Click it and Unblock the Notifications
ದಕ್ಷಿಣ ಭಾರತದಲ್ಲಿ ಚೆನ್ನೈ ಒಂದು ಪ್ರಮುಖ ಪ್ರವಾಸ ತಾಣ. ಭಾರತದಲ್ಲಿ ನೋಡಬಹುದಾದಂತಹ ಪ್ರಸಿದ್ಧ ದೇವಸ್ಥಾನಗಳು, ಸಮುದ್ರ ತೀರಗಳು, ಅದ್ಭುತ ಸ್ಮಾರಕಗಳೆಲ್ಲವೂ ಇಲ್ಲಿವೆ. ಅದರಲ್ಲಿ ಅರ್ಮೇನಿಯನ್ ಚರ್ಚ್ ಒಂದು ಅದ್ಭುತ ಆಕರ್ಷಣಾ ಕೇಂದ್ರ. ಹಾಗಾದರೆ ಇನ್ನೇಕೆ ತಡ? ಬನ್ನಿ ಸುಂದರವಾದ ಈ ಚರ್ಚ್ನ ಇತಿಹಾಸವನ್ನು ಅರಿಯೋಣ.
1712ರಲ್ಲಿ ನಿರ್ಮಾಣಗೊಂಡ ಈ ಚರ್ಚ್, ಭಾರತದಲ್ಲಿರುವ ಪುರಾತನ ಚರ್ಚ್ಗಳಲ್ಲಿ ಒಂದು. ಚನ್ನೈನಲ್ಲಿರುವ ಅರ್ಮೇನಿಯನ್ ಸ್ಟ್ರೀಟ್ನಲ್ಲಿ ಬರುತ್ತದೆ. ಇಂದು ಈ ಚರ್ಚ್ಅನ್ನು ಒಂದು ಪಾರಂಪರಿಕ ತಾಣ ಎಂದು ಗುರುತಿಸಲಾಗಿದೆ.
ಚೆನ್ನೈ ಪ್ರವಾಸದ ಬಗ್ಗೆ ಹೆಚ್ಚಿನ ಮಾಹಿತಿಗೆ ಇಲ್ಲಿ ಕ್ಲಿಕ್ ಮಾಡಿ
PC: wikipedia.org
ಇತಿಹಾಸ
ಅರ್ಮೇನಿಯನ್ರು ಭಾರತಕ್ಕೆ ವಸಾಹತು ಶಾಹಿಗಳಾಗಿ ಬಂದವರು ಹಲವೆಡೆ ತಮ್ಮ ಚರ್ಚ್ಗಳನ್ನು ನಿರ್ಮಿಸಿದ್ದರು. ಅದರಲ್ಲಿ ಚೆನ್ನೈನ ಅರ್ಮೇನಿಯನ್ ಚರ್ಚ್ ಸಹ ಒಂದು. ಇದೇ ರೀತಿಯ ಚರ್ಚ್ಗಳನ್ನು ಮುಂಬೈ ಹಾಗೂ ಕೋಲ್ಕತ್ತಾದಲ್ಲಿರುವುದನ್ನು ಕಾಣಬಹುದು. ಆ ಕಾಲದಲ್ಲಿ ಚೆನ್ನೈನಲ್ಲಿರುವ ಈ ಚರ್ಚ್ ಒಂದು ಪ್ರಮುಖ ಧಾರ್ಮಿಕ ಕೇಂದ್ರವಾಗಿತ್ತು ಎಂದು ಹೇಳಲಾಗುತ್ತದೆ.
PC: wikipedia.org
ಆಕರ್ಷಣೆ
ಇದರಲ್ಲಿರುವ ವಿಶೇಷ ಎಂದರೆ ಘಂಟೆ ಗೋಪುರ. ಇಲ್ಲಿ ವಿವಿಧ ಬಗೆಯ ಆರು ಗೋಪುರಗಳಿವೆ. ಪ್ರತಿಯೊಂದು ಘಂಟೆಯು ಸುಮಾರು 150 ಕೆ.ಜಿ. ತೂಕ ಇರಬಹುದು ಎಂದು ಹೇಳಲಾಗುತ್ತದೆ. ವಿವಿಧ ಉದ್ದ-ಅಳತೆ ಹೊಂದಿರುವ ಘಂಟೆ ಗೋಪುರವು ತನ್ನದೇ ಆದ ಇತಿಹಾಸವನ್ನು ಒಳಗೊಂಡಿವೆ. ಈ ಘಂಟೆಯು ಪ್ರತಿ ಭಾನುವಾರ ಬೆಳಗ್ಗೆ 9.30 ಕ್ಕೆ ಬಾರಿಸುತ್ತವೆ. ಇವೆಲ್ಲವೂ ಚರ್ಚ್ನ ಸಂರಕ್ಷಣಾ ಅಧಿಕಾರಿಗಳ ಹಿಡಿತದಲ್ಲಿರುತ್ತವೆ.
ಇಲ್ಲಿಯ ಇನ್ನೊಂದು ಆಕರ್ಷಣೆಯೆಂದರೆ ಚರ್ಚ್ನ ಆವರಣದಲ್ಲಿ ಸಮಾಧಿಗಳಿರುವುದು. ಸುಮಾರು 350 ಅರ್ಮೇನಿಯನ್ರ ಸಮಾಧಿ ಇರುವುದನ್ನು ಕಾಣಬಹುದು. ಈ ಚರ್ಚ್ಗೆ ಬರಲು ಪ್ರತಿದಿನ 9 ರಿಂದ 2.30ರ ವರೆಗೆ ಅನುಮತಿಯಿರುತ್ತದೆ.
PC: wikipedia.org
ಬರುವ ದಾರಿ
ಚೆನ್ನೈನ ಜಾರ್ಜ್ ಟೌನ್ನ ಪೆರೀಸ್ ಕಾರ್ನರ್ ರಸ್ತೆಯಲ್ಲಿ ಅರ್ಮೇನಿಯನ್ ಚರ್ಚ್ ಇದೆ. ಚನ್ನೈ ಬೀಚ್ ರೈಲ್ವೆ ಸ್ಟೇಷನ್ನಿಂದ 5 ನಿಮಿಷದ ಕಾಲ್ನಡಿಗೆ ದಾರಿ. ನಿಮಗೆ ಬೇಕಾದರೆ ಆಟೋ ಅಥವಾ ಟ್ಯಾಕ್ಸಿಯಲ್ಲಿ ಸುತ್ತಲಿನ ಸಿಟಿ ಹಾಗೂ ಚರ್ಚ್ಅನ್ನು ನೋಡಬಹುದು.
