Search
  • Follow NativePlanet
Share
» »ಕನಕಗಿರಿಯಲ್ಲಿ ನೆಲೆಸಿರುವ ಕನಕಾಚಲಪತಿ

ಕನಕಗಿರಿಯಲ್ಲಿ ನೆಲೆಸಿರುವ ಕನಕಾಚಲಪತಿ

Written By: Vijay

ಈ ಸ್ಥಳ ಹಾಗೂ ಇಲ್ಲಿರುವ ದೇವಾಲಯಕ್ಕೆ ಹೊಂದಿಕೊಂಡಂತೆ ಒಂದು ಸ್ಥಳೀಯವಾಗಿ ಚಾಲ್ತಿಯಲ್ಲಿರುವ ನಾಣ್ಣುಡಿಯೊಂದಿದೆ ಮತ್ತು ಅದು ಹೀಗೆ ಸಾಗುತ್ತದೆ..."ಕಣ್ಣಿದ್ದವರು ಕನಕಗಿರಿಗೆ ಭೇಟಿ ನೀಡಬೇಕು ಹಾಗೂ ಕಾಲಿದ್ದವರು ಹಂಪಿಗೆ ಭೇಟಿ ನೀಡಬೇಕು" ಎಂದು.

ತಿರುಮಲ ಬೆಟ್ಟಗಳ ಅದ್ಭುತ ದಂತಕಥೆ

ಅಂದರೆ ಈ ಒಂದು ದೇವಾಲಯ ಹಾಗೂ ಇದು ಇರುವ ಸ್ಥಳ ಜೀವನದಲ್ಲಿ ಒಮ್ಮೆಯಾದರೂ ದರ್ಶಿಸಲೇಬೇಕ್ಕೆಂದು ತಿಳಿ ಹೇಳುತ್ತದೆ. ಅಷ್ಟಕ್ಕೂ ಈ ದೇವಾಲಯವಿರುವುದು ಕರ್ನಾಟಕದಲ್ಲೆ. ಈ ಸುಂದರ ಹಾಗೂ ನಯನಮನೋಹರವಾದ ದೇವಾಲಯ ವಿಷ್ಣುವಿನ ಅವತಾರ ವೆಂಕಟೇಶ್ವರನಿಗೆ ಮುಡಿಪಾದ ದೇವಾಲಯವಾಗಿದೆ.

ಹಾಗಾದರೆ ಬನ್ನಿ ಪ್ರಸ್ತುತ ಲೇಖನದ ಮೂಲಕ ಈ ವೆಂಕಟೇಶ್ವರನ ದೇವಾಲಯದ ಕುರಿತು ಸಾಕಷ್ಟು ಪಡೆಯಿರಿ ಹಾಗೂ ಸಮಯಾವಕಾಶ ದೊರೆತರೆ ಖ್ಂಡಿತವಾಗಿಯೂ ಈ ಸ್ಥಳ ಹಾಗೂ ದೇವಾಲಯವನ್ನೊಮ್ಮೆ ದರ್ಶಿಸಿ ಬನ್ನಿ.

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಕರ್ನಾಟಕದ ಕೊಪ್ಪಳ ಜಿಲ್ಲೆಯ ಗಂಗಾವತಿ ತಾಲೂಕಿನಲ್ಲಿ ಕನಕಗಿರಿ ಎಂಬ ಸ್ಥಳವಿದ್ದು ಅಲ್ಲಿನ ಪುಟ್ಟ ಗುಡ್ಡ ಪ್ರದೇಶವೊಂದರ ಮೇಲೆ ವೆಂಕಟೇಶ್ವರನು ಕನಕಾಚಲಪತಿಯಾಗಿ ನೆಲೆಸಿರುವ ಈ ಸುಂದರ ಹಾಗೂ ಭವ್ಯವಾದ ದೇವಾಲಯವಿದೆ.

ಚಿತ್ರಕೃಪೆ: Dineshkannambadi

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಗಂಗಾವತಿಯಿಂದ ಸುಮಾರು 20 ಕಿ.ಮೀ ಗಳಷ್ಟು ದೂರದಲ್ಲಿರುವ ಕನಕಗಿರಿಯು ಕೊಪ್ಪಳ ನಗರ ಕೇಂದ್ರದಿಂದ ಕೇವಲ 4 ಕಿ.ಮೀ ಗಳಷ್ಟು ಅಂತರದಲ್ಲಿ ಮಾತ್ರವೆ ನೆಲೆಸಿದ್ದು ತೆರಳಲು ಬಸ್ಸುಗಳು ಹಾಗೂ ಬಾಡಿಗೆ ರಿಕ್ಷಾಗಳು ಸುಲಭವಾಗಿ ದೊರೆಯುತ್ತವೆ.

ಚಿತ್ರಕೃಪೆ: Dineshkannambadi

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಐತಿಹ್ಯದಂತೆ ಹಿಂದೆ ಕನಕ ಮಹಾಮುನಿಗಳೆಂಬುವವರು ಈ ಸ್ಥಳದಲ್ಲಿ ಕಠಿಣವಾದ ತಪಸ್ಸನ್ನಾಚರಿಸಿ ವಿಷ್ಣು ದೇವರನ್ನು ಪ್ರಸನ್ನಗೊಳಿಸಿದ್ದರಂತೆ. ಅದರ ಪ್ರಕಾರವಾಗಿ ವಿಷ್ಣು ಇಲ್ಲಿ ಕನಕಾಚಲಪತಿಯಾಗಿ ನೆಲೆಸಿ ಈ ಕ್ಷೇತ್ರಕ್ಕೆ ಕನಕಗಿರಿ ಎಂಬ ಹೆಸರು ಬಂದಿದೆ ಎನ್ನಲಾಗಿದೆ.

ಚಿತ್ರಕೃಪೆ: Dineshkannambadi

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಇನ್ನೊಂದು ಕಥೆಯ ಪ್ರಕಾರವಾಗಿ, ಬಹು ಹಿಂದೆ ಆಚಾರ್ಯ ಪೂಜ್ಯಪಾದ ಎಂಬುವವರು ಈ ಗಿರಿ ಪ್ರದೇಶವನ್ನು ಸಂಪೂರ್ಣವಾಗಿ ಬಂಗಾರವನ್ನಾಗಿ ಪರವರ್ತಿಸಿದರಂತೆ. ಇದರಿಂದ ಇದಕ್ಕೆ ಸ್ವರ್ಣಗಿರಿ ಎಂಬ ಹೆಸರು ಬಂದಿತಾದರೂ ಕ್ರಮೇಣ ಕನಕಗಿರಿ ಎಂದಾಯಿತು. ಕನಕ ಎಂದರೆ ಬಂಗಾರ ಎಂಬರ್ಥವೂ ಇರುವುದರಿಂದ ಇದಕ್ಕೆ ಕನಕಗಿರಿ ಎಂಬ ಹೆಸರು ಬಂದಿತೆನ್ನಲಾಗಿದೆ.

ಚಿತ್ರಕೃಪೆ: Manjunath Doddamani Gajendragad

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಇನ್ನೂ ಇಲ್ಲಿರುವ ಕನಕಾಚಲಪತಿ ದೇವಾಲಯ ಸಾಕಷ್ಟು ಆಕರ್ಷಕವಾಗಿದೆ. ವಿಜಯನಗರ ಸಾಮ್ರಾಜ್ಯದ ದ್ರಾವಿಡ ವಾಸ್ತುಅಶೈಲಿಯನ್ನು ಹೊಂದಿರುವ ಈ ದೇವಾಲಯ ಅಗಾಧ ಶ್ರೀಮಂತಿಕೆಯಿಂದ ಕೂಡಿದ ಶಿಲ್ಪಕಲೆ ಹಾಗೂ ಕಲಾಕೃತಿಗಳನ್ನು ಹೊಂದಿದೆ. ಸುಂದರವಾಗಿ ಕೆತ್ತಲಾದ ದೇವಾಲಯದ ಖಂಬಗಳು.

ಚಿತ್ರಕೃಪೆ: Dineshkannambadi

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿ ಪಾಳೆಗಾರರು ಇನ್ನೂ ಜನಪ್ರೀಯವಾಗಿ ಹೇಳೆಬೇಕೆಂದರೆ ಕನಕಗಿರಿ ನಾಯಕರಿಂದ ಈ ದೇವಾಲಯದ 15-16 ನೇಯ ಶತಮಾನದಲ್ಲಿ ನಿರ್ಮಾಣವಾದ ರಚನೆಯಾಗಿದೆ. ಇಲ್ಲಿ ಇತರೆ ದೇಗುಲಗಳು ಇದ್ದರೂ ಸಹ ಕನಕಾಚಲಪತಿ ದೇವಾಲಯ ತನ್ನ ಸೂಕ್ಷ್ಮ ಹಾಗೂ ಶ್ರೀಮಂತ ಕೆತ್ತನೆಗಳು ಹಾಗೂ ವಿಶಾಲತೆಯಿಂದ ಹೆಚ್ಚಿನ ಗಮನ ಸೆಳೆಯುತ್ತದೆ.

ಚಿತ್ರಕೃಪೆ: Manjunath Doddamani Gajendragad

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಕನಕಾಚಲಪತಿ ದೇವಾಲಯ ಆವರಣದಲ್ಲಿ ಸಾಕಷ್ಟು ಇತರೆ ರಚನೆಗಳಿವೆ. ಅಂತಹ ಒಂದು ರಚನೆ ಪ್ರತ್ಯೇಕ ಮಂಟಪ. ಇದು ಸಾಕಷ್ಟು ವಿಶಾಲವಾಗಿದ್ದು ನೋಡಲು ಸುಂದರವಾಗಿದೆ. ಇಲ್ಲಿರುವ ಖಂಬಗಳ ಶಿಲಪಕಲೆಗಳು ಬೇಲೂರು ಹಳೆಬೀಡುಗಳನ್ನು ನೆನಪಿಸುವಂತಿದೆ.

ಚಿತ್ರಕೃಪೆ: Manjunath Doddamani Gajendragad

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಕನಕಾಚಲಪತಿಯ ದೇವಾಲಯ ಪ್ರವೇಶಿಸಿದ ನಂತರ ಗರ್ಭ ಸ್ಥಳಕ್ಕೆ ಕರೆದೊಯ್ಯುವ ಮಾರ್ಗ. ಸುಂದರ ಚಿತ್ತಾರಗಳ ಆಕರ್ಷಕ ವಿಗ್ರಹಗಳಿಂದ ಇದು ಮನೋಜ್ಞವಾಗಿ ಕಂಡುಬರುತ್ತದೆ.

ಚಿತ್ರಕೃಪೆ: Dineshkannambadi

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಕನಕಾಚಲಪತಿ ದೇವಾಲಯದ ಆವರಣದಲ್ಲಿರುವ ಇತರೆ ದೇಗುಲ ಸನ್ನಿಧಿಗಳು.

ಚಿತ್ರಕೃಪೆ: Dineshkannambadi

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ದೇವಾಲಯವು ಸಾಕಷ್ಟು ಪುರಾತನವಾಗಿದ್ದರೂ ಇಲ್ಲಿನ ಕೆಲ ನವೀನ ವರ್ಣಗಳ ಕಲಾಕೃತಿಗಳನ್ನು ಆನಂತರ ನಿರ್ಮಿಸಿ ದೇವಾಲಯದಲ್ಲಿ ಸೇರಿಸಲಾಗಿದೆ. ದೇವಾಲಯದ ಮುಖ್ಯ ಕೋಣೆಯು ವಿಶಾಲವಾಗಿದ್ದು ಸಾಕಷ್ಟು ಶಾಂತತೆಯಿಂದ ಕೂಡಿದೆ. ದೇವರನ್ನು ದರ್ಶಿಸಿ ಕೆಲ ಕಾಲ ಧ್ಯಾನ ಮಗ್ನರಾಗಲು ಈ ಆದರ್ಶಮಯವಾಗಿದೆ.

ಚಿತ್ರಕೃಪೆ: Manjunath Doddamani Gajendragad

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯ ಕನಕಾಚಲಪತಿ:

ಕನಕಗಿರಿಯಲ್ಲಿರುವ ರಾಜವಂಶಸ್ಥರ ಸ್ನಾನ ಕೇಂದ್ರ. ಕೊಪ್ಪಳವು ಬೆಂಗಳೂರಿನಿಂದ 380 ಕಿ.ಮೀ, ಬೆಳಗಾವಿಯಿಂದ 200 ಕಿ.ಮೀ ಹಾಗೂ ಹುಬ್ಬಳ್ಳಿಯಿಂದ 151 ಕಿ.ಮೀ ಗಳಷ್ಟು ದೂರದಲ್ಲಿದೆ ಹಾಗೂ ತೆರಳಲು ಬಸ್ಸುಗಳು ದೊರೆಯುತ್ತವೆ.

ಚಿತ್ರಕೃಪೆ: Manjunath Doddamani Gajendragad

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more