ಕರ್ನಾಟಕದ ಬಾಗಲಕೋಟೆಯ ಐತಿಹಾಸಿಕ ಪರಂಪರೆಯ ಬಗ್ಗೆ ತಿಳಿಯೋಣ ಬನ್ನಿ

ಪಟ್ಟದಕಲ್ಲು

ಈ ಹಿಂದೆ ಪಟ್ಟದಕಲ್ಲನ್ನು ಪಟ್ಟದ ಕಿಸುವೊಲಲ್ ಎಂದು ಕರೆಯಲಾಗುತ್ತಿತ್ತು, ಇದನ್ನು ಅಕ್ಷರಶಃ 'ಕಿರೀಟದ ಮಾಣಿಕ್ಯಗಳ ನಗರ' ಎಂದು ಅನುವಾದಿಸಲಾಗುತ್ತದೆ. ಬಾಗಲಕೋಟೆಯ ಈ ಸುಂದರ ನಗರವು 8 ನೇ ಶತಮಾನದಲ್ಲಿ ಚಾಲುಕ್ಯ ರಾಜವಂಶದಿಂದ ನಿರ್ಮಿಸಲಾದ ರಾಜಮನೆತನದ ಕಟ್ಟಡಗಳು ಮತ್ತು ಸ್ಮಾರಕಗಳಿಂದಾಗಿ ಜನಪ್ರಿಯವಾಗಿದೆ.

ಮಲಪ್ರಭಾ ನದಿಯ ದಡದಲ್ಲಿ ನೆಲೆಸಿರುವ ಪಟ್ಟದಕಲ್ ನಲ್ಲಿ 10 ದೇವಾಲಯಗಳಿವೆ, ಇವೆಲ್ಲವೂ ಶಿವನಿಗೆ ಸಮರ್ಪಿತವಾಗಿವೆ, ಇವುಗಳ ಮೂಲಕ ನೀವು ಚಾಲುಕ್ಯರ ವಾಸ್ತುಶಿಲ್ಪದ ವೈಭವವನ್ನು ನೋಡಬಹುದು.

ವಿರೂಪಾಕ್ಷ ದೇವಸ್ಥಾನ, ಸಂಗಮೇಶ್ವರ ದೇವಸ್ಥಾನ, ಮಲ್ಲಿಕಾರ್ಜುನ ದೇವಸ್ಥಾನ,ಇತ್ಯಾದಿಗಳನ್ನು ನೀವು ತಪ್ಪಿಸಿಕೊಳ್ಳಬಾರದ ಕೆಲವು ಪ್ರಮುಖ ದೇವಾಲಯಗಳು.

ಕೂಡಲ ಸಂಗಮ

ಕೂಡಲ ಸಂಗಮವು ಮಲಪ್ರಭಾ ನದಿ ಮತ್ತು ಕೃಷ್ಣಾ ನದಿಯ ಸಂಗಮದ ಸ್ಥಳವಾಗಿದೆ. ಈ ಜನಪ್ರಿಯ ಸ್ಥಳವು ಹಿಂದೂಗಳಿಗೆ ಪ್ರಮುಖ ಯಾತ್ರಾಸ್ಥಳವಾಗಿದೆ. ಈ ಪಟ್ಟಣವು ಶಿವನಿರ್ಪಿತವಾದ ಹಲವಾರು ದೇವಾಲಯಗಳನ್ನು ಹೊಂದಿದೆ. ಈ ಸ್ಥಳವು ಕರ್ನಾಟಕದ ಅತ್ಯಂತ ಪ್ರಸಿದ್ದ ಹಿಂದೂ ಕವಿ ಹಾಗೂ ತತ್ವಜ್ಞಾನಿ ಬಸವಣ್ಣನವರ ಜನ್ಮಸ್ಥಳವೂ ಆಗಿದೆ. ಇಲ್ಲಿಯ ಪ್ರಮುಖ ದೇವಾಲಯಗಳಲ್ಲಿ ಶ್ರೀ ಸಂಗಮೇಶ್ವರ ದೇವಾಲಯವು ಪ್ರಮುಖವಾಗಿದ್ದು, ಇದನ್ನು 12ನೇ ಶತಮಾನದಲ್ಲಿ ಚಾಲುಕ್ಯರಿಂದ ನಿರ್ಮಿಸಲ್ಪಟ್ಟಿತು. ಈ ದೇವಾಲಯವು ಪ್ರಸಿದ್ದ ಕವಿ ಬಸವಣ್ಣನವರಿಗೆ ಅರ್ಪಿತವಾದುದಾಗಿದ್ದು ಇದು ಲಿಂಗಾಯಿತ ಸಮುದಾಯದವರಿಗೆ ಅತ್ಯಂತ ಪವಿತ್ರ ಸ್ಥಳವಾಗಿದೆ.

ಬಾದಾಮಿ

ಬಾದಾಮಿಯು ಪ್ರಕೃತಿ ಮತ್ತು ಇತಿಹಾಸದ ಸಂಪೂರ್ಣ ಅನುಭವವನ್ನು ನೀಡುತ್ತದೆ. ಈ ದೇವಾಲಯವು ಅದರಲ್ಲೂ ಬಾದಾಮಿಯು ಚಾಲುಕ್ಯರಿಂದ ನಿರ್ಮಿಸಲ್ಪಟ್ಟ ಜಗತ್ರ್ಪಸಿದ್ದ ಗುಹಾಂತರ ದೇವಾಲಯಗಳಿಗೆ ಹೆಸರುವಾಸಿಯಾಗಿದೆ. ಚಾಲುಕ್ಯರ ರಾಜಧಾನಿಯಾಗಿದ್ದ ಬಾದಾಮಿಯಲ್ಲಿ ಅವರ ಅತ್ಯುತ್ತಮ ವಾಸ್ತುಶಿಲ್ಪವನ್ನು ಕಾಣಬಹುದಾಗಿದೆ.

ನಾಲ್ಕು ಗುಹೆ ದೇವಾಲಯಗಳನ್ನು ಮರಳುಗಲ್ಲುಗಳಿಂದ ಕೆತ್ತಲಾಗಿದೆ ಮತ್ತು 4 ನೇ ದೇವಸ್ಥಾನವನ್ನು ಹೊರತುಪಡಿಸಿ ಉಳಿದ ಮೂರೂ ದೇವಾಲಯಗಳೂ ಹಿಂದೂ ದೇವರುಗಳಿಗೆ ಸಮರ್ಪಿಸಲಾಗಿದೆ, ನಾಲ್ಕನೆಯ ದೇವಾಲಯವು ಜೈನ ದೇವಾಲಯವಾಗಿದೆ. ಇವುಗಳ ಹೊರತಾಗಿ ಇಲ್ಲಿ ಬಾದಾಮಿ ಮ್ಯೂಸಿಯಂ, ಅಗಸ್ತ್ಯತೀರ್ಥ, ಭೂತನಾಥ ದೇವಾಲಯ, ಇತ್ಯಾದಿಗಳಿಗೆ ಭೇಟಿ ನೀಡಬಹುದು.

ಐಹೊಳೆ

ಐಹೊಳೆಯಲ್ಲಿ ಕಂಡುಬರುವ ದೇವಾಲಯಗಳ ಸಮೂಹವು ಅನೇಕರ ಗಮನವನ್ನು ಸೆಳೆಯುತ್ತದೆ. ಇದರಿಂದಾಗಿ ಇದು ಯುನೆಸ್ಕೋ ವಿಶ್ವ ಪರಂಪರೆಯ ತಾಣಗಳ ಬಾಕಿಯಿರುವ ಪಟ್ಟಿಯಲ್ಲಿದೆ. ಈ ಐತಿಹಾಸಿಕ ನಗರದಲ್ಲಿ 125 ಕ್ಕೂ ಹೆಚ್ಚು ದೇವಾಲಯಗಳನ್ನು ಒಳಗೊಂಡಿರುವ 20 ದೇವಾಲಯ ಸಂಕೀರ್ಣಗಳನ್ನು ಕಾಣಬಹುದು, ಇವೆಲ್ಲವೂ ಚಾಲುಕ್ಯರ ಹೊರತು ಬೇರೆ ಯಾರಿಂದಲೂ ನಿರ್ಮಿಸಲ್ಪಟ್ಟಿಲ್ಲ.

ಈ ಸಂಕೀರ್ಣಗಳು ಒಂದು ಬೌದ್ಧ ಗುಹೆಯೊಂದಿಗೆ ಹಿಂದೂ ಮತ್ತು ಜೈನ ದೇವಾಲಯಗಳನ್ನು ಒಳಗೊಂಡಿವೆ. ನೀವು ದುರ್ಗಾ ದೇವಾಲಯ, ಲಾಡ್ ಖಾನ್ ದೇವಾಲಯ, ಮೇಗುಟಿ ಜೈನ ದೇವಾಲಯ ಮುಂತಾದ ಸ್ಥಳಗಳಿಗೆ ಭೇಟಿ ನೀಡಬಹುದು. ಈ ದೇವಾಲಯಗಳು 5 ನೇ ಶತಮಾನದಷ್ಟು ಹಿಂದಿನವುಗಳಾಗಿವೆ

ಮಹಾಕೂಟ

ಮಹಾಕೂಟವು ಬಾಗಲ್ ಕೋಟೆಯ ಒಂದು ಹಳ್ಳಿಯಾಗಿದ್ದು, ಇದು ಹಲವಾರು ಸುಂದರ ದೇವಾಲಯ ಸಮೂಹಗಳಿಗೆ ಹೆಸರುವಾಸಿಯಾಗಿದೆ. ಇವುಗಳಲ್ಲಿ ಹೆಚ್ಚಿನವು ಶಿವ ದೇವರಿಗೆ ಅರ್ಪಿತವಾದುದಾಗಿದೆ. ಈ ದೇವಾಲಯಗಳನ್ನು ಕ್ರಿ.ಶ 6 ರಿಂದ 8 ನೇ ಶತಮಾನದ ನಡುವೆ ನಿರ್ಮಿಸಲಾಗಿದೆ ಮತ್ತು ಬಾದಾಮಿಯಿಂದ ಕೆಲವೇ ಕಿಲೋಮೀಟರ್ ದೂರದಲ್ಲಿದೆ.

ಚಾಲುಕ್ಯರ ಸೇನೆಯ ಸಾಧನೆಗಳನ್ನು ಶ್ಲಾಘಿಸುವ ಕಂಬದ ಶಾಸನಗಳು, ಮುಖಮಂಟಪ ಶಾಸನಗಳು ಇತ್ಯಾದಿಗಳನ್ನು ದೇವಾಲಯದ ಸಂಕೀರ್ಣದೊಂದಿಗೆ ಕಾಣಬಹುದು. ಈ ದೇವಾಲಯಗಳ ವಾಸ್ತುಶೈಲಿಯು ದ್ರಾವಿಡ ಮತ್ತು ನಾಗರ ಶೈಲಿಗಳ ಶ್ರೇಷ್ಠ ಮಿಶ್ರಣವನ್ನು ಪ್ರತಿಬಿಂಬಿಸುತ್ತದೆ, ಹಾಗೂ ಚಾಲುಕ್ಯರ ವಾಸ್ತುಶಿಲ್ಪವನ್ನು ಹೊಂದಿದೆ.