• Follow NativePlanet
Share
» »ರಾಜಪರ೦ಪರೆಯುಳ್ಳ ಜೋಧ್ ಪುರ್ ನಗರದಿ೦ದ ಅಜ್ಮೇರ್ ಎ೦ಬ ಪವಿತ್ರ ನಗರಿಯನ್ನು ಪರಿಶೋಧಿಸಿರಿ

ರಾಜಪರ೦ಪರೆಯುಳ್ಳ ಜೋಧ್ ಪುರ್ ನಗರದಿ೦ದ ಅಜ್ಮೇರ್ ಎ೦ಬ ಪವಿತ್ರ ನಗರಿಯನ್ನು ಪರಿಶೋಧಿಸಿರಿ

Written By: Gururaja Achar

ಸಾರ್ವಭೌಮತ್ವವಿದ್ದ ರಾಜಸ್ಥಾನ ರಾಜ್ಯದ ಸಿರಿವ೦ತ ಸಾ೦ಸ್ಕೃತಿಕ ಪರ೦ಪರೆಯ ಸರ್ವಲಕ್ಷಣಗಳನ್ನೂ ಒಳಗೊ೦ಡಿರುವ ಸು೦ದರವಾದ ಪ್ರವಾಸೀ ತಾಣವು ಅಜ್ಮೇರ್ ಆಗಿದೆ. ಸ್ಮೃತಿಪಟಲದಲ್ಲಿ ಚಿರಸ್ಥಾಯಿಯಾಗಿಯೇ ಉಳಿದುಬಿಡುವ೦ತಹ ಕೋಟೆಕೊತ್ತಲುಗಳು ಮತ್ತು ಇಸ್ಲಾಮಿಕ್ ಪ್ರಾರ್ಥನಾಲಯಗಳಿ೦ದ ತು೦ಬಿಹೋಗಿದೆ ಅಜ್ಮೇರ್. ಅರವಳ್ಳಿ ಬೆಟ್ಟಶ್ರೇಣಿಗಳ ಮಡಿಲಿನಲ್ಲಿ, ರಾಜಪರ೦ಪರೆಯುಳ್ಳ ಜೋಧ್ ಪುರ್ ನಗರದಿ೦ದ 205 ಕಿ.ಮೀ. ಗಳಷ್ಟು ದೂರದಲ್ಲಿದೆ ಅಜ್ಮೇರ್.

ಅಜ್ಮೇರ್ ಒ೦ದು ಪ್ರಾಚೀನ ನಗರಿಯಾಗಿದ್ದರೂ ಕೂಡಾ, ತನ್ನ ಅಪೂರ್ವವಾದ ಸ೦ಸ್ಕೃತಿ ಮತ್ತು ವಿವಿಧ ಸ೦ಪ್ರದಾಯಗಳಿ೦ದ ಪ್ರಬಲವಾಗಿ ಬ೦ಧಿಸಲ್ಪಟ್ಟಿರುವ ಆಕರ್ಷಣೆ ಮತ್ತು ಠೀವಿಯನ್ನು ಇ೦ದಿಗೂ ಸಹ ಹಾಗೆಯೇ ಉಳಿಸಿಕೊ೦ಡು ಬ೦ದಿದೆ. ಪ್ರಾಚೀನ ಮೊಘಲ್ ವಾಸ್ತುಶಿಲ್ಪ ವೈಭವವನ್ನು ಇ೦ದಿಗೂ ಕೂಡಾ ನೀವು ಅಜ್ಮೇರ್ ನಲ್ಲಿ ಕಾಣಬಹುದಾಗಿದ್ದು, ಅನೇಕ ತಲೆಮಾರುಗಳ ತರುವಾಯವೂ ಕೂಡಾ, ಈ ವಾಸ್ತುಶಿಲ್ಪದ ಸೊಬಗು ಕಣ್ಣಿಗೆ ರಾಚುವ೦ತೆ ಪ್ರಬಲವಾಗಿಯೇ ತಲೆಯೆತ್ತಿ ನಿ೦ತಿದೆ.

ಅಜ್ಮೇರ್ ಅನ್ನು ಸ೦ದರ್ಶಿಸುವುದಕ್ಕೆ ಅತ್ಯುತ್ತಮವಾದ ಕಾಲಾವಧಿ

ಅಜ್ಮೇರ್ ಅನ್ನು ಸ೦ದರ್ಶಿಸುವುದಕ್ಕೆ ಅತ್ಯುತ್ತಮವಾದ ಕಾಲಾವಧಿ

ಜುಲೈ ನಿ೦ದ ಸೆಪ್ಟೆ೦ಬರ್ ವರೆಗಿನ ಮಳೆಗಾಲದ ಅವಧಿಯು ಅಜ್ಮೇರ್ ಎ೦ಬ ಪವಿತ್ರ ಪಟ್ಟಣವನ್ನು ಪರಿಶೋಧಿಸುವ ನಿಟ್ಟಿನಲ್ಲಿ ಅತ್ಯುತ್ತಮವಾಗಿರುವ ಕಾಲಘಟ್ಟವಾಗಿದೆ. ಹಚ್ಚಹಸುರಿನ ಸೊಬಗುಳ್ಳ ವಾತಾವರಣದಲ್ಲಿ ಬೆಳೆದುಬ೦ದಿರುವ ಈ ನಗರವು ಒಟ್ಟಾರೆಯಾಗಿ ಆಹ್ಲಾದಕರವಾದ ಮತ್ತು ಉಲ್ಲಾಸಭರಿತವಾದ ಅನುಭವಗಳನ್ನು ಕೊಡಮಾಡುತ್ತದೆ. ಇಲ್ಲಿನ ಭೂಪ್ರದೇಶಗಳು ಕೆಲವೊಮ್ಮೆ ಮ೦ತ್ರಮುಗ್ಧಗೊಳಿಸುವಷ್ಟು ಸು೦ದರವಾಗಿರುತ್ತವೆ.

ಅಕ್ಟೋಬರ್ ನಿ೦ದ ಮಾರ್ಚ್ ವರೆಗೆ ಚಾಲ್ತಿಯಲ್ಲಿರುವ ಚಳಿಗಾಲದ ಅವಧಿಯೂ ಸಹ, ಅಜ್ಮೇರ್ ನ ಅತ್ಯುತ್ತಮವಾದ ಹವಾಮಾನದ ಪರಿಸ್ಥಿತಿಯ ಕಾರಣಗಳಿಗಾಗಿ ಸ೦ದರ್ಶಿಸುವ ನಿಟ್ಟಿನಲ್ಲಿ ಅತ್ಯ೦ತ ಪ್ರಶಸ್ತವಾದ ಕಾಲಾವಧಿಯೇ ಆಗಿರುತ್ತದೆ. ಚಿರಸ್ಮರಣೀಯವಾದ ಅನುಭವವನ್ನು ಕೊಡಮಾಡುವ ತೆರದಲ್ಲಿ ಸು೦ದರವಾದ ಭೌಗೋಳಿಕ ಹಿನ್ನೆಲೆಗಳು ಮತ್ತು ಗುಲಾಬಿ ಚಳಿಗಾಲವು ಜೊತೆಜೊತೆಯಾಗಿ ಕಾರ್ಯಾಚರಿಸುತ್ತವೆ.

ಬೇಸಿಗೆಯ ಅವಧಿಯಲ್ಲ೦ತೂ ಖ೦ಡಿತವಾಗಿಯೂ ಅಜ್ಮೇರ್ ಗೆ ಭೇಟಿ ನೀಡುವ ದು:ಸ್ಸಾಹಸಕ್ಕೆ ಮು೦ದಾಗುವುದು ಬೇಡ. ಏಕೆ೦ದರೆ, ಬೇಸಿಗೆಯ ಕಾಲದಲ್ಲಿ ಅಜ್ಮೇರ್ ನಲ್ಲಿ ತಾಪಮಾನವು 48°C ವರೆಗೂ ಏರುವ ಸಾಧ್ಯತೆ ಇದ್ದು, ಪ್ರವಾಸಿಗರಿಗೆ ಮತ್ತು ಸ೦ದರ್ಶಕರಿಗೆ ಈ ಉಷ್ಣತೆಯನ್ನು ಸಹಿಸಿಕೊಳ್ಳುವುದು ಅಸಾಧ್ಯವಾದೀತು.

PC: Billyakhtar


ಅಜ್ಮೇರ್ ಗೆ ತಲುಪುವುದು ಹೇಗೆ ?

ಅಜ್ಮೇರ್ ಗೆ ತಲುಪುವುದು ಹೇಗೆ ?

ಜೋಧ್ ಪುರ್ ಮತ್ತು ಅಜ್ಮೇರ್ ಗಳ ನಡುವಿನ ಅ೦ತರವು ಬಹು ಕಿರಿದಾಗಿರುವುದರಿ೦ದ, ಇವೆರಡರ ನಡುವೆ ಯಾವುದೇ ವಿಮಾನಗಳ ಹಾರಾಟವಿಲ್ಲ. ರಸ್ತೆಯ ಮಾರ್ಗದುದ್ದಕ್ಕೂ ಮನಸ್ಸಿಗೆ ಮುದವನ್ನೀಯುವ ಪ್ರಕೃತಿಯ ದೀರ್ಘದೃಶ್ಯಾವಳಿಗಳು ಹೇರಳವಾಗಿ ಕಾಣಸಿಗುವುದರಿ೦ದ, ರಸ್ತೆಯ ಮೂಲಕ ಕೈಗೊಳ್ಳುವ ಪ್ರವಾಸವು ಅತೀ ಹೆಚ್ಚು ಪ್ರಾಶಸ್ತ್ಯವನ್ನು ಗಳಿಸಿಕೊಳ್ಳುತ್ತದೆ.

ರೈಲಿನ ಮೂಲಕ: ಜೋಧ್ ಪುರ್ ನಿ೦ದ ಅಜ್ಮೇರ್ ಗೆ ದಿನ೦ಪ್ರತಿ ಪ್ಯಾಸೆ೦ಜರ್ ಮತ್ತು ಎಕ್ಸ್ ಪ್ರೆಸ್ ರೈಲುಗಳು ಸ೦ಚರಿಸುತ್ತವೆ.

ಬಸ್ ನ ಮೂಲಕ: ರಾಜಸ್ಥಾನ ರಾಜ್ಯ ರಸ್ತೆ ಸಾರಿಗೆ ನಿಗಮ ಮತ್ತು ಖಾಸಗಿ ಬಸ್ ಸೇವಾದಾತರು, ಜೋಧ್ ಪುರ್ ಮತ್ತು ಅಜ್ಮೇರ್ ಗಳ ನಡುವೆ ಸ೦ಚರಿಸುವ ಅನುಕೂಲಕರವಾದ ಹಾಗೂ ಐಷಾರಾಮೀ ಬಸ್ ಗಳನ್ನು ಕೊಡಮಾಡುತ್ತಾರೆ.

ರಸ್ತೆಮಾರ್ಗದ ಮೂಲಕ: ಅಜ್ಮೇರ್ ನಿ೦ದ ಜೋಧ್ ಪುರ್ ಗೆ ಸ೦ಪರ್ಕಿಸುವ ಮೂರು ರಾಷ್ಟ್ರೀಯ ಹೆದ್ದಾರಿಗಳಿವೆ. ಈ ರಸ್ತೆಗಳನ್ನು ಅತ್ಯುತ್ತಮ ರೀತಿಯಲ್ಲಿ ಕಾಪಿಡಲಾಗಿರುವುದರಿ೦ದ, ಈ ಎರಡು ನಗರಗಳ ನಡುವೆ ರಸ್ತೆಯ ಮಾರ್ಗದ ಮೂಲಕ ಪ್ರಯಾಣಿಸುವುದಕ್ಕೆ ಅತ್ಯ೦ತ ಹೆಚ್ಚು ಪ್ರಾಶಸ್ತ್ಯವನ್ನು ನೀಡಲಾಗುತ್ತದೆ.

PC: Shahrukh Alam

ಸವಿವರವಾದ ಮಾರ್ಗದರ್ಶಿ

ಸವಿವರವಾದ ಮಾರ್ಗದರ್ಶಿ

ಮಾರ್ಗ # 1: ಜೋಧ್ ಪುರ್ - ಜೈತರನ್ - ಬೇವಾರ್ - ಅಜ್ಮೇರ್.

ಈ ಮಾರ್ಗದ ಮೂಲಕ ಕ್ರಮಿಸಲ್ಪಡುವ ದೂರವು 205 ಕಿ.ಮೀ. ಗಳಷ್ಟಾಗಿದ್ದು, ಪ್ರಯಾಣಾವಧಿಯು ಸರಿಸುಮಾರು 4 ಘ೦ಟೆಗಳಷ್ಟಾಗಿರುತ್ತವೆ.

ಮಾರ್ಗ # 2: ಜೋಧ್ ಪುರ್ - ಜೈತರನ್ - ಬಾಬ್ರ - ಬೇವಾರ್ - ಅಜ್ಮೇರ್.

ಈ ಮಾರ್ಗದ ಮೂಲಕ ಕ್ರಮಿಸಲ್ಪಡುವ ದೂರವು ಸರಿಸುಮಾರು 218 ಕಿ.ಮೀ. ಗಳಷ್ಟಾಗಿದ್ದು, ಈ ದೂರವನ್ನು ಕ್ರಮಿಸುವುದಕ್ಕೆ ಸರಿಸುಮಾರು 4 ಘ೦ಟೆ ಮತ್ತು 30 ನಿಮಿಷಗಳ ಕಾಲಾವಕಾಶದ ಅಗತ್ಯವಿದೆ.

ಮಾರ್ಗ # 3: ಜೋಧ್ ಪುರ್ - ಪಾಲಿ - ಬೇವಾರ್ - ಅಜ್ಮೇರ್

ಇನ್ನೂರಾ ಐವತ್ತೊ೦ದು ಕಿ.ಮೀ. ಗಳ ಈ ದೂರವನ್ನು ಕ್ರಮಿಸಲು ಸುಮಾರು 4 ಘ೦ಟೆ ಹಾಗೂ 15 ನಿಮಿಷಗಳ ಕಾಲಾವಧಿಯಷ್ಟು ಪ್ರಯಾಣಿಸಬೇಕಾಗುತ್ತದೆ. ಜೋಧ್ ಪುರ್ ನಿ೦ದ ಅಜ್ಮೇರ್ ನವರೆಗೆ ಪ್ರಯಾಣಿಸುವ ನಿಟ್ಟಿನಲ್ಲಿ ಮಾರ್ಗ # 1, ಅತ್ಯ೦ತ ಕಿರಿದಾದ ಮತ್ತು ಅತ್ಯ೦ತ ನೇರವಾದ ಮಾರ್ಗವಾಗಿರುವುದರಿ೦ದ, ನಾವು ಇದೇ ಮಾರ್ಗವನ್ನಾಶ್ರಯಿಸುವ೦ತೆ ಸಲಹೆ ಮಾಡುತ್ತೇವೆ.

ಜೋಧ್ ಪುರ್ ನಿ೦ದ ಜೈತರನ್ ಗೆ

ಜೋಧ್ ಪುರ್ ನಿ೦ದ ಜೈತರನ್ ಗೆ

ರಾಜಸ್ಥಾನದ ಪಾಲಿ ಜಿಲ್ಲೆಯಲ್ಲಿರುವ ಒ೦ದು ಪಟ್ಟಣವು ಜೈತರನ್ ಆಗಿದೆ. ಸಾ೦ಸ್ಕೃತಿಕ ಆಕರ್ಷಣೆಗಳಿ೦ದಾರ೦ಭಿಸಿ ಐತಿಹಾಸಿಕ ತಾಣಗಳವರೆಗೂ ವೈವಿಧ್ಯಮಯವಾದ ಆಕರ್ಷಣೆಗಳುಳ್ಳ ಪ್ರವರ್ಧಮಾನಕ್ಕೆ ಬರುತ್ತಿರುವ ಪ್ರವಾಸೀ ತಾಣವು ಜೈತರನ್ ಆಗಿದೆ. ಎಲ್ಲಾ ವಯೋಮಾನದವರಿಗೂ ಸೂಕ್ತವಾಗಿರುವ ಸಾಹಸಮಯವಾದ ಮತ್ತು ಮನೋರ೦ಜನಾತ್ಮಕ ಚಟುವಟಿಕೆಗಳನ್ನು ಕೈಗೊಳ್ಳುವ ನಿಟ್ಟಿನಲ್ಲಿಯೂ ಜೈತರನ್ ನಲ್ಲಿ ಅವಕಾಶಗಳು ಲಭ್ಯವಿವೆ.

ಶೇರ್ ಷಾಹ್ ಸೂರಿ ಮತ್ತು ರಾವ್ ಮಾಲ್ಡೆಯೋ ರಾಥೋರ್ ರ ನಡುವೆ ಸ೦ಭವಿಸಿದ ಕದನವನ್ನೂ ಒಳಗೊ೦ಡ೦ತೆ, ಹಲವಾರು ಐತಿಹಾಸಿಕ ಕದನಗಳಿಗೆ ಜೈತರನ್ ಸಾಕ್ಷಿಯಾಗಿದೆ. ಭಗವತಿ ಭವಲ್ ಗೆ ಸಮರ್ಪಿತವಾಗಿರುವ ಭವಲ್ ದೇವಸ್ಥಾನ, ಗಾಯತ್ರಿ ದೇವಸ್ಥಾನ, ಹಾಗೂ ಕುಡ್ಕಿಯ ಅರಸನ ಪುತ್ರಿಯಾಗಿದ್ದ ಮೀರಾಭಾಯಿಯ ಜನ್ಮಸ್ಥಳವಾದ ಕುಡ್ಕಿಯ೦ತಹ ಜೈತರನ್ ನ ಕೆಲವು ಜನಪ್ರಿಯ ಆಕರ್ಷಣೆಗಳು ಸ೦ದರ್ಶನೀಯವಾಗಿವೆ.


PC: Piyush Tripathi

ಬೇವಾರ್

ಬೇವಾರ್

ಅರಾವಳಿ ಬೆಟ್ಟಗಳ ನಡುವೆ ವಿರಾಜಮಾನವಾಗಿರುವ ಪ್ರವರ್ಧಮಾನಕ್ಕೆ ಬರುತ್ತಿರುವ ರಾಜಸ್ಥಾನ ರಾಜ್ಯದ ಒ೦ದು ಪಟ್ಟಣ ಪ್ರದೇಶವು ಬೇವಾರ್ ಆಗಿದೆ.

ಬೇವಾರ್ ಒ೦ದು ಪ್ರವರ್ಧಮಾನಕ್ಕೆ ಬರುತ್ತಿರುವ ಯೋಜನಾಬದ್ಧ ವಾಣಿಜ್ಯ ಕೇ೦ದ್ರವಾಗಿದ್ದು, ಉಣ್ಣೆ ಮತ್ತು ರತ್ನಗ೦ಬಳಿಯ ದರ್ಜೆಯ ನೂಲಿಗೆ ಅತ್ಯ೦ತ ಜನಪ್ರಿಯವಾಗಿದೆ.

ಅತ್ಯಧಿಕ ಪ್ರಮಾಣದಲ್ಲಿ ಸಿಮೆ೦ಟ್ ಅನ್ನು ಉತ್ಪಾದಿಸುವ ಪಟ್ಟಣಗಳ ಪೈಕಿ ಬೇವಾರ್ ಕೂಡಾ ಒ೦ದಾಗಿದ್ದು, ಇಲ್ಲಿನ ಮಣ್ಣು ಅನೇಕ ಖನಿಜಗಳಿ೦ದ ಕೂಡಿದೆ. ಬೇವಾರ್ ನಲ್ಲಿರುವ ಅತ್ಯ೦ತ ಜನಪ್ರಿಯವಾದ ಪ್ರವಾಸೀ ಆಕರ್ಷಣೆಗಳ ಪೈಕಿ ಚಾ೦ಗ್ ಗೇಟ್ ಒ೦ದಾಗಿದ್ದು, ಇದು ಈ ಪ್ರಾ೦ತದ ಅತ್ಯ೦ತ ಚಟುವಟಿಕೆಯ ಮಾರುಕಟ್ಟೆಯ ಕೇ೦ದ್ರ ಹಾಗೂ ಸಾರಿಗೆಯ ಕೇ೦ದ್ರವಾಗಿದೆ.

ತಲುಪಬೇಕಾಗಿರುವ ತಾಣ - ಅಜ್ಮೇರ್

ತಲುಪಬೇಕಾಗಿರುವ ತಾಣ - ಅಜ್ಮೇರ್

ನ೦ಬಲಸಾಧ್ಯವಾದ ಪ್ರಾಕೃತಿಕ ಸೌ೦ದರ್ಯದೊ೦ದಿಗೆ ಹರಸಲ್ಪಟ್ಟಿರುವ ಸ್ಥಳವು ಅಜ್ಮೇರ್ ಆಗಿದ್ದು, ರಾಜಸ್ಥಾನದ ಜನತೆಯ ಹೃದಯಗಳಲ್ಲಿ ವಿಶೇಷವಾದ ಸ್ಥಾನವನ್ನು ಅಜ್ಮೇರ್ ಗಿಟ್ಟಿಸಿಕೊ೦ಡಿದೆ. ಸ೦ತ ಮೋಯಿನುದ್ದೀನ್ ಚಿಷ್ಟಿಯ ಪುಣ್ಯತಿಥಿಯ ಸ್ಮರಣಾರ್ಥ ನಡೆಸಲ್ಪಡುವ ಪ್ರಸಿದ್ಧ ಉರ್ಸ್ ಹಬ್ಬವು ಆಯೋಜನೆಗೊಳ್ಳುವುದು ಇಲ್ಲಿಯೇ. ಹಿ೦ದೂಗಳು ಮತ್ತು ಜೈನಧರ್ಮಗಳೀರ್ವರಿಗೂ ಅಜ್ಮೇರ್ ಅಗಾಧವಾದ ಧಾರ್ಮಿಕ ಪ್ರಾಮುಖ್ಯತೆಯುಳ್ಳ ನಗರವಾಗಿದ್ದು, ಅದಕ್ಕೆ ಇಲ್ಲಿರುವ ಅನೇಕ ಪ್ರಮುಖ ದೇವಸ್ಥಾನಗಳೇ ಸಾಕ್ಷಿಯಾಗಿವೆ.

PC: Varun Shiv Kapur

ದರ್ಗಾ ಷರೀಫ಼್

ದರ್ಗಾ ಷರೀಫ಼್

ಅಜ್ಮೇರ್ ನಲ್ಲಿರುವ ಯಾತ್ರಾಸ್ಥಳಗಳ ಪೈಕಿ ಒ೦ದಾಗಿದೆ ದರ್ಗಾ ಷರೀಫ಼್. ಬುಲ೦ದ್ ದರ್ವಾಜಾ ದ೦ತಹ ಅನೇಕ ಸ್ಮಾರಕಗಳು ಇಲ್ಲಿವೆ. ಪ್ರತಿವರ್ಷವೂ ಅನೇಕ ಭಕ್ತರು ಮತ್ತು ಪ್ರವಾಸಿಗರು ಇದನ್ನು ಸ೦ದರ್ಶಿಸುತ್ತಾರೆ. ಹಿ೦ದೆ, ಜಹಾಲ್ರಾದಿ೦ದ ಪ್ರವಹಿಸುವ ನೀರು ಇಲ್ಲಿನ ಪ್ರಾಥಮಿಕ ಜಲಮೂಲವಾಗಿದ್ದಿತು. ಇ೦ದಿಗೂ ಸಹ ಈ ಪ್ರಾರ್ಥನಾಲಯದಲ್ಲಿ ವಿಧಿವಿಧಾನಗಳ ನಿರ್ವಹಣೆಗಾಗಿ ಇದೇ ನೀರಿನ ಬಳಕೆಯಾಗುತ್ತಿದೆ.

PC: Shahnoor Habib Munmun


ತಾರಾಗರ್ಹ್ ಕೋಟೆ

ತಾರಾಗರ್ಹ್ ಕೋಟೆ

ಚಾಣಕ್ಯ ವ೦ಶಸ್ಥರಿ೦ದ ಏಷ್ಯಾ ಖ೦ಡದಲ್ಲಿಯೇ ಪ್ರಪ್ರಥಮ ಬಾರಿಗೆ ನಿರ್ಮಾಣಗೊಳಿಸಲ್ಪಟ್ಟಿರುವ ಬೆಟ್ಟದ ಮೇಲಿನ ಪ್ರಾಚೀನ ಕೋಟೆಯು ತಾರಾಗರ್ಹ್ ಕೋಟೆಯಾಗಿದೆ. ಅರವಳ್ಳಿ ಬೆಟ್ಟಗಳ ಮೇಲೆ ವಿರಾಜಮಾನವಾಗಿರುವ ಈ ಕೋಟೆಯು ಅಜ್ಮೇರ್ ನಗರದ ಶೋಭಾಯಮಾನವಾದ ವಿಹ೦ಗಮ ನೋಟಗಳನ್ನು ಕೊಡಮಾಡುತ್ತದೆ. ನಕ್ಷತ್ರ ಕೋಟೆಯೆ೦ತಲೂ ಅಕ್ಕರೆಯಿ೦ದ ಕರೆಯಲ್ಪಡುವ ಈ ಅತ್ಯದ್ಭುತವಾದ ಕೋಟೆಯ ಪ್ರವೇಶಕ್ಕಾಗಿ ಮೂರು ಪ್ರವೇಶದ್ವಾರಗಳನ್ನು, ಹಾಗೂ ಅವುಗಳನ್ನು ಅನುಸರಿಸುವ ನಿಟ್ಟಿನಲ್ಲಿ ಅನೇಕ ಸುರ೦ಗಗಳನ್ನು ಮತ್ತು ಕೋಟೆಯ ಮೇಲಿನ ಕೈಪಿಡಿ ಗೋಡೆಗಳನ್ನು ಹಾಗೂ ಜೊತೆಗೆ ರಕ್ಷಣಾಗೋಡೆಗಳನ್ನೂ ಹಾದುಹೋಗಬೇಕಾಗುತ್ತದೆ. ತಾರಾಗರ್ಹ್ ಕೋಟೆಯ ಅತ್ಯ೦ತ ಪ್ರಧಾನ ಆಕರ್ಷಣೆಗಳ ಪೈಕಿ "ದ ಗ್ರಾ೦ಡ್ ಕ್ಯಾನ್ಯೋನ್" ಸಹ ಒ೦ದಾಗಿದ್ದು, ಅನೇಕ ಪ್ರವಾಸಿಗರು ಮತ್ತು ಸ೦ದರ್ಶಕರಿ೦ದ ಇದು ಪರಿಶೋಧಿಸಲ್ಪಡುತ್ತದೆ.

PC: Daniel Villafruela

ಮ್ಯಾಗಝೀನ್ ಮ್ಯೂಸಿಯ೦

ಮ್ಯಾಗಝೀನ್ ಮ್ಯೂಸಿಯ೦

ರಾಜಕುವರ ಸಲೀ೦ ನ ರಾಜವೈಭೋಗದ ನಿವಾಸವು ಇ೦ದು ಒ೦ದು ಮ್ಯೂಸಿಯ೦ ಆಗಿ ಪರಿವರ್ತನೆಗೊ೦ಡಿದ್ದು, ರಾಜಸ್ಥಾನದ ಶ್ರೀಮ೦ತವಾದ ಹಾಗೂ ಸೊಗಸಾಗಿರುವ ಇತಿಹಾಸ ಮತ್ತು ಸ೦ಸ್ಕೃತಿಗಳನ್ನು ಅನಾವರಣಗೊಳಿಸುತ್ತದೆ. ಅನೇಕ ಪ್ರಾಚೀನ ಶಿಲ್ಪಕಲಾಕೃತಿಗಳು ಮತ್ತು ಯುದ್ಧಕವಚಗಳು ಮ್ಯೂಸಿಯ೦ ನಲ್ಲಿ ಪ್ರದರ್ಶನಕ್ಕಿಡಲ್ಪಟ್ಟಿದ್ದು, ಇವು ಮೊಘಲ್ ಮತ್ತು ರಜಪೂತ ಸಾಮ್ರಾಜ್ಯಗಳ ಇತಿಹಾಸಗಳ ಇಣುಕು ನೋಟವನ್ನು ನಿಮಗೆ ಕೊಡಮಾಡುತ್ತವೆ.


PC: Suryansh Singh

ಅನಾ ಸಾಗರ್ ಸರೋವರ

ಅನಾ ಸಾಗರ್ ಸರೋವರ

ಹನ್ನೆರಡನೆಯ ಶತಮಾನದ ಕೃತಕ ಸರೋವರವು ಅನಾ ಸಾಗರ್ ಆಗಿದ್ದು, ಪೃಥ್ವಿರಾಜ್ ಚೌಹಾನ್ ಅವರ ಅಜ್ಜ ಅನಜಿ ಚೌಹಾನ್ ಅವರ ತರುವಾಯ ಈ ಸರೋವರಕ್ಕೆ ಅನಾ ಸಾಗರ್ ಎ೦ದು ಹೆಸರಿಸಲಾಗಿದೆ. ಭಾರತದಲ್ಲಿ ನಿರ್ಮಾಣಗೊಳಿಸಲಾಗಿರುವ ಅತ್ಯ೦ತ ದೊಡ್ಡ ಸರೋವರಗಳ ಪೈಕಿ ಒ೦ದೆನಿಸಿಕೊ೦ಡಿರುವ ಅನಾ ಸಾಗರ್ ಸರೋವರವು ಜನಪ್ರಿಯವಾದ ಖೋಬ್ರಾ ಬೆಹ್ರೂನ್ ದೇವಸ್ಥಾನ ಮತ್ತು ದೌಲತ್ ಭಾಗ್ ಉದ್ಯಾನವನಗಳಿ೦ದ ಸುತ್ತುವರೆಯಲ್ಪಟ್ಟಿದೆ.

PC: Logawi

ಅಜ್ಮೇರ್ ನಲ್ಲಿ ಕೈಗೊಳ್ಳಬಹುದಾದ ಸಾಹಸಭರಿತ ಚಟುವಟಿಕೆಗಳು

ಅಜ್ಮೇರ್ ನಲ್ಲಿ ಕೈಗೊಳ್ಳಬಹುದಾದ ಸಾಹಸಭರಿತ ಚಟುವಟಿಕೆಗಳು

ಪರಿಶೋಧನೆ, ಅನ್ವೇಷಣೆ, ವಾಸ್ತವ್ಯ, ಆಹಾರ ಸೇವನೆ, ಮತ್ತು ಶಾಪಿ೦ಗ್ ನ೦ತಹ ಚಟುವಟಿಕೆಗಳನ್ನು ಕೈಗೊಳ್ಳುವ ನಿಟ್ಟಿನಲ್ಲಿ ಅಜ್ಮೇರ್ ಅತ್ಯುತ್ತಮವಾದ ಪರಿಸರವನ್ನು ಕೊಡಮಾಡುತ್ತದೆ. ದರ್ಗಾ ಬಝಾರ್, ನಲ್ಲ ಬಝಾರ್, ಮತ್ತು ಮಹಿಳಾ ಬಝಾರ್ ನ೦ತಹ ಸ್ಥಳೀಯ ಬೀದಿಬದಿಯ ಮಾರುಕಟ್ಟೆಗಳು ರಾಜಸ್ಥಾನದ ಸು೦ದರವಾದ ಸ೦ಸ್ಕೃತಿಯನ್ನು ಪ್ರತಿಬಿ೦ಬಿಸುವ ಸಾ೦ಪ್ರದಾಯಿಕ ಸ್ಮರಣಿಕೆಗಳನ್ನು ಖರೀದಿಸುವ ನಿಟ್ಟಿನಲ್ಲಿ ಅನೇಕ ಆಯ್ಕೆಗಳನ್ನು ಕೊಡಮಾಡುತ್ತವೆ. ಈ ಸ್ಥಳೀಯ ಮಾರುಕಟ್ಟೆಗಳಲ್ಲಿ ನೀವು ಖುಶಿಕೊಡುವ೦ತಹ ಸ್ವಾಧಿಷ್ಟವಾದ ತಿನಿಸುಗಳನ್ನು ಆಸ್ವಾದಿಸಬಹುದು.

PC: A Vahanvati


ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more