ಕಮಲ್‌ಘಡ್‌ ಕೋಟೆಗೆ ಟ್ರಕ್ಕಿಂಗ್ ಹೋದರಷ್ಟೇ ಅಲ್ಲಿನ ಸೌಂದರ್ಯ ಸೆರೆಹಿಡಿಯಲು ಸಾಧ್ಯ

ಮಹಾರಾಷ್ಟ್ರದಲ್ಲಿ ಟ್ರಕ್ಕಿಂಗ್ ಹೋಗಬಹುದಾದಂತ ಹ ಅನೇಕ ಬೆಟ್ಟಗಳು ಕೋಟೆಗಳು ಇವೆ. ಸ್ಥಳೀಯರಿಗೆ ಈ ಸ್ಥಳಗಳು ಅಷ್ಟೊಂದು ಫೇಮಸ್ ಅಲ್ಲದಿದ್ದರೂ ಆಫ್ ಬೀಟ್ ಪ್ರವಾಸಿಗರಿಗೆ ಈ ಸ್ಥಳ ಬಹಳ ಫೇಮಸ್ ಆಗಿದೆ. ಯಾವುದೇ ಕೋಟೆಗೆ ಹೋಗಿ ಅಲ್ಲಿ ಸುತ್ತಾಡೋದರಿಂದ ಅಲ್ಲಿನ ಇತಿಹಾಸದ ಬಗ್ಗೆ ತಿಳಿಯಲು ಸಾಧ್ಯವಾಗುತ್ತದೆ. ನೀವು ನಿಮ್ಮ ವೀಕೇಂಡ್ ನ್ನು ಮಜಾವಾಗಿಸಬೇಕೆಂದಾದರೆ ಕಮಲ್ ಘಡ್ ಕೋಟೆಗೆ ಭೇಟಿ ನೀಡಿ. PC: Ccmaratheಕಮಲ್ ಘಡ್ ಕೋಟೆಯ ಒಳಗೆ ಹಾಗೂ ಹೊರಗಿನ ವಾತಾವರಣ ಬಹಳ ಪ್ರಶಾಂತವಾಗಿರುತ್ತದೆ. ಇಲ್ಲಿಗೆ ಭೇಟಿ ನೀಡಲು ಸೂಕ್ತವಾದ ಸಮಯವೆಂದರೆ ಚಳಿಗಾಲ. ಅಕ್ಟೋಬರ್ ನಿಂದ ಮಾರ್ಚ್ ವರೆಗೆ. ನೀವು ಮಳೆಗಾಲದಲ್ಲೂ ಇಲ್ಲಿಗೆ ಭೇಟಿ ನೀಡಬಹುದು. ಈ ಸಂದರ್ಭದಲ್ಲಿ ಕಮಲ್ ಘಡ್ ಕೋಟೆಯ ಸುತ್ತಮುತ್ತಲೂ ಹಚ್ಚಹಸಿರಿನಿಂದ ಕೂಡಿರುತ್ತದೆ. PC: Ccmaratheಮಹಾರಾಷ್ಟ್ರದ ಸತರಾ ಜಿಲ್ಲೆಯಲ್ಲಿ ಪಂಚಗಣಿ ಹಾಗೂ ಮಹಬಲೇಶ್ವರದಂತಹ ಸುಂದರವಾದ ತಾಣಗಳ ಸಮೀಪದಲ್ಲೇ ಕಮಲ್ ಘಡ್ ಕೋಟೆ ಇದೆ. 4000 ಫೀಟ್ ಎತ್ತರದಲ್ಲಿರುವ ಈ ಕೋಟೆಯು ಈ ಕ್ಷೇತ್ರದಲ್ಲಿರುವ ಅತ್ಯಂತ ಎತ್ತರದ ಕೋಟೆಯಾಗಿದೆ. ಹಾಗಾಗಿ ಸ್ಥಳೀಯರು ಹೆಚ್ಚಾಗಿ ಇಲ್ಲಿ ಟ್ರಕ್ಕಿಂಗ್ ಗೆ ಆಗಮಿಸುತ್ತಾರೆ. ಈ ಕೋಟೆಯನ್ನು ಭಾರತದ ಮಧ್ಯಕಾಲಿನ ಯುಗದಲ್ಲಿ ನಿರ್ಮಿಸಲಾಗಿತ್ತು ಎನ್ನಲಾಗುತ್ತದೆ. PC:rohit gowaikarಇಂದು ಈ ಕೋಟೆಗೆ ತಲುಪಬೇಕಾದರೆ ಟ್ರಕ್ಕಿಂಗ್ಗ್ ಮೂಲಕವೇ ಹೋಗಬೇಕು. ಪ್ರಾಚೀನ ಕಾಲದಲ್ಲಿ ಕಾಲುವೆಗಳ ಮೂಲಕ ಇಲ್ಲಿಗೆ ತಲುಪುತ್ತಿದ್ದರು. ಇಲ್ಲಿಗೆ ಸಮೀಪದ ನಗರವೆಂದರೆ ಬೋರ್ ಹಾಗೂ ವಾಯಿ. ಇದು ಸುಮಾರು 30ಕಿ.ಮಿ ದೂರದಲ್ಲಿದೆ. PC: rohit gowaikarಟ್ರಕ್ಕಿಂಗ್, ಕ್ಯಾಂಪಿಂಗ್ ನ್ನು ಹೊರತುಪಡಿಸಿ ನೀವು ಇಲ್ಲಿ ಗುಹೆಯನ್ನು ಕಾಣಬಹುದು. ವೀಕೆಂಡ್ ನಲ್ಲಿ ನೀವು ಯಾವುದಾದರೂ ಶಾಂತ ವಾತಾವರಣವಿರುವ ಸ್ಥಳಕ್ಕೆ ಹೋಗಬೇಕೆಂದಿದ್ದರೆ ನೀವು ಕಮಲ್ ಘಡ್ ಕೋಟೆಗೆ ಭೇಟಿ ನೀಡಿ. ಈ ಕೋಟೆಯಿಂದ ಸುತ್ತಮುತ್ತಲಿನ ಬೆಟ್ಟಗಳು ಹಾಗೂ ಹಳ್ಳಿಗಳ ಸುಂದರವಾದ ನೊಟವನ್ನು ಕಾಣಬಹುದು. ವಾಯುಮಾರ್ಗ: ಕಮಲಘಡ್ ಗೆ ಸಮೀಪವಿರುವ ಏರ್ ಪೋರ್ಟ್ ಎಂದರೆ ಪುಣೆ ಏರ್ಪೋಟ್. ಇದು ಕಮಲಘಡ್ ನಿಂದ137 ಕಿ.ಮಿ ದೂರದಲ್ಲಿದೆ. ಪುಣೆಯಿಂದ ಟ್ಯಾಕ್ಸಿ ಮೂಲಕ ನೀವು ಕಮಲಘಡ್ ಗೆ ತಲುಪಬಹುದು.ರೈಲು ಮಾರ್ಗ: ಸತರಾವರೆಗೆ ರೈಲಿನ ಮೂಲಕ ಬಂದು ನಂತರ ಕ್ಯಾಬ್ ಹಿಡಿಯಬಹುದು. ರಸ್ತೆ ಮಾರ್ಗ: ಬೆಟ್ಟ, ಕೋಟೆ ಇರುವ ಜೊತೆಗೆ ರಸ್ತೆ ಮಾರ್ಗವು ಸ್ವಲ್ಪ ಕಠಿಣವಾಗಿದೆ. ನೀವು ಕೋಟೆಯನ್ನು ತಲುಪಬೇಕಾದರೆ ಬೆಟ್ಟವನ್ನು ಹತ್ತಬೇಕು.