ಜಾತಕದಲ್ಲಿನ ದೋಷಗಳಿಗೆ ಯಾವ್ಯಾವ ದೇವಾಸ್ಥಾನಗಳಲ್ಲಿ ಪರಿಹಾರ ಪೂಜೆ ಮಾಡಿಸ್ತಾರೆ ಗೊತ್ತಾ?

ಜಾತಕದಲ್ಲಿನ ದೋಷಗಳ ನಿವಾರಣೆಗೆ ಈ ದೇವಾಸ್ಥಾನಗಳು ಫೇಮಸ್

PC: Akshatha Inamdar
ಮುಖ್ಯವಾಗಿ ರಾಹು , ಕೇತು ಹಾಗೂ ಶನಿಯಿಂದಾಗಿ ಈ ದೋಷಗಳೆಲ್ಲಾ ಉಂಟಾಗುತ್ತದೆ ಎನ್ನುವ ನಂಬಿಕೆ ಜನರದ್ದು. ಈ ದೋಷಗಳಿಗೆ ಪರಿಹಾರ ಒದಗಿಸುವುದಾಗಿ ಪಂಡಿತರು ಅನೇಕ ಪೂಜೆಗಳನ್ನು ಮಾಡಿಸುತ್ತಾರೆ. ಹೀಗೆ ಜಾತಕದ ದೋಷಗಳಿಗೆ ಪರಿಹಾರ ಒದಗಿಸುವಂತಹ ಹಲವು ದೇವಸ್ಥಾನಗಳು ಭಾರತದಲ್ಲಿದೆ. ಅವುಗಳು ಯಾವುವು ಅನ್ನೋದು ನಿಮಗೆ ಗೊತ್ತಾ?

ಕುಕ್ಕೆ ಸುಬ್ರಹ್ಮಣ್ಯ ಸ್ವಾಮಿ ದೇವಾಲಯ

PC: Lnvsagar

ಸಾಮಾನ್ಯವಾಗಿ ಸರ್ಪದೋಷಗಳು ನಾವು ನಡೆಸುವ ಶುಭಕಾರ್ಯಗಳಿಗೆ ಅಡ್ಡಿಯನ್ನುಂಟು ಮಾಡುತ್ತವೆ ಎಂದು ಜೋತೀಷ್ಯರು ಹೇಳುತ್ತಾರೆ. ಈ ಸರ್ಪದೋಷ ಪರಿಹಾರಕ್ಕೋಸ್ಕರ ಕರ್ನಾಟಕದಲ್ಲಿನ ಕುಕ್ಕೆ ಸುಬ್ರಹ್ಮಣ್ಯ ಸ್ವಾಮಿ ದೇವಾಸ್ಥಾನಕ್ಕೆ ಹೆಚ್ಚು ಮಂದಿ ಹೋಗುತ್ತಾರೆ. ಪೂಜೆ ಮಾಡಿಸುತ್ತಾರೆ. ಇಲ್ಲಿ ಮುಖ್ಯವಾಗಿ ಸುಬ್ರಹ್ಮಣ್ಯ ಸ್ವಾಮಿಗೆ ಪೂಜೆ ನಡೆಸಲಾಗುತ್ತದೆ. ಸರ್ಪದೋಷ ನಿವಾರಣೆಗಾಗಿಯೇ ಈ ದೇವಾಸ್ಥಾನ ಬಹಳ ಪ್ರಸಿದ್ಧಿ ಹೊಂದಿದೆ.

ಶ್ರೀ ಕಾಳಹಸ್ತಿ

PC:Krishna Kumar Subramanian
ಕೆಲವರು ಜಾತಕದಲ್ಲಿ ರಾಹು ಕೇತು ದೋಷಗಳು ಇರುತ್ತವೆ, ಅವರು ಪರಿಹಾರಕ್ಕೋಸ್ಕರ ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯಲ್ಲಿನ ಕಾಳಹಸ್ತಿಗೆ ಹೋಗುತ್ತಾರೆ. ದೇಶಾದ್ಯಂತ ವಿಐಪಿಗಳೂ ಕೂಡಾ ಈ ದೇವಸ್ಥಾನಕ್ಕೆ ಭೇಟಿ ಕೋಡುತ್ತಾ ಇರುತ್ತಾರೆ. ಇದು ವಿಶಷ್ಟವಾದ ಪುಣ್ಯಕ್ಷೇತ್ರವಾಗಿದ್ದು ಪಂಚಭೂತ ಲಿಂಗಗಳಲ್ಲಿ ವಾಯುಲಿಂಗ ಇಲ್ಲಿದೆ.

ವಿರೂಪಾಕ್ಷ ದೇವಾಲಯ

PC:Shivajidesai29
ಹಂಪಿಯಲ್ಲಿರುವ ವಿರೂಪಾಕ್ಷ ದೇವಾಲಯದಲ್ಲಿ ಕಾಳಸರ್ಪ ದೋಷ ನಿವಾರಣೆ ಪೂಜೆ ಮಾಡುತ್ತಾರೆ. ದೇಶಾದ್ಯಂತ ಭಕ್ತರು ಇಲ್ಲಿ ಬಂದು ದೋಷ ನಿವಾರಣಣೆ ಪೂಜೆ ಮಾಡಿಸುತ್ತಾರೆ.

ಮುನ್ನಾರ ನಾಗರಾಜ ದೇವಾಸ್ಥಾನ

PC:Vibitha vijay
ಕೇರಳದ ಆಲಪ್ಪಿನಿಂದ 30 ಕಿ.ಮೀ ದೂರದಲ್ಲಿ ಈ ಮುನ್ನಾರ ನಾಗರಾಜ ದೇವಾಲಯವಿದೆ. ಇಲ್ಲಿ ಸರ್ಪದೋರ್ಷ ನಿವಾರಣೆಗೆ ಪೂಜೆ ಮಾಡುತ್ತಾರೆ. ಇಲ್ಲಿನ ಇನ್ನೊಂದು ವಿಶೇಷವೆಂದರೆ ಇಲ್ಲಿ ಪೂಜೆಯನ್ನು ಮಹಿಳೆಯರೇ ಮಾಡುತ್ತಾರೆ.

ಮಹಾ ಕಾಳೇಶ್ವರ ದೇವಾಲಯ

PC: Gyanendra_Singh_Chau...
ಮಧ್ಯಪ್ರದೇಶದಲ್ಲಿರುವ ಈ ಮಹಾಕಾಳೇಶ್ವರ ದೇವಾಲಯವು ಕೂಡಾ ಕಾಳಸರ್ಪ ದೋಷಗಳ ನಿವಾರಣೆ ಮಾಡುವ ಕ್ಷೇತ್ರಗಳಲ್ಲಿ ಒಂದಾಗಿದೆ. ಇದು ೧೨ ಪವಿತ್ರವಾದ ಜೋತೀರ್ಲಿಂಗವಿರುವ ಪ್ರದೇಶಗಳಲ್ಲೂ ಒಂದಾಗಿದೆ. ಈ ದೇವಾಲಯದಲ್ಲಿ ಕಾಳಸರ್ಪ ದೋಷ, ನಾಗದೋಷಗಳ ಪರಿಹಾರಕ್ಕೆ ಪೂಜೆ ಮಾಡುತ್ತಾರೆ.

ಪಾವಗಡ ಶನಿ ದೇವಾಲಯ

PC: youtube
ಆಂಧ್ರಪ್ರದೇಶ, ಕರ್ನಾಟಕ ಗಡಿಭಾಗದ ಪಾವಗಡದಲ್ಲಿ ಶನಿಶ್ವರನ ದಿವ್ಯವಾದ ದೇವಸ್ಥಾನವಿದೆ. ಇಲ್ಲಿ ಪ್ರತೀ ಶನಿವಾರ ವಿಶೇಷ ಪೂಜೆಗಳು ನಡೆಯುತ್ತವೆ. ತಮ್ಮ ದೋಷ ನಿವಾರಣೆಗಾಗಿ ಇಲ್ಲಿ ದೇಶದ ನಾನಾ ಭಾಘದಿಂದ ಭಕ್ತರು ಬಂದು ಪೂಜೆ ಮಾಡಿಸುತ್ತಾರೆ.

ಘಾಟಿ ಸುಬ್ರಹ್ಮಣ್ಯ ಸ್ವಾಮಿ ದೇವಾಲಯ

PC: Pramath
ಈ ದೇವಾಲಯವು ಬೆಂಗಳೂರಿನಿಂದ ಕೇವಲ 60 ಕಿ.ಮೀ ದೂರದಲ್ಲಿದೆ. ಕುಕ್ಕೆ ಸುಬ್ರಹ್ಮಣ್ಯ ಸ್ವಾಮಿ ದೇವಾಲಯ ನಂತರ ನಾಗದೋಷ ನಿವಾರಣೆಗೆ ಇದು ಅತ್ಯಂತ ಪವಿತ್ರವಾದ ಸ್ಥಳ ಎನ್ನಲಾಗುತ್ತದೆ. ಆದಿತ್ಯವಾರ, ಮಂಗಳವಾರ, ಹೆಚ್ಚು ಮಂದಿ ಈ ಕ್ಷೇತ್ರಕ್ಕೆ ಆಗಮಿಸಿ ತಮ್ಮ ಜಾತಕದಲ್ಲಿರುವ ದೋಷಗಳಿಗೆ ಪರಿಹಾರ ಪೂಜೆಯನ್ನು ಮಾಡಿಸುತ್ತಾರೆ.