ಹಂಪಿಯಲ್ಲಿ ಭೂಗರ್ಭದಲ್ಲಿರುವ ಶಿವ ದೇವಾಲಯ ನೋಡಿದ್ದೀರಾ?

ವಿಜಯನಗರ ಸಾಮ್ರಾಜ್ಯದ ರಾಜಧಾನಿಯಾಗಿದ್ದ ಹಂಪಿ ಒಂದು ಪ್ರಮುಖ ಪ್ರವಾಸಿ ಕೇಂದ್ರವಾಗಿದೆ. ಪ್ರಸನ್ನ ವಿರುಪಾಕ್ಷ ದೇವಾಲಯವು ಬಳ್ಳಾರಿ ಜಿಲ್ಲೆಯಲ್ಲಿರುವ ಹಂಪಿಯಲ್ಲಿನ ಹಳೇಯ ದೇವಾಲಯವಾಗಿದೆ. ಇದನ್ನು ವಿಜಯನಗರ ಸಾಮ್ರಾಜ್ಯದ ಕಾಲದಲ್ಲಿ ನಿರ್ಮಿಸಲಾಯಿತು. ಹಂಪಿ ಬಸ್ ನಿಲ್ದಾಣದ ಸಮೀಪದಲ್ಲೇ ಈ ದೇವಾಲಯವಿದೆ. 1980 ರ ದಶಕದಲ್ಲಿ ಈ ದೇವಾಲಯವನ್ನು ಪತ್ತೆಹಚ್ಚುವ ಮುನ್ನ ನಾಲ್ಕು ನೂರು ವರ್ಷಗಳ ಕಾಲ ನೆಲಸಮಾಧಿ ಮಾಡಲಾಗಿತ್ತು ಈ ದೇವಾಲಯಕ್ಕೆ ವಿಜಯನಗರ ಆಡಳಿತಗಾರ ಕೃಷ್ಣದೇವರಾಯರ ಕೊಡುಗೆ ಅಪಾರ ಎನ್ನಲಾಗುತ್ತದೆ. PC: Ssenthilkumaranಪ್ರಸನ್ನ ವಿರೂಪಾಕ್ಷ ದೇವಸ್ಥಾನದ ಬಗ್ಗೆ ಒಂದು ಕುತೂಹಲಕಾರಿ ಸಂಗತಿಯೆಂದರೆ ಅದು ನೆಲದ ಮಟ್ಟಕ್ಕಿಂತ ಕೆಲವು ಮೀಟರ್ ಗಳಷ್ಟು ಕೆಳಗೆ ಇದೆ. ದೇವಾಲಯದ ಮೇಲ್ಛಾವಣಿಯು ಪ್ರಸ್ತುತ ಅಂತರ್ಜಲ ಮಟ್ಟಕ್ಕೆ ಸಮಾನವಾಗಿದೆ. ಆದರೆ ದೇವಾಲಯದ ಮುಖ್ಯ ರಚನೆಯು ಕೆಳಗಡೆ ಇದೆ. PC: Mathanki Kodavasalಇಲ್ಲಿ ಗಮನಿಸಬೇಕಾದ ಇನ್ನೊಂದು ಅಂಶವೆಂದರೆ ದೇವಾಲಯದ ಗರ್ಭಗುಡಿಯು ವರ್ಷಪೂರ್ತಿ ಸ್ಥಿರ ನೀರಿನಲ್ಲಿ ಮುಳುಗಿಹೋಗಿದೆ. ಮಳೆಗಾಲದ ಸಮಯದಲ್ಲಿ, ಜೂನ್ ನಿಂದ ಆಗಸ್ಟ್ ವರೆಗೆ ವಿಸ್ತರಿಸಿದರೆ, ದೇವಾಲಯದೊಳಗೆ ನೀರಿನ ಮಟ್ಟವು ಏರುತ್ತದೆ ಮತ್ತು ಮಹಾ ಮಂಟಪ ಮತ್ತು ಇತರ ಮಂಟಪಗಳ ನೆಲವನ್ನು ಮುಳುಗಿಸುತ್ತದೆ. ಹಾಗಾಗಿ ಮಳೆಗಾಲದಲ್ಲಿ ದೇವಾಲಯದ ಕೆಲವು ಭಾಗಗಳಿಗೆ ಪ್ರವಾಸಿಗರಿಗೆ ಪ್ರವೇಶ ನಿಷೇಧಿಸಲಾಗುತ್ತದೆ. PC: Voyou Desoeuvreಈ ದೇವಾಲಯದ ಒಳಗೆ ಬರುವ ನೀರಿನ ಬಗ್ಗೆ ಅನೇಕ ಕಥೆಗಳಿವೆ. ಈ ನೀರು ತುಂಗಾಭದ್ರಾ ನದಿಯದ್ದು. ಮಳೆಗಾದಲ್ಲಿ ಡ್ಯಾಮ್ ನ್ನು ತೆರೆಯಲಾಗುತ್ತದೆ. ಹಾಗಾಗಿ ಪ್ರವಾಹದಿಂದಾಗಿ ನೀರು ದೇವಾಲಯದ ಒಳಗೆ ಬರುತ್ತದೆ ಎನ್ನುತ್ತಾರೆ ಕೆಲವರು. PC:Dineshkannambadi ಪ್ರಸನ್ನ ವಿರೂಪಾಕ್ಷ ದೇವಾಲಯವು ಸರಳ ಮತ್ತು ಸೊಗಸಾದ ವಿನ್ಯಾಸವನ್ನು ಹೊಂದಿದೆ. ಇದು ಮಹಾ ಮಂಟಪ , ಅರ್ಧಾ ಮಂಟಪ , ಗರ್ಭಗುಡಿ ಜೊತೆಗೆ ಒಳಗಿನ ಗರ್ಭಗುಡಿಗೆ ಕಾರಣವಾಗುವ ಸಣ್ಣ ಹಾಲ್ ನ್ನು ಹೊಂದಿದೆ. ದೇವಾಲಯದೊಳಗೆ ಅಥವಾ ಸ್ತಂಭಗಳಲ್ಲಿ ಅನೇಕ ಕೆತ್ತನೆಗಳನ್ನು ಕಾಣಬಹುದು. ಆದಾಗ್ಯೂ, ರಾಜಮನೆತನದವರು ಈ ದೇವಾಲಯವನ್ನು ಖಾಸಗಿ ಸಮಾರಂಭಗಳಿಗಾಗಿ ಬಳಸುತ್ತಿದ್ದರು ಎಂದು ನಂಬಲಾಗಿದೆ. PC:Prabhachatterjiಹಂಪಿ ಒಂದು ಧಾರ್ಮಿಕ ಸ್ಥಳದ ಜೊತೆಗೆ ಒಂದು ಪ್ರಮುಖ ಪ್ರವಾಸಿ ತಾಣವೂ ಆಗಿದೆ. ದೇಶ, ವಿದೇಶದಿಂದ ಜನರು ಇಲ್ಲಿಗೆ ಬರುತ್ತಾರೆ. ಕಲ್ಲಿನಲ್ಲಿ ಕೆತ್ತಲಾಗಿರುವ ಶಿಲ್ಪಕಲಾಕೃತಿಗಳು, ಕಲ್ಲಿನ ರಥ ನಿಜಕ್ಕೂ ಒಂದು ಶಿಲ್ಪಕಲಾ ಲೋಕಕ್ಕೆ ನಿಮ್ಮನ್ನು ಕರೆದೊಯ್ಯುತ್ತದೆ. ವಿಮಾನದ ಮೂಲಕ: ಹಂಪಿಗೆ ಸಮೀಪದ ವಿಮಾನ ನಿಲ್ದಾಣವೆಂದರೆ ಬಳ್ಳಾರಿ ವಿಮಾನ ನಿಲ್ದಾಣ. ಇದು ಹಂಪಿಯಿಂದ ಸುಮಾರು ೬೪ಕಿ.ಮೀ ದೂರದಲ್ಲಿದೆ. ಅಲ್ಲಿಂದ ಬಸ್ ಅಥವಾ ಟ್ಯಾಕ್ಸಿ ಮೂಲಕ ಹಂಪಿ ತಲುಪಬಹುದು. ರೈಲಿನಲ್ಲಿ: ರೈಲಿನಲ್ಲಿ ಹೋಗುವುದಾದರೆ ಸಮೀಪದ ರೈಲ್ವೆ ಸ್ಟೇಶನ್ ಎಂದರೆ ಹೊಸಪೇಟೆ ಜಂಕ್ಷನ್ ರೈಲು ನಿಲ್ದಾಣ . ಇದು ಹಂಪಿಯಿಂದ ಸುಮಾರು ೧೦ ಕಿ.ಮೀ ದೂರದಲ್ಲಿದೆ. ಬಸ್ : ಬಸ್ ಮೂಲಕ ಹೋಗುವುದಾದರೆ ಎಲ್ಲಾ ನಗರಗಳಿಂದ ಕೆಎಸ್ ಆರ್ ಟಿಸಿ ಬಸ್ ಗಳು ಲಭ್ಯವಿದೆ.