• Follow NativePlanet
Share
» »ಮೇಕೆ ಹೆಂಗೋ ದಾಟಿತು, ಆದರೆ ನೀವು ಹುಷಾರು!

ಮೇಕೆ ಹೆಂಗೋ ದಾಟಿತು, ಆದರೆ ನೀವು ಹುಷಾರು!

Written By: Vijay

ಏನಿದು ವಿಚಿತ್ರವಾಗಿದೆಯಲ್ಲ ಈ ತಲೆ ಬರಹ ಅನಿಸುತ್ತಿದೆಯಲ್ಲವೆ? ಹೌದು ಒಂದು ಸ್ಥಳ ಪುರಾಣದಂತೆ ಚಿಕ್ಕದಾದ ಕಾಲುವೆ ರೀತಿಯ ಬಂಡೆಗಳ ಮಧ್ಯೆ ಹರಿಯುವ ನದಿಯೊಂದನ್ನು ಗಬಕ್ಕನೆ ಮೇಕೆ ಒಂದು ಒಂದು ನೆಗೆತದಲ್ಲಿ ದಾಟಿ ತದನಂತರ ಈ ಸ್ಥಳಕ್ಕೆ ಮೇಕೆದಾಟು ಎಂಬ ಹೆಸರು ಬಂದಿತಂತೆ.

ನಿಮಗಿಷ್ಟವಾಗಬಹುದಾದ : ಕಾವೇರಿಯು ವೈಭವದಿಂದ ಧುಮಕುವ ಚುಂಚನಕಟ್ಟೆ

ಪ್ರಸ್ತುತ ಲೇಖನದಲ್ಲಿ ಬೆಂಗಳೂರು ಬಳಿಯಿರುವ ಹಾಗೂ ವಾರಾಂತ್ಯ ಸಮಯದಲ್ಲಿ ಬೆಂಗಳೂರು ಹಾಗೂ ಸುತ್ತಮುತ್ತಲು ವಾಸಿಸುವ ನೆಚ್ಚಿನ ಪಿಕ್ನಿಕ್ ಸ್ಥಳವಾದ ಕನಕಪುರದ ಮೇಕೆದಾಟು ಕುರಿತು ತಿಳಿಸಲಾಗಿದೆ. ಮೇಕೆದಾಟುವಿನ ಪರಿಸರ, ಕಾವೇರಿಯ ಗಂಭೀರವಾಗಿ ಹರಿಯುವ ಕೆಲವು ಚಿತ್ರಗಳನ್ನು ಈ ಮೂಲಕ ನೋಡಿ ಆನಂದಿಸಿ.

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಮೇಕೆದಾಟು ಒಂದು ವಿಹಾರಸ್ಥಳವಾಗಿದ್ದು ಬೆಂಗಳೂರು ನಗರ ಕೇಂದ್ರದಿಂದ ಸುಮಾರು 90 ಕಿ. ಮೀ. ದೂರದಲ್ಲಿದೆ. ಕಾಲೇಜು ಹುಡುಗರ, ಹಲವು ಕಾರ್ಪೊರೇಟ್ ಕಂಪನಿಗಳ ನೌಕರರ ನೆಚ್ಚಿನ ಪಿಕ್ನಿಕ್ ತಾಣವಾಗಿರುವ ಮೇಕೆದಾಟು ವಾರಾಂತ್ಯಗಳಲ್ಲಿ ಸಾಕಷ್ಟು ಪ್ರವಾಸಿಗರನ್ನು ಪಡೆಯುತ್ತದೆ.

ಚಿತ್ರಕೃಪೆ: Karthik Prabhu

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಕನ್ನಡ ಭಾಷೆಯಲ್ಲಿ, ಮೇಕೆ ಹಾರುವಷ್ಟು ಅಂದರೆ ಒಂದೇ ನೆಗೆತದಲ್ಲಿ ಕ್ರಮಿಸುವ ಅಗಲದಷ್ಟು ಉದ್ದದ ಕಂದಕದಲ್ಲಿ ಕಾವೇರಿ ನದಿ ಗಂಭೀರವಾಗಿ ಹರಿಯುವುದರಿಂದ ಮೇಕೆದಾಟು ಎಂದು ಇದನ್ನು ಕರೆಯುತ್ತಾರೆ.

ಚಿತ್ರಕೃಪೆ: Karthik Prabhu

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಕಡಿದಾದ ಬಂಡೆಗಳ ಮಧ್ಯೆ ಹರಿಯುವ ಕಾವೇರಿನದಿ, ನಂತರ ಆಳವಾದ ಕಂದರಕ್ಕೆ ಧುಮುಕುತ್ತದೆ. ಅದರ ಅಗಲ ಅಷ್ಟೇನು ಹೆಚ್ಚಾಗಿಲ್ಲ. ಕೇವಲ ಮೇಕೆ ಹಾರಿದಾಟುವಷ್ಟು ಜಾಗಮಾತ್ರ.

ಚಿತ್ರಕೃಪೆ: Karthik Prabhu

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಮೇಕೆದಾಟುವನ್ನು ತಲುಪುವುದು ತುಸು ಕಷ್ಟಕರವಾಗಿದೆ. ಮೊದಲಿಗೆ ಕಾವೇರಿ-ಅರ್ಕಾವತಿ ನದಿಗಳು ಸೇರುವ ಸಂಗಮದವರೆಗೆ ಕಾರು ಇಲ್ಲವೆ ಬೈಕ್ ಮೂಲಕ ಸಾಗಬೇಕು. ನಂತರ ಸಂಗಮದ ನದಿಯನ್ನು ಅಲ್ಲಿ ಬಾಡಿಗೆಗೆ ದೊರೆಯುವ ತೆಪ್ಪದಲ್ಲಿ ಕುಳಿತು ಆ ಬದಿಗೆ ತೆರಳ ಬೇಕು.

ಚಿತ್ರಕೃಪೆ: Rayabhari

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಸಂಗಮದಲ್ಲಿ ನೀರು ಬಲು ಕಡಿಮೆಯಿದ್ದರೆ ಅದರಲ್ಲೆ ನಡೆದುಕೊಂಡೆ ಆ ದಂಡೆಗೆ ತಲುಪಬಹುದು. ನಂತರ ಆ ದಂಡೆಯಿಂದ ನಾಲ್ಕು ಕಿ.ಮೀ ಗಳಷ್ಟು ಚಾರಣ ಮಾಡುತ್ತ ಮೇಕೆದಾಟುವಿಗೆ ತಲುಪಬೇಕು. ಪ್ರವಾಸಿ ಋತುವಿನಲ್ಲಿ ಇಲ್ಲಿಂದ ಒಂದು ಬಸ್ಸು ಸಹ ದೊರೆಯುತ್ತದೆ ನಿಮ್ಮನ್ನು ಮೇಕೆದಾಟುವಿನವರೆಗೆ ಕರೆದುಕೊಂಡು ಹೋಗಲು.

ಚಿತ್ರಕೃಪೆ: ArunCyriac

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಮಳೆಗಾಲದ ಸಮಯದಲ್ಲಿ ಮೇಕೆದಾಟುವಿನಲ್ಲಿ ಬಲು ಜಾಗರೂಕತೆಯನ್ನು ವಹಿಸಲೇಬೇಕು. ಕಲ್ಲು ಬಂಡೆಗಳು ಸಾಕಷ್ಟು ಜಾರುತ್ತವೆ. ಅಲ್ಲದೆ ಕಾವೇರಿ ನದಿ ಚಿಕ್ಕದಾಗಿ ಕಂಡರೂ ಅದರ ರಭಸ ಹಾಗೂ ವೇಗವನ್ನು ಊಹಿಸಿಕೊಳ್ಳುವುದು ಅಸಾಧ್ಯ.

ಚಿತ್ರಕೃಪೆ: ArunCyriac

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಎಂತಹ ಈಜು ಬಲ್ಲವರಾಗಿದ್ದರೂ ಸ್ವಲ್ಪ ಆಯ ತಪ್ಪಿ ಏನಾದರೂ ಈ ನದಿಯಲ್ಲಿ ಬಿದ್ದರೆ ಸಾವು ನಿಶ್ಚಿತ. ಹಾಗಾಗಿ ಜಾಗರೂಕತೆಯನ್ನು ವಹಿಸಲೇಬೇಕು. ಈ ತಾಣದ ಸೌಂದರ್ಯವನ್ನು ಸವಿಯುತ್ತ, ನದಿಯ ರಭಸವನ್ನು ಅರಿಯುತ್ತ ಪ್ರಕೃತಿಗೆ ಧನ್ಯವಾದ ಹೇಳುತ್ತ ಮೇಕೆದಾಟುವಿನ ಸೌಂದರ್ಯವನ್ನು ಸವಿಯಬಹುದು.

ಚಿತ್ರಕೃಪೆ: Renjith Sasidharan

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಮೇಕೆದಾಟುವನ್ನು ಕನಕಪುರ, ಸಾಥನೂರು, ಸಂಗಮದ ಮೂಲಕ ತೆರಳಬಹುದು. ಬೆಂಗಳೂರಿನ ಸಿಟಿ ಮಾರುಕಟ್ಟೆ ಬಸ್ಸು ನಿಲ್ದಾಣದಿಂದ ಕನಕಪುರದವರೆಗೆ ಬಸ್ಸುಗಳು ದೊರೆಯುತ್ತವೆ. ಕನಕಪುರದಿಂದ ಸಂಗಮಕ್ಕೆ ಹೆಚ್ಚು ಬಸ್ಸುಗಳಿಲ್ಲ. ಹೀಗಾಗಿ ನೀವು ಸ್ವಂತ ಅಥವಾ ಬಾಡಿಗೆ ವಾಹನಗಳ ಮೂಲಕ ತೆರಳುವುದು ಲೇಸು.

ಚಿತ್ರಕೃಪೆ: Nagarjun Kandukuru

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಕಾವೇರಿಯು ಇಲ್ಲಿ ಒಂದೊಂದು ಸ್ಥಳಗಳಲ್ಲಿ ಕಡಿದಾಗಿ, ಅಗಲವಾಗಿ ಹರಿಯುವುದನ್ನು ನೋಡಿದಾಗ ರೋಮಾಂಚನ ಉಂಟಾಗುತ್ತದೆ.

ಚಿತ್ರಕೃಪೆ: Thejaswi

ಮೇಕೆದಾಟು ಪ್ರವಾಸ:

ಮೇಕೆದಾಟು ಪ್ರವಾಸ:

ಈ ಮೇಕೆಗಳ ಪೂರ್ವಜರಿಂದಲೇ ಈ ಸ್ಥಳಕ್ಕೆ ಈ ಹೆಸರು ಬಂದಿರಬಹುದೇ!!

ಚಿತ್ರಕೃಪೆ: Shuba

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more