ಇಲ್ಲಿ ಪುರುಷರು ಮಹಿಳೆಯಾಗಿ ಬದಲಾದ್ರೆ ಮಾತ್ರ ಒಳ್ಳೆ ನೌಕರಿ ಸಿಗುತ್ತಂತೆ!

ದೇಶದಲ್ಲಿ ಪುರುಷರಿಗೆ ಪ್ರವೇಶವಿಲ್ಲದಂತಹ ಹಲವಾರು ದೇವಾಲಯಗಳಿವೆ. ಅಂತಹ ದೇವಾಲಯಗಳಲ್ಲಿ ಒಂದು ಕೇರಳದ ಕೊಲ್ಲಂನಲ್ಲಿದೆ. ಈ ಮಂದಿರದಲ್ಲಿ ಪುರುಷರು ಪ್ರವೇಶಿಸಬೇಕಾದರೆ ಮಹಿಳೆಯರಾಗಬೇಕಾಗುತ್ತದೆ. ಮಹಿಳೆಯರಾಗುವುದೆಂದರೆ ಲಿಂಗ ಬದಲಾಯಿಸುವುದಲ್ಲ. ಬದಲಾಗಿ ಮಹಿಳೆಯರಂತೆ ಶೃಂಗಾರ ಮಾಡಿಕೊಳ್ಳಬೇಕು. PC:Ranji1 2000ಈ ಮಂದಿರದಲ್ಲಿ ಮಹಿಳೆಯರಿಗೆ ಹಾಗೂ ತೃತೀಯ ಲಿಂಗಿಗಳಿಗೆ ಪ್ರವೇಶವಿದೆ. ಆದರೆ ಪುರುಷರಿಗೆ ಪ್ರವೇಶವಿಲ್ಲ. ಪುರುಷರು ಮಂದಿರದೊಳಗೆ ಪ್ರವೇಶಿಸಲು ಮಹಿಳೆಯರಂತೆ ವೇಷ ಭೂಷಣ ಧರಿಸಬೇಕು. ಅದಕ್ಕಾಗಿ ಇಲ್ಲಿ ಪುರುಷರಿಗೆ ಮೇಕಪ್ ಮಾಡಿಕೊಳ್ಳಲು ಅನೇಕ ರೂಮ್ ಗಳೂ ಇವೆ. PC: Gangadharan Pillaiಶೃಂಗಾರ ಮಾಡೋದು ಮಹಿಳೆಯರ ಕೆಲಸವಾಗಿದೆ. ಆದರೆ ಪುರುಷರು ಮಹಿಳೆಯರಂತೆ ಶೃಂಗಾರ ಮಾಡಿದ್ರೆ ಹೇಗಿರುತ್ತೆ ಅಲ್ವಾ? ಪುರುಷರ ಮಹಿಳಾ ಅವತಾರವನ್ನು ನೋಡಬೇಕಾದರೆ ನೀವು ಕೂಡಾ ಕೇರಳದ ಕೊಲ್ಲಂಗೆ ಹೋಗಬೇಕು. ಇಲ್ಲಿ ಪುರುಷರು ಮಹಿಳೆಯರಂತೆ ಸೀರೆ ಉಟ್ಟು, ಮೇಕಪ್ ಮಾಡಿಕೊಂಡು , ಹೂ ಮುಡಿದುಕೊಂಡು ಪಕ್ಕಾ ಮಹಿಳೆಯರಂತೆ ಕಾಣಿಸುತ್ತಾರೆ. PC:Debjitpaul10ಈ ರೀತಿ ಶೃಂಗಾರ ಮಾಡಿಕೊಂಡು ಹೋಗುವುದರ ಹಿಂದೆಯೂ ಒಂದು ಕಾರಣವಿದೆ . ಅದೇನೆಂದರರೆ ಪುರುಷರು ಮಹಿಳೆಯರಂತೆ ಸೀರೆ ಉಟ್ಟುಕೊಂಡು , ಮೇಕಪ್ ಮಾಡಿಕೊಂಡು ಹೋಗಿ ಪೂಜೆ ಮಾಡಿದ್ರೆ ಪುರುಷರಿಗೆ ಒಳ್ಳೆಯ ಕೆಲಸ, ಆರೋಗ್ಯ, ಯಶಸ್ಸು ಸಿಗುತ್ತದೆ ಎನ್ನುವುದು ಇಲ್ಲಿನವರ ನಂಬಿಕೆ. PC: Gangadharan Pillaiಕೇರಳದ ಕೊಲ್ಲಂ ಜಿಲ್ಲೆಯಲ್ಲಿರುವ ಈ ಮಂದಿರವು ಕೊಟ್ಟಕುಲಂಗರ ಶ್ರೀದೇವಿ ಮಂದಿರ. ಇಲ್ಲಿ ದೇವಿಯ ಪೂಜೆಯ ಪರಂಪರೆ ಹಲವಾರು ವರ್ಷಗಳಿಂದ ನಡೆದುಕೊಂಡು ಬಂದಿದೆ. 13, 14 ಮಾರ್ಚ್ ಗೆ ಚಮಾಯಿವಿಲಕ್ಕು ಎನ್ನುವ ಉತ್ಸವ ನಡೆಯುತ್ತದೆ. ಈ ಉತ್ಸವದಲ್ಲಿ ಪಾಲ್ಗೊಳ್ಳಲು ಸಾಕಷ್ಟು ಪುರುಷರು ಇಲ್ಲಿಗೆ ಆಗಮಿಸುತ್ತಾರೆ. PC: Gangadharan Pillaiಈ ಮಂದಿರದಲ್ಲಿ ದೇವಿಯ ಮೂರ್ತಿ ಸ್ವಯಂಭೂ ಆಗಿದ್ದು ಎನ್ನಲಾಗುತ್ತದೆ. ಇಲ್ಲಿ ಗರ್ಭ ಗುಡಿಯ ಮೇಲೆ ಕಲಶವಿಲ್ಲ. ಗರ್ಭಗುಡಿಯ ಮೇಲೆ ಕಲಶವಿಲ್ಲದ ಕೇರಳ ಏಕೈಕ ದೇವಸ್ಥಾನ ಇದಾಗಿದೆ.