ಒಮ್ಮೆ ಭೇಟಿ ನೀಡಲೇಬೇಕಾದ ಕೃಷ್ಣನ ಸುಂದರ ದೇವಾಲಯಗಳು

ಕೃಷ್ಣನ ಆಕರ್ಷಕ ದೇವಾಲಯಗಳು:

ಹಿಮವದ್ ಗೋಪಾಲಸ್ವಾಮಿ : ಕರ್ನಾಟಕದ ಬಂಡೀಪುರ ರಾಷ್ಟ್ರೀಯ ಉದ್ಯಾನದಲ್ಲಿ ಬರುವ ಗೋಪಾಲಸ್ವಾಮಿ ಬೆಟ್ಟವು ಒಂದು ಪ್ರಮುಖ ಪ್ರವಾಸಿ ಆಕರ್ಷಣೆಯ ಸ್ಥಳವಾಗಿದೆ. ಈ ಬೆಟ್ಟವು ಬಂಡೀಪುರ ರಾಷ್ಟ್ರೀಯ ಉದ್ಯಾನದಲ್ಲಿನ ಅತಿ ಎತ್ತರದ ಪ್ರದೇಶವಾಗಿದ್ದು ಬೆಟ್ಟದ ತುದಿಯಲ್ಲಿರುವ ಕೃಷ್ಣನಿಗೆ ಮುಡಿಪಾದ ವೇಣುಗೋಪಾಲಸ್ವಾಮಿಯ ದೇವಸ್ಥಾನದಿಂದ ಪ್ರಖ್ಯಾತವಾಗಿದೆ.

ಚಿತ್ರಕೃಪೆ: Dhruvaraj S

ಕೃಷ್ಣನ ಆಕರ್ಷಕ ದೇವಾಲಯಗಳು:

ಉಡುಪಿ ಕೃಷ್ಣ ಮಠ: ಪ್ರಾಯಶಃ ಉಡುಪಿಯ ಪ್ರಪ್ರಥಮ ಧಾರ್ಮಿಕ ಆಕರ್ಷಣೆಯಾಗಿ ಈ ಮಠವು ಜನರನ್ನು ಎಲ್ಲೆಡೆಯಿಂದ ಸೆಳೆಯುತ್ತದೆ. ಈ ಮಠದ ಸುತ್ತ ಮುತ್ತಲು ಇತರೆ ದೇವಾಲಯಗಳಿವೆ. ಈ ಮಠವನ್ನು ವೈಷ್ಣವ ಪಂಥದ ಶ್ರೀ ಮಾಧ್ವಾಚಾರ್ಯರು ಸ್ಥಾಪಿಸಿದರು ಎಂಬ ಪ್ರತೀತಿಯಿದೆ. ವೈಷ್ಣವ ಸಮುದಾಯದವರು ನಡೆದುಕೊಳ್ಳುವ ಈ ಮಠಕ್ಕೆ ಸಾಕಷ್ಟು ಜನ ಭಕ್ತಾದಿಗಳು ಪ್ರತಿ ನಿತ್ಯವು ಆಗಮಿಸುತ್ತಾರೆ.

ಚಿತ್ರಕೃಪೆ: Ashok Prabhakaran

ಕೃಷ್ಣನ ಆಕರ್ಷಕ ದೇವಾಲಯಗಳು:

ಮೂಲವಾಗಿ ಸೋಮನಾಥಪುರ ಒಂದು ಗ್ರಾಮೀಣ ಪ್ರದೇಶವಾಗಿದ್ದು ಪ್ರಸಿದ್ಧ ಐತಿಹಾಸಿಕ ಹಾಗೂ ನಾಡಿನ ಸಾಂಸ್ಕೃತಿಕ ನಗರವಾದ ಮೈಸೂರಿನಿಂದ 35 ಕಿ.ಮೀ ಗಳಷ್ಟು ಅಂತರದಲ್ಲಿದೆ. ಸೋಮನಾಥಪುರವು ವಿಶೇಷವಾಗಿ ಕೃಷ್ಣನಿಗೆ ಮುಡಿಪಾದ ಚೆನ್ನಕೇಶವನ ದೇವಸ್ಥಾನದಿಂದಾಗಿ ಹೆಸರುವಾಸಿಯಾಗಿದೆ.

ಚಿತ್ರಕೃಪೆ: Dineshkannambadi

ಕೃಷ್ಣನ ಆಕರ್ಷಕ ದೇವಾಲಯಗಳು:

ಇಸ್ಕಾನ್ ಬೆಂಗಳೂರು : ಇಂಟರ್ ನ್ಯಾಷನಲ್ ಸೊಸೈಟಿ ಫಾರ್ ಕೃಷ್ಣ ಕಾನ್ಷಿಯಸ್ ನೆಸ್ (ISKCON) ಎಂಬ ಸಂಸ್ಥೆಯಿಂದ ದೇಶದ ವಿವಿಧ ನಗರಗಳಲ್ಲಿ ನಿರ್ಮಿಸಲಾಗಿರುವ ವೈಭವಯುತ ಕೃಷ್ಣ ದೇವಾಲಯಗಳ ಪೈಕಿ ಬೆಂಗಳೂರಿನಲ್ಲಿರುವ ಕೃಷ್ಣನ ದೇವಾಲಯವೂ ಸಹ ಒಂದು. ಸಾಕಷ್ಟು ಅದ್ಭುತವಾಗಿ ನಿರ್ಮಿಸಲಾಗಿರುವ ಈ ದೇವಾಲಯವು ಬೆಂಗಳೂರಿನ ಪ್ರಮುಖ ಪ್ರವಾಸಿ ಆಕರ್ಷಣೆಗಳಲ್ಲೊಂದಾಗಿದೆ.

ಚಿತ್ರಕೃಪೆ: Svpdasa

ಕೃಷ್ಣನ ಆಕರ್ಷಕ ದೇವಾಲಯಗಳು:

ಬಾಲಕೃಷ್ಣ ದೇವಾಲಯ : ಇದು ಅಷ್ಟೊಂದು ಹೆಸರುವಾಸಿಯಾದ ದೇವಾಲಯವಲ್ಲ. ಇಂದು ಅವಶೇಷವಾಗಿರುವ ಈ ದೇವಾಲಯದಲ್ಲಿ ವಿಶೇಷವಾಗಿ ಬಾಲ ಕೃಷ್ಣನ ಸನ್ನಿಧಿಯಿದೆ. ಇದು ಬಳ್ಳಾರಿ ಜಿಲ್ಲೆಯ ಪ್ರಖ್ಯಾತ ಪ್ರವಾಸಿ ತಾಣವಾದ ಹಂಪಿಯಲ್ಲಿದೆ.

ಚಿತ್ರಕೃಪೆ: Shakirmeah

ಕೃಷ್ಣನ ಆಕರ್ಷಕ ದೇವಾಲಯಗಳು:

ಇಸ್ಕಾನ್ ಅನಂತಪುರ : ಆಂಧ್ರಪ್ರದೇಶ ರಾಜ್ಯದ ಅನಂತಪುರ ಪಟ್ಟಣದ ರಾಷ್ಟ್ರೀಯ ಹೆದ್ದಾರಿ ಏಳರ ಬಳಿ ಇರುವ ಹನುಮಾನ್ ಜಂಕ್ಷನ್ ಎಂಬಲ್ಲಿ ಕೃಷ್ಣನ ಈ ಆಕರ್ಷಕ ದೇವಾಲಯವಿದೆ. ಇದರ ವಾಸ್ತುವಿನ್ಯಾಸ ರಥವನ್ನು ಸೂಚಿಸುವ ಹಾಗಿದೆ.

ಚಿತ್ರಕೃಪೆ: Lakshminarasimha

ಕೃಷ್ಣನ ಆಕರ್ಷಕ ದೇವಾಲಯಗಳು:

ದೇವಾಲಯ ರಚನೆ ರಥದ ಮುಖ್ಯ ಭಾಗವಾಗಿದ್ದು ಅದರ ಮುಂದೆ ದೈತ್ಯಾಕಾರದ ಕುದುರೆಗಳನ್ನು ಆ ರಥವನ್ನು ಏಳೆಯುತ್ತಿರುವ ಹಾಗೆ ನಿರ್ಮಿಸಲಾಗಿದೆ.

ಚಿತ್ರಕೃಪೆ: Dr Murali Mohan Gurram

ಕೃಷ್ಣನ ಆಕರ್ಷಕ ದೇವಾಲಯಗಳು:

ಫಾರ್ಮಾಗುಡಿ ಕೃಷ್ಣ ಮಂದಿರ : ಗೋವಾದಲ್ಲಿರುವ ಕೃಷ್ಣನ ದೇವಾಲಯ ಇದಾಗಿದೆ. ಸ್ಥಳೀಯವಾಗಿ ಸಾಕಷ್ಟು ಜನರಿಂದ ಇದು ಭೇಟಿ ನೀಡಲ್ಪಡುತ್ತದೆ. ಪೊಂಡಾ ತಾಲೂನಲ್ಲಿರುವ ಫಾರ್ಮಾಗುಡಿ ಎಂಬ ಪಟ್ಟಣದಲ್ಲಿ ಈ ದೇವಾಲಯವಿದೆ. ಪೊಂಡಾದಿಂದ ಕೇವಲ ಮೂರು ಕಿ.ಮೀ ದೂರದಲ್ಲಿ ಪಣಜಿಗೆ ಹೋಗುವ ರಸ್ತೆಯಲ್ಲಿ ಈ ದೇವಾಲಯವಿದೆ.

ಚಿತ್ರಕೃಪೆ: Agawas

ಕೃಷ್ಣನ ಆಕರ್ಷಕ ದೇವಾಲಯಗಳು:

ಗುರುವಾಯೂರಪ್ಪನ ದೇವಾಲಯ : ಇದೆ ಜನಪ್ರೀಯ ಹಾಗೂ ದೇಶದಲ್ಲೆ ಸಾಕಷ್ಟು ಹೆಸರುವಾಸಿಯಾಗಿರುವ ಶ್ರೀ ಗುರುವಾಯೂರು ದೇವಾಲಯ. ಕೃಷ್ಣನು ಗುರುವಾಯೂರಪ್ಪನಾಗಿ ನೆಲೆಸಿರುವ ಪುಣ್ಯ ಕ್ಷೇತ್ರ. ಈ ಸುಂದರ ಹಾಗೂ ಕೇರಳ ರಾಜ್ಯದ ಅತಿ ಪ್ರಖ್ಯಾತ ದೇವಾಲಯ, ಹರಿಯ ನಿವಾಸವಿರುವ ನೆಲೆ ಎಂದೆ ಜನಜನಿತವಾಗಿದೆ. ಅಂತೆಯೆ ಇದನ್ನು ಭೂಲೋಕದ ವೈಕುಂಠ ಎಂದೆ ಕರೆಯಲಾಗುತ್ತದೆ.

ಚಿತ್ರಕೃಪೆ: Vinayaraj

ಕೃಷ್ಣನ ಆಕರ್ಷಕ ದೇವಾಲಯಗಳು:

ಅಂಬಲಪುಳ ಶ್ರೀಕೃಷ್ಣ ದೇವಾಲಯ : ಕೇರಳದ ಅಲಪುಳ (ಅಲೆಪ್ಪಿ) ಜಿಲ್ಲೆಯ ಅಂಬಲಪುಳ ಎಂಬ ದೇವಾಲಯ ಪಟ್ಟಣದಲ್ಲಿ ಈ ಆಕರ್ಷಕ ಕೃಷ್ಣನ ದೇವಾಲಯವಿದೆ. 15-16 ನೇಯ ಶತಮಾನದಲ್ಲಿ ನಿರ್ಮಿತವಾದ ಈ ಕೃಷ್ಣನ ದೇವಾಲಯವು ಪಾಲಪಾಯಸಂ ಎಂಬ ಅನ್ನ ಹಾಗೂ ಹಾಲಿನಿಂದ ಮಾಡಲಾದ ಪ್ರಸಾದಕ್ಕೆ ಅಪಾರ ಖ್ಯಾತಿಗಳಿಸಿದೆ. ಈ ದೇವಾಲಯ ಗುರುವಾಯುರಪ್ಪನ ದೇವಾಲಯದೊಂದಿಗೆ ನೇರವಾದ ನಂಟನ್ನು ಹೊಂದಿದೆ.

ಚಿತ್ರಕೃಪೆ: Pradeep717

ಕೃಷ್ಣನ ಆಕರ್ಷಕ ದೇವಾಲಯಗಳು:

ಕೇರಳದ ಅಲಪುಳ ಜಿಲ್ಲೆಯ ಕಾರ್ತಿಕಪಲ್ಲಿಯಲ್ಲಿರುವ ಇವೂರು ಎಂಬ ಗ್ರಾಮದಲ್ಲಿರುವ ಕೃಷ್ಣನ ದೇವಾಲಯ ಇದಾಗಿದೆ. ಮಹಾಭಾರತದೊಂದಿಗೆ ನಂಟನ್ನು ಹೊಂದಿರುವ ಈ ದೇವಾಲಯವನ್ನು ಇವೂರು ಮೇಜರ್ ಕೃಷ್ಣಸ್ವಾಮಿ ದೇವಾಲಯ ಎಂದು ಕರೆಯಲಾಗುತ್ತದೆ.

ಚಿತ್ರಕೃಪೆ: Sivahari

ಕೃಷ್ಣನ ಆಕರ್ಷಕ ದೇವಾಲಯಗಳು:

ಇಸ್ಕಾನ್ ಚೆನ್ನೈ : ಇಂಟರ್ ನ್ಯಾಷನಲ್ ಸೊಸೈಟಿ ಫಾರ್ ಕೃಷ್ಣ ಕಾನ್ಷಿಯಸ್ ನೆಸ್ (ISKCON) ಎಂಬ ಸಂಸ್ಥೆಯಿಂದ ದೇಶದ ವಿವಿಧ ನಗರಗಳಲ್ಲಿ ನಿರ್ಮಿಸಲಾಗಿರುವ ವೈಭವಯುತ ಕೃಷ್ಣ ದೇವಾಲಯಗಳ ಪೈಕಿ ಚೆನ್ನೈನಲ್ಲಿರುವ ಕೃಷ್ಣನ ದೇವಾಲಯವೂ ಸಹ ಒಂದು. ಸಾಕಷ್ಟು ಅದ್ಭುತವಾಗಿ ನಿರ್ಮಿಸಲಾಗಿರುವ ಈ ದೇವಾಲಯವು ಚೆನ್ನೈ ನಗರದಲ್ಲಿ ಭೇಟಿ ನೀಡಬಹುದಾದ ಪ್ರವಾಸಿ ಆಕರ್ಷಣೆಗಳಲ್ಲೊಂದಾಗಿದೆ.

ಚಿತ್ರಕೃಪೆ: Destination8infinity

ಕೃಷ್ಣನ ಆಕರ್ಷಕ ದೇವಾಲಯಗಳು:

ಮಟ್ಟಪಿಲ್ಲಿ ಕೃಷ್ಣ ದೇವಾಲಯ : ಮೂವತ್ತುಪುಳ ಎಂಬುದು ಎರ್ನಾಕುಲಂ ಜಿಲ್ಲೆಯಲ್ಲಿರುವ ತ್ರಿವೇಣಿ ಸಂಗಮ ಕ್ಷೇತ್ರವಾಗಿದೆ. ಇಲ್ಲಿರುವ ಕೃಷ್ಣನ ದೇವಾಲಯವು ಸಾಕಷ್ಟು ಸೊಗಸಾದ ಪರಿಸರದ ಹಿನ್ನಿಲೆಯಲ್ಲಿ ನೆಲೆಸಿದ್ದು ಪ್ರವಾಸಿಗರನ್ನು ಆಕರ್ಷಿಸುತ್ತದೆ.

ಚಿತ್ರಕೃಪೆ: Athul600

ಕೃಷ್ಣನ ಆಕರ್ಷಕ ದೇವಾಲಯಗಳು:

ನೆಯ್ಯಾಟ್ಟಿಂಕಾರಾ ಬಾಲ ಕೃಷ್ಣ ದೇವಾಲಯ : ಕೇರಳದ ತಿರುವನಂತಪುರಂನಿಂದ ಇಪ್ಪತ್ತು ಕಿ.ಮೀ ದೂರದಲ್ಲಿರುವ ನೆಯ್ಯಾಟ್ಟಿಂಕಾರಾದಲ್ಲಿರುವ ಸುಂದರ ಕೃಷ್ಣನ ದೇವಾಲಯ ಇದಾಗಿದೆ. ಬಾಲಾವಸ್ಥೆಯಲ್ಲಿರುವ ಕೃಷ್ಣ ಈ ದೇವಾಲಯದ ಪ್ರಧಾನ ದೇವನಾಗಿದ್ದು ಬೆಣ್ಣೆಯನ್ನು ನೈವೇದ್ಯವಾಗಿ ಅರ್ಪಿಸಲಾಗುತ್ತದೆ.

ಚಿತ್ರಕೃಪೆ: Gsrajeev