ಸಂಗಮ ದಾಟಿ ಭೇಟಿ ನೀಡಿ ಮೇಕೆದಾಟು

ಬೆಂಗಳೂರಿನಿಂದ ಮೇಕೆದಾಟು:

ಮೊದಲಿಗೆ ಬೆಂಗಳೂರಿನಿಂದ ಕನಕಪುರಕ್ಕೆ ತೆರಳಬೇಕು. ಕನಕಪುರವು ಬೆಂಗಳೂರಿನಿಂದ 60 ಕಿ.ಮೀ ಗಳಷ್ಟು ದೂರದಲ್ಲಿದೆ. ಒಂದೊಮ್ಮೆ ಕನಕಪುರ ತಲುಪಿದ ಮೇಲೆ ಹೆದ್ದಾರಿಯನ್ನು ಎಡ ತಿರುವು ತೆಗೆದುಕೊಳ್ಳುವುದರ ಮೂಲಕ ಸಂಗಮಕ್ಕೆ ಹೊರಡಬೇಕು.

ಚಿತ್ರಕೃಪೆ: Renjith Sasidharan

ಬೆಂಗಳೂರಿನಿಂದ ಮೇಕೆದಾಟು:

ಕನಕಪುರದಿಂದ ಸಂಗಮಕ್ಕೆ ತೆರಳಲು ತುಸು ಕಷ್ಟವಾಗಬಹುದು. ಏಕೆಂದರೆ ಈ ಮಾರ್ಗದಲ್ಲಿ ಮಾರ್ಗಸೂಚಿ ಫಲಕಗಳು ಸಾಕಷ್ಟಿಲ್ಲದಿರುವುದೆ ಕಾರಣ. ಆದ್ದರಿಂದ ಅಲ್ಲಲ್ಲಿ ಸ್ಥಳೀಯರಿಂದ ಮಾರ್ಗದರ್ಶನ ಪಡೆದು ಮುಂದುವರೆಯಬೇಕು. ಸಂಗಮವು ಕನಕಪುರದಿಂದ ಸುಮಾರು 30 ಕಿ.ಮೀ ಗಳಷ್ಟು ದೂರವಿದೆ.

ಚಿತ್ರಕೃಪೆ: Thejaswi

ಬೆಂಗಳೂರಿನಿಂದ ಮೇಕೆದಾಟು:

30 ಕಿ.ಮೀ ಗಳಷ್ಟು ಕ್ರಮಿಸಿದ ನಂತರ ಸಂಗಮವನ್ನು ತಲುಪುತ್ತೇವೆ. ಕಾವೇರಿ ಹಾಗೂ ಅರ್ಕಾವತಿ ನದಿಗಳು ಸಮಾಗಮ ಹೊಂದಿರುವ ಈ ಸ್ಥಳವು ಪ್ರಶಾಂತವಾಗಿದ್ದು, ಆದರ್ಶಮಯ ಪಿಕ್ನಿಕ್ ತಾಣವಾಗಿಯೂ ಇದೆ.

ಚಿತ್ರಕೃಪೆ: solarisgirl

ಬೆಂಗಳೂರಿನಿಂದ ಮೇಕೆದಾಟು:

ಸಂಗಮದಲ್ಲಿ ಬೇಸಿಗೆಯ ಸಂದರ್ಭಗಳಲ್ಲಿ ಅಷ್ಟೊಂದಾಗಿ ನೀರು ಇರುವುದಿಲ್ಲ ಹಾಗೂ ಆಳವೂ ಸಹ ಬಲು ಕಡಿಮೆಯಿರುತ್ತದೆ. ಆದ್ದರಿಂದ ನೀರಲ್ಲಿ ಹಾಯಾಗಿ ಆಟ ಆಡುವವರನ್ನು ಕಾಣಬಹುದು.

ಚಿತ್ರಕೃಪೆ: ArunCyriac

ಬೆಂಗಳೂರಿನಿಂದ ಮೇಕೆದಾಟು:

ಇನ್ನೂ ಮಳೆಗಾಲದ ಸಂದರ್ಭದಲ್ಲಿ ನೀರು ಅತಿ ರಭಸದಿಂದ ಹರಿಯುತ್ತದೆ ಹಾಗೂ ತೆಪ್ಪಗಳ ಸವಾರಿಯು ಪ್ರವಾಸಿಗರ ಪ್ರಮುಖ ಆಕರ್ಷಣೆಯಾಗಿರುತ್ತದೆ. ಒಟ್ಟಾರೆಯಾಗಿ ಹೇಳಬೇಕೆಂದರೆ ಸಂಗಮಕ್ಕೆ ವರ್ಷದ ಯಾವ ಸಮಯದಲ್ಲಾದರೂ ಭೇಟಿ ನೀಡಬಹುದು.

ಚಿತ್ರಕೃಪೆ: Nagarjun Kandukuru

ಬೆಂಗಳೂರಿನಿಂದ ಮೇಕೆದಾಟು:

ಸಂಗಮದಲ್ಲಿ ಸರ್ಕಾರದಿಂದ ಹಾಕಲಾದ ಮೊಸಳೆಗಳಿರುವ ಕುರಿತು ಸೂಚನಾ ಫಲಕವಿದೆ. ಸಾಧ್ಯವಾದಷ್ಟು ನೀವು ಜಾಗರೂಕರಾಗಿರುವುದು ಅವಶ್ಯಕ. ಆದರೆ ಬೇಸಿಗೆಯ ಸಂದರ್ಭದಲ್ಲಿ ನೀರು ಕಡಿಮೆಯಿರುವ ಹಾಗೂ ಗುಂಪು ಗುಂಪಾಗಿ ಜನರು ನೀರಿನಲ್ಲಿಳಿಯುವ ಕಾರಣ ಮೊಸಳೆಗಳ ಕುರಿತು ಯಾರು ಅಷ್ಟೊಂದು ಗಮನ ಹರಿಸುವುದಿಲ್ಲ, ಆದರೂ ಮುಂಜಾಗ್ರತೆ ಅತ್ಯವಶ್ಯ.

ಚಿತ್ರಕೃಪೆ: Vikram Vetrivel

ಬೆಂಗಳೂರಿನಿಂದ ಮೇಕೆದಾಟು:

ಸಂಗಮದಲ್ಲಿ ಮನ ತೃಪ್ತವಾಗುವಷ್ಟು ಸಮಯವನ್ನು ಕಳೆದ ಮೆಲೆ ಮೇಕೆದಾಟುವಿಗೆ ಹೊರಡಲು ಸಿದ್ಧರಾಗಿ. ಮೇಕೆದಾಟು ಸಂಗಮದಿಂದ ನಾಲ್ಕು ಕಿ.ಮೀ ಗಳಷ್ಟು ದೂರದಲ್ಲಿದ್ದು ಇದನ್ನು ತಲುಪಲು ಸಂಗಮದ ನದಿಯನ್ನು ದಾಟಬೇಕಾಗುತ್ತದೆ. ಬೇಸಿಗೆಯಲ್ಲಿ ಅಥವ ನೀರು ಕಡಿಮೆಯಿದ್ದ ಸಂದರ್ಭದಲ್ಲಿ ನಡೆದುಕೊಂಡೆ ನದಿಯನ್ನು ದಾಟಬಹುದು.

ಚಿತ್ರಕೃಪೆ: Nagarjun Kandukuru

ಬೆಂಗಳೂರಿನಿಂದ ಮೇಕೆದಾಟು:

ದಾಟಿದ ನಂತರ ಅಲ್ಲಿಂದ ಸರ್ಕಾರಿ ಬಸ್ಸುಗಳು ಮೇಕೆದಾಟುವಿಗೆ ಕರೆದೊಯ್ಯಲು ಸಿದ್ಧವಿರುತ್ತವೆ. ಒಬ್ಬರಿಗೆ ನಿಗದಿತ ಶುಲ್ಕ ನೀಡಿ ಮೇಕೆದಾಟುವಿಗೆ ತೆರಳಬಹುದು. ಬಸ್ಸುಗಳು ಅನುಕೂಲತೆಯು ಸಾಮಾನ್ಯವಾಗಿ ಪ್ರವಾಸಿಗರ ಸಂಖ್ಯೆಯ ಮೇಲೆ ಅವಲಂಬಿಸಿರುತ್ತದೆ.

ಚಿತ್ರಕೃಪೆ: Rishabh Mathur

ಬೆಂಗಳೂರಿನಿಂದ ಮೇಕೆದಾಟು:

ಬೇಕಿದ್ದರೆ ಅಥವಾ ನಿಸರ್ಗದ ಮಡಿಲಿನಲ್ಲಿ ಸಂತೋಷದಿಂದ ನಡೆಯಲು ಮನ ಬಯಸಿದರೆ ಬಸ್ಸುಗಳೇರದೆ ಹಾಯಾಗಿ ಟ್ರೆಕ್ ಮಾಡುತ್ತಲೂ ಸಹ ಮೇಕೆದಾಟುವನ್ನು ತಲುಪಬಹುದು.

ಚಿತ್ರಕೃಪೆ: solarisgirl

ಬೆಂಗಳೂರಿನಿಂದ ಮೇಕೆದಾಟು:

ಒಂದೊಮ್ಮೆ ಮೇಕೆದಾಟು ತಲುಪಿದರೆ ಕೆಲವು ನೂರು ಮೆಟ್ಟಿಲುಗಳಷ್ಟು ಕೆಳಗಿಳಿದು ಮತ್ತೆ ಮೇಲೇರಿ ಮೇಕೆದಾಟುವಿನ ಪ್ರಮುಖ ವೀಕ್ಷಣಾ ಕೇಂದ್ರಕ್ಕೆ ತಲುಪಬಹುದು. ಮೇಕೆದಾಟುವಿನ ವಿಶೇಷವೆಂದರೆ ಸಂಗಮದಲ್ಲಿ ನೂರು ಮೀಗೂ ಅಧಿಕ ಅಗಲವಾಗಿರುವ ನದಿಯು ಇಲ್ಲಿ ಕೇವಲ ಹತ್ತು ಮೀ ಗಳಷ್ಟು ಅಗಲದಲ್ಲಿ ಹರಿಯುತ್ತದೆ.

ಚಿತ್ರಕೃಪೆ: Thejaswi

ಬೆಂಗಳೂರಿನಿಂದ ಮೇಕೆದಾಟು:

ಇಲ್ಲಿ ನೀರಿನ ಹರಿತ ತೀವ್ರವಾಗಿರುತ್ತದೆ ಹಾಗೂ ಇದರಲ್ಲಿಳಿಯುವುದು ಬಹು ಅಪಾಯಕಾರಿ. ಅದಕ್ಕೆಂತಲೆ ಇಲ್ಲಿ ಇದು ಅಪಾಯದ ಸ್ಥಳ ಎಂಬ ಸೂಚನೆ ನೀಡುವ ಫಲಕವನ್ನು ಕಾಣಬಹುದು.

ಚಿತ್ರಕೃಪೆ: Nagarjun Kandukuru

ಬೆಂಗಳೂರಿನಿಂದ ಮೇಕೆದಾಟು:

ಇಲ್ಲಿನ ಸ್ಥಳ ಪುರಾಣದ ಪ್ರಕಾರ, ಹಿಂದೆ ಮೇಕೆಯೊಂದು ಹುಲಿ ಬೆನ್ನಟ್ಟಿದ್ದಾಗ ಓಡುತ್ತ ಓಡುತ್ತ ಇಲ್ಲಿ ಬಂದು ಈ ನದಿಯನ್ನು ಒಂದೆ ಜಿಗಿತದಲ್ಲಿ ಪಾರು ಮಾಡಿತಂತೆ. ಆದರೆ ಇದು ಹುಲಿಯಿಂದ ಮಾತ್ರ ಸಾಧ್ಯವಾಗಲಿಲ್ಲವಂತೆ. ಮೇಕೆ ಸರಾಗವಾಗಿ ಇದನ್ನು ದಾಟಿದ್ದರಿಂದ ಮುಂದೆ ಈ ಸ್ಥಳಕ್ಕೆ ಮೇಕೆದಾಟು ಎಂದು ಹೆಸರು ಬಂದಿತೆಂದು ಹೇಳಲಾಗುತ್ತದೆ.

ಚಿತ್ರಕೃಪೆ: Karthik Prabhu

ಬೆಂಗಳೂರಿನಿಂದ ಮೇಕೆದಾಟು:

ಮೊನಚಾದ ಬೃಹತ್ ಕಲ್ಲು ಬಂಡೆಗಳ ಸಂದಿನಲ್ಲಿ, ಶಿಲೆಯನ್ನೆ ಕೊರೆದಂತೆ ರಭಸವಾಗಿ ಹರಿಯುವ ಕಾವೇರಿ ನದಿಯ ನೋಟವು ನೋಡಿದಾಗ ರೋಮಾಂಚನ ಆಗದೆ ಇರದು.

ಚಿತ್ರಕೃಪೆ: Bobinson K B

ಬೆಂಗಳೂರಿನಿಂದ ಮೇಕೆದಾಟು:

ಅದ್ಭುತ ಮೇಕೆದಾಟು.

ಚಿತ್ರಕೃಪೆ: Rishabh Mathur