Click it and Unblock the Notifications
ಸೊಂದಾ ಅಥವಾ ಸೋದೆ ಎನ್ನುವುದು ಒಂದು ತೀರ್ಥ ಕ್ಷೇತ್ರವಾಗಿದ್ದು, ಇಲ್ಲಿ ವಾದಿರಾಜರ ಮಠವಿದೆ, ಇದು ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯಲ್ಲಿನ ಮತ್ತೊಂದು ಪ್ರಮುಖ ತೀರ್ಥಕ್ಷೇತ್ರ ಶಿರಸಿಗೆ ಸಮೀಪದಲ್ಲಿದೆ.
ಸೊಂದಾವು ಸಮುದ್ರಮಟ್ಟದಿಂದ 2000 ಅಡಿ ಎತ್ತರದಲ್ಲಿ ನೆಲೆಗೊಂಡಿದೆ. ಇದು 16ರಿಂದ 18ನೇ ಶತಮಾನದಲ್ಲಿ ಸ್ವಾಡಿ ದೊರೆಗಳ ಕಾಲದಲ್ಲಿ ಒಂದು ಪ್ರಮುಖ ಪಟ್ಟಣವಾಗಿ ಗುರುತಿಸಿಕೊಂಡಿತ್ತು. ಶ್ರೀ ವಾದಿರಾಜರು ಶ್ರೀ ಮಧ್ವಾಚಾರ್ಯರ ದ್ವೈತ ಸಿದ್ಧಾಂತವನ್ನು ಪ್ರಚಾರ ಮಾಡುವ ಸಲುವಾಗಿ ಇಲ್ಲೊಂದು ಮಠವನ್ನು ಕಟ್ಟಿದರು.
ಪ್ರವಾಸಿಗರ ಹಿಂಡು ಏಕೆ ಸೊಂದಾಕ್ಕೆ ಬರುತ್ತದೆ.
ಇಲ್ಲಿ ಒಂದು ಮಹಾವಿಷ್ಣುವಿನ ಅವತಾರವಾದ ತ್ರಿವಿಕ್ರಮ ದೇವನ ದೇವಾಲಯವಿದೆ. ಗರ್ಭಗುಡಿಯಲ್ಲಿ ತ್ರಿವಿಕ್ರಮನ ಸುಂದರ ಮೂರ್ತಿಯಿದೆ ಮತ್ತು ದೇವಾಲಯದ ಹೊರಗೆ ಉತ್ಸವಗಳ ಕಾಲದಲ್ಲಿ ಬಳಸಲಾಗುವ ಒಂದು ಕಲ್ಲಿನ ರಥವಿದೆ. ರಥದ ಒಳಭಾಗದಲ್ಲಿ ಶ್ರಿವಿಷ್ಣುವಿನ ಸತಿಯಾದ ಶ್ರೀ ಮಹಾಲಕ್ಷ್ಮಿಯ ಚಿತ್ರವಿದೆ. ದೇವಾಲಯದ ಉತ್ತರ ಭಾಗದಲ್ಲಿ ರಾಜಾಂಗಣವಿದ್ದು, ಅಲ್ಲಿಂದ ಮಠವನ್ನು ಪ್ರವೇಶಿಸಬಹುದು. ನೀವು ಅದಕ್ಕಾಗಿ 24 ಮೆಟ್ಟಿಲು ಇಳಿದು ಬರಬೇಕು. ಈ ಸ್ಥಳದಲ್ಲಿ ಒಂದು ಅಡುಗೆ ಮನೆ, ಉಗ್ರಾಣಗಳು ಮತ್ತು ಪೂಜಾಮಂದಿರವಿದೆ.
ಸೊಂದಾದಲ್ಲಿ ಒಂದು ಹಳೆಯ ಕೋಟೆಯಿದ್ದು ಅದು ಹಲವು ಚಿಕ್ಕ ಮತ್ತು ಹಳೆಯ ಫಿರಂಗಿಗಳನ್ನು ಹೊಂದಿದೆ. ಸೊಂಡದಲ್ಲಿ ವಾದಿರಾಜ ಮಠದ ಹೊರತಾಗಿ ಮತ್ತೆರಡು ಮಠಗಳಿವೆ, ಅವುಗಳೆಂದರೆ ಅಕಲಂಕ ಮಠ ಮತ್ತು ಸ್ವರ್ಣವಲ್ಲಿ ಮಠ. ಇಲ್ಲೊಂದು ಜೈನ ಬಸದಿಯು ಇದೆ. ಅಲ್ಲದೆ ವೆಂಕಟರಮಣಸ್ವಾಮಿಯ ದೇವಾಲಯವಿದೆ. ಸೊಂದಾ ಅಥವಾ ಸೋದೆಯು ತನ್ನ ದೇವಾಲಯ ಮತ್ತು ಮಠಗಳಿಂದಾಗಿ ಐತಿಹಾಸಿಕವಾಗಿ ಮತ್ತು ಧಾರ್ಮಿಕವಾಗಿ ಮಹತ್ವ ಪಡೆದಿರುವಂತಹ ಸ್ಥಳವಾಗಿದ್ದು, ಪ್ರವಾಸಿಗರಿಗೆ ಭೇಟಿಕೊಡಲು ಒಂದು ಆಸಕ್ತಿದಾಯಕವಾದ ತಾಣವಾಗಿದೆ.
