ಅತಿ ಮಳೆಯ ಚಿರಾಪುಂಜಿ ಹಾಗು ರಾಜಧಾನಿ ನಗರ ಶಿಲ್ಲಾಂಗ್

ಚಿರಾಪುಂಜಿ:

ಭೂಗೃಹದಲ್ಲೆ ಅತಿ ಹೆಚ್ಚು ಮಳೆಯನ್ನು ಪಡೆಯುವ ಪ್ರದೇಶ ಎಂಬ ವಿಷಯ ತಿಳಿಸುವ ಚಿರಾಪುಂಜಿಯಲ್ಲಿರುವ ಒಂದು ಮಾಹಿತಿ ಫಲಕ.

ಚಿತ್ರಕೃಪೆ: RMehra

ಏಳು ಸಹೋದರಿಯರ ಜಲಪಾತ:

ಮಾವ್ಸ್ ಮೈ ಹಳ್ಳಿಯಲ್ಲಿರುವ ಈ ಸುಂದರ ಜಲಪಾತವು ಖಾಸಿ ಪರ್ವತದ ಏಳು ಕಡೆಗಳಲ್ಲಿ ಕವಲೊಡೆದು ಧುಮ್ಮಿಕ್ಕುತ್ತವೆ.

ಚಿತ್ರ ಕೃಪೆ: Kunal Dalui

ನೊಹ್ಕಾಲಿಕಾಯ್ ಜಲಪಾತ:

ಚಿರಾಪುಂಜಿ ಬಳಿಯಿರುವ ಈ ಜಲಪಾತವು 1,100 ಅಡಿಗಳಷ್ಟು ಎತ್ತರದಿಂದು ಧುಮ್ಮಿಕ್ಕುತ್ತದೆ. ನೋಡಲು ರುದ್ರ ರಮಣೀಯವಾದ ನೋಟವನ್ನು ಜಲಪಾತ ತಾಣವು ಒದಗಿಸುತ್ತದೆ.

ಚಿತ್ರಕೃಪೆ: Rishav999

ವೀಕ್ಷಣಾ ಸ್ಥಳ:

ದುವಾನ್ ಸಿಂಗ್ ಸೀಯ್ಮ್ ಚಿರಾಪುಂಜಿಯ ದಿಂಪೇಪ್ ನಲ್ಲಿರುವ ಒಂದು ವೀಕ್ಷಣಾ ಸ್ಥಳ. ಸುತ್ತಮುತ್ತಲಿನ ವಾತಾವರಣದ ವಿಹಂಗಮ ನೋಟವನ್ನು ಇದು ಒದಗಿಸುತ್ತದೆ.

ಆನಂದಮಯ ಪರಿಸರ:

ಚಿರಾಪುಂಜಿಯಿಂದ ಗುವಾಹಟಿಗೆ ತೆರಳುವ ಹಾದಿಯಲ್ಲಿ ಕಂಡುಬರುವ ಸುಂದರ ದೃಶ್ಯವಿದು. ಛಾಯಾಗ್ರಹಣಕ್ಕೆ ಹೇಳಿ ಮಾಡಿಸಿದಂತಹ ಪ್ರಕೃತಿ ನೋಟವನ್ನು ಇದು ಒದಗಿಸುತ್ತದೆ.

ಚಿತ್ರಕೃಪೆ: Arup malakar

ಚಿರಾಪುಂಜಿಯೆಡೆ:

ಶಿಲ್ಲಾಂಗ್ ನಗರದಿಂದ ಚಿರಾಪುಂಜಿಯೆಡೆಗೆ ಹೋಗುವ ಹಾದಿಯು ಸುಂದರ ಭೂ ಪರ್ವತ ಪ್ರದೇಶಗಳ ಸ್ವಾಭಾವಿಕ ನೋಟದಿಂದ ಕಂಗೊಳಿಸುತ್ತ ಪ್ರವಾಸಿಗರನ್ನು ಆದರದಿಂದ ಸ್ವಾಗತಿಸುತ್ತಿರುವಂತೆ ತೋರುತ್ತವೆ.

ಭೂದೃಶ್ಯಾವಳಿ:

ಚಿರಾಪುಂಜಿಯ ಮನಮೋಹಕ ಹಾಗು ಅಷ್ಟೆ ರುದ್ರ ರಮಣೀಯವಾದ ಭೂದೃಶ್ಯಾವಳಿಯ ಒಂದು ನೋಟ.

ಪ್ರಾಕೃತಿಕ ವಿಸ್ಮಯ:

ಚಿರಾಪುಂಜಿ ಬಳಿಯಿರುವ ಮರದ ಬೇರುಗಳಿಂದ ನೈಸರ್ಗಿಕವಾಗಿ ಉದ್ಭವಗೊಂಡ ಪುರಾತನ ತೂಗು ಸೇತುವೆ. ಇಂದಿಗೂ ಕೂಡ ನಿರ್ಭಯವಾಗಿ ಸ್ಥಳೀಯರಿಂದ ಇದು ಬಳಸಲ್ಪಡುತ್ತದೆ. ಈ ತರಹದ ಕೆಲವು ಸೇತುವೆಗಳನ್ನು ಈ ಪ್ರದೇಶದಲ್ಲಿ ಕಾಣಬಹುದಾಗಿದೆ. ಇವು ಸುಮಾರು 500 ವರ್ಷಗಳಷ್ಟು ಪುರಾತನವಾಗಿವೆ.

ಶಿಲ್ಲಾಂಗ್ ನಗರ:

ಭಾರತದ ಇತರೆ ರಾಜಧಾನಿಗಳಲ್ಲಿರುವಂತೆ ಅಷ್ಟೊಂದು ಜನದಟ್ಟಣೆಯಿಲ್ಲದ ಸುಂದರ ಶಿಲ್ಲಾಂಗ್ ನಗರ.

ಎಲಿಫಂಟ್ ಫಾಲ್ಸ್, ಶಿಲ್ಲಾಂಗ್:

ಶಿಲ್ಲಾಂಗ್ ನಗರದಿಂದ 12 ಕಿ.ಮೀ ದೂರದಲ್ಲಿ ನೆಲೆಸಿದೆ ಈ ಜಲಪಾತ ತಾಣ.

ವಾರ್ಡ್ಸ್ ಕೆರೆ:

ವಾರಾಂತ್ಯದ ರಜಾ ಸಮಯವನ್ನು ಕಳೆಯಲು ಈ ತಾಣವು ಅತ್ಯಂತ ಆದರ್ಶಪ್ರಾಯವಾಗಿದೆ. ಬೋಟಿಂಗ್ ಸೌಲಭ್ಯವೂ ಇರುವ ಈ ಸುಂದರ ಕೃತಕ ಕೆರೆಯು ಸ್ಥಳೀಯವಾಗಿ ನಾನ್-ಪೊಲೊಕ್ ಎಂದು ಕರೆಯಲ್ಪಡುತ್ತದೆ.

ಶಿಲ್ಲಾಂಗ್ ಗಾಲ್ಫ್ ಮೈದಾನ:

ಶಿಲ್ಲಾಂಗ್ ಗಾಲ್ಫ್ ಮೈದಾನವು ಏಷಿಯಾ ಖಂಡದಲ್ಲಿ ಕಂಡುಬರುವ ಬೃಹತ್ ಗಾಲ್ಫ್ ಮೈದಾನಗಳಲ್ಲೊಂದಾಗಿದೆ. ಏಷಿಯಾ ಖಂಡದಲ್ಲೆ ಕಂಡುಬರುವ ಕೆಲವೆ ಕೆಲವು ಸ್ವಾಭಾವಿಕ ಗಾಲ್ಫ್ ಮೈದಾನಗಳಲ್ಲಿ ಒಂದು ಇದು. 18 ರಂಧ್ರಗಳುಳ್ಳ ಈ ಮೈದಾನವು ಉದ್ಘಾಟನೆಗೊಂಡಿದ್ದು 1924 ರಲ್ಲಿ.

ಚಿತ್ರಕೃಪೆ: babul gogoi

ಶಿಲ್ಲಾಂಗ್ ಪೀಕ್:

ಶಿಲ್ಲಾಂಗ್ ನಗರದಿಂದ 10 ಕಿ.ಮೀ ದೂರದಲ್ಲಿರುವ ಈ ಶಿಖರ ತಾಣವು ನಗರದ ಅದ್ಭುತ ಪಾಕ್ಷಿಕ ನೋಟವನ್ನು ಒದಗಿಸುತ್ತದೆ. ಸಮುದ್ರ ಮಟ್ಟದಿಂದ 1965 ಮೀ. ಎತ್ತರವಿರುವ ಈ ತಾಣ ವಾರಾಂತ್ಯದ ರಜೆ ಕಳೆಯಲು ಅನುಕೂಲವಾಗಿರುವುದಲ್ಲದೆ ಪಿಕ್ನಿಕ್ ತಾಣವಾಗಿಯೂ ಹೆಸರುವಾಸಿಯಾಗಿದೆ.

ಚಿತ್ರಕೃಪೆ: Windrider 24584