ಚಿರಗಾಂವ್ ಹಳ್ಳಿಯು ರೋಹ್ರುವಿನಿಂದ ಸುಮಾರು 15 ಕಿ.ಮೀ ದೂರದಲ್ಲಿದೆ. ಸುತ್ತಲಿನ ಪ್ರದೇಶಗಳಲ್ಲೇ ಅತ್ಯಂತ ಜನಪ್ರಿಯ ಪ್ರವಾಸಿ ತಾಣವಿದು. ಮಂಡಿ, ಧಮರಿ, ಸೀಮಾ, ಟಿಕ್ರಿ ಮತ್ತು ಸಂಧ್ಸುವಿನಲ್ಲೂ ಕೂಡಾ ಮೀನುಗಾರಿಕೆ ಮಾಡಬಹುದು. ಈ ಸ್ಥಳಗಳೂ ಕೂಡಾ ಮೀನುಗಾರಿಕೆಗೆ ಜನಪ್ರಿಯ ತಾಣಗಳು. ಸಾಹಸೀ ಮನೋಭಾವದವರು ಲಾರೋಟ್ಗೆ ಭೇಟಿ ನೀಡಬಹುದು. ಇದು ರೋಹ್ರುವಿಗೆ ಸಮೀಪದ ಸ್ಥಳ. ಈ ಪ್ರದೇಶದಿಂದ ಸರಹನ್ ಮೂಲಕ ಟಾಕ್ಲೆಚ್ಗೆ, ದೋದ್ರಾದಿಂದ ನಿಶಾರ್ಗೆ ಮತ್ತು ಸಾಂಗ್ಲಾ ಕಣಿವೆಗೆ ಚಾರಣ ಕೈಗೊಳ್ಳಬಹುದು.
ಇಡಿ ಪ್ರದೇಶವು ದಟ್ಟ ಅರಣ್ಯ ಮತ್ತು ಪೊದೆಗಳಿಂದ ಆವೃತವಾಗಿದೆ. ಇದರಿಂದ ಈ ಪ್ರದೇಶ ಅತ್ಯಂತ ಸುಂದರವಾಗಿ ಕಾಣುತ್ತದೆ. ಪ್ರವಾಸಿಗರು ಸುತ್ತಲಿರುವ ಅತಿ ಪುರಾತನ ದೇವಸ್ಥಾನಗಳನ್ನು ಭೇಟಿ ಮಾಡಬಹುದು.