ಸ್ವಚ್ಛಂಧವಾದ ಗಾಳಿ ಉಸಿರಾಡಬೇಕಾದರೆ ಆಕ್ಸಿಜನ್ ಪಾರ್ಕ್ ಗೆ ಹೋಗಿ

ತೆಲಂಗಾಣದ ಅವಳೀ ನಗರಗಳಾದ ಹೈದರಾಬಾದ್ ಹಾಗೂ ಸಿಖಂದರಾಬಾದ್ ನಲ್ಲಿ ಟ್ರಾಫೀಕ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಜನರಿಗೆ ಉಸಿರಾಡಲು ಸ್ವಚ್ಛವಾದ ಗಾಳಿ ಸಿಗದಂತಾಗಿದೆ. ಹೀಗಿರುವಾಗ ಆಫೀಸ್ , ಟ್ರಾಫೀಕ್ ಜಂಜಾಟದಿಂದ ಎಲ್ಲಾದರೂ ಪ್ರಶಾಂತ, ಪ್ರಕೃತಿಯ ಸೌಂದರ್ಯದ ಜಾಗಕ್ಕೆ ಪ್ರವಾಸ ಹೋಗಬೇಕು. ಸ್ವಲ್ಪ ದಿನಗಳನ್ನು ಅಲ್ಲಿ ಕಳೆಯಬೇಕೆಂದು ನಿಮಗೆ ಅನಿಸಬಹುದು. ಆದರೆ ಆಫೀಸ್ ನಲ್ಲಿ ರಜೆಯ ಸಮಸ್ಯೆಯಿಂದಾಗಿ ನಾವು ಅಂದುಕೊಂಡಂತೆ ಕಾಲ ಕಳೆಯಲು ಸಾಧ್ಯವಿಲ್ಲ. PC: Mohammed Azharuddin Azzuಹೈದರಾಬಾದ್ ಹಾಗೂ ಸಿಖಂದರಾಬಾದ್ ನ ಜನತೆಗೆ ಸ್ವಲ್ಪ ಕಾಲ ಹಚ್ಚಹಸಿರಿನ ನಡುವೆ ನೈಸರ್ಗಿಕ ಗಾಳಿ ಸೇವಿಸುವ ಅವಕಾಶ ಸಿಗುತ್ತಿದೆ. ಅದೇನೆಂದರೆ ಸಿಖಂದರಾಬಾದ್ ನಲ್ಲಿ ಆಕ್ಸಿಜನ್ ಪಾರ್ಕ್ ನ ನಿರ್ಮಾಣವಾಗಿದೆ. ಜನತೆಗೆ ಶುದ್ಧ ಗಾಳಿ ಒದಗಿಸುವ ಉದ್ದೇಶದಿಂದ ಈ ಪಾರ್ಕ್ ನ ನಿರ್ಮಾಣ ಮಾಡಲಾಗಿದೆ. PC: thelangana tourismಸಿಖಂದರಾಬಾದ್ ನ ಪ್ಯಾರಡೈಸ್ ಹೊಟೇಲ್ ನಿಂದ 20 ಕಿ.ಮೀ ದೂರದಲ್ಲಿ ರಾಷ್ಟ್ರೀಯ ಹೆದ್ದಾರಿ 44ರಲ್ಲಿ ಮೆಡ್ ಚಲ್ ಬಳಿ ಕಂಡಲಾಕೋಯ್ ಆಕ್ಸಿಜನ್ ಪಾರ್ಕ್ ನಿರ್ಮಾಣವಾಗಲಿದೆ. ಇದು ನಗರದಲ್ಲಿರುವ ಸುಂದರವಾದ ಪಾರ್ಕ್ ಆಗಿದ್ದು, ಇಲ್ಲಿ ನೀವು ಮರ ಗಿಡಗಳ ಮಧ್ಯೆ ಸ್ವಚ್ಛ ಗಾಳಿಯನ್ನು ಸೇವಿಸುತ್ತಾ ನೆಮ್ಮದಿಯಿಂದ ಕಾಲಕಳೆಯಬಹುದು. 75 ಎಕರೆಯಲ್ಲಿ ನಿರ್ಮಿಸಲಾಗಿರುವ ಈ ಪಾರ್ಕ್ ನ ನಾಲ್ಕು ಕಡೆಗಳಲ್ಲಿ 2.2ಕಿ.ಮೀ ಉದ್ದದ ವಾಕಿಂಗ್ ಟ್ರಾಕ್ ನಿರ್ಮಿಸಲಾಗಿದೆ. ನೀವು ಬೆಳಗ್ಗೆ ಅಥವಾ ಸಂಜೆ ಇಲ್ಲಿ ವಾಕ್ ಮಾಡಬಹುದಾಗಿದೆ. ಇದನ್ನು ಹೊರತುಪಡಿಸಿ 260 ಮೀಟರ್ ಉದ್ದದ ಕ್ಯಾನಪಿ ವಾಕ್ ನ್ನೂ ಕೂಡಾ ಪಾರ್ಕ್ ನ ಒಳಗೆ ಮಾಡಲಾಗಿದೆ. ಮರದ ನೆರಳಿನಲ್ಲಿ ಕುಳಿತು ಫ್ಯಾಮಿಲಿ ಜೊತೆ, ಸ್ನೇಹಿತರ ಜೊತೆ ಪಿಕ್ ನಿಕ್ ಮಾಡಬೇಕೆನ್ನುವ ಪ್ಲ್ಯಾನ್ ಏನಾದರೂ ಇದ್ದರೆ ಕಂಡಲಾಕೋಯಾ ಪಾರ್ಕ್ ನಿಮಗೆ ಸೂಕ್ತವಾದ ತಾಣವಾಗಿದೆ. ಇಲ್ಲಿ ಪಿಕ್ ನಿಕ್ ಗಾಗಿಯೇ ವಿಶೇಷ ಸ್ಥಳಗಳಿವೆ. ಅಷ್ಟೇ ಅಲ್ಲದೆ ಶಾಲೆಯ ಮಕ್ಕಳಿಗಾಗಿ 2 ಮಾಡಲ್ ಕ್ಲಾಸ್ ರೂಂನ್ನೂ ನಿರ್ಮಿಸಲಾಗಿದೆ. PC: thelangana tourismಈ ಪಾರ್ಕ್ ನಲ್ಲಿ ಎರಡು ಫೋಟೋ ಪಾಯಿಂಟ್ ಗಳಿವೆ. ಒಂದು ಸಣ್ಣ ಕೆರೆಯಿದೆ. ಅದರಲ್ಲಿ ಬಟರ್ ಫ್ಲೈ ಗಾರ್ಡನ್ ಮಾಡಲಾಗಿದೆ. ಯೋಗ ಮಾಡುವವರಿಗೆ ಶೆಡ್ ನ ವ್ಯವಸ್ಥೆ ಕೂಡಾ ಇದೆ. ಟ್ರೀ ಹೌಸ್, ಹರ್ಬಲ್ ಗಾರ್ಡನ್, ಓಪನ್ ಏರ್ ಜಿಮ್, ಮಕ್ಕಳ ಆಟಕ್ಕಾಗಿ ಪ್ಲೇ ಏರಿಯಾ ಹಾಗೂ ವಾಚ್ ಟವರ್ ಕೂಡಾ ನಿರ್ಮಿಸಲಾಗಿದೆ. PC: Mohammed Azharuddin Azzu11 ಗಂಟೆಯಿಂದ ಸಂಜೆ 6ಗಂಟೆಶುಲ್ಕ ವಯಸ್ಕರಿಗೆ 15 ರೂ. ಮಕ್ಕಳಿಗೆ 10 ರೂ. ವಾಕಿಂಗ್ ಸಮಯ ಬೆಳಗ್ಗೆ 5.30 ರಿಂದ ಬೆಳಗ್ಗೆ 9 ಗಂಟೆವಾಕಿಂಗ್ ಪಾಸ್ ತಿಂಗಳಿಗೆ100 ರೂ. ಆರು ತಿಂಗಳಿಗೆ 400 ರೂ. 1 ವರ್ಷಕ್ಕೆ 800 ರೂ.