕದ ಮಂಡ್ಯಾ ಜಿಲ್ಲೆಯಲ್ಲಿರುವ ಅತ್ಯಂತ ಪವಿತ್ರ ಸ್ಥಳವಾಗಿದೆ. ಯದುಗಿರಿಯ ಬಂಡೆಗಳ ಬೆಟ್ಟದ ಮೇಲೆ ನೆಲೆಸಿರುವ ಮೇಲುಕೋಟೆಯು ಚೆಲುವನಾರಾಯಣ ಸ್ವಾಮಿ ದೇವಾಲಯಕ್ಕೆ ನೆಲೆಯಾಗಿದೆ. ಈ ಪಟ್ಟಣವು ಹಲವಾರು ಕೆರೆಗಳು ಮತ್ತು ದೇವಾಲಯಗಳಿಗೆ ನೆಲೆಯಾಗಿದೆ. ಇದು ಸಾವಿರಾರು ಸಂಸ್ಕೃತ ಮತ್ತು ವೇದದ ಹಸ್ತಪ್ರತಿಗಳ ಸಂಗ್ರಹವನ್ನು ಒಳಗೊಂಡಿರುವ ಅಕಾಡೆಮಿ ಆಫ್ ಸಂಸ್ಕೃತ ರಿಸರ್ಚ್ ಅನ್ನು ಸಹ ಹೊಂದಿದೆ.

ಬೇಲೂರು, ಹಾಸನ

ಯಗಾಚಿ ನದಿ ದಂಡೆಯಲ್ಲಿ ನೆಲೆಸಿರುವ ಬೇಲೂರು ಒಂದು ದೇವಾಲಯ ಪಟ್ಟಣವಾಗಿದೆ ಮತ್ತು ಭಾರತದ ಸಂಸ್ಕೃತಿಯ ಪರಂಪರೆಗೆ ಒಂದು ಕಿರೀಟವಿದ್ದಂತೆ ಇದೆ. ಅತ್ಯದ್ಬುತವಾದ ಚೆನ್ನಕೇಶವ ದೇವಾಲಯ ಈ ದೇವಾಲಯವು ವಿಷ್ಣು ದೇವರಿಗೆ ಸಮರ್ಪಿತವಾದುದಾಗಿದ್ದು ಇಲ್ಲಿಯ ಪ್ರಮುಖ ಆಕರ್ಷಣೆಯಾಗಿದೆ. ಇದನ್ನು ಹೊಯ್ಸಳ ಚಕ್ರವರ್ತಿ ವಿಷ್ಣುವರ್ಧನನ ಪತ್ನಿ ಶಾಂತಲಾದೇವಿಯು ನಿರ್ಮಿಸಿದಳು. ದೇವಾಲಯದ ಸಂಕೀರ್ಣವಾದ ವಾಸ್ತುಶಿಲ್ಪವು ಹಸಿರು ಸಾಬೂನು ಕಲ್ಲಿನಿಂದ ಕೆತ್ತಿದ ಗೋಡೆಗಳನ್ನು ಹೊಂದಿದೆ.

ಬೆಳವಾಡಿ, ಚಿಕ್ಕಮಗಳೂರು

ಮೋಡಿಮಾಡುವ ದೇವಾಲಯಗಳನ್ನು ಹೊಂದಿರುವ ಸಣ್ಣ ಪಟ್ಟಣ, ಬೆಳವಾಡಿ ಕರ್ನಾಟಕದ ಚಿಕ್ಕಮಗಳೂರಿನಲ್ಲಿ ನೆಲೆಗೊಂಡಿದೆ. ಬೆಳವಾಡಿಯ ಆಸುಪಾಸಿನಲ್ಲಿರುವ ಎಲ್ಲಾ ದೇವಾಲಯಗಳು ಹೊಯ್ಸಳ ವಾಸ್ತುಶಿಲ್ಪದಲ್ಲಿ ನಿರ್ಮಿಸಲ್ಪಟ್ಟಿವೆ ಮತ್ತು ಚಕ್ರವ್ಯೂಹದ ಕೆತ್ತನೆಗಳನ್ನು ಹೊಂದಿವೆ. ವಿಷ್ಣುವಿಗೆ ಸಮರ್ಪಿತವಾಗಿರುವ ವೀರನಾರಾಯಣ ದೇವಸ್ಥಾನವು ಅತ್ಯಂತ ಪ್ರಸಿದ್ಧವಾದ ರಚನೆಯಾಗಿದೆ. ದೇವಾಲಯದ ಬಗ್ಗೆ ಒಂದು ಕುತೂಹಲಕಾರಿ ಸಂಗತಿಯೆಂದರೆ, ಪ್ರತಿ ವರ್ಷ ಮಾರ್ಚ್ 23 ರಂದು ಸೂರ್ಯನ ಕಿರಣಗಳು ನೇರವಾಗಿ ದೇವಾಲಯದ ಗರ್ಭಗುಡಿಯನ್ನು ಪ್ರವೇಶಿಸುವ ದಿನಾಂಕವಾಗಿದೆ.