ಕರ್ನಾಟಕದ ಜನಪ್ರಿಯ ಜಾತ್ರೆಗಳು ಮತ್ತು ಉತ್ಸವಗಳಿವು!

ಗೌರಿ ಹಬ್ಬ

ಕರ್ನಾಟಕ ಮತ್ತು ತಮಿಳುನಾಡಿನ ಕೆಲವು ಭಾಗಗಳಲ್ಲಿ ಮುಖ್ಯವಾಗಿ ಈ ಹಬ್ಬವನ್ನು ಆಚರಿಸಲಾಗುತ್ತದೆ. ಗೌರಿ ಹಬ್ಬವು ಗಣೇಶ ಚತುರ್ಥಿಯ ಮುಂದಿನ ದಿನ ಬರುತ್ತದೆ. ಈ ಹಬ್ಬವನ್ನು ಮದುವೆಯಾದ ಸ್ತ್ರೀಯರು ಗಣೇಶ ದೇವರ ತಾಯಿ ಹಾಗೂ ಶಿವ ದೇವರ ಪತ್ನಿಯಾದ ಗೌರಿದೇವಿಯ ಗೌರವಾರ್ಥವಾಗಿ ಆಚರಿಸುತ್ತಾರೆ.

ಈ ಹಬ್ಬದ ಸಮಯದಲ್ಲಿ ಮಹಿಳೆಯರು ಗೌರಿ ದೇವಿಯ ಮೂರ್ತಿಯನ್ನು ಅತ್ಯಂತ ಸುಂದರವಾಗಿ ಅಲಂಕಾರ ಮಾಡುವುದು ಕಂಡುಬರುತ್ತದೆ ಹಾಗೂ ಕುಟುಂಬದವರು, ನೆರೆಹೊರೆಯವರು ಮತ್ತು ಬಂಧು ಮಿತ್ರರನ್ನು ಗೌರಿಯ ಅಲಂಕಾರವನ್ನು ವೀಕ್ಷಿಸಲು ಆಹ್ವಾನ ನೀಡುತ್ತಾರೆ.

ಯುಗಾದಿ

ಯುಗಾದಿಯನ್ನು ಮಹಾರಾಷ್ಟ್ರ, ತೆಲಂಗಾಣ ಆಂಧ್ರಪ್ರದೇಶ ಮತ್ತು ಕರ್ನಾಟಕದ ಹಿಂದುಗಳಿಂದ ಆಚರಿಸಲ್ಪಡುತ್ತದೆ. ಈ ಹಬ್ಬವು ನಮ್ಮ ಹಿಂದೂ ಚಾಂದ್ರಮಾನ ಕ್ಯಾಲೆಂಡರ್ ಪ್ರಕಾರ ಚೈತ್ರಮಾಸದ ಮೊದಲನೆ ದಿನ ಬೀಳುತ್ತದೆ ಗ್ರೆಗೋರಿಯನ್ ಕ್ಯಾಲೆಂಡರ್ ಪ್ರಕಾರ ಇದು ಏಪ್ರಿಲ್ ಅಥವಾ ಮೇ ತಿಂಗಳಲ್ಲಿ. ಹಿಂದೂಗಳಿಗೆ ಯುಗಾದಿ ಹೊಸ ವರ್ಷ; ವಾಸ್ತವವಾಗಿ, ಇದು ಅಕ್ಷರಶಃ ಹೊಸ ಯುಗದ ಆರಂಭ ಎನ್ನುವುದನ್ನು ಸೂಚಿಸುತ್ತದೆ

ಈ ಹಬ್ಬದ ದಿನದಂದು ಮನೆಯ ಬಾಗಿಲುಗಳನ್ನು ಮಾವಿನ ಎಲೆಯ ತೋರಣಗಳಿಂದ, ಸುಂದರವಾದ ಮತ್ತು ವಿವಿಧ ಮಾದರಿಯ ಚಿತ್ರಗಳಿಂದ ಅಲಂಕರಿಸಲಾಗುತ್ತದೆ. ಅಲ್ಲದೆ ಮನೆಯ ಪ್ರವೇಶ ದ್ವಾರದಲ್ಲಿ ರಂಗೋಲಿಯನ್ನು ಬಿಡಿಸಲಾಗುತ್ತದೆ ಮತ್ತು ಸಿಹಿ ಉಪ್ಪು, ಹುಳಿ ಖಾರ ಮತ್ತು ಕಹಿ ಎಲ್ಲಾ ರುಚಿಯನ್ನೂ ಬಳಸಿ ಅಡುಗೆ ಮಾಡಲಾಗುತ್ತದೆ ಇದು ನಮ್ಮ ಜೀವನವು ಈ ಎಲ್ಲಾ ತರಹದ ರುಚಿಗಳಂತೆ ಇರುತ್ತದೆ ಎಂದು ನಮಗೆ ನೆನಪು ಮಾಡಿಸುತ್ತದೆ.

ಹಂಪಿ ಉತ್ಸವ

ಹಂಪೆಯು ವಿಜಯನಗರ ಸಾಮ್ರಾಜ್ಯದ ಕಾಲದಲ್ಲಿ ನಿರ್ಮಿಸಲ್ಪಟ್ಟಿರುವ ಹಲವಾರು ಭವ್ಯ ಸ್ಮಾರಕಗಳಿಗೆ ನೆಲೆಯಾಗಿದ್ದು ಅವುಗಳನ್ನು ಯುನೆಸ್ಕೋ ವಿಶ್ವಪರಂಪರೆಯ ಸ್ಥಳಗಳ ಪಟ್ಟಿಗೆ ಸೇರಿಸಿಸಲಾಗಿದೆ ಹೀಗೆ ಇವೆಲ್ಲವನ್ನೂ ಒಳಗೊಂಡಿರುವ ಹಂಪೆಯು ಕರ್ನಾಟಕದ ಪ್ರಸಿದ್ದ ಐತಿಹಾಸಿಕ ನಗರವೆನಿಸಿದೆ.

ವಿಜಯನಗರ ಶ್ರೀಮಂತ ಸಾಮ್ರಾಜ್ಯದ ಕಾಲದಿಂದಲೂ ನಡೆಸಿಕೊಂಡು ಬರುವಂತಹ ವೈಭವೋಪೇತ ಹಂಪಿ ಉತ್ಸವವು ಇಂದಿಗೂ ವಿಜೃಂಭಣೆಯಿಂದ ನಡೆಸಿಕೊಂಡು ಬರಲಾಗುತ್ತಿದೆ. ಇದೊಂದು ವಾರ್ಷಿಕ ಉತ್ಸವವಾಗಿದ್ದು ಮೂರು ದಿನಗಳ ಕಾಲ ನಡೆಯುತ್ತದೆ. ಭಾರತದಾದ್ಯಂತದ ಪ್ರಸಿದ್ಧ ಕಲಾವಿದರು ವಿವಿಧ ಜಾನಪದ ಮತ್ತು ಶಾಸ್ತ್ರೀಯ ನೃತ್ಯ ಪ್ರಕಾರಗಳು, ಅದ್ಭುತ ಸಂಗೀತ ಪ್ರದರ್ಶನಗಳು ಮತ್ತು ಹೆಚ್ಚಿನದನ್ನು ಪ್ರದರ್ಶಿಸುತ್ತಾರೆ. ಇನ್ನೊಂದು ಆಕರ್ಷಣೆಯೆಂದರೆ ಹಂಪಿಯ ಈ ಸ್ಮಾರಕಗಳು ರಾತ್ರಿಯ ಸಮಯದಲ್ಲಿ ದೀಪಗಳಿಂದ ಸುಂದರವಾಗಿ ಬೆಳಗಲ್ಪಡುತ್ತವೆ ಇದು ವೀಕ್ಷಿಸಲು ಯೋಗ್ಯವಾಗಿದೆ.

ಕಂಬಳ

ದಕ್ಷಿಣ ಕರ್ನಾಟಕದ ಕರಾವಳಿ ಪ್ರಾಂತ್ಯದಲ್ಲಿ ನಡೆಸಲಾಗುವ ಕಂಬಳವು ಒಂದು ವಾರ್ಷಿಕವಾಗಿ ನಡೆಸಲಾಗುವ ಎತ್ತುಗಳ ಓಟವಾಗಿದ್ದು, ಇದನ್ನು ಸಾಮಾನ್ಯವಾಗಿ ನವೆಂಬರ್ ನಿಂದ ಮಾರ್ಚ್ ತಿಂಗಳುಗಳಲ್ಲಿ ಆಯೋಜಿಸಲಾಗುತ್ತದೆ. ದಕ್ಷಿಣ ಕರ್ನಾಟಕದ ಸಣ್ಣ ಪುಟ್ಟ ಪಟ್ಟಣಗಳಲ್ಲಿ ಮತ್ತು ಹಳ್ಳಿಗಳಲ್ಲಿ 45 ಕ್ಕಿಂತಲೂ ಹೆಚ್ಚಿನ ಕಡೆಗಳಲ್ಲಿ ಈ ಓಟವನ್ನು ಆಯೋಜಿಸಲಾಗುತ್ತದೆ.

ಈ ಜಾತ್ರೆಯು ಗ್ರಾಮೀಣ ಜನರ ಮನೋರಂಜನೆಗಾಗಿ ಹುಟ್ಟಿತು. ಕಂಬಳದಲ್ಲಿ ಎರಡು ಜೋಡಿ ಕೋಣಗಳನ್ನು ಒಬ್ಬ ರೈತ ಚಾವಟಿಯಿಂದ ನಿಯಂತ್ರಿಸುತ್ತಾನೆ ಮತ್ತು ಈ ಎತ್ತುಗಳನ್ನು ಗಳನ್ನು ಕೆಸರು ಗದ್ದೆಯಲ್ಲಿ ಓಡಿಸುವಂತೆ ಮಾಡಲಾಗುತ್ತದೆ. ಆಟದಲ್ಲಿ ಗೆದ್ದ ರೈತರಿಗೆ ನಗದು ಬಹುಮಾನ ನೀಡಲಾಗುತ್ತದೆ.

ಮಹಾಮಸ್ತಕಾಭಿಷೇಕ

ಇದು ಜೈನರಿಗೆ ಅತ್ಯಂತ ಪ್ರಮುಖವಾದ ಹಬ್ಬವಾಗಿದ್ದು, ಇದನ್ನು ಶ್ರವಣಬೆಳಗೊಳದಲ್ಲಿ ಪ್ರತೀ 12 ವರ್ಷಕ್ಕೊಮ್ಮೆ ನಡೆಸಲಾಗುತ್ತದೆ. ಶ್ರವಣಬೆಳಗೊಳವು ಕರ್ನಾಟಕದ ಒಂದು ಸಣ್ಣ ಪಟ್ಟಣವಾಗಿದ್ದು ಇದು 57ಅಡಿ ಎತ್ತರದ ಭವ್ಯ ಹಾಗೂ ಪ್ರಸಿದ್ದ ಗೋಮಟೇಶ್ವರ ಅಥವಾ ಬಾಹುಬಲಿ ವಿಗ್ರಹದ ನೆಲೆಯಾಗಿದೆ.

ಈ ಉತ್ಸವದಲ್ಲಿ ಸಾವಿರಾರು ಯಾತ್ರಿಕರು, ವಿಶೇಷವಾಗಿ ಜೈನ ಭಕ್ತರು, ಈ ಪ್ರದೇಶದಲ್ಲಿ ನೆರೆದಿರುತ್ತಾರೆ. ಹಬ್ಬದ ಸಂದರ್ಭದಲ್ಲಿ, ಬಾಹುಬಲಿಯ ದೈತ್ಯ ಮೂರ್ತಿಯನ್ನು ನೀರು, ಹಾಲು, ಕಬ್ಬಿನ ರಸ, ಅರಿಶಿನ ಇತ್ಯಾದಿಗಳಿಂದ ತೊಳೆದು ಸ್ನಾನ ಮಾಡಲಾಗುತ್ತದೆ.

ಪಟ್ಟದಕಲ್ ನೃತ್ಯೋತ್ಸವ

ವಾರ್ಷಿಕ ನೃತ್ಯ ಉತ್ಸವವು ಜನವರಿಯಲ್ಲಿ ಪಟ್ಟದಕಲ್ ನಂತಹ ಸಣ್ಣ ನಗರದಲ್ಲಿ ನಡೆಯುತ್ತದೆ. ಪಟ್ಟದಕಲ್ 7 ರಿಂದ 8 ನೇ ಶತಮಾನದ ನಡುವೆ ನಿರ್ಮಿಸಲಾದ ದೇವಾಲಯಗಳ ಅದ್ಭುತ ಸಮೂಹಕ್ಕೆ ಹೆಸರುವಾಸಿಯಾಗಿದೆ. ಅವರ ವಾಸ್ತುಶಿಲ್ಪದ ತೇಜಸ್ಸಿನಿಂದಾಗಿ, ಅವುಗಳನ್ನು ಯುನೆಸ್ಕೋ ವಿಶ್ವ ಪರಂಪರೆಯ ತಾಣಗಳೆಂದು ಗುರುತಿಸಲಾಗಿದೆ.

ಈ ಹಬ್ಬದ ಸಮಯದಲ್ಲಿ, ದೇಶಾದ್ಯಂತದ ಶಾಸ್ತ್ರೀಯ ನೃತ್ಯ ಕಲಾವಿದರು ದೇವಾಲಯಗಳ ಗುಂಪಿನ ಮುಂದೆ ಅತ್ಯುತ್ತಮ ಪ್ರದರ್ಶನಗಳನ್ನು ನೀಡಲು ಸೇರುತ್ತಾರೆ. ನೀವು ಶಾಸ್ತ್ರೀಯ ನೃತ್ಯ ಕಲೆಯನ್ನು ಮೆಚ್ಚುವಿರಾದಲ್ಲಿ, ಅಥವಾ ಭರತನಾಟ್ಯ, ಕೂಚಿಪುಡಿ, ಕಥಕ್ ಮುಂತಾದ ನೃತ್ಯದ ಪ್ರಕಾರಗಳನ್ನು ವೀಕ್ಷಿಸಲು ಬಯಸಿದರೆ, ಜನವರಿಯಲ್ಲಿ ಪಟ್ಟದಕಲ್ಲಿಗೆ ಭೇಟಿ ನೀಡಿ.

ಮೈಸೂರು ದಸರಾ

ದೇಶದೆಲ್ಲೆಡೆ ದಸರಾ ಆಚರಿಸಿದರೂ ಮೈಸೂರು ದಸರಾ ಎಲ್ಲಕ್ಕಿಂತ ಅದ್ದೂರಿಯಾಗಿ ನಡೆಯುತ್ತದೆ. ಇದು 10-ದಿನಗಳ ವಾರ್ಷಿಕ ಉತ್ಸವವಾಗಿದ್ದು, ನವರಾತ್ರಿಯ ಪ್ರಾರಂಭದೊಂದಿಗೆ ಪ್ರಾರಂಭವಾಗುತ್ತದೆ ಮತ್ತುವಿಜಯದಶಮಿ ದಿನದಂದು ಕೊನೆಗೊಳ್ಳುತ್ತದೆ. ಈ ಹಬ್ಬವ್ ಸಾಮಾನ್ಯವಾಗಿ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ತಿಂಗಳಿನಲ್ಲಿ ಬರುತ್ತದೆ. ವಿಜಯನಗರ ಸಾಮ್ರಾಜ್ಯದ ಕಾಲದಿಂದಲೂ ದಸರಾವನ್ನು ಅತ್ಯಂತ ವೈಭವದಿಂದ ಆಚರಿಸಲಾಗುತ್ತಿದೆ. ಹಬ್ಬದ ಸಮಯದಲ್ಲಿ ನಡೆಯುವ ಕೆಲವು ಆಕರ್ಷಣೆಗಳಲ್ಲಿ ಜಂಬೂ ಸವಾರಿ, ಇದು ಸಾಂಪ್ರದಾಯಿಕ ಮೆರವಣಿಗೆ, ಮೈಸೂರು ಅರಮನೆಯಲ್ಲಿ ವಿಶೇಷ ದರ್ಬಾರ್ ಇತ್ಯಾದಿಗಳನ್ನು ಒಳಗೊಂಡಿದೆ.

ಮತ್ತೊಂದು ಪ್ರಮುಖ ಆಕರ್ಷಣೆಯೆಂದರೆ ಮೈಸೂರು ಅರಮನೆಯು ಎಲ್ಲಾ 10 ದಿನಗಳಲ್ಲಿ ರಾತ್ರಿ 7 ರಿಂದ 10 ರವರೆಗೆ ಸುಮಾರು 100,000 ಬಲ್ಬ್‌ಗಳಿಂದ ಸುಂದರವಾಗಿ ಬೆಳಗಲ್ಪಟ್ಟು ಬೆರಗುಗೊಳಿಸುತ್ತದೆ.