ಬುಡಿದಿಹಿಂಗ್ ನದಿಯ ದಂಡೆಯ ಮೇಲಿರುವ ನಂಫಾಕೆ ಗ್ರಾಮವು ಅಸ್ಸಾಮಿನ ಒಂದು ಪ್ರಮುಖ ಪ್ರವಾಸಿ ಆಕರ್ಷಣೆ. ದಿಬ್ರುಗಡ್ ಗೆ ಹತ್ತಿರದಲ್ಲಿರುವ ಈ ಗ್ರಾಮವು ಬೌದ್ಧ ಮಠ ಹಾಗು ತನ್ನ ಸುತ್ತಲಿನ ಶ್ರೀಮಂತ ಪ್ರಕೃತಿ ಸೌಂದರ್ಯದಿಂದಾಗಿ ಹೆಸರುವಾಸಿಯಾಗಿದೆ. ಚಹಾ ತೋಟಗಳ ಮಧ್ಯದಲ್ಲಿರುವ ಈ ಗ್ರಾಮವು ಪ್ರಮುಖ ವ್ಯಾಪಾರಿ ಕೇಂದ್ರವೂ ಹೌದು. ಇಲ್ಲಿನ ಕೆಲವು ಪ್ರಮುಖ ಆಕರ್ಷಣೆಗಳೆಂದರೆ ಅಶೋಕ ಪಿಲ್ಲರ್, ನಾಂಗ್ ಮುಂಗ್ಚಿರಿಂಗ್ಟಾ ಹಾಗು ಪಗೋಡಾ.
ಈ ಗ್ರಾಮವು ರಾಜ್ಯದಲ್ಲೆ ಪುರಾತನವೆನ್ನಬಹುದಾದ ಎಣ್ಣೆಯ ಆಘರವನ್ನು ಹೊಂದಿದೆ. ಥಾಯ್ ಲ್ಯಾಂಡ್ ದೇಶದ ರಾಜಕುವರಿಯು ಕೂಡ ಈ ಹಳ್ಳಿಗೆ ಭೇಟಿ ನೀಡಿದ್ದಾಳೆ. ಇಲ್ಲಿ ವಾಸಿಸುವ ಬುಡಕಟ್ಟು ಜನಾಂಗದವರನ್ನು ತಾಯ್ ಫಾಕೆ ಎಂದು ಕರೆಯಲಾಗುತ್ತದೆ. ಇವರು ಫಾಕೆ ಭಾಷೆಯನ್ನು ಮತ್ತು ಸಂಪ್ರದಾಯವನ್ನು ಅನುಸರಿಸುತ್ತಾರೆ. ಮಾರ್ಚ್ ತಿಂಗಳಿನಲ್ಲಿ ಇಲ್ಲಿ ವಿಜೃಂಭಣೆಯಿಂದ ಪೊಯ್-ನೆನ್ ಚಿ ಉತ್ಸವವನ್ನು ಆಚರಿಸಲಾಗುತ್ತದೆ.