ಈ ದೇವಸ್ಥಾನದಲ್ಲಿ ಕಳ್ಳತನ ಮಾಡಿದ್ರೆ ಪುತ್ರ ಭಾಗ್ಯ ಪ್ರಾಪ್ತಿಯಾಗುತ್ತಂತೆ!

ಸಿದ್ಧಪೀಠ ಚೂಡಾಮಣಿ ದೇವಿ

PC: MANISH03

ಭಾರತವು ತನ್ನ ವಿವಿಧ ರೀತಿ ನೀತಿಗಳು ಹಾಗೂ ಪರಂಪರೆಗಳಿಗೆ ಹೆಸರುವಾಸಿಯಾಗಿದೆ. ದೇವ ಭೂಮಿ ಎನ್ನಲಾಗುವ ಉತ್ತರಖಂಡದಲ್ಲಿ ಅನೇಕ ಮಂದಿರಗಳಿವೆ. ಉತ್ತರಖಂಡದಲ್ಲಿರುವ ಅನೇಕ ದೇವಾಲಯಗಳಲ್ಲಿ ಸಿದ್ಧಪೀಠ ಚೂಡಾಮಣಿ ದೇವಿ ಮಂದಿರವೂ ಒಂದು. ಈ ದೇವಸ್ಥಾನದ ವಿಶೇಷತೆ ಏನೆಂದು ತಿಳಿದರೆ ನೀವು ಆಶ್ಚರ್ಯಕ್ಕೊಳಗಾಗುತ್ತೀರಾ. ಯಾವ ದೇವಸ್ಥಾನದಲ್ಲೂ ನೀವು ಇಂತಹದೊಂದು ಆಚರಣೆಯನ್ನು ಕೇಳಿರಲಿಕ್ಕಿಲ್ಲ.

ಗಂಡು ಮಗುವಿಗಾಗಿ ಕಳ್ಳತನ

ಈ ದೇವಾಲಯದಲ್ಲಿ ಕಳ್ಳತನ ಮಾಡಿದರೆ ಆ ವ್ಯಕ್ತಿಯ ಮನೋಕಾಮನೆ ಈಡೇರುತ್ತದಂತೆ. ರೂಡ್‌ಕಿಯ ಚೂಡಿಯಾಲ್‌ ಎನ್ನುವ ಹಳ್ಳಿಯಲ್ಲಿ ಹಳೇಯ ಸಿದ್ಧಪೀಠ ಚೂಡಾಮಣಿ ದೇವಿ ಮಂದಿರದಲ್ಲಿ ಇಂತಹದ್ದೊಂದು ಆಚರಣೆಯನ್ನು ನಂಬಲಾಗುತ್ತಿದೆ. ಗಂಡು ಮಗುವನ್ನು ಪಡೆಯಲಿಚ್ಚಿಸುವ ದಂಪತಿಗಳು ಈ ಮಂದಿರದಲ್ಲಿ ಬಂದು ಪ್ರಾರ್ಥಿಸಿದರೆ ಗಂಡು ಮಗುವಿನ ಪ್ರಾಪ್ತಿಯಾಗುತ್ತದಂತೆ.

ಮರದ ದಿಮ್ಮಿ ಕಳ್ಳತನ ಮಾಡುವ ಸಂಪ್ರದಾಯ

ಇಲ್ಲಿನ ನಂಬಿಕೆಯ ಪ್ರಕಾರ , ಯಾವ ದಂಪತಿಗಳಿಗೆ ಪುತ್ರ ಪ್ರಾಪ್ತಿಯಾಗಬೇಕೆಂಬ ಹಂಬಲ ಇರುತ್ತದೋ ಅವರು ಈ ಮಂದಿರಕ್ಕೆ ಬಂದು ಮರದ ದಿಮ್ಮಿಯನ್ನು ಕದ್ದು ಕೊಂಡುಹೋದರೆ ಅವರಿಗೆ ಪುತ್ರ ಸಂತಾನವಾಗುತ್ತದಂತೆ. ಪುತ್ರ ಪ್ರಾಪ್ತಿಯಾದ ನಂತರ ದಂಪತಿಗಳು ಮಗುವಿನ ಜೊತೆ ಈ ಮಂದಿರಕ್ಕೆ ಬಂದು ಪ್ರಾರ್ಥನೆ ಸಲ್ಲಿಸಬೇಕಂತೆ.

ಬಯಕೆ ಈಡೇರಿದ ನಂತರ ಏನು ಮಾಡಬೇಕು?

PC:ASHUTOSH RAWAT

ಪುತ್ರ ಸಂತಾನವಾದ ನಂತರ ದಂಪತಿಗಳು ಖುಷಿಯಿಂದ ಅನ್ನಸಂತರ್ಪಣೆ ಮಾಡುವ ಕ್ರಮವೂ ಇದೆ. ನಂತರ ದಂಪತಿಗಳು ತಾವು ಕದ್ದುಕೊಂಡು ಹೋಗಿದ್ದ ಮರದ ದಿಮ್ಮಿಯ ಜೊತೆಗೆ ಇನ್ನೊಂದು ಮರದ ದಿಮ್ಮಿಯನ್ನು ಇಲ್ಲಿ ತಂದು ಮಗನ ಕೈಯಿಂದಲೇ ದೇವಿಗೆ ಸಮರ್ಪಿಸಬೇಕಾಗುತ್ತದೆ.

ಯಾವಾಗ ನಿರ್ಮಿಸಲಾಯಿತು?

ಈ ಮಂದಿರವನ್ನು 1805ರಲ್ಲಿ ನಿರ್ಮಿಸಲಾಗಿದೆಯಂತೆ. ಲಂಟೋರ ಸಂಸ್ಥಾನದ ರಾಜ ಈ ಮಂದಿರದ ನಿರ್ಮಾಣ ಮಾಡಿದ್ದನಂತೆ. ಈ ದೇವಸ್ಥಾನದ ವಿಶೇಷತೆಯಿಂದಾಗಿ ಅನೇಕ ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ.