ಐಆರ್‌ಸಿಟಿಸಿ ಆಫರ್; 12 ದಿನದ ಪ್ಯಾಕೇಜ್‌ನಲ್ಲಿ ಜ್ಯೋತಿರ್ಲಿಂಗದ ದರ್ಶನ

ಜ್ಯೋತಿರ್ಲಿಂಗದ ದರ್ಶನ ಮಾಡೋದಂದ್ರೆ ಸುಲಭನಾ ಹೇಳಿ. ಅದಕ್ಕೆ ಅಷ್ಟೇ ಸಮಯಾನು ಬೇಕು ಹಾಗೆಯೇ ದುಡ್ಡೂ ಬೇಕು. ಪ್ರತಿಯೊಬ್ಬರೂ ಜೀವನದಲ್ಲಿ ಒಮ್ಮೆಯಾದರೂ ಜ್ಯೋತಿರ್ಲಿಂಗದ ದರ್ಶನ ಪಡೆಯಲೇ ಬೇಕು. ನಿಮಗೂ ಜ್ಯೋತಿರ್ಲಿಂಗದ ದರ್ಶನ ಪಡೆಯಬೇಕೆಂಬ ಆಸೆ ಇದ್ದರೆ ಇಲ್ಲಿದೆ ಒಂದು ಸುವರ್ಣಾವಕಾಶ. ಅದೂ ಕೂಡಾ ಕಡಿಮೆ ಬೆಲೆಯಲ್ಲಿ ಜ್ಯೋತಿರ್ಲಿಂಗದ ದರ್ಶನ ಪಡೆಯುವ ಅವಕಾಶವನ್ನು ಭಾರತೀಯ ರೈಲ್ವೆ ಇಲಾಖೆ ನೀಡುತ್ತಿದೆ. ಭಾರತೀಯ ರೈಲ್ವೆಯು ಒಂದು ಹೊಸ ಪ್ಯಾಕೇಜ್ ನ್ನು ನೀಡಿದೆ. ಈ ಮೂಲಕ ನೀವು ಕಡಿಮೆ ದರದಲ್ಲಿ ಏಳು ಜ್ಯೋತಿರ್ಲಿಂಗದ ದರ್ಶನ ಮಾಡಬಹುದು. ಐಆರ್ ಸಿಟಿಸಿ ರಾಮೇಶ್ವರ, ಮಧುರೈ, ತಿರುಪತಿ, ಮಲ್ಲಿಕಾರ್ಜುನ, ಪರಲಿ ವೈದ್ಯನಾಥ್, ನಾಗನಾಥ್, ಘ್ರಷ್ಣೇಶ್ವರ್, ರಥಂಭಕೇಶ್ವರ್ ಹಾಗೂ ಭೀಮಾಶಂಕರ್ ಪ್ರವಾಸದ ಪ್ಯಾಕೇಜ್ ನ್ನು ನೀಡುತ್ತಿದೆ. ಏಳು ಜ್ಯೋತಿರ್ಲಿಂಗದ ಯಾತ್ರೆ ಎನ್ನುವ ಹೆಸರಿನಲ್ಲಿ ಈ ಪ್ಯಾಕೇಜ್ ಒದಗಿಸುತ್ತಿದೆ. ಸ್ಲೀಪರ್ ಕ್ಲಾಸ್ ನಲ್ಲಿ ಇಡೀ ಯಾತ್ರೆ ಕೈಗೊಳ್ಳಬಹುದಾಗಿದೆ. ಬೆಳಗ್ಗಿನ ಉಪಹಾರ, ಮಧ್ಯಾಹ್ನದ ಊಟ ಹಾಗೂ ರಾತ್ರಿಯ ಊಟ ಎಲ್ಲವೂ ಈ ಪ್ಯಾಕೇಜ್ ನಲ್ಲೇ ಬರುತ್ತದೆ. ಏಳು ಜ್ಯೋತಿರ್ಲಿಂಗದ ಯಾತ್ರೆಯು ಇದೇ 20 ಜುಲೈಯಿಂದ ಪ್ರಾರಂಭವಾಗಲಿದೆ. ರಾಜ್ ಕೋಟ್ ನಿಂದ ರಾತ್ರಿ 12 ಗಂಟೆಗೆ ಯಾತ್ರೆ ಪ್ರಾರಂಭವಾಗುತ್ತದೆ. ಈ 12 ದಿನದ ಯಾತ್ರೆಯ ಒಟ್ಟು ದರ 12, 285 ರೂ. ರಾಜ್ ಕೋಟ್, ಸುರೇಂದ್ರ ನಗರ್, ವಿರಮ್ ಗಮ್, ಸಬರಮತಿ, ಅಣಂದ, ವಡೋದರಾ, ಬರೂಚ್, ಸೂರಜ್, ವಾಪಿ, ಕಲ್ಯಾಣ್ ಹಾಗು ಪುಣೆ ರೈಲ್ವೆ ನಿಲ್ದಾಣವಾಗಿದೆ. ಅದುವೆ ಇಳಿಯುವ ಪಾಯಿಂಟ್ ಗಳು ಕೂಡಾ ಇವೇ ಆಗಿದೆ. 27 ಜುಲೈಗೆ ವೈದ್ಯನಾಥ ಜ್ಯೋತಿರ್ಲಿಂಗದ ದರ್ಶನ ಪಡೆದು, 28 ಜುಲೈಗೆ ನಾಗನಾಥ ಜ್ಯೋತಿರ್ಲಿಂಗದ ದರ್ಶನ ಪಡೆದು, 29 ಜುಲೈಗೆ ಘಷ್ಣೇಶ್ವರ ಜ್ಯೋತಿರ್ಲಿಂಗದ ದರ್ಶನ ಪಡೆಯಲಾಗುತ್ತದೆ. 30 ಜುಲೈಗೆ ತೃಂಬಕೇಶ್ವರ ಜ್ಯೋತಿರ್ಲಿಂಗದ ದರ್ಶನ ಪಡೆದು, 31ಕ್ಕೆ ಪುಣೆಯ ಭೀಮಾಶಂಕರ ಜ್ಯೋತಿರ್ಲಿಂಗದ ದರ್ಶನ ಪಡೆದು ಅದೇ ದಿನ ರಾತ್ರಿ ರಾಜ್ ಕೋಟ್ ಗೆ ಹೊರಡಲಾಗುತ್ತದೆ. ಆಗಸ್ಟ್ 1 ಕ್ಕೆ ಮತ್ತೆ ರಾಜ್ ಕೋಟ್ ತಲುಪಲಾಗುತ್ತದೆ. ಉಳಿಯಲು ಹೋಟೆಲ್ ವ್ಯವಸ್ಥೆ, ತರಕಾರಿ ಊಟ, ಟೂರಿಸ್ಟ್ ಬಸ್ ಗಳ ಮೂಲಕ ದಾರ್ಶನಿಕ ಸ್ಥಳಗಳನ್ನು ಸುತ್ತಾಡಿಸಲಾಗುತ್ತದೆ. ಟೂರಿಸ್ಟ್ ಗೈಡ್ ಕೂಡಾ ಇರುತ್ತಾರೆ. ರೈಲಿನ ಪ್ರತಿಯೊಂದು ಕೋಚ್ ನಲ್ಲೂ ಸುರಕ್ಷತೆಯ ವ್ಯವಸ್ಥೆ ಮಾಡಲಾಗಿರುತ್ತದೆ. ರೈಲಿನಲ್ಲಿ ಐಆರ್ ಸಿಟಿಸಿಯ ಅಧಿಕಾರಿಗಳು ಇರುತ್ತಾರೆ.