Click it and Unblock the Notifications
ಸಮುದ್ರ ಮಟ್ಟದಿಂದ ಸುಮಾರು 1433 ಮೀ. ಎತ್ತರದಲ್ಲಿರುವ ರೈಸನ್ ಕುಲುವಿನಿಂದ 16 ಕಿ.ಮೀ ದೂರದಲ್ಲಿದೆ. ಸಣ್ಣ ಸಣ್ಣ ಹಳ್ಳಿಗಳಿಂದ ಆವೃತವಾಗಿರುವ ಬಿಯಸ್ ನದಿಯ ದಡದಲ್ಲಿರುವ ರೈಸನ್ ವ್ಹೈಟ್ ವಾಟರ್ ರಿವರ್ ರಾಫ್ಟಿಂಗ್ ಮತ್ತು ಶಿಬಿರುಗಳಿಗಾಗಿ ಪ್ರಸಿದ್ಧವಾಗಿದೆ. ಹಲವಾರು ಆಪಲ್ ತೋಟಗಳು ಮತ್ತು ಹಣ್ಣಿನ ಉದ್ಯಾನಗಳು ಈ ಪ್ರದೇಶದ ನಿಸರ್ಗ ಸೌಂದರ್ಯಕ್ಕೆ ಇನಷ್ಟು ಮೆರುಗನ್ನು ನೀಡಿವೆ. ಚಳಿಗಾಲವು ಅಂತ್ಯವಾಗುವ ಹೊತ್ತಿಗೆ ಅಂದರೆ ಮಾರ್ಚ್ನಲ್ಲಿ ಇಡೀ ರೈಸನ್ ಪ್ರದೇಶವು ಹೂವುಗಳಿಂದ ಕಂಗೊಳಿಸುತ್ತಿರುತ್ತದೆ.
ಈ ಪ್ರದೇಶದ ಪ್ರಮುಖ ಆಕರ್ಷಣೆಯೆಂದರೆ ರಾಜೇಂದ್ರ ಪ್ರಸಾದ ನ್ಯಾಷನಲ್ ಆಪ್ತಮಾಲಜಿ ಸೆಂಟರ್. ಇಲ್ಲಿ ಪ್ರತಿವರ್ಷ ಸಮ್ಮರ್ ಕ್ಯಾಂಪ್ನ್ನು ಮಾಡಲಾಗುತ್ತದೆ. ಈ ಕ್ಯಾಂಪ್ನಲ್ಲಿ ಕಣ್ಣಿನ ವಿವಿಧ ಕಾಯಿಲೆಗಳಿ ಚಿಕಿತ್ಸೆ ನಡೆಸಲಾಗುತ್ತದೆ. ರೈಸನ್ನಲ್ಲಿರುವ ರಘುನಾಥ ದೇವಸ್ಥಾನವು ಹಿಂದೂಗಳಿಗೆ ಅತ್ಯಂತ ಪವಿತ್ರವಾದದ್ದು. ಹಿಂದೂ ದೇವರಾದ ರಾಮನಿಗೆ ಈ ದೇವಸ್ಥಾನ ಅರ್ಪಿತವಾಗಿದ್ದು, ವರ್ಷಪೂರ್ತಿ ಅಪಾರ ಪ್ರಮಾಣದ ಪ್ರವಾಸಿಗರು ಮತ್ತು ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ.
ರೈಸನ್ನಲ್ಲಿರುವ ಇನ್ನೊಂದು ದೇವಸ್ಥಾನವೆಂದರೆ ಜಗನ್ನತಿ ದೇವಿ ದೇವಸ್ಥಾನ. ಇದು ಬೇಖಿ ಎಂಬ ಹಳ್ಳಿಯಲ್ಲಿ, ಕುಲುವಿನಿಂದ 3 ಕಿ.ಮೀ ದೂರದಲ್ಲಿದೆ. ಈ ದೇವಸ್ಥಾನದ ವಾಸ್ತುಶಿಲ್ಪವು ಅತ್ಯಂತ ವಿಶಿಷ್ಟವಾಗಿದೆ. ಕುಲು, ಮನಾಲಿ, ಗುಶೈನಿ, ನಗ್ಗರ್, ಭುಂತರ್, ಮನಿಕರನ್ ಮತ್ತು ಪಾಲಂಪುರಗಳು ರೈಸನ್ನಲ್ಲಿರುವ ಇತರ ಪ್ರಮುಖ ಪ್ರವಾಸಿ ತಾಣಗಳು.
ರೈಸನ್ಗೆ ನೀವು ರೈಲು, ವಿಮಾನ ಮತ್ತು ರಸ್ತೆಯ ಮೂಲಕ ತಲುಪಬಹುದು. ಆದರೆ ರೈಸನ್ನಲ್ಲಿ ಯಾವುದೇ ರೈಲ್ವೆ ನಿಲ್ದಾಣವಾಗಲಿ, ವಿಮಾನ ನಿಲ್ದಾಣವಾಗಲಿ ಇಲ್ಲ. ರೈಸನ್ಗೆ ಸಮೀಪದ ವಿಮಾನ ನಿಲ್ದಾಣ ಅಥವಾ ರೈಲು ನಿಲ್ದಾಣಕ್ಕೆ ಹೋಗಿ ಅಲ್ಲಿಂದ ರಸ್ತೆಯಲ್ಲಿ ಪ್ರಯಾಣಿಸಬಹುದು. ಸಮೀಪದ ವಿಮಾನ ನಿಲ್ದಾಣವು ಕುಲುವಿನಲ್ಲಿದೆ. ಪ್ರವಾಸಿಗರು ಕುಲು ವಿಮಾನ ನಿಲ್ದಾಣದ ಹೊರಭಾಗದಲ್ಲಿ ಸಿಗುವ ಟ್ಯಾಕ್ಸಿ ಅಥವಾ ಕ್ಯಾಬ್ಗಳನ್ನು ಬಾಡಿಗೆಗೆ ಪಡೆದು ರೈಸನ್ ತಲುಪಬಹುದು. ರಸ್ತೆ ಪ್ರಯಾಣವಾದರೆ ರೈಸನ್ನಿಂದ 21 ಕಿ.ಮೀ ದೂರದಲ್ಲಿರುವ ಕುಲು ಮೂಲಕ ಸಾಗಬಹುದು. ಪ್ರವಾಸಿಗರು ಖಾಸಗಿ ಮತ್ತು ರಾಜ್ಯ ಸರ್ಕಾರಿ ಬಸ್ ಸೇವೆ ಮೂಲಕ ನಿಮ್ಮ ತಾಣವನ್ನು ತಲುಪಬಹುದು.
ರೈಸನ್ನ ವಾತಾವರಣವು ವರ್ಷಪೂರ್ತಿ ಬದಲಾಗುತ್ತದೆ. ಬೇಸಿಗೆಕಾಲದಲ್ಲಿ ತಾಪಮಾನವು 25 ಡಿಗ್ರಿಯಿಂದ 35 ಡಿಗ್ರಿಯ ತನಕ ಇರುತ್ತದೆ. ಮಳೆಗಾಲದಲ್ಲಿ ಮಧ್ಯಮ ಪ್ರಮಾಣದ ಮಳೆ ರೈಸನ್ನಲ್ಲಿ ಆಗುತ್ತದೆ. ಹೀಗಾಗಿ ಪ್ರವಾಸಿಗರು ಮಳೆಗಾಲದಲ್ಲೂ ಕೂಡಾ ಇಲ್ಲಿ ಪ್ರಯಾಣ ಮಾಡಬಹುದು. ಚಳಿಗಾಲದಲ್ಲಿ ತಾಪಮಾನವು 25 ಡಿಗ್ರಿಯಿಂದ 0 ಡಿಗ್ರಿಯ ತನಕ ಇರುತ್ತದೆ. ಪ್ರವಾಸಿಗರು ಚಳಿಗಾಲದಲ್ಲಿ ಇಲ್ಲಿಗೆ ಭೇಟಿ ನೀಡುವುದನ್ನು ಮುಂದೂಡಿದರೆ ಒಳಿತು. ಯಾಕೆಂದರೆ ಚಳಿಗಾಲದಲ್ಲಿ ಇಲ್ಲಿ ವಿಪರೀತ ಚಳಿ ಇರುತ್ತದೆ.
