Search
  • Follow NativePlanet
Share
» »ಈ ಗುಹೆಯೊಳಗಿರುವ ನೀರಿನ ಕುಂಡದಲ್ಲಿ ಸ್ನಾನ ಮಾಡಿದ್ರೆ ದುಷ್ಟಶಕ್ತಿ ದೂರವಾಗುತ್ತಂತೆ

ಈ ಗುಹೆಯೊಳಗಿರುವ ನೀರಿನ ಕುಂಡದಲ್ಲಿ ಸ್ನಾನ ಮಾಡಿದ್ರೆ ದುಷ್ಟಶಕ್ತಿ ದೂರವಾಗುತ್ತಂತೆ

ಮಹಾರಾಷ್ಟ್ರದ ಪಂಚಗಣಿಯ ಬಗ್ಗೆ ನೀವು ಕೇಳಿರುವಿರಿ. ಮಹಾರಾಷ್ಟ್ರ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಇದೂ ಒಂದಾಗಿದೆ. ಪಂಚಗಣಿಯಲ್ಲಿ ಒಂದು ಗುಹೆ ಇದೆ. ಈ ಗುಹೆಯಲ್ಲಿ ಕಾರ್ತೀಕೇಯ ಪೂಜೆ ಮಾಡುತ್ತಿದ್ದಂತೆ. ಹಾಗೆಯೇ ಪಾಂಡವರು ವನವಾಸ ಸಂದರ್ಭದಲ್ಲಿ ನೆಲೆಸಿದ್ದರಂತೆ. ಅಂತಹ ವಿಶೇಷ ಗುಹೆಯೇ ರಾಜ್ಪುರಿ ಗುಹೆ. ಹಾಗಾದರೆ ಬನ್ನಿ ರಾಜ್ಪುರಿ ಗುಹೆಯ ವಿಶೇಷತೆ ಹಾಗೂ ಆಕರ್ಷಣೆಗಳ ಬಗ್ಗೆ ತಿಳಿಯೋಣ.

ಎಲ್ಲಿದೆ ರಾಜ್ಪುರಿ ಗುಹೆ

ಎಲ್ಲಿದೆ ರಾಜ್ಪುರಿ ಗುಹೆ

PC: youtube

ಪಂಚಗಣಿ ಬಸ್ ನಿಲ್ದಾಣದಿಂದ ಸುಮಾರು 7 ಕಿ.ಮೀ ದೂರದಲ್ಲಿರುವ ರಾಜ್ಪುರಿ ಗುಹೆಗಳು ಪಂಚಗಣಿ ಪ್ರದೇಶದ ಅತ್ಯಂತ ಪ್ರಾಚೀನ ಆಕರ್ಷಣೆಗಳಲ್ಲಿ ಒಂದಾಗಿದೆ. ರಾಜ್‌ಪುರಿ ಗುಹೆಯೊಳಗೆ ನಾಲ್ಕು ಗುಹೆಗಳಿವೆ ಮತ್ತು ಈ ಪ್ರಾಚೀನ ಗುಹೆಗಳು ಅನೇಕ ನೀರಿನ ಕುಂಡಗಳಿಂದ ಆವೃತವಾಗಿದೆ. ಪಾರ್ವತಿ ಪುತ್ರ ಕಾರ್ತಿಕೇಯನು ಈ ಗುಹೆಗಳನ್ನು ಪ್ರಾಯಶ್ಚಿತ್ತ ಮತ್ತು ಧಾರ್ಮಿಕ ಆಚರಣೆಗಳಿಗಾಗಿ ಬಳಸುತ್ತಿದ್ದನು ಎಂದು ನಂಬಲಾಗಿದೆ. ಪಾಂಡವರು ತಮ್ಮ ವನವಾಸದ ಸಮಯದಲ್ಲಿ ಇಲ್ಲಿಯೇ ನೆಲೆಸಿದ್ದರು ಎನ್ನಲಾಗುತ್ತದೆ.

ಪವಿತ್ರ ಕುಂಡದಲ್ಲಿ ಸ್ನಾನ

ಪವಿತ್ರ ಕುಂಡದಲ್ಲಿ ಸ್ನಾನ

PC: youtube

ಭಕ್ತರು ಈ ಪವಿತ್ರ ಕುಂಡಗಳಲ್ಲಿ ಸ್ನಾನ ಮಾಡುವುದರಿಂದ ಎಲ್ಲಾ ರೀತಿಯ ರೋಗಗಳಿಂದ ಮತ್ತು ದುಷ್ಟ ಶಕ್ತಿಗಳಿಂದ ಪರಿಹಾರವನ್ನು ಪಡೆಯುತ್ತಾರೆ ಎಂದು ಹೇಳಲಾಗುತ್ತದೆ. ಥೈಪೂಯಂ ಹಬ್ಬವು ಜನವರಿ, ಫೆಬ್ರವರಿ ತಿಂಗಳಲ್ಲಿ ಈ ದೇವಾಲಯದಲ್ಲಿ ನಡೆಯುವ ಪ್ರಮುಖ ಆಕರ್ಷಣೆಯಾಗಿದೆ.

ಕಾರ್ತಿಕೇಯ ದೇವಸ್ಥಾನ

ಕಾರ್ತಿಕೇಯ ದೇವಸ್ಥಾನ

PC: youtube

ರಾಜ್ಪುರಿ ಗುಹೆಗಳ ಮುಖ್ಯ ಆಕರ್ಷಣೆಯೆಂದರೆ, ಗುಹೆಗಳಿಂದ ತೆಗೆದ ಮರಳಿನಿಂದ ನಿರ್ಮಿಸಲಾದ ಕಾರ್ತಿಕೇಯ ದೇವಸ್ಥಾನ. ಗುಹೆಯ ಪ್ರವೇಶದ್ವಾರವು ಹಲವಾರು ಕಲ್ಲಿನ ಫಲಕಗಳನ್ನು ಮತ್ತು ಶಾಸನಗಳನ್ನು ಹೊಂದಿದೆ. ನಂದಿ ಎರಡು ಸಾಂಪ್ರದಾಯಿಕ ಮೂರ್ತಿ ಗುಹೆಗಳ ಮುಂದೆ ಇವೆ. ಎರಡು ಮೂರ್ತಿಗಳಲ್ಲಿ ಒಂದು ಗುಹೆಯ ಪ್ರವೇಶದ್ವಾರಕ್ಕೆ ಸರಿಯಾಗಿ ಎದುರಾಗಿರುತ್ತದೆ.

ಭೂಗತ ಸುರಂಗ ಗುಹೆಗಳು

ಭೂಗತ ಸುರಂಗ ಗುಹೆಗಳು

PC: youtube

ನಾಲ್ಕು ಗುಹೆಗಳಲ್ಲಿ ಒಂದನ್ನು ಬೇರ್ಪಡಿಸಲಾಗಿದೆ. ಕಾರ್ತಿಕೇಯನ ಹಳೆಯ ಮೂರ್ತಿಯನ್ನು ಇಲ್ಲಿ ಕಾಣಬಹುದು. ಇತರ ಮೂರು ಗುಹೆಗಳು ಭೂಗತ ಸುರಂಗಗಳಿಂದ ಸಂಪರ್ಕ ಹೊಂದಿವೆ. ಮೊದಲ ಗುಹೆಯಲ್ಲಿ ಒಂದು ಪವಿತ್ರ ಗೋಮುಖದ ಬಾಯಿಂದ ನೀರು ಹರಿಯುವ ಕಂದಕವನ್ನು ಹೊಂದಿದೆ.

ಸಂಕುಚಿತ ರಸ್ತೆ

ಸಂಕುಚಿತ ರಸ್ತೆ

PC: youtube

ಇಲ್ಲಿನ ರಸ್ತೆ ಮಾರ್ಗ ಬಹಳ ಸಂಕುಚಿತವಾಗಿರುತ್ತದೆ, ಇದರಿಂದಾಗಿ ಒಬ್ಬರು ತಮ್ಮ ವಾಹನಗಳನ್ನು ಮುಖ್ಯ ರಸ್ತೆಯಲ್ಲೇ ಇಟ್ಟುಕೊಂಡು ಗ್ರಾಮಕ್ಕೆ ತೆರಳುತ್ತಾರೆ. ಸಣ್ಣದಾದ ನಡಿಗೆ ಮತ್ತು ಕಲ್ಲಿನ ಮೆಟ್ಟಿಲುಗಳ ಒಂದು ಕಮಾನು ಇದೆ. ಕಮಾನು ಮಾರ್ಗದಿಂದ ಗುಹೆ ದೇವಾಲಯಗಳಿಗೆ ದಾರಿ ಮಾಡಿಕೊಡುತ್ತದೆ.

ಸಿಡ್ನಿ ಪಾಯಿಂಟ್

ಸಿಡ್ನಿ ಪಾಯಿಂಟ್

PC: youtube

ರಾಜ್ಪುರಿ ಗುಹೆಯ ಸಮೀಪದಲ್ಲಿ ಅನೇಕ ಪ್ರವಾಸಿ ಆಕರ್ಷಣೆಗಳಿವೆ. ಪಂಚಗಣಿ ಬಸ್ ನಿಲ್ದಾಣದಿಂದ 2 ಕಿ.ಮೀ ದೂರದಲ್ಲಿರುವ ಸಿಡ್ನಿ ಪಾಯಿಂಟ್ ಮಹಾರಾಷ್ಟ್ರದ ಸತಾರಾ ಜಿಲ್ಲೆಯ ಪಂಚಗಣಿ ಗಿರಿಧಾಮದಲ್ಲಿನ ಪ್ರಸಿದ್ಧ ದೃಷ್ಟಿಕೋನಗಳಲ್ಲಿ ಒಂದಾಗಿದೆ. ಸಿಡ್ನಿ ಪಾಯಿಂಟ್ ಕೃಷ್ಣ ಕಣಿವೆಯ ಬೆಟ್ಟದ ಮೇಲೆ ನೆಲೆಗೊಂಡಿದೆ. ಸಿಡ್ನಿ ಬೆಕ್ವರ್ತ್ ನಂತರ ಈ ಸ್ಥಳಕ್ಕೆ ಅವರ ಹೆಸರನ್ನೇ ಇಡಲಾಯಿತು. ಸಿಡ್ನಿ ಪಾಯಿಂಟ್ ಕೃಷ್ಣ ಕಣಿವೆ, ಧೋಮ್ ಆಣೆಕಟ್ಟು, ಕಮಲ್ಗಡ್ ಕೋಟೆ ಮತ್ತು ವಾಯ್ ನಗರಗಳ ಆಕರ್ಷಕ ವೀಕ್ಷಣೆಗಳನ್ನು ಒದಗಿಸುವಲ್ಲಿ ಪ್ರಸಿದ್ಧವಾಗಿದೆ. ಈ ಗುಡ್ಡವು ಪಾಂಡವಗಡ್ ಮತ್ತು ಮಂದಹಾರ್ಡಿಯೊ ಪರ್ವತ ಶ್ರೇಣಿಗಳ ಸುಂದರ ನೋಟವನ್ನು ನೀಡುತ್ತದೆ.

ಟೇಬಲ್ ಲ್ಯಾಂಡ್

ಟೇಬಲ್ ಲ್ಯಾಂಡ್

ಟೇಬಲ್ ಲ್ಯಾಂಡ್ ಎಂಬುದು ವಿಶಾಲವಾದ ಫ್ಲಾಟ್ ಲ್ಯಾಟರೈಟ್ ಬಂಡೆಯಾಗಿದ್ದು ಬೆಟ್ಟಗಳಿಂದ ಸುತ್ತುವರಿದಿದೆ. ಈ ಜ್ವಾಲಾಮುಖಿ ಪ್ರಸ್ಥಭೂಮಿಯು ಟಿಬೆಟಿಯನ್ ಪ್ರಸ್ಥಭೂಮಿಯ ನಂತರ ಏಷ್ಯಾದ ಎರಡನೆಯ ಅತಿ ಎತ್ತರದ ಪರ್ವತ ಪ್ರಸ್ಥಭೂಮಿಯಾಗಿದೆ. ಈ ಸ್ಥಳವು ಇಡೀ ಪಂಚಗಣಿ ಮತ್ತು ಹತ್ತಿರದ ಕಣಿವೆಗಳ ವೈಮಾನಿಕ ನೋಟವನ್ನು ನೀಡುತ್ತದೆ. ಪಂಚಗನಿಯ ಅತ್ಯುನ್ನತ ಬಿಂದುವಾಗಿರುವ ಟೇಬಲ್ ಲ್ಯಾಂಡ್ ಸಮುದ್ರ ಮಟ್ಟದಿಂದ 4550 ಅಡಿ ಎತ್ತರದಲ್ಲಿದೆ. ಪಂಚಗಣಿ ಭೇಟಿ ನೀಡಲು ಇದು ಅತ್ಯುತ್ತಮ ಪ್ರವಾಸಿ ತಾಣವಾಗಿದೆ. ನೈಸರ್ಗಿಕವಾಗಿ ಚಪ್ಪಟೆಯಾಗಿರುವ ಈ ಬೆಟ್ಟಗಳು ಪ್ರಕೃತಿಯ ಪ್ರೇಮಿಗಳು ಮತ್ತು ಸಾಹಸ ಅನ್ವೇಷಕರಿಗೆ ಉತ್ತಮ ಆಕರ್ಷಣೆಯಾಗಿದೆ.

ಮಹಾಬಲೇಶ್ವರ

ಮಹಾಬಲೇಶ್ವರ

PC: youtube

ಮಹಾಬಲೇಶ್ವರ ಮಹಾರಾಷ್ಟ್ರದ ಸತಾರ ಜಿಲ್ಲೆಯಲ್ಲಿರುವ ಒಂದು ಜನಪ್ರಿಯ ಪ್ರವಾಸಿ ತಾಣ. ಇದು ಭಾರತದ ಪಶ್ಚಿಮ ಘಟ್ಟ ಶ್ರೇಣಿಯಲ್ಲಿ 1,353 ಮೀಟರ್ ಎತ್ತರದಲ್ಲಿದೆ. ಪುಣೆ ಮತ್ತು ಮುಂಬೈ ಬಳಿ ಭೇಟಿ ನೀಡುವ ಅತ್ಯುತ್ತಮ ಸ್ಥಳಗಳಲ್ಲಿ ಇದೂ ಒಂದಾಗಿದೆ ಮತ್ತು ಮಹಾರಾಷ್ಟ್ರದಲ್ಲಿ ಭೇಟಿ ನೀಡುವ ಪ್ರಮುಖ ಸ್ಥಳಗಳಲ್ಲಿ ಒಂದಾಗಿದೆ. ಈ ಸುಂದರವಾದ ಗಿರಿಧಾಮವನ್ನು ಹೆಚ್ಚಾಗಿ ಮಹಾರಾಷ್ಟ್ರದ ಗಿರಿಧಾಮಗಳ ರಾಣಿ ಎಂದು ಕರೆಯಲಾಗುತ್ತದೆ. ಮಹಾಬಲೇಶ್ವರ ತನ್ನ ಸುಂದರ ನೋಟ, ಆಹ್ಲಾದಕರ ತಾಪಮಾನಕ್ಕಾಗಿ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಮಹಾಬಲೇಶ್ವರದಲ್ಲಿ ಕೋಟೆಗಳು, ದೇವಾಲಯಗಳು, ಸರೋವರಗಳು ಮತ್ತು ಇನ್ನೂ ಹಲವು ಪ್ರವಾಸಿ ಆಕರ್ಷಣೆಗಳಿವೆ.

ಯಾವಾಗ ಭೇಟಿ ನೀಡುವುದು ಸೂಕ್ತ

ಯಾವಾಗ ಭೇಟಿ ನೀಡುವುದು ಸೂಕ್ತ

PC: mahabaleshwartourism

ಅಕ್ಟೋಬರ್ ಮತ್ತು ಏಪ್ರಿಲ್ ನಡುವೆ ಇಲ್ಲಿಗೆ ಭೇಟಿ ನೀಡುವುದು ಸೂಕ್ತವಾಗಿದೆ . ಬೆಳಿಗ್ಗೆ ಪೂರ್ತಿ ಹಿತಕರವಾದ ವಾತಾವರಣವು ಬೆಟ್ಟದ ಪ್ರದೇಶವನ್ನು ಅನ್ವೇಷಿಸಲು ಮತ್ತು ದೃಶ್ಯಗಳನ್ನು ನೋಡಲು ಪರಿಪೂರ್ಣ ಸಮಯವನ್ನು ನೀಡುತ್ತದೆ. ಆಕರ್ಷಕವಾದ ಪರ್ವತ ವೀಕ್ಷಣೆಗಳು ಪ್ರವಾಸಿಗರನ್ನು ಹೆಚ್ಚಿನ ಸಂಖ್ಯೆಯಲ್ಲಿ ಆಕರ್ಷಿಸುತ್ತವೆ. ಜುಲೈ ಮತ್ತು ಸೆಪ್ಟಂಬರ್ ನಡುವಿನ ಸಮಯವು ಪಂಚಗಣಿಯು ಮಾನ್ಸೂನ್ ಋತುವಿನಲ್ಲಿರುತ್ತದೆ. ಇಡೀ ಪ್ರದೇಶವು ಹಚ್ಚ ಹಸಿರಿನಿಂದ ಆವೃತವಾಗಿರುತ್ತದೆ.

ತಲುಪುವುದು ಹೇಗೆ?

ಸಮೀಪದ ವಿಮಾನ ನಿಲ್ದಾಣವು ಪುಣೆ ವಿಮಾನ ನಿಲ್ದಾಣವಾಗಿದೆ ಇದು 100 ಕಿ.ಮೀ ದೂರದಲ್ಲಿದೆ. ಪ್ರಮುಖ ನಗರಗಳಿಂದ ಪುಣೆಗೆ ಸ್ಥಳೀಯವಾಗಿ ಉತ್ತಮ ಸಂಪರ್ಕವಿದೆ. ಇಲ್ಲಿಂದ ನೀವು ನೇರ ಕ್ಯಾಬ್ ಅನ್ನು ತೆಗೆದುಕೊಳ್ಳಬಹುದು ಅಥವಾ ವಿಮಾನ ನಿಲ್ದಾಣದಿಂದ ಹೊರಟು ಪುಣೆಯಿಂದ ಪಂಚಗಣಿಗೆ ಬಸ್ ತೆಗೆದುಕೊಳ್ಳಬಹುದು. ಮುಂಬೈನ ಪ್ರಮುಖ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಪಂಚಗಣಿಯಿಂದ 250 ಕಿ.ಮೀ ದೂರದಲ್ಲಿದೆ. ಮುಂಬೈನಿಂದ ಪಂಚಗಣಿಗೆ ಬಸ್‌ಗಳು ಮತ್ತು ಕ್ಯಾಬ್‌ಗಳು ಸುಲಭವಾಗಿ ಲಭ್ಯವಿದೆ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X