ಕರ್ನಾಟಕದ ವೈಭವ ಸಾರುವ ಚಿತ್ರಗಳ ಪ್ರವಾಸ

ಭವ್ಯ ಕರ್ನಾಟಕ ಪರಿಚಯ:

ಪ್ರಸ್ತುತ ಲೇಖನವು ಕರ್ನಾಟಕದ ವೈಭವ, ನಿಸರ್ಗ ಸೌಂದರ್ಯ, ಇಲ್ಲಿ ಕಂಡುಬರುವ ವೈವಿಧ್ಯಮಯ ಜೀವನಶೈಲಿ, ಬಗೆ ಬಗೆಯ ಜೀವ ಸಂಕುಲ ಹಾಗೂ ಐತಿಹಾಸಿಕ ಶ್ರೀಮಂತಿಕೆಯನ್ನು ಅದ್ಭುತವಾಗಿ ಸಾರುವ ಚಿತ್ರಗಳ ಸವಾರಿಯನ್ನು ಮಾಡಿಸುತ್ತದೆ. ಚಿತ್ರಗಳನ್ನು ನೋಡಿ ಕರ್ನಾಟಕದ ವೈಭವವನ್ನು ನಿಮ್ಮ ಕಣ್ಮನಗಳಲ್ಲಿ ತುಂಬಿಕೊಳ್ಳಿ.

ಚಿತ್ರಕೃಪೆ: parisaramahiti.kar.nic.in

ಭವ್ಯ ಕರ್ನಾಟಕ ಪರಿಚಯ:

ಮಲ್ಲಳ್ಳಿ ಜಲಪಾತ : ಇದು ಕೊಡಗು ಜಿಲ್ಲೆಯಲ್ಲಿರುವ ಸುಂದರ ಜಲಪಾತವಾಗಿದೆ. ಕುಮಾರಧಾರ ನದಿ ನೀರು ಈ ಜಲಪಾತಕ್ಕೆ ಮೂಲವಾಗಿದ್ದು, ಇದು ಸೋಮವಾರಪೇಟೆಯಿಂದ ಸುಮಾರು 25 ಕಿ.ಮೀ ದೂರದಲ್ಲಿದೆ.

ಚಿತ್ರಕೃಪೆ: Premnath Thirumalaisamy

ಭವ್ಯ ಕರ್ನಾಟಕ ಪರಿಚಯ:

ಕುದುರೆಮುಖ : ಕರ್ನಾಟಕದ ಒಂದು ಪ್ರಸಿದ್ಧ ಪ್ರವಾಸಿ ಗಿರಿಧಾಮ. ವರ್ಷದ ಎಲ್ಲ ಸಮಯದಲ್ಲೂ ಭೇಟಿ ನೀಡಲು ಯೋಗ್ಯವಾದ ಕುದುರೆಮುಖವು ಪ್ರಕೃತಿಯ ವೈಭವದಿಂದ ಭೂಷಿತವಾಗಿದೆ. ಇಲ್ಲಿನ ಶೋಲಾ ಅರಣ್ಯ್ಗಳು ಇದರ ಭೂದೃಶ್ಯಾವಳಿಗಳ ಅಂದ ಚೆಂದವನ್ನು ಮತ್ತಷ್ಟು ಹೆಚ್ಚಿಸಿದೆ.

ಚಿತ್ರಕೃಪೆ: Karunakar Rayker

ಭವ್ಯ ಕರ್ನಾಟಕ ಪರಿಚಯ:

ಬೆಳಗಾವಿ ನಗರ ಪ್ರದೇಶದ ವ್ಯಾಪ್ತಿಯಲ್ಲಿರುವ ಐತಿಹಾಸಿಕ ಶ್ರೀಮಂತಿಕೆಯ ಪುರಾತನ ಜೈನ ಮಂದಿರ. ಈ ಮಂದಿರವು ಕಮಲ ಬಸದಿ ಎಂಬ ಹೆಸರಿನಿಂದ ಕರೆಯಲ್ಪಡುತ್ತದೆ.

ಚಿತ್ರಕೃಪೆ: Manjunath Doddamani

ಭವ್ಯ ಕರ್ನಾಟಕ ಪರಿಚಯ:

ಬೆಳಗಾವಿ ಜಿಲ್ಲೆಯ ಗೋಕಾಕ್ ತಾಲೂಕಿನ ಕೊಣ್ಣೂರು ಎಂಬ ಗ್ರಾಮದ ಬಳಿಯಿರುವ ಧೂಪದಾಳ್ ಜಲಾಶಯ. ಇದೊಂದು ಜಲವಿದ್ಯುತ್ ಉತ್ಪಾದನಾ ಕೇಂದ್ರವಾಗಿದ್ದು, ಘಟಪ್ರಭಾ ನದಿಗೆ ನಿರ್ಮಿಸಲಾಗಿದೆ. ಇದೊಂದು ಹವ್ಯಾಸಿ ಮೀನು ಹೀಡಿಯುವ ಕೇಂದ್ರವೂ ಸಹ ಹೌದು.

ಚಿತ್ರಕೃಪೆ: Shil.4349

ಭವ್ಯ ಕರ್ನಾಟಕ ಪರಿಚಯ:

"ಉತ್ತರ ಕರ್ನಾಟಕದ ನಯಾಗ್ರಾ" ಎಂದು ಪ್ರೀತ್ಯಿಂದಲೂ ಸಹ ಕರೆಯಲ್ಪಡುವ ಗೋಕಾಕ್ ಪಟ್ಟಣದಲ್ಲಿರುವ ಈ ಜಲಪಾತವು ಗೋಕಾಕ್ ಜಲಪಾತ ಎಂತಲೆ ಪ್ರಸಿದ್ಧವಾಗಿದೆ. ಘಟಪ್ರಭಾ ನದಿಯಿಂದುಂಟಾದ ಈ ಜಲಪಾತವು 171 ಅಡಿಗಳಷ್ಟು ಎತ್ತರದಿಂದ ಧರೆಗುರುಳುತ್ತದೆ.

ಚಿತ್ರಕೃಪೆ: Shishirmk

ಭವ್ಯ ಕರ್ನಾಟಕ ಪರಿಚಯ:

ಬೆಳಗಾವಿ ಜಿಲ್ಲೆಯ ಸೌದತ್ತಿ ಬಳಿಯಿರುವ ನವೀಲುತೀರ್ಥವು ಒಂದು ಅದ್ಭುತವಾದ ಪಿಕ್ನಿಕ್ ತಾಣವಾಗಿದೆ. ಮಲಪ್ರಭಾ ನದಿಗೆ ನಿರ್ಮಿಸಲಾದ ಇಲ್ಲಿನ ಭವ್ಯ ಜಲಾಶಯವು ನ್ವೀಲುತೀರ್ಥ ಎಂಬ ಹೆಸರಿನಿಂದ ಕರೆಯಲ್ಪಡುತ್ತದೆ.

ಚಿತ್ರಕೃಪೆ: Manjunath Doddamani

ಭವ್ಯ ಕರ್ನಾಟಕ ಪರಿಚಯ:

ಬೆಳಗಾವಿಯಲ್ಲಿರುವ ಪ್ರಸಿದ್ಧ ವಿಶ್ವೇಶ್ವರಯ್ಯಾ ತಾಂತ್ರಿಕ ವಿಶ್ವವಿದ್ಯಾಲಯದ ಆವರಣ.

ಚಿತ್ರಕೃಪೆ: Souravmohanty2005

ಭವ್ಯ ಕರ್ನಾಟಕ ಪರಿಚಯ:

ಗಣಿಗಳ ದಣಿ ಎಂದು ಹೇಳಬಹುದಾದ ಕರ್ನಾಟಕದ ಬಳ್ಳಾರಿ ಜಿಲ್ಲೆಯು ತನ್ನಲ್ಲಿರುವ ಐತಿಹಾಸಿಕವಾಗಿ ಅತ್ಯಂತ ಶ್ರೀಮಂತವಾಗಿರುವ ಹಂಪಿಯನ್ನು ಹೊಂದಿದೆ. ಅಲ್ಲದೆ ಬಳ್ಳಾರಿಯೂ ಸಹ ತನ್ನ ಕೋಟೆಗೆ ಪ್ರಸಿದ್ಧವಾಗಿದೆ. ಬಳ್ಳಾರಿ ಕೋಟೆ.

ಚಿತ್ರಕೃಪೆ: Ravibhalli

ಭವ್ಯ ಕರ್ನಾಟಕ ಪರಿಚಯ:

ಬಳ್ಳಾರಿ ಜಿಲ್ಲೆಯಲ್ಲಿರುವ, ಒಂದಾನೊಂದು ಕಾಲದಲ್ಲಿ ವಿಜಯನಗರ ಸಾಮ್ರಾಜ್ಯದ ಅತಿ ಪ್ರತಿಷ್ಠಿತ ನಗರವಾಗಿದ್ದ ಹಂಪಿಯು ತನ್ನಲ್ಲಿರುವ ಅತ್ಯದ್ಭುತ ಐತಿಹಾಸಿಕ ರಚನೆಗಳಿಗೆ ವಿಶ್ವದಲ್ಲೆ ಖ್ಯಾತಿಗಳಿಸಿದೆ. ಹಂಪಿಯಲ್ಲಿರುವ ಆನೆಗಳ ವಾಸಮನೆ. ಹಂಪಿಯ ಕುರಿತು ತಿಳಿಯಿರಿ.

ಚಿತ್ರಕೃಪೆ: Arian Zwegers

ಭವ್ಯ ಕರ್ನಾಟಕ ಪರಿಚಯ:

ಹಂಪಿಯಲ್ಲಿ ಹರಿದಿರುವ ತುಂಗಭದ್ರಾ ನದಿಯ ಒಂದು ಸುಂದರ ನೋಟ.

ಚಿತ್ರಕೃಪೆ: Indi Samarajiva

ಭವ್ಯ ಕರ್ನಾಟಕ ಪರಿಚಯ:

ಹಂಪಿಯಲ್ಲಿ ದೂರದಿಂದ ಅಚ್ಯುತರಾಯನ ಗುಡಿ ಕಂಡುಬರುವ ರೀತಿ.

ಚಿತ್ರಕೃಪೆ: Vinoth Chandar

ಭವ್ಯ ಕರ್ನಾಟಕ ಪರಿಚಯ:

ಮೈಸೂರಿನಲ್ಲಿ ದಸರಾ ಹಬ್ಬ ಬಹು ಜನಪ್ರೀಯ. ಹಿಮ್ದಿನಿಂದಲೂ ಸಂಪ್ರದಾಯಬದ್ಧವಾಗಿ ಆಚರಿಸಿಕೊಂಡು ಬರಲಾಗಿರುವ ಈ ಉತ್ಸವ ಅಂತಾರಾಷ್ಟ್ರೀಯ ವಲಯದಲ್ಲೂ ಸಹ ಮಹತ್ವ ಪಡೆದಿದೆ. ಇಂತಹ ಒಂದು ಸಂದರ್ಭದಲ್ಲಿ ಕಲಾವಿದನೊಬ್ಬ ತನ್ನ ಕೌಶಲ್ಯ ಮೆರೆಯುತ್ತಿರುವುದು.

ಚಿತ್ರಕೃಪೆ: Swaminathan

ಭವ್ಯ ಕರ್ನಾಟಕ ಪರಿಚಯ:

ಶಿವನಸಮುದ್ರ ಕರ್ನಾಟಕದ ದಕ್ಷಿಣ ಭಾಗದಲ್ಲಿ ನೆಲೆಸಿರುವ ಒಂದು ಅದ್ಭುತ ಪ್ರವಾಸಿ ಕೇಂದ್ರ. ಕಾವೇರಿ ನದಿಯಿಂದುಂಟಾಗುವ ಇಲ್ಲಿನ ಜಲಪಾತ ಎರಡು ಕವಲುಗಳಲ್ಲಿ ಒಡೆದು ಗಗನಚುಕ್ಕಿ ಹಾಗೂ ಭರಚುಕ್ಕಿಗಳೆಂದು ಹೆಸರುವಾಸಿಯಾಗಿವೆ. ಮಂಡ್ಯ ಜಿಲ್ಲೆಯಲ್ಲಿರುವ ಈ ತಾಣವು ಪ್ರೇಕ್ಷಣೀಯ ಸ್ಥಳವಾಗಿದೆ.

ಚಿತ್ರಕೃಪೆ: Arun Prabhu

ಭವ್ಯ ಕರ್ನಾಟಕ ಪರಿಚಯ:

ಶಿವನಸಮುದ್ರದ ಅಷ್ಟೊಂದು ಆಳವಾಗಿರದ ಕಾವೇರಿ ನೀರಿನ ಒಂದು ಕೊಳದಲ್ಲಿ ಆನಂದತುಂದಿಲದಿಂದ ಆಟವಾಡುತ್ತಿರುವ ಕೋತಿಗಳು.

ಚಿತ್ರಕೃಪೆ: Navaneeth KN

ಭವ್ಯ ಕರ್ನಾಟಕ ಪರಿಚಯ:

ಕಾಯುವ ಘಳಿಗೆ....ಬೆಂಗಳೂರಿನ ಬೆಳಂದೂರು ಕೆರೆ ಮುಂಜಾವಿನ ಮಂಜಿನಲಿ ಕಂಡು ಬಂದ ರೀತಿ.

ಚಿತ್ರಕೃಪೆ: Anoop Kumar

ಭವ್ಯ ಕರ್ನಾಟಕ ಪರಿಚಯ:

ಕಂಬಳ ಒಂದು ವಿಶಿಷ್ಟ ಆಚರಣೆ ಆಗಿದ್ದು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಪ್ರಮುಖವಾಗಿ ಆಚರಿಸಲ್ಪಡುತ್ತದೆ. ಪಿಲಿಕುಳದಲ್ಲಿ ನಡೆದಿರುವ ಕಂಬಳದ ಒಂದು ನೋಟ. ಏನೀದು ಕಂಬಳ?

ಚಿತ್ರಕೃಪೆ: Anoop Kumar

ಭವ್ಯ ಕರ್ನಾಟಕ ಪರಿಚಯ:

ಕಬಿನಿ ಹಿನ್ನೀರು ಕಾಡಿನ ಪ್ರದೇಶವು ಕರ್ನಾಟಕದ ಪ್ರಖ್ಯಾತ ವನ್ಯಜೀವಿ ಧಾಮಗಳ ಪೈಕಿ ಒಂದಾಗಿದ್ದು ಪ್ರತಿ ವರ್ಷ ಸಹಸ್ರಾರು ಸಂಖ್ಯೆಯಲ್ಲಿ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ. ಕಬಿನಿಯ ಕಾಡಿನಲ್ಲಿ ಪ್ರವಾಸಿಗರೊಬ್ಬರ ಮುಂದೆ ತನ್ನ ಅಸಮಾಧಾನವನ್ನು ವ್ಯಕ್ತಪಡಿಸುತ್ತಿರುವಂತೆ ತೋರುತ್ತಿರುವ ಆನೆ.

ಚಿತ್ರಕೃಪೆ: Vinoth Chandar

ಭವ್ಯ ಕರ್ನಾಟಕ ಪರಿಚಯ:

ಕಬಿನಿಯಲ್ಲಿನ ಮೋಹಕ ಸೂರ್ಯಾಸ್ತ ಮರೆಯುವುದು ಕಷ್ಟ.

ಚಿತ್ರಕೃಪೆ: Vinoth Chandar

ಭವ್ಯ ಕರ್ನಾಟಕ ಪರಿಚಯ:

ಕಬಿನಿ ಸೂರ್ಯಾಸ್ತದ ಮತ್ತೊಂದು ಹತ್ತಿರದ ನೋಟ.

ಚಿತ್ರಕೃಪೆ: Vinoth Chandar

ಭವ್ಯ ಕರ್ನಾಟಕ ಪರಿಚಯ:

ಮೈಸೂರು ಬಳಿಯಿರುವ ಸೋಮನಾಥಪುರವು ತನ್ನಲ್ಲಿರುವ ಚೆನ್ನಕೇಶವ ಸ್ವಾಮಿ ದೇವಸ್ಥಾನಕ್ಕೆ ಬಲು ಪ್ರಖ್ಯಾತವಾಗಿದೆ. ಬೇಲೂರಿನ ಚೆನ್ನಕೇಶವದಂತೆಯೆ ಇದೂ ಸಹ ತನ್ನ ಅಮೋಘ್ ಕೆತ್ತನೆಗೆ ಹೆಸರುವಾಸಿಯಾಗಿದೆ.

ಚಿತ್ರಕೃಪೆ: Vinoth Chandar

ಭವ್ಯ ಕರ್ನಾಟಕ ಪರಿಚಯ:

ಬೆಳಂಬೆಳಿಗ್ಗೆ ಬೆಂಗಳೂರಿನ ಲಾಲ್ ಬಾಗ್ ನಲ್ಲೊಂದು ಸುತ್ತು. ಸೂರ್ಯನ ಎಳೆಯ ರಷ್ಮಿಗಳು ತಮ್ಮ ಶಕ್ತಿಯಿಂದ ಮೃದುವಾಗಿ ಬಂಡೆಯ ಮೇಲೆ ಹೊಳಪನ್ನು ತಂದಿರುವ ಪರಿ. ಇದಕ್ಕೆ ಪ್ರತಿ ದಿನ ಸಾಕ್ಷಿಯಾಗಿ ನಿಲ್ಲುವ ಕೆಂಪೇಗೌಡ ಗೋಪುರ.

ಚಿತ್ರಕೃಪೆ: Vinoth Chandar

ಭವ್ಯ ಕರ್ನಾಟಕ ಪರಿಚಯ:

ಕರ್ನಾಟಕದ ಪಕ್ಷಿಕಾಶಿ ಎಂದೆ ಪ್ರಖ್ಯಾತವಾಗಿರುವ ರಂಗನತಿಟ್ಟುವಿನಲ್ಲಿ ತನ್ನ ವ್ಯಯಾರದಿಂದ ಪ್ರಸನ್ನಗೊಂಡಿರುವ ಒಂದು ಸುಂದರ ಎಗ್ರೆಟ್ ಪಕ್ಷಿ.

ಚಿತ್ರಕೃಪೆ: Koshy Koshy

ಭವ್ಯ ಕರ್ನಾಟಕ ಪರಿಚಯ:

ಬೆಂಗಳೂರಿನ ಅಲಸೂರು ಕೆರೆಯ ಸೂರ್ಯೋದಯ ನೋಡಿದ್ದೀರಾ?

ಚಿತ್ರಕೃಪೆ: Swaminathan

ಭವ್ಯ ಕರ್ನಾಟಕ ಪರಿಚಯ:

ಮೈಸೂರು ಬಳಿಯ ಶ್ರೀರಂಗ ಪಟ್ಟಣದ ಕಾವೇರಿ ನದಿಯನ್ನು ದಾಟಿ ಮುಂದೆ ಸಾಗುತ್ತಿರುವ ಪ್ರಯಾಣಿಕ ರೈಲಿನ ಒಂದು ಸುಂದರ ನೋಟ.

ಚಿತ್ರಕೃಪೆ: David Brossard

ಭವ್ಯ ಕರ್ನಾಟಕ ಪರಿಚಯ:

ಕರ್ನಾಟಕದ ಅತ್ಯಂತ ಪ್ರಖ್ಯಾತ ಗಿರಿಧಾಮ ಕೊಡಗು. ಇಲ್ಲಿನ ಪರಿಸರವು ಹಿತಕರವಾಗಿರುವುದೂ ಅಲ್ಲದೆ ಪ್ರಕೃತಿಯ ಸೊಬಗಿನಿಂದ ಕೂಡಿದ್ದು ವಿಶ್ವದೆಲ್ಲೆಡೆಯಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಕೋಡಗು ನಾಡಿನ ಮೋಡಿ ಮಾಡುವ ಸೌಂದರ್ಯ.

ಚಿತ್ರಕೃಪೆ: Nikhil Verma

ಭವ್ಯ ಕರ್ನಾಟಕ ಪರಿಚಯ:

ಚಿಕ್ಕಮಗಳೂರು ಕರ್ನಾಟಕದ ಮತ್ತೊಂದು ಪ್ರಖ್ಯಾತ ಪ್ರವಾಸಿ ಸ್ಥಳ. ಈ ಜಿಲ್ಲೆಯಲ್ಲಿ ಸಾಕಷ್ಟು ನೋಡಲು ಯೋಗ್ಯವಾದ ಸ್ಥಳಗಳಿದ್ದು, ಇದು ತನ್ನಲ್ಲಿರುವ ಸುಂದರ ಬೆಟ್ಟ ಗುಡ್ಡಗಳ ಪ್ರದೇಶಗಳಿಗೆ ಹೆಸರುವಾಸಿಯಾಗಿದೆ.

ಚಿತ್ರಕೃಪೆ: Vikram Vetrivel

ಭವ್ಯ ಕರ್ನಾಟಕ ಪರಿಚಯ:

ಉತ್ತರ ಕರ್ನಾಟಕ ಭಾಗದಲ್ಲಿರುವ ವಿಜಯಪುರ (ಹಿಂದಿನ ಬಿಜಾಪುರ) ವು ಒಂದು ಐತಿಹಾಸಿಕ ಪ್ರವಾಸಿ ವಿಶೇಷ ಪಟ್ಟಣವಾಗಿದೆ. ಆದಿಲ್ ಶಾಹಿಗಳ ಆಳ್ವಿಕೆಗೆ ಒಳಪಟ್ಟಿದ್ದ ಈ ನಗರದಲ್ಲಿ ಅನೇಕ ಐತಿಹಾಸಿಕ ರಚನೆಗಳನ್ನು ಇಂದಿಗೂ ಕಾಣಬಹುದಾಗಿದೆ. ಅವುಗಳಲ್ಲಿ ಪ್ರಮುಖವಾಗಿದೆ ಗೋಲ ಗುಮ್ಮಟ.

ಚಿತ್ರಕೃಪೆ: Amith

ಭವ್ಯ ಕರ್ನಾಟಕ ಪರಿಚಯ:

ಇದು ಬೆಂಗಳೂರಿನ ಕೆಂಫೋರ್ಟ್ ಶಿವನ ಪ್ರತಿಮೆಯಂತೂ ಅಲ್ಲ...ಅಂದರೆ ಈ ಶಿವನ ಪ್ರತಿಮೆ ಇರುವುದಾದರೂ ಎಲ್ಲಿ? ಇದಿರುವುದು ವಿಜಯಪುರದಲ್ಲಿ. ವಿಜಯಪುರದ ಸಿಂದಗಿ ರಸ್ತೆ ಬಳಿಯಿರುವ ಶಿವಪುರ ಎಂಬಲ್ಲಿರುವ ಬಸಂತವನ ಶಿವ ಪ್ರತಿಮೆ ಇದು ಬರೋಬ್ಬರಿ 85 ಅಡಿಗಳಷ್ಟು ಎತ್ತರವಾಗಿದೆ.

ಚಿತ್ರಕೃಪೆ: Sissssou2

ಭವ್ಯ ಕರ್ನಾಟಕ ಪರಿಚಯ:

ಕರ್ನಾಟಕದ ಕುಂದಾಪುರದ ಬಳಿಯಿರುವ ಕರಾವಳಿ ತೀರಗಳ ಒಂದು ಸುಂದರ ಪ್ರದೇಶ.

ಚಿತ್ರಕೃಪೆ: Arun Prabhu

ಭವ್ಯ ಕರ್ನಾಟಕ ಪರಿಚಯ:

ಎರಡನೆಯ ಅತಿ ಎತ್ತರದ ಶಿವನ ಪ್ರತಿಮೆಯಿರುವ ಮುರುಡೇಶ್ವರ ಪಟ್ಟಣವು ಇರುವುದು ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯಲ್ಲಿ. ಇದರ ಎತ್ತರ ಸುಮಾರು 123 ಅಡಿಗಳು.

ಚಿತ್ರಕೃಪೆ: Sam valadi

ಭವ್ಯ ಕರ್ನಾಟಕ ಪರಿಚಯ:

ಮುರುಡೇಶ್ವರವು ಅತ್ಯಂತ ಎತ್ತರದ ದೇವಸ್ಥಾನ ಗೋಪುರಕ್ಕೂ ಸಹ ಖ್ಯಾತಿಗಳಿಸಿದೆ. ಮುರುಡೇಶ್ವರ ಶಿವನ ದೇವಸ್ಥಾನದ ರಾಜ ಗೋಪುರವು 20 ಅಂತಸ್ತುಗಳನ್ನು ಹೊಂದಿದ್ದು ಸುಮಾರು 237.5 ಅಡಿಗಳಷ್ಟು ಎತ್ತರವನ್ನು ಹೊಂದಿದೆ.

ಚಿತ್ರಕೃಪೆ: Pvnkmrksk

ಭವ್ಯ ಕರ್ನಾಟಕ ಪರಿಚಯ:

ಉತ್ತರ ಕನ್ನಡ ಅಥವಾ ಕಾರವಾರವು ಪ್ರವಾಸಿ ಕ್ಷೇತ್ರವಾಗಿದೆ. ಸಾಕಷ್ಟು ಆಕರ್ಷಣೀಯ ಸ್ಥಳಗಳನ್ನು ಇಲ್ಲಿ ಕಾಣಬಹುದಾಗಿದೆ. ಕಾರವಾರದಲ್ಲಿರುವ ಹಡುಗು ಸಂಗ್ರಹಾಲಯದ ಒಂದು ಸುಂದರ ನೋಟ.

ಚಿತ್ರಕೃಪೆ: Prashant Dobhal

ಭವ್ಯ ಕರ್ನಾಟಕ ಪರಿಚಯ:

ಕಾರವಾರದಲ್ಲಿ ಹರಿದಿರುವ ಕಾಳಿ ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿರುವ ಅದ್ಭುತ ಸೇತುವೆ. ಈ ಸೇತುವೆ ಕಾರವಾರವನ್ನು ಪಕ್ಕದ ಗೋವಾದೊಂದಿಗೆ ಸುಲಲಿತವಾಗಿ ಬೆಸೆಯುತ್ತದೆ.

ಚಿತ್ರಕೃಪೆ: Abhijeet Rane

ಭವ್ಯ ಕರ್ನಾಟಕ ಪರಿಚಯ:

ಕರ್ನಾಟಕದ ಬೀದರ್ ಜಿಲ್ಲೆಯ ಬಸವಕಲ್ಯಾಣದಲ್ಲಿರುವ ಬೃಹತ್ ಬಸವೇಶ್ವರರ ಪ್ರತಿಮೆ. ಈ ಬೃಹತ್ ಪ್ರತಿಮೆಯು ಸುಮಾರು 108 ಅಡಿಗಳಷ್ಟು ಎತ್ತರವನ್ನು ಹೊಂದಿದೆ.

ಚಿತ್ರಕೃಪೆ: Irrigator

ಭವ್ಯ ಕರ್ನಾಟಕ ಪರಿಚಯ:

ಬಹಮನಿ ಸುಲ್ತಾನರ ಆಳ್ವಿಕೆಗೆ ಒಳಪಟ್ಟಿದ್ದ ಕರ್ನಾಟಕದ ಉತ್ತರದ ತುತ್ತ ತುದಿಯಾದ ಬೀದರ್ ಪಟ್ಟಣವು ತನ್ನ ಐತಿಹಾಸಿಕ ಶ್ರೀಮಂತಿಕೆಯಿರುವ ಕೋಟೆಯಿಂದ ಸಾಕಷ್ಟು ಖ್ಯಾತಿ ಗಳಿಸಿದೆ.

ಚಿತ್ರಕೃಪೆ: Santosh3397

ಭವ್ಯ ಕರ್ನಾಟಕ ಪರಿಚಯ:

ಮದಕರಿ ನಾಯಕರಾಳಿದ ಚಿತ್ರದುರ್ಗದ ಏಳು ಸುತ್ತಿನ ಕಲ್ಲಿನ ಕೋಟೆ ಅಂದಿನ ಸಮಯದ ಅದ್ಭುತ ರಕ್ಷಣಾ ನೀತಿಯನ್ನು ತೋರ್ಪಡಿಸುತ್ತದೆ. ಈ ಕೋಟೆಯನ್ನು ಬೇಧಿಸುವುದು ಅಷ್ಟೊಂದು ಸುಲಭದ ಕೆಲಸವಾಗಿರಲಿಲ್ಲ.

ಚಿತ್ರಕೃಪೆ: Pavithrah

ಭವ್ಯ ಕರ್ನಾಟಕ ಪರಿಚಯ:

ಶಿವಮೊಗ್ಗ ಜಿಲ್ಲೆಯಲ್ಲಿರುವ ವಿಶ್ವಪ್ರಖ್ಯಾತ ಜೋಗದ ಗುಂಡಿ ಅಥವಾ ಜೋಗ ಜಲಪಾತ. ಶರಾವತಿ ನದಿಯಿಂದುಂಟಾಗುವ ಈ ಎತ್ತರದ ರುದ್ರ ಭಯಂಕರ ಜಲಪಾತವು ರಾಜಾ, ರೋರರ್, ರಾಕೆಟ್ ಹಾಗೂ ಲೇಡಿಗಳೆಂದ ನಾಲ್ಕು ಧಾರೆಗಳನ್ನು ಒಳಗೊಂಡಿದೆ.

ಚಿತ್ರಕೃಪೆ: Vmjmalali

ಭವ್ಯ ಕರ್ನಾಟಕ ಪರಿಚಯ:

ಮೈಸೂರು ಬಳಿಯ ಶ್ರೀರಂಗಪಟ್ಟಣದಲ್ಲಿರುವ ಪ್ರಮುಖ ಆಕರ್ಷಣೆಗಳ ಪೈಕಿ ಮಂಚೂಣಿಯಲ್ಲಿದೆ ಬೃಂದಾವನ ಉದ್ಯಾನ. ಸಾಕಷ್ಟು ವಿಶಾಲವಾಗಿರುವ ಈ ಉದ್ಯಾನವು ತನ್ನ ಪ್ರಾಂಗಣದಲ್ಲಿ ಅದ್ದೂರಿ ಹೋಟೆಲ್ ಅನ್ನೂ ಸಹ ಹೊಂದಿದೆ.

ಚಿತ್ರಕೃಪೆ: Natraj Ramangupta

ಭವ್ಯ ಕರ್ನಾಟಕ ಪರಿಚಯ:

ಸಂಜೆಯ ಸಮಯದಿ ಉದ್ಯಾನವು ಬಣ್ಣದ ಕಾರಂಜಿ ಹಾಗೂ ಸಂಗೀತದಿಂದ ಕಂಗೊಳಿಸುತ್ತದೆ. ಕೃಷ್ಣರಾಜ ಸಾಗರ ಜಲಾಶಯದ ಹಿಂಬದಿಯಲ್ಲಿ ರಚಿತವಾಗಿರುವ ಈ ಉದ್ಯಾನವು ಭೇಟಿ ನೀಡಲೇಬೇಕಾದ ತಾಣವಾಗಿದೆ.

ಚಿತ್ರಕೃಪೆ: Ashwin Kumar

ಭವ್ಯ ಕರ್ನಾಟಕ ಪರಿಚಯ:

ಕರ್ನಾಟಕದ ಸಾಂಸ್ಕೃತಿಕ ರಾಜಧಾನಿ ಎಂದೆ ಬಿಂಬಿತವಾದ ಮೈಸೂರು ನಗರದ ಪ್ರಮುಖ ಆಕರ್ಷಣೆ ಮೈಸೂರು ಅರಮನೆ. ಇಂದಿಗೂ ಮೈಸೂರು ರಾಜವಂಶಸ್ಥರ ಅಡಿಯಲ್ಲಿರುವ ಈ ಅದ್ಭುತ ಅರಮನೆಯು ದಸರಾ ಸಂದರ್ಭದಲ್ಲಿ ಸುಂದರವಾಗಿ ದೀಪಾಲಂಕೃತಗೊಂಡು ನವ ವಧುವಿನಂತೆ ಕಳೆಯಿಂದ ಕೂಡಿರುತ್ತದೆ.

ಚಿತ್ರಕೃಪೆ: Ashwin Kumar

ಭವ್ಯ ಕರ್ನಾಟಕ ಪರಿಚಯ:

ಹಳೇಬೀಡುವಿನ ಕೇದಾರೇಶ್ವರ ದೇವಸ್ಥಾನದ ಪ್ರಾಂಗಣ. ಹೊಯ್ಸಳ ವಾಸ್ತು ಶೈಲಿಗೆ ಅದ್ಭುತವಾದ ಉದಾಹರಣೆಯಾಗಿರುವ ಈ ದೇಗುಲ ಅಂದಿನ ಕಾಲದ ಅತ್ಯದ್ಭುತ ಶಿಲ್ಪಕಲೆ ಕೆತ್ತನೆಗೆ ಒಂದು ಹಿಡಿದ ಕೈಗನ್ನಡಿಯಾಗಿದೆ.

ಚಿತ್ರಕೃಪೆ: Arian Zwegers

ಭವ್ಯ ಕರ್ನಾಟಕ ಪರಿಚಯ:

ಪಶ್ಚಿಮ ಘಟ್ಟದಲ್ಲಿ ಅದರಲ್ಲೂ ಶರಾವತಿ ಕಣಿವೆ ಪ್ರದೇಶದಲ್ಲಿ ಹಾದು ಹೋಗಿರುವ ರಾಷ್ಟ್ರೀಯ ಹೆದ್ದಾರಿ ಸಂಖ್ಯೆ 206 ರ ಮಾರ್ಗದಲ್ಲಿ ಕಂಡುಬರುವ ಪ್ರಕೃತಿಯ ಅಮೋಘ ಸೌಂದರ್ಯ.

ಚಿತ್ರಕೃಪೆ: Sankara Subramanian

ಭವ್ಯ ಕರ್ನಾಟಕ ಪರಿಚಯ:

ಕರ್ನಾಟಕದ ಬಂಡೀಪುರ ರಾಷ್ಟ್ರೀಯ ಉದ್ಯಾನದಲ್ಲಿರುವ ಹಿಮವದ್ ಗೋಪಾಲ ಸ್ವಾಮಿ ಬೆಟ್ಟದ ಮೇಲಿರುವ ದೇವಸ್ಥಾನ. ಮುಂಜಾವಿನ ಸಮಯದಲ್ಲಿ ಇಲ್ಲಿನ ಪರಿಸರವು ಮಂಜಿನಿಂದ ಆವೃತವಾಗಿದ್ದು ಹಿಮದ ಹಾಗೆಯೆ ಗೋಚರಿಸುವುದರಿಂದ ಇದಕ್ಕೆ ಹಿಮವದ್ ಎಂಬ ಹೆಸರು ಬಂದಿದೆ.

ಚಿತ್ರಕೃಪೆ: Premnath Thirumalaisamy