Click it and Unblock the Notifications
ವಲಸೆ ಹಕ್ಕಿಗಳ ಜನಪ್ರಿಯ ತಾಣವಾಗಿದ್ದು, ಜರ್ಮ್ ಪ್ಲಾಸ್ಮ್ ಕೇಂದ್ರವೆಂದೂ ಕರೆಯಲಾಗುವ ಈ ಉದ್ಯಾನವು ಜೊಕಾಯ್ ಮೀಸಲು ಅರಣ್ಯ ಪ್ರದೇಶದಲ್ಲಿ ನೆಲೆಸಿದೆ. ಇದು ಅಸ್ಸಾಮಿನ ದಿಬ್ರುಗಡ್ನಿಂದ 12 ಕಿ.ಮೀ ದೂರದಲ್ಲಿದೆ. ಮನ್ಕೊಟ್ಟಾ ಖಮ್ತಿಘಾಟ್ ರಸ್ತೆಯ ಮೇಲೆ ಇದನ್ನು ಕಾಣಬಹುದು. ಇಲ್ಲಿ ಅಂಗಾಂಶಗಳ ಸಂಗ್ರಹಣಾ ಕೊಠಡಿಯೂ ಇದೆ. ಈ ಉದ್ಯಾನವನ್ನು ರೈನ್ ಫಾರೆಸ್ಟ್ ಪ್ಲಾಟ್, ಆರ್ಕಿಡ್ ಹೌಸ್, ಮೆಡಿಸಿನಲ್ ಪ್ಲಾಂಟ್ಸ್, ವಾಟರ್ ಪಾಂಡ್ ಹೀಗೆ ಹಲವು ವಿಧಗಳಲ್ಲಿ ವಿಂಗಡಿಸಲಾಗಿದೆ.
ಈ ಪ್ರದೇಶದಲ್ಲಿ ಅಗಾಧ ಪ್ರಮಾಣದ ಸಸ್ಯ ಸಂಪತ್ತನ್ನೆ ನೋಡಬಹುದು. ಬೇಕಾದರೆ ಆನೆಯ ಮೇಲೆ ಕುಳಿತು ಸಫಾರಿ ಮಾಡುತ್ತ ಸುತ್ತಲಿನ ಪ್ರಕೃತಿ ಸೌಂದರ್ಯವನ್ನೂ ಸಹ ಸಹ ಸವಿಯಬಹುದು. ಇದೊಂದು ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿದ್ದು, ದೋನಿ ವಿಹಾರವನ್ನೂ ಸಹ ಕೈಗೊಳ್ಳಬಹುದು.
