Search
  • Follow NativePlanet
Share
» »ರಾಮ ನಾಮ ಜಪಕ್ಕೆ ರಾಮೇಶ್ವರ

ರಾಮ ನಾಮ ಜಪಕ್ಕೆ ರಾಮೇಶ್ವರ

By Divya

ತಮಿಳು ನಾಡಿನಲ್ಲಿ ಹಲವಾರು ಪವಿತ್ರ ತೀರ್ಥಕ್ಷೇತ್ರಗಳನ್ನು ನೋಡಬಹುದು. ಅವುಗಳಲ್ಲಿ ರಾಮೇಶ್ವರವೂ ಒಂದು. ಸಂಸ್ಕೃತಿ, ಪರಂಪರೆಗೆ ಹೆಸರಾದ ಈ ಊರಿಗೆ ರಾಮ ದೇವರಿಂದ ರಾಮೇಶ್ವರ ಎನ್ನುವ ಹೆಸರು ಬಂತು. ಆ ಕಾಲದಲ್ಲಿ ರಾಮ ತನ್ನ ಪತ್ನಿ ಸೀತೆಯನ್ನು ಹುಡುಕಲು ಇಲ್ಲಿಂದಲೇ ಲಂಕೆಗೆ ಸೇತುವೆಯನ್ನು ನಿರ್ಮಿಸಿದ್ದ, ಇದರ ಇತಿಹಾಸದಿಂದ ರಾಮೇಶ್ವರ ಎನ್ನುವ ಹೆಸರಿದೆ ಎನ್ನಲಾಗುತ್ತದೆ. ರಾಮೇಶ್ವರಂ - ದೇವತೆಗಳ ಭೂಲೋಕ ಸ್ವರ್ಗ/ಭೂಕೈಲಾಸ

ಇಲ್ಲಿಯ ಒಂದು ಆಕರ್ಷಣೆ ಚಾರ್ ದಾಮ್ ಯಾತ್ರಾ. ಇದೇ ರೀತಿ ಅನೇಕ ದೇಗುಲಗಳನ್ನು ಇಲ್ಲಿ ನೋಡಬಹುದು. ಅವು ಯಾವವು ಎಂಬುದನ್ನು ತಿಳಿಯೋಣ ಬನ್ನಿ. ರಾಮೇಶ್ವರಂ ಚಿತ್ರಗಳು 

 Rameswaram

                                    PC: Vishnukiran L.S

ಶ್ರೀ ರಾಮೇಶ್ವರ ಜ್ಯೋತಿರ್ಲಿಂಗ
12ನೇ ಶತಮಾನದಲ್ಲಿ ನಿರ್ಮಿಸಲಾದ ಈ ದೇಗುಲಕ್ಕೆ ರಾಮನಾಥ ಸ್ವಾಮಿ ದೇಗುಲ ಎಂದೂ ಕರೆಯುತ್ತಾರೆ. ಈ ದೇವಾಲಯ ದ್ವಾದಶ ಜ್ಯೋತಿರ್ಲಿಂಗಗಳಲ್ಲಿ ಒಂದು. ಶಿವನನ್ನೇ ಇಲ್ಲಿ ರಾಮನಾಥೇಶ್ವರನಾಗಿ ಪೂಜಿಸಲಾಗುತ್ತದೆ. ಈ ದೇವಾಲಯವನ್ನು ಪಾಂಡ್ಯ ಜನರು ನಿರ್ಮಿಸಿದ್ದರು. ಭಾರತದ ಅತಿದೊಡ್ಡ ದೇಗುಲ ಎಂಬ ಖ್ಯಾತಿ ಪಡೆದಿರುವ ಈ ದೇಗುಲದ ಹೊರಗಡೆ ಸಾವಿರ ಕಂಬಗಳಿವೆ. ಪ್ರತಿಯೊಂದು ಕಂಬವೂ ಅಪೂರ್ವ ಕೆತ್ತನೆಯಿಂದ ಕೂಡಿದೆ.   

Rameswaram
 

                                        PC: Ryan                                   

ಪಂಚಮುಖದ ಹನುಮಂತ ದೇವಾಲಯ
ರಾಮೇಶ್ವರದ ಇನ್ನೊಂದು ಆಕರ್ಷಣೀಯ ದೇಗುವಲವೆಂದರೆ ಪಂಚಮುಖದ ಆಂಜನೇಯ ದೇವಸ್ಥಾನ. ಇದು ಭಾರತದ ಪುಣ್ಯ ತೀರ್ಥಕೇತ್ರದ ದೇವಸ್ಥಾನದಲ್ಲಿ ಒಂದು. ಕಷ್ಟಗಳ ಬಗ್ಗೆ ಈ ದೇವರಲ್ಲಿ ಹೇಳಿಕೊಂಡರೆ ನಿವಾರಣೆಯಾಗುತ್ತದೆ ಎನ್ನುವ ಪ್ರತೀತಿ ಇದೆ.

ಕೋದಂಡರಾಮ ದೇಗುಲ
ಕೋದಂಡರಾಮ ದೇಗುಲವನ್ನು ಕೋದಂಡರಾಮಸ್ವಾಮಿ ಎಂದು ಕರೆಯುತ್ತಾರೆ. ರಾಮೇಶ್ವರದಲ್ಲಿ ನೋಡಲೇ ಬೇಕಾದ ಇನ್ನೊಂದು ದೇಗುಲ ಇದು. ಸಾವಿರ ವರ್ಷದ ಇತಿಹಾಸ ಹೊಂದಿರುವ ಈ ದೇಗುಲದಲ್ಲಿ ರಾಮನನ್ನು ಆರಾಧಿಸಲಾಗುತ್ತದೆ. ಈ ದೇಗುಲ ಸಮುದ್ರದ ದಡದಲ್ಲಿ ಇರುವುದರಿಂದ ಪ್ರವಾಸಿಗರಿಗೊಂದು ಆಕರ್ಷಕ ಪವಿತ್ರ ಕ್ಷೇತ್ರ.

ನಂಬು ನಾಯಕಿ ಅಮ್ಮನ ದೇಗುಲ
ಈ ದೇವಾಲಯದಲ್ಲಿ ನಂಬು ನಾಯಕಿ ದೇವರನ್ನು ಆರಾಧಿಸಲಾಗುತ್ತದೆ. ಮೊದಲು ಈ ದೇವಾಲಯ ಧನುಷ್ಕೋಡಿ ಎಂಬಲ್ಲಿ ಇತ್ತು. 1964ರ ಚಂಡಮಾರುತದಿಂದಾಗಿ ಈ ದೇವಾಲಯವನ್ನು ಇಲ್ಲಿಗೆ ಸ್ಥಳಾಂತರಿಸಲಾಯಿತು. ಇದನ್ನು ಹೆಚ್ಚು ಶಕ್ತಿ ಇರುವ ದೇವರು ಎನ್ನಲಾಗುತ್ತದೆ. ಜನರು ತಮ್ಮ ಕಷ್ಟಗಳನ್ನು ದೇವರ ಮುಂದಿಟ್ಟು ಪರಿಹಾರ ಕೇಳಿಕೊಂಡರೆ ಬೇಗ ಪರಿಹಾರವಾಗುತ್ತದೆ ಎನ್ನುವ ನಂಬಿಕೆ ಇದೆ.

Read more about: tamil nadu rameshwaram

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more