ಸ್ಲೀಪ್ ಟೂರಿಸಂ ಎಂಬುದು ಇತ್ತೀಚಿನ ದಿನಗಳಲ್ಲಿ ಎಲ್ಲರ ಬಾಯಲ್ಲಿ ಬಹಳ ಸಾಮಾನ್ಯವಾದ ಪದವಾಗಿದೆ. ಪ್ರಪಂಚದಾದ್ಯಂತ ಜನಪ್ರಿಯತೆಯನ್ನು ಗಳಿಸುತ್ತಿರುವ ಕ್ಷೇಮ ಪ್ರವಾಸೋದ್ಯಮದ ಒಂದು ಶಾಖೆ ಸ್ಲೀಪ್ ಟೂರಿಸಂ ಆಗಿದೆ. ಏಕೆಂದರೆ ಜನರು ತಮ್ಮ ನಿದ್ರೆಯ ಅಸ್ವಸ್ಥತೆ ಸುಧಾರಿಸಲು, ತಮ್ಮ ಒತ್ತಡದ ವೇಳಾಪಟ್ಟಿಗಳಿಂದ ದೂರವಿರಲು ನೋಡುತ್ತಿದ್ದಾರೆ. ಹಾಗಾಗಿ ಈ ಎಲ್ಲಾ ಸಮಸ್ಯೆಗಳ ನಿವಾರಣೆಗೆ ಸ್ಲೀಪ್ ಟೂರಿಸಂ ತಲೆಯೆತ್ತಿ ನಿಂತಿದೆ.
ಈ ಸ್ಲೀಪ್ ಟೂರಿಸಂ ಪ್ರವಾಸೋದ್ಯಮದಿಂದ ಪ್ರಪಂಚದಾದ್ಯಂತ ಹೋಟೆಲ್ಗಳು ಮತ್ತು ರೆಸಾರ್ಟ್ಗಳು ಹೆಚ್ಚಿನ ಸಂಖ್ಯೆಯಲ್ಲಿ ನಿದ್ರೆ ಕೇಂದ್ರಿತ ತಂಗುವಿಕೆಗಳನ್ನು ನೀಡುತ್ತಿವೆ. ಹಚ್ಚಿನ ಸಂಖ್ಯೆಯಲ್ಲಿ ಸಹ ಪ್ರವಾಸಿಗರು ಇಂತಹ ಸ್ಲೀಪ್ ಟೂರಿಸಂ ಕೇಂದ್ರಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದು, ಇವು ಪ್ರವಾಸಿಗರ ನಿದ್ರೆಯ ಗುಣಮಟ್ಟವನ್ನು ಸುಧಾರಿಸುತ್ತಿವೆ. ಈ ಲೇಖನದಲ್ಲಿ ಸ್ಲೀಪ್ ಟೂರಿಸಂಗಾಗಿ ಕೆಲವು ಸಲಹೆಗಳನ್ನು ಕೊಡಲಾಗಿದೆ ನೋಡಿ...
ಮಲಗುವ ಸಮಯ ನಿಗದಿಪಡಿಸಿ
ಪ್ರಯಾಣಿಸುವಾಗ ನಿದ್ರೆಯ ಸಮಯ ಬದಲಾಗಬಹುದು. ಹಾಗೆಯೇ ನೀವು ತಡವಾಗಿ ಮಲಗುವವರರಾಗಿದ್ದರೆ ಪ್ರವಾಸದ ಮೊದಲು ಈ ಅಭ್ಯಾಸ ರೂಢಿಸಿಕೊಳ್ಳಬೇಕಾಗುತ್ತದೆ. ನೀವು ಪ್ರಯಾಣಿಸಲು ನಿಗದಿಪಡಿಸಿದ ದಿನಗಳ ಮೊದಲು, ಸಾಮಾನ್ಯವಾಗಿ ನಿದ್ರೆ ಮಾಡುವುದಕ್ಕಿಂತ ಒಂದು ಗಂಟೆ ಮುಂಚಿತವಾಗಿ ನಿಮ್ಮ ಮಲಗುವ ಸಮಯವನ್ನು ನಿಗದಿಪಡಿಸಲು ಪ್ರಾರಂಭಿಸಿ. ಎರಡನೇ ರಾತ್ರಿ ಇನ್ನೊಂದು ಗಂಟೆ ಮತ್ತು ಮೂರನೇ ದಿನ ಮೂರು ಗಂಟೆ ಮೊದಲು ಹೀಗೆ ಸೇರಿಸಿ. ಅಲ್ಲಿಗೆ ನಿಮ್ಮ ದೇಹವನ್ನು ಸರಿಹೊಂದಿಸಲು ಒಂದು ದಿನ ತೆಗೆದುಕೊಳ್ಳುತ್ತದೆ. ಮುಂದೆ ನೀವು ಸ್ಲೀಪ್ ಟೂರಿಸಂ ಆಯೋಜಿಸುವುದರಿಂದ ನಿದ್ರೆಯ ಸಮಯ ಮತ್ತು ನಿಮ್ಮ ದೇಹ ಎರಡೂ ಸುಲಭವಾಗಿ ಹೊಂದಿಕೊಳ್ಳಲು ಸಹಾಯವಾಗುತ್ತದೆ.
ಅನಗತ್ಯವಾಗಿ ಸಮಯ ವ್ಯರ್ಥ ಮಾಡಬೇಡಿ
ದಿನದ ಮಧ್ಯದಲ್ಲಿ ನೀವು ನಿದ್ರೆ ಮಾಡಲು ಬಯಸುತ್ತೀರಿ ಅಂದುಕೊಳ್ಳೋಣ. ಆದರೆ ಕೆಲವು ಜನರು ಎಚ್ಚರವಾಗಿರಲು ಬಯಸುತ್ತಾರೆ. ಇವರನ್ನು ನೋಡಿ ನೀವು ಸಹ ಇದನ್ನೇ ಮಾಡಲು ಬಯಸುತ್ತೀರಿ. ಆದರೆ ಹಾಗೆ ಮಾಡುವ ಮೊದಲು ವಿಮಾನದಲ್ಲಿ ಎಷ್ಟು ಸಾಧ್ಯವೋ ಅಷ್ಟು ನಿದ್ದೆ ಮಾಡಿ. ಒಂದು ವೇಳೆ ರಾತ್ರಿ ನಿದ್ರೆ ಮಾಡೋಣವೆಂದು ಹೋದರೆ ನೀವು ಹೋಗಬೇಕಾದ ಸ್ಥಳಕ್ಕೆ ವಿಮಾನ ರಾತ್ರಿ ತಲುಪಿದಾಗ ನಿಮ್ಮ ನಿದ್ರೆಗೆ ಭಂಗವಾಗುತ್ತದೆ. ಅಷ್ಟೇ ಅಲ್ಲ, ವಿಮಾನದಲ್ಲಿ ಎಚ್ಚರವಾಗಿದ್ದರೆ ನೀವು ಬುಕ್ ಮಾಡಿರುವ ಸ್ಥಳಕ್ಕೆ ಹೋಗಿ ತಲುಪಲು ಗಡಿಬಿಡಿಯಾಗುವುದಿಲ್ಲ, ಆದ್ದರಿಂದ ಪ್ರವಾಸದ ಸಮಯದಲ್ಲಿ ಮಲಗುವಾಗ ಅನಗತ್ಯ ಸಮಯ ವ್ಯರ್ಥ ಮಾಡುವುದನ್ನು ತಪ್ಪಿಸಿ. ನಂತರ ಸ್ಥಳೀಯ ಮಾರ್ಗದರ್ಶಿಯೊಂದಿಗೆ ಪ್ರಯಾಣಿಸಲು ಪ್ರಯತ್ನಿಸಿ.
ವ್ಯಾಯಾಮ ಮಾಡುವುದನ್ನು ನಿಲ್ಲಿಸಬೇಡಿ
ಜನರು ಸಾಮಾನ್ಯವಾಗಿ ಪ್ರಯಾಣದ ಸಮಯದಲ್ಲಿ ವ್ಯಾಯಾಮ ಮಾಡುವುದನ್ನು ಬಿಟ್ಟುಬಿಡುತ್ತಾರೆ. ಆದರೆ ನೀವು ದಯವಿಟ್ಟು ಹೀಗೆ ಮಾಡಬೇಡಿ. ನೀವು ಪ್ರವಾಸದಲ್ಲಿದ್ದರೂ ಸಹ, ವ್ಯಾಯಾಮಕ್ಕಾಗಿ ಸಮಯವನ್ನು ಮೀಸಲಿಡುವುದು ಅತ್ಯಗತ್ಯ. ಹಗಲಿನಲ್ಲಿ ಸಕ್ರಿಯವಾಗಿರುವುದು ರಾತ್ರಿಯಲ್ಲಿ ಬಹಳ ವೇಗವಾಗಿ ನಿದ್ರಿಸಲು ಸಹಾಯ ಮಾಡುತ್ತದೆ. ನಿಮಗೆ ಹತ್ತಿರದ ಸ್ಥಳಗಳನ್ನು ನೋಡಲು ನಡೆದುಕೊಂಡು ಹೋಗುವ ಅವಕಾಶವಿದ್ದರೆ, ಕ್ಯಾಬ್ ತೆಗೆದುಕೊಳ್ಳುವ ಬದಲು ನಡೆಯುವುದನ್ನು ಆಯ್ಕೆ ಮಾಡಿಕೊಳ್ಳಿ ಅಥವಾ ನಿಮ್ಮ ಹೋಟೆಲ್'ನಲ್ಲಿ ಜಿಮ್ ವ್ಯವಸ್ಥೆ ಇದ್ದರೆ ಅಲ್ಲಿಯೇ ವ್ಯಾಯಾಮ ಮಾಡಲು ಪ್ರಾರಂಭಿಸಿ. ಟ್ರೆಡ್ ಮಿಲ್ ನಲ್ಲಿ ಸಹ ಸ್ವಲ್ಪ ಸಮಯವನ್ನು ನೀವು ಕಳೆಯಬಹುದು.
ಹೋಟೆಲ್ ಅನ್ನು ಬಹಳ ಎಚ್ಚರಿಕೆಯಿಂದ ಆರಿಸಿ
ಸ್ಲೀಪ್ ಟೂರಿಸಂ ಅಂತಲ್ಲ, ನೀವು ಯಾವುದೇ ಪ್ರವಾಸ ಕೈಗೊಂಡಾಗ ನೀವು ತಂಗುವ ಹೋಟೆಲ್ ಅನ್ನು ಬಹಳ ಎಚ್ಚರಿಕೆಯಿಂದ ಆರಿಸಿ. ವಿಶೇಷವಾಗಿ ಸ್ಲೀಪ್ ಟೂರಿಸಂ ಮಾಡುತ್ತಿರುವವರು ಮೊದಲನೆಯದಾಗಿ ನೀವು ನಿಮ್ಮ ಹೋಟೆಲ್ ಅನ್ನು ಬುಕ್ ಮಾಡುವಾಗ ಕೆಳಗಿನ ಮಹಡಿ, ಹಾಗೆಯೇ ಎಲಿವೇಟರ್ ಅಥವಾ ವೆಂಡಿಂಗ್ ಯಂತ್ರಗಳ ಸಮೀಪವಿರುವ ರೂಂಗಳಲ್ಲಿ ಉಳಿಯುವುದನ್ನು ತಪ್ಪಿಸಿ. ಏಕೆಂದರೆ ಇಂತಹ ರೂಂಗಳನ್ನು ಬುಕ್ ಮಾಡುವುದರಿಂದ ಹೊರಗಿನಿಂದ ಬರುವ ಶಬ್ದದಿಂದ ರಾತ್ರಿ ವೇಳೆ ಎಚ್ಚರಗೊಳ್ಳುವ ಸಾಧ್ಯತೆಯಿದೆ.
ಆದರೆ ಇಂತಹ ಕೊಠಡಿಗಳನ್ನು ಆಯ್ಕೆ ಮಾಡಿಕೊಳ್ಳದಿರುವುದರಿಂದ ಶಬ್ದ ಬಂದರೂ ಸದ್ದು ಕಡಿಮೆ ಇರುತ್ತದೆ. ಆದರೂ ಎಲ್ಲಿ ಉಳಿಯುತ್ತೀರಿ ಎಂಬುದು ಗೊತ್ತಾಗದಿದ್ದರೆ ಯಾವುದಕ್ಕೂ ನೀವು ಶಬ್ದ ರದ್ದು ಮಾಡುವ ಹೆಡ್ಫೋನ್ಗಳು ಅಥವಾ ಒಂದು ಜೋಡಿ ಇಯರ್ ಪ್ಲಗ್ಗಳನ್ನು ಪ್ಯಾಕಿಂಗ್ ಮಾಡುವುದು ಯಾವಾಗಲೂ ಒಳ್ಳೆಯದು. ಆದ್ದರಿಂದ ಪ್ರವಾಸ ಮಾಡುವಾಗ ನಾವು ಉಳಿಯುವ ಸ್ಥಳದ ಬಗ್ಗೆ ಜಾಗೃತಿವಹಿಸುವುದು ಬಹಳ ಮುಖ್ಯ.
ಮದ್ಯಪಾನ ಮಾಡುವುದನ್ನು ತಪ್ಪಿಸಿ
ಸಾಮಾನ್ಯವಾಗಿ ಕುಟುಂಬದ ಜೊತೆ ಪ್ರವಾಸ ಕೈಗೊಂಡಾಗ ಮದ್ಯಪಾನ ಮಾಡುವುದು ಒಳ್ಳೆಯದಲ್ಲ, ಆದರೆ ಕೆಲವರು ಪ್ರವಾಸ ಮಾಡುವಾಗ ಖುಷಿಗೆ ಮದ್ಯ ಸೇವನೆ ಮಾಡುತ್ತಾರೆ. ಆದ್ದರಿಂದ ದಯವಿಟ್ಟು ಇಂತಹ ಅಭ್ಯಾಸದಿಂದ ದೂರವಿರಿ. ಮದ್ಯವನ್ನು ಸೇವಿಸುವುದನ್ನು ತಪ್ಪಿಸಿ. ನೀವು ನಿದ್ರಿಸಲು ತೊಂದರೆ ಉಂಟಾದಾಗ ನೈಟ್ಕ್ಯಾಪ್ ಆಯ್ಕೆ ನಿಮ್ಮ ಮುಂದಿರುತ್ತದೆ. ಆದರೆ ನೀವು ಇದರಿಂದ ದೂರವಿರಿ. ಆಲ್ಕೊಹಾಲ್ಯುಕ್ತ ಪಾನೀಯವು ನಿಮಗೆ ನಿದ್ರೆ ತರುತ್ತದೆ ಎಂಬುದು ನಿಜವಾದರೂ, ಇದು REM ನಿದ್ರೆಯ ಪ್ರತಿಬಂಧಕವಾಗಿದೆ ಎಂದು ವರದಿ ಹೇಳುತ್ತದೆ. ಇದರಿಂದ ನಾವು ತಿಳಿದುಕೊಳ್ಳಬೇಕಾದ ಅಂಶವೆಂದರೆ ನೀವು ನಿದ್ರಿಸಿದಾಗಲೂ ಚೆನ್ನಾಗಿ ವಿಶ್ರಾಂತಿ ಪಡೆಯಲು ಸಾಧ್ಯವಾಗುವುದಿಲ್ಲ.