Click it and Unblock the Notifications
ಹರ್ಯಾಣಾ ದ ಎರಡನೇ ಅತಿ ದೊಡ್ಡ ನಗರ ಫರಿದಾಬಾದ್ ಗೆ ಈ ಹೆಸರು ಇದರ ನಿರ್ಮಾಣ ಮಾಡಿದ ಬಾಬಾ ಫರಿದ್ ರಿಂದಾಗಿ ಬಂದಿದೆ. ಅವನು ಇಲ್ಲಿ ಒಂದು ಕೋಟೆ, ಒಂದು ಕೊಳ ಮತ್ತು ಒಂದು ಮಸೀದಿಯನ್ನು ಕಟ್ಟಿಸಿದನು. ಈ ಎಲ್ಲಾ ಕಟ್ಟಡಗಳ ಪಳೆಯುಳಿಕೆಗಳು ಇಂದಿಗೂ ಇವೆ. ಫರಿದಾಬಾದ್ ದೆಹಲಿ, ಗುಡಗಾಂವ್ ಮತ್ತು ಉತ್ತರಪ್ರದೇಶದಿಂದ ಆವೃತವಾದ ಕಾರಣ ಬಹಳ ಪ್ರಮುಖ ಪ್ರಾದೇಶಿಕ ಸ್ಥಳಗಳನ್ನು ಹೊಂದಿದೆ ಎನ್ನಬಹುದು. ಇದು ಯಮುನಾ ನದಿಯ ಬಯಲು ಪ್ರದೇಶದಲ್ಲಿದೆ ಹಾಗೂ ದೆಹಲಿಯಿಂದ 25 ಕಿ.ಮೀ ಗಳ ದೂರದಲ್ಲಿದೆ. ಫರಿದಾಬಾದ್ ಔದ್ಯಮಿಕ ಕೇಂದ್ರವೂ ಆಗಿದ್ದು ಹಲವು ಉದ್ಯಮಗಳು ಇಲ್ಲಿ ತಲೆ ಎತ್ತಿವೆ.
ಫರಿದಾಬಾದ್ ಸುತ್ತಮುತ್ತಲಿನ ಪ್ರವಾಸಿ ತಾಣಗಳು
ಇಲ್ಲಿನ ಪ್ರಮುಖ ಪ್ರವಾಸಿ ಆಕರ್ಷಣೆ ಎಂದರೆ ಬಧಕಲ್ ಸರೋವರ, ಸೂರಜ್ ಕುಂಡ್, ರಾಜಾ ನಹರ್ ಸಿಂಘ್ ಅರಮನೆ, ಶಿರಡಿ ಸಾಯಿ ಬಾಬಾ ದೇವಾಲಯ, ಶಿವ ದೇವಾಲಯ, ಸೈಂಟ್ ಮೇರಿ ಚರ್ಚ್, ಧೌಜ್ ಸರೋವರ, ಅರಾವಳಿ ಗಾಲ್ಫ್ ಕ್ಲಬ್, ನಹರ್ ಸಿಂಘ್ ಕ್ರಿಕೆಟ್ ಆಟದ ಮೈದಾನ, ನಗರ ಉದ್ಯಾನ, ಝಾರ್ನಾ ಮಂದಿರ, ಮೊಹಬ್ಬತಾಬಾದ್, ಫರಿದ್ ಖಾನ್ ರ ಸಮಾಧಿ, ಮಾತಾ ವೈಷ್ಣವೋ ದೇವಿ ಮಂದಿರ ಸಂಸ್ಥಾನ, ಫರಿದಾಬಾದ್ ಉಷ್ಣ ವಿದ್ಯುತ್ ಸ್ಥಾವರ.
ಫರಿದಾಬಾದ್ ವಾಯುಗುಣ
ಫರಿದಾಬಾದ್ ಮಿಶ್ರ ವಾಯುಗುಣವನ್ನು ಹೊಂದಿದೆ. ಬೇಸಗೆಯ ಅವಧಿಯಲ್ಲಿ ಬಹಳ ಬಿಸಿ ಮತ್ತು ಶುಷ್ಕವಾಗಿರುತ್ತದೆ ಹಾಗೂ ಮಳೆಗಾಲದಲ್ಲಿ ಮಳೆಯಾದರೂ ಆದ್ರತೆಯ ಪ್ರಮಾಣ ಹೆಚ್ಚಾಗಿರುತ್ತದೆ. ಮಳೆಗಾಲದ ಅವಧಿಯಲ್ಲಿ ಸಿಡಿಲಿನಿಂದ ಕೂಡಿದ ಬಿರುಗಾಳಿ ಹಾಗೂ ಪಶ್ಚಿಮದ ಕಡೆಯಿಂದ ಬರುವ ಮಾರುತಗಳ ಪ್ರಭಾವವನ್ನು ಇಲ್ಲಿ ಕೆಲವು ಬಾರಿ ಅನುಭವಿಸಬಹುದಾಗಿದೆ.
