ಸಂಬಲ್ಪುರವು ಇತಿಹಾಸ ಮತ್ತು ಆಧುನಿಕತೆಯ ಮಿಶ್ರಣ. ಇಂದು ಸಂಬಲ್ಪುರ ಎಂದು ಹೆಸರಾಗಿರುವ ಈ ಊರು ಹಲವು ಆಳ್ವಿಕೆಗಳು ಮತ್ತು ಸರ್ಕಾರಗಳಡಿಯಲ್ಲಿ ಹಲವು ವಿಭಾಗಗಳನ್ನು ಮತ್ತು ವಿಲೀನಗಳನ್ನು ಕಂಡಿದೆ. ಹಲವು ಆಳ್ವಿಕೆಗಳ ಪರಿಣಾಮವಾಗಿ ಹಲವು ಸಂಸ್ಕೃತಿಗಳ ಪ್ರಭಾವವು ಇಂದಿನ ಸಂಬಾಲ್ಪುರವನ್ನು ರೂಪಿಸಿದೆ. ಇದು ರಾಜ್ಯದ ಪಶ್ಚಿಮ ಭಾಗದಲ್ಲಿದ್ದು ಸಾಂಸ್ಕೃತಿಕವಾಗಿ ಮತ್ತು ಪ್ರಾಕೃತಿಕವಾಗಿ ಶ್ರೀಮಂತವಾಗಿದೆ.
ಸಂಬಲ್ಪುರ- ವಜ್ರಗಳ ವ್ಯಾಪಾರಿ ಕೇಂದ್ರ. ಹಲವು ಶತಮಾನಗಳಿಂದಲೂ ಈ ಪ್ರದೇಶವು ವಜ್ರಗಳಿಗೆ ಪ್ರಸಿದ್ಧವಾಗಿದೆ. ಇಲ್ಲಿನ ಮಹಾನದಿಯ ಸುತ್ತ ವಜ್ರಗಳು ಸಿಗುತ್ತವೆ. ಇದು ಗುಣಮಟ್ಟದಲ್ಲಿ ಉತ್ತಮವಾಗಿರುವುದರಿಂದ ಇದಕ್ಕೆ ಪ್ರಪಂಚದಾದ್ಯಂತ ಬೇಡಿಕೆಯಿದೆ. ಇಲ್ಲಿ ಸಿಗುವ ಶುದ್ಧವಾದ ವಜ್ರವನ್ನು 146 ಕ್ಯಾರೆಟ್ “ತಾಜ್-ಇ-ಮಹ್” ಎಂದು ಕರೆಯುತ್ತಾರೆ. ಇದರರ್ಥ ‘ಚಂದ್ರನ ಕಿರೀಟ”.
ಸಂಬಲ್ಪುರ - ಕೈಮಗ್ಗದ ನಗರ
ಸಂಬಲ್ಪುರದ ಮಹಿಳೆಯರ ಸಾಂಪ್ರದಾಯಿಕ ಉಡುಗೆ ಸೀರೆ. ಇದು ಈ ಪ್ರದೇಶದ ವಿಶಿಷ್ಟ ಉತ್ಪತ್ತಿ. ಸೀರೆಯ ವಿನ್ಯಾಸ ಮತ್ತು ಬಣ್ಣಗಳು ಸಂಬಾಲ್ಪುರದ ಸೀರೆಗೆ ವಿಶಿಷ್ಟ ಸ್ಥಾನವನ್ನು ಕಲ್ಪಿಸಿದೆ. ಇಕ್ಕತ್ ಅಥವ ಬಂಧಕಲಾ ಸೀರೆಗಳೂ ಕೂಡ ಇದೇ ರೀತಿ ಇತಿಹಾಸದಲ್ಲಿ ವಿಶಿಷ್ಟ ಸ್ಥಾನವನ್ನು ಪಡೆದಿದೆ. ಬಂಧಕಲಾ ಸೀರೆಗಳಲ್ಲದೆ ಬಂಧಕಲಾ ಬಟ್ಟೆಗಳನ್ನು ಸಲ್ವಾರ್ಗಳಿಗೆ, ಡ್ರೆಸ್ಗಳಿಗೆ ಮತ್ತು ಟವಲ್ಗಳಿಗೆ ಕೂಡ ಬಳಸಲಾಗುತ್ತದೆ. ಆದರೂ ಇಲ್ಲಿ ಬಟ್ಟೆಗಳನ್ನು ಕೊಳ್ಳುವಾಗ ನಕಲಿ ವಸ್ತುಗಳ ಬಗ್ಗೆ ಎಚ್ಚರದಿಂದಿರುವುದು ಅಗತ್ಯ.
ಸಂಬಲ್ಪುರದ ಸುತ್ತ ಮುತ್ತಲ ಪ್ರವಾಸಿತಾಣಗಳು
ಸಂಬಲ್ಪುರದ ಪ್ರವಾಸೋದ್ಯಮವು ಹಲವು ಕಾರಣಗಳಿಂದ ಪ್ರಸಿದ್ಧವಾಗಿದೆ. ಹಿರಾಕುಡ್ ಡ್ಯಾಂ, ಸಮಾಲೇಶ್ವರಿ ದೇವಾಲಯ, ಹುಮಾದ ಬಾಗು ಆಲಯ, ಚಿಪಿಲಿಮ ಜಲವಿದ್ಯುತ್ ಯೋಜನೆ, ಘಂಟೇಶ್ವರಿ ದೇವಾಲಯ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಮಹಾನದಿ ಸಂಬಾಲ್ಪುರದ ಪ್ರವಾಸೋದ್ಯಮಕ್ಕೆ ಕೊಡುಗೆ ನೀಡಿದೆ. ದೆಬಿಗರ್ ವನ್ಯಜೀವಿಧಾಮ ಇಲ್ಲಿನ ಮುಖ್ಯ ಪ್ರವಾಸಿ ಆಕರ್ಷಣೆಗಳಲ್ಲಿ ಒಂದು. ಇಲ್ಲಿನ ಅರಣ್ಯವು ಸಸ್ಯ ಮತ್ತು ಜೀವವೈವಿಧ್ಯತೆಯಿಂದ ಕೂಡಿದೆ. ಇಲ್ಲಿನ ಇನ್ನಿತರ ಪ್ರವಾಸಿ ಆಕರ್ಷಣೆಗಳೆಂದರೆ ಜಾನುವಾರು ದ್ವೀಪ, ಉಷಾಕೋಥಿ, ಕಂಧಾರ, ಹತಿಬರಿ ಮತ್ತು ವಿಕ್ರಂಖೋಲ್.
ಸಂಬಲ್ಪುರ ತಲುಪುವುದು ಹೇಗೆ?
ಸಂಬಲ್ಪುರವು ನೋಟ, ಧ್ವನಿ, ರುಚಿ ಹಾಗೂ ಅನುಭವಗಳಲ್ಲಿ ಪ್ರವಾಸಿಗರಿಗೆ ವಿಶಿಷ್ಟವಾದ ಅನುಭವಗಳನ್ನು ನೀಡುವುದರಿಂದ ಇದು ಪ್ರವಾಸಿಗರ ಸ್ವರ್ಗವೆನಿಸಿದೆ. ಸಂಬಾಲ್ಪುರಕ್ಕೆ ಭೇಟಿ ನೀಡಲು ಸೂಕ್ತ ಸಮಯವೆಂದರೆ ಸೆಪ್ಟಂಬರ್ನಿಂದ ಮಾರ್ಚ್ವರೆಗೆ. ಸಂಬಾಲ್ಪುರಕ್ಕೆ ಉತ್ತಮ ರೈಲು, ರಸ್ತೆ ಮತ್ತು ವಾಯು ಮಾರ್ಗಗಳಿವೆ.