ದುಮ್ಕಾ ಬುಡಕಟ್ಟು ಜನಾಂಗಗಳಿಗೆ ಹೆಸರುವಾಸಿಯಾದದ್ದು. ಜಾರ್ಖಂಡಿನ ಶಾಂತಲ ಪ್ರಜ್ಞಾ ವಿಭಾಗದ ಮುಖ್ಯಕೇಂದ್ರ ಮತ್ತು ರಾಜ್ಯದ ಪುರಾತನ ಜಿಲ್ಲೆಗಳಲ್ಲಿ ಒಂದು. ಇದೊಂದು ಸುಂದರ ಪ್ರಾಕೃತಿಕ ತಾಣ. ಎತ್ತರದ ಪರ್ವತಗಳು, ಅದ್ಭುತ ಭೂಮೇಲ್ಮೈ, ನದಿಗಳು ಮತ್ತು ಹಸಿರು ಕಣಿವೆಗಳು ನೋಡುಗರ ಕಣ್ಣಿಗೆ ರಸದೌತಣ ನೀಡುತ್ತದೆ. ಇದು ಜಾರ್ಖಂಡಿನ 24 ಜಿಲ್ಲೆಗಳಲ್ಲಿ ಒಂದು. ಭಾರತದ ಹಿಂದುಳಿದ ಜಿಲ್ಲೆಗಳಲ್ಲಿ ಇದು ಕೂಡ ಒಂದಾಗಿತ್ತು. ದುಮ್ಕಾ ಬ್ರಿಟೀಷರಿಂದ ಆಡಳಿತ ಜಿಲ್ಲೆಯಾಗಿ ರೂಪುಗೊಂಡಿದ್ದು ‘ದಾಮಿನ್-ಈ-ಕೋ’ ಎಂದು ಪ್ರಸಿದ್ಧವಾಗಿತ್ತು. ಈಗ ಇದು ಜಾರ್ಖಂಡಿನ ಉಪ ರಾಜಧಾನಿಯಾಗಿ ಹೆಸರುವಾಸಿಯಾಗಿದೆ. ಇಲ್ಲಿ ಮಣ್ಣಿನ ಸವಕಳಿ ಹೆಚ್ಚಾದ್ದರಿಂದ ಫಲವತ್ತಾದ ಭೂಮಿ ಕಡಿಮೆ.
ದುಮ್ಕಾದ ಸುತ್ತಮುತ್ತಲ ಪ್ರವಾಸಿ ತಾಣಗಳು
ಬೆಟ್ಟಗಳು, ಅರಣ್ಯಗಳು ಮತ್ತು ನದಿಗಳಿಂದ ಈ ಪ್ರದೇಶವು ಆವೃತವಾಗಿದೆ. ಇದು ಬೆಟ್ಟದ ಮೇಲಿದ್ದು ಇಲ್ಲಿ ಉತ್ತರದಿಂದ ದಕ್ಷಿಣದವರೆಗೆ ಬೆಟ್ಟಸಾಲುಗಳು ಹಬ್ಬಿವೆ. ನೊನಿಹತ್ನ ಸಮೀಪ ಲಾಗ್ವಾ ಬೆಟ್ಟಗಳಿದ್ದು ನೋಡಲು ಸುಂದರವಾಗಿದೆ. ಚಾರಣಪ್ರಿಯರಿಗೆ ಈ ಜಾಗ ಇಷ್ಟವಾಗುತ್ತದೆ. ಬೆಟ್ಟದ ಮೇಲಿನ ನೋಟ ಅದ್ಭುತವಾಗಿದೆ. ದಕ್ಷಿಣದಿಂದ ಪೂರ್ವಕ್ಕೆ ರಾಮಗರ್ ಬೆಟ್ಟ ಸಾಲಿದೆ. ಇದೊಂದು ಯಾತ್ರಾಸ್ಥಳ. ಇಲ್ಲಿ ಬಾಬಾ ಬಸುಕಿನಾಥ ಧಾಮ, ಮಲೋಟಿ, ಬಾಬಾ ಸುಮೇಶ್ವರ ನಾಥ ಮತ್ತು ಚೌತೋನಾಥ್ಗಳಿವೆ. ಮಸಂಜೊರೆ ಅಣೆಕಟ್ಟು, ಕುಮ್ರಾಬಾದ್, ಕುರ್ವಾ ಅಥವ ಶೃಷ್ಟಿ ಪಾರ್ಕ್ ಮೊದಲಾದ ಪ್ರವಾಸಿ ತಾಣಗಳಿವೆ. ಮಯೂರಾಕ್ಷಿ ಇಲ್ಲಿ ಹರಿಯುವ ಪ್ರಮುಖ ನದಿ.
ಭೇಟಿಗೆ ಸೂಕ್ತ ಸಮಯ
ದುಮ್ಕಾದಲ್ಲಿ ಹವೆಯಲ್ಲಿ ಆರ್ದ್ರತೆ ಹೆಚ್ಚಿರುತ್ತದೆ. ಬೇಸಿಗೆಯಲ್ಲಿ ಧಗೆ ಮತ್ತು ಚಳಿಗಾಲದಲ್ಲಿ ಆಹ್ಲಾದಕರ ವಾತಾವರಣವಿರುತ್ತದೆ.
ಹೋಗುವುದು ಹೇಗೆ?
ದುಮ್ಕಾ ಉತ್ತಮ ರಸ್ತೆ ಸೌಲಭ್ಯವನ್ನು ಹೊಂದಿದೆ. ಜಸಿದ್ಹನಲ್ಲಿ ರೈಲ್ವೇ ಸಂಪರ್ಕವಿದೆ. ಬರಲಿರುವ ಹೊಸ ರೈಲು ಮಾರ್ಗಗಳು ಇಲ್ಲಿಗೆ ತಲುಪುವುದನ್ನು ಇನ್ನಷ್ಟು ಸರಾಗಗೊಳಿಸುತ್ತವೆ.
ಹವಾಮಾನ:
ದುಮ್ಕಾದಲ್ಲಿ ಆರ್ದ್ರತೆ ಹೆಚ್ಚಿರುತ್ತದೆ. ಇಲ್ಲಿಗೆ ಭೇಟಿ ಕೊಡಲು ಸೂಕ್ತ ಸಮಯ ಫೆಬ್ರವರಿ-ಏಪ್ರಿಲ್.