ಸತ್ತವರ ಜೊತೆ ಟೀ ಕುಡಿಬೇಕಾ...ತಿಂಡಿ ತಿನ್ನಬೇಕಾ...ಹಾಗಾದ್ರೆ ಈ ರೆಸ್ಟೋರೆಂಟ್‌ಗೆ ಹೋಗಿ

ಧೈರ್ಯವಿದ್ದರೆ ಒಬ್ಬನೇ ಸ್ಮಶಾನಕ್ಕೆ ಹೋಗಿ ತೋರಿಸು ಎಂದು ನಾವು ಸಾಮಾನ್ಯವಾಗಿ ಸ್ನೇಹಿತರಲ್ಲಿ ಹೇಳುತ್ತಾ ಇರುತ್ತೇವೆ. ಸ್ಮಶಾನದ ಹೆಸರು ಕೇಳುತ್ತಲೇ ಮನಸ್ಸಿನಲ್ಲಿ ಕಂಪನ ಶುರುವಾಗುತ್ತದೆ. ಅಂತಹದರಲ್ಲಿ ಅಹಮದಾಬಾದ್ ನಲ್ಲಿರುವ ಸ್ಮಶಾನದಲ್ಲಿ ಜನರು ರಾತ್ರಿ ಕೂಡಾ ಚಹಾ ಕುಡಿಯುತ್ತಾರಂತೆ.ಇಲ್ಲಿನ ಮನೆಗಳಿಗೆ, ಬ್ಯಾಂಕ್ ಗಳಿಗೆ ಬಾಗಿಲುಗಳೇ ಇಲ್ಲ...ಸದಾ ಕಾಯುತ್ತಿದ್ದಾನೆ ಶನಿದೇವ ಈ ಸ್ಮಶಾನದಲ್ಲಿ ಜನರು ಯಾವಾಗ ಬೇಕಾದರೂ ಯಾವುದೇ ಭಯವಿಲ್ಲದೆ ಚಹಾ ಕುಡಿಯಬಹುದು. ಹಾಗಾದ್ರೆ ಆ ಸ್ಥಳ ಯಾವುದು ಅಂತ ಆಲೋಚಿಸುತ್ತಿದ್ದೀರಾ? ನಾವಿಂದು ಹೇಳುತ್ತಿರುವುದು ಅಹಮದಾಬಾದ್ ನಲ್ಲಿಯ ಲಾಲ್ ಧರ್ ವಾಜಾದಲ್ಲಿರುವ ನ್ಯೂ ಲಕ್ಕಿ ರೆಸ್ಟೋರೆಂಟ್ ನ ಬಗ್ಗೆ. ಈ ರೆಸ್ಟೋರೆಂಟ್ ಒಳಗೆ ಗ್ರಾಹಕರು ರಾತ್ರಿ ೧೨-೧ ಗಂಟೆಗೂ ಸಮಾಧಿಗಳ ನಡುವೆ ಕುಳಿತು ಚಹಾ ಹಾಗೂ ಸ್ನ್ಯಾಕ್ಸ್ ನ್ನು ಸವಿಯುತ್ತಾರೆ. ಈ ರೆಸ್ಟೋರೆಂಟ್ ತನ್ನ ಚಹಾ ಹಾಗೂ ಅಲ್ಲಿಯ ಡಿಶ್ ಗಳಿಗಿಂತಲೂ ರೆಸ್ಟೋರೆಂಟ್ ನಡುವೆ ಇರುವ ಸಮಾಧಿಯಿಂದಾಗಿ ಫೇಮಸ್ ಆಗಿದೆ. ಪ್ರಸಿದ್ಧ ಚಿತ್ರಕಾರ ಎಂಎಂ ಹುಸೇನ್ ಕೂಡಾ ಈ ರೆಸ್ಟೋರೆಂಟ್ ಗೆ ಬಂದು ಹಲವು ಬಾರಿ ಚಹಾ ಸವಿದಿದ್ದಾರೆ. 1950ರಲ್ಲಿ ಈ ರೆಸ್ಟೋರೆಂಟ್ ಪ್ರಾರಂಭವಾಯಿತು. ಮುಸ್ಲಿಂರ ಸ್ಮಶಾನದ ಹೊರಗೆ ಒಂದು ಸಣ್ಣ ಟೀ ಸ್ಟಾಲ್ ರೂಪದಲ್ಲಿ ಇದನ್ನು ಹೆಚ್ ಮುಹಮ್ಮದ್ ಪ್ರಾರಂಭಿಸಿದರು. ಈ ಜಾಗ ಕ್ರಮೇಣ ಪ್ರಸಿದ್ಧಿ ಹೊಂದುತ್ತಾ ಇದ್ದಂತೆ ಅವರು ಟೀ ಸ್ಟಾಲ್ ನ್ನು ಸ್ಮಶಾನದ ವರೆಗೂ ವಿಸ್ತರಿಸಿದರು. ಹಲವು ವರ್ಷಗಳವರೆಗೆ ಈ ರೆಸ್ಟೋರೆಂಟ್ ನಡೆಸಿದ ನಂತರ ಅವರು ಈ ರೆಸ್ಟೋರೆಂಟ್ ನ್ನು ಕೃಷ್ಣ ಕುಟ್ಟಿ ನಾಯರ್ ಎನ್ನುವವರಿಗೆ ಮಾರಾಟಮಾಡಿದರು. ಈ ರೆಸ್ಟೋರೆಂಟ್ ಒಳಗೆ 26 ಸಮಾಧಿಗಳಿವೆ. ಈ ಸಮಾಧಿಗಳ ರಕ್ಷಣೆಗಾಗಿ ಅದರ ಸುತ್ತಲೂ ಕಬ್ಬಿಣ ಸರಳುಗಳನ್ನು ಹಾಕಲಾಗಿದೆ. ಪ್ರತಿದಿನ ಈ ಸಮಾಧಿಗಳ ಶುಚಿತ್ವ ಮಾಡಲಾಗುತ್ತದೆ. ಒಳ್ಳೆಯ ಜರಿಯ ಬಟ್ಟೆಗಳ ಜೊತೆ ಹೂವಿನಿಂದ ಅಲಂಕರಿಸಲಾಗುತ್ತದೆ. ಎಂಎಂ ಹುಸೇನ್ ರಿಗೆ ಈ ಸ್ಥಳ ಎಷ್ಟು ಇಷ್ಟವಾಗಿತ್ತೆಂದರೆ ಆ ರೆಸ್ಟೊರೇಂಟ್ ಗೆ ಒಂದು ಪೈಂಟಿಂಗ್ ನ್ನು ಗಿಫ್ಟ್ ಮಾಡಿದ್ದರು. ಸಮಾಧಿಯ ಪಕ್ಕದಲ್ಲಿ ಕೂತು ಊಟ ಮಾಡುವುದಾಗಲಿ ಚಹಾ ಕುಡಿಯುವುದಕ್ಕಾಗಲಿ ಯಾರಿಗೂ ಯಾವುದೇ ಸಮಸ್ಯೆ ಇಲ್ಲ. ಪ್ರತಿದಿನ ಒಳ್ಳೆಯ ವ್ಯಾಪಾರ ಆಗುತ್ತದೆ. ಕೆಲವರು ಸಮಾಧಿ ಬಳಿ ತಿನ್ನುವುದನ್ನು ಒಳ್ಳೆಯ ದೃಷ್ಠಿಯಿಂದ ನೋಡುವುದಿಲ್ಲ. ಅವರ ಪ್ರಕಾರ ಇದು ಆ ಮೃತ ವ್ಯಕ್ತಿಗಳಿಗೆ ಒಂದು ರೀತಿಯ ತಿರಸ್ಕಾರ ಭಾವ ತೋರಿದಂತಾಗುತ್ತದೆ. ನಿಮಗೂ ಕೂಡಾ ಸಮಾಧಿಗಳ ನಡುವೆ ಕೂತು ಚಹಾದ ಮಜಾ ಪಡೆಯಬೇಕೆಂದಿದ್ದರೆ ಅಹಮದಾಬಾದ್ ನ ನ್ಯೂ ಲಕ್ಕೀ ರೆಸ್ಟೋರೆಂಟ್ ಗೆ ಹೋಗಿ.