• Follow NativePlanet
Share
» »ಮಾವ್ಲಿನ್ನಾಂಗ್ ಗೆ ಭೇಟಿ- ಏಷ್ಯಾದ ಅತ್ಯಂತ ಸ್ವಚ್ಚವಾದ ಗ್ರಾಮ

ಮಾವ್ಲಿನ್ನಾಂಗ್ ಗೆ ಭೇಟಿ- ಏಷ್ಯಾದ ಅತ್ಯಂತ ಸ್ವಚ್ಚವಾದ ಗ್ರಾಮ

Posted By: Manjula BalarajTantry

ದೈನಂದಿನ ಜೀವನದಿಂದ ನೀವು ದಣಿದಿದ್ದಲ್ಲಿ ಮೇಘಾಲಯ ರಾಜ್ಯದಲ್ಲಿರುವ ಪ್ರಶಾಂತವಾದ ಮತ್ತು ಸುಂದರವಾದ ಹಳ್ಳಿಯಾದ ಮಾವ್ಲಿನಾಂಗ್ ಗೆ ಭೇಟಿ ಕೊಡಿ. ಏಷ್ಯಾದ ಸ್ವಚ್ಛವಾದ ಗ್ರಾಮವೆಂದು ಘೋಷಿಸಲಾದ ಮಾವ್ಲಿನ್ನಾಂಗ್ ಒಂದು ಮೋಡಿಮಾಡುವ ಗ್ರಾಮವಾಗಿದ್ದು,ಇಲ್ಲಿಯ ಭೇಟಿಯು ನಿಮ್ಮ ಆಯಾಸವನ್ನು ಖಂಡಿತವಾಗಿಯೂ ದೂರಮಾಡುತ್ತದೆ.

ಧೀರ್ಘ ಕಾಲದ ನಗರ ಜೀವನವು ನಿಮ್ಮನ್ನು ಪ್ರಕೃತಿಯ ಸೌಂದರ್ಯತೆಯಿಂದ ದೂರ ಮಾಡುತ್ತದೆ. ದೀರ್ಘ ಸಮಯದವರೆಗೆ ಲ್ಯಾಪ್ ಟಾಪ್ ಗಳ ಎದುರುಗಡೆ ಕುಳಿತು ಕೆಲಸ ಮಾಡುವುದರಿಂದ ನಿಮಗೆ ದೈಹಿಕವಾಗಿ ಮಾತ್ರವಲ್ಲದೆ ಮಾನಸಿಕವಾಗಿಯೂ ಕೂಡಾ ದಣಿವಾಗುವಂತೆ ಮಾಡುತ್ತದೆ.

PC: Ashwin Kumar

 ಮಾವ್ಲಿನ್ನಾಂಗ್ , ಏಷ್ಯಾದ ಸ್ವಚ್ಚ ಗ್ರಾಮ

ನಗರದಲ್ಲಿ ವಾಸಿಸುವವರ ಮತ್ತು ಪ್ರಕೃತಿಯ ನಡುವಿನ ಅಂತರವು ಸ್ವಲ್ಪ ಜಾಸ್ತಿಯಾಗಿಯೇ ಇರುತ್ತದೆ ಎಂದರೆ ತಪ್ಪಾಗಲಾರದು .ಈ ರೀತಿಯ ಆಯಾಸವನ್ನು ತೊಡೆದು ಹಾಕಲು ಮತ್ತು ನಮ್ಮನ್ನು ನಾವು ಪ್ರಕೃತಿಯ ಮಡಿಲಲ್ಲಿ ಕಂಡುಕೊಳ್ಳಲು ಕೆಲವೊಮ್ಮೆ ಕೆಲವು ಮಾರ್ಗಗಳನ್ನು ಆರಿಸಿಕೊಳ್ಳಬೇಕಾಗುತ್ತದೆ.

ಮಾವ್ಲಿನಾಂಗ್ ನ ಜನತೆ

ಮಾವ್ಲಿನಾಂಗ್ ನಲ್ಲಿ ಬಹುತೇಕ ಜನರು ಖಾಸಿ ಬುಡಕಟ್ಟು ಜನಾಂಗಕ್ಕೆ ಸೇರಿದವರಾಗಿದ್ದು ಇಲ್ಲಿಯ ಜನರು ಸ್ವಚ್ಚತೆಯನ್ನು ಗಂಭೀರವಾಗಿ ತೆಗೆದುಕೊಳ್ಳುತ್ತಾರೆ. 2007 ರಿಂದ, ಪ್ರತಿ ಮನೆಯಲ್ಲೂ ಶೌಚಾಲಯವನ್ನು ನಿರ್ಮಿಸಲಾಗಿದೆ ಮತ್ತು ಗ್ರಾಮಸ್ಥರು ಪ್ರತಿ ಮನೆಯೊಳಗೆ ಒಂದು ಬಿದಿರು ಬುಟ್ಟಿಯನ್ನು ಕಸ ಹಾಕಲು ಇರಿಸುತ್ತಾರೆ. ಇಲ್ಲಿಯ ಜನರು ತಮ್ಮ ಮನೆಯನ್ನು ಮತ್ರ ಸ್ವಚ್ಚವಾಗಿಟ್ಟುಕೊಳ್ಳೂವುದಲ್ಲದೆ ಇಲ್ಲಿಯ ಬೀದಿಗಳನ್ನೂ ಕೂಡ
ಸ್ವಚ್ಚವಾಗಿಟ್ಟುಕೊಳ್ಳುತ್ತಾರೆ.

ಮಾವ್ಲಿನಾಂಗ್ ಜನರ ಮುಖ್ಯ ಉದ್ಯೋಗ ಮತ್ತು ಆದಾಯವು ಮೂಲತಃ ಕೃಷಿಯಿಂದ ಬಂದಿರುವುದಾಗಿರುತ್ತದೆ. ಇಲ್ಲಿಯ ಜನರ ಒಂದು ವಿಶಿಷ್ಟವಾದ ಮತ್ತು ಆನಂದದಾಯಕವಾದ ಗುಣವೆಂದರೆ ಜನರು ಇಡೀ ದಿನ ತಮ್ಮ ಗದ್ದೆಗಳಲ್ಲಿ ಕೆಲಸ ಮಾಡುವುದು ಮಾತ್ರವಲ್ಲದೆ, ತಮ್ಮ ಗ್ರಾಮ ಮತ್ತು ಸಮುದಾಯದ ಕಲ್ಯಾಣದಲ್ಲಿ ಸಕ್ರಿಯ ಆಸಕ್ತಿಯನ್ನು ತೆಗೆದುಕೊಳ್ಳುತ್ತಾರೆ ಎಂಬುವುದು ದು ಹೆಮ್ಮೆಯ ವಿಷಯವಾಗಿದೆ.

ಇಲ್ಲಿಯ ಜನರು ನೀರಿನ ಸಂಪರ್ಕಗಳನ್ನು ಕಾಪಾಡಿಕೊಳ್ಳುವುದು, ತಾವಿರುವ ಸ್ಥಳಗಳಲ್ಲಿ ಶಾಲೆಗಳನ್ನು ನಿರ್ಮಿಸುವುದು, ಇನ್ನಿತರ ಗ್ರಾಮೋದ್ದಾರಕ ಚಟುವಟಿಕೆಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳುತ್ತಾರೆ. ಈ ಗ್ರಾಮವು ಪಿತೃ ಪ್ರಭುತ್ವ ಜೀವನವನ್ನು ಬಿಟ್ಟುಬಿಟ್ಟಿದೆ.

ಇಲ್ಲಿ, ಕುಟುಂಬದ ಮಕ್ಕಳು ತಮ್ಮ ತಾಯಿಯ ಉಪನಾಮವನ್ನು ಪಡೆಯುತ್ತಾರೆ ಮತ್ತು ಕುಟುಂಬದ ಸಂಪತ್ತನ್ನು ಮನೆಯ ಕಿರಿಯ ಮಗಳು ಅನುವಂಶಿಕವಾಗಿ ಪಡೆಯುತ್ರೆ. ಈ ಎಲ್ಲಾ ಅದ್ಬುತಗಳನ್ನೊಳಗೊಂಡ ಈ ಗ್ರಾಮವು ಪ್ರಪಂಚದ ಉಳಿದ ಭಾಗಗಳಿಗೆ ಒಂದು ಉತ್ತಮ ಉದಾಹರಣೆಯಾಗಿದೆ.

PC: Travelling Slacker

 ಮಾವ್ಲಿನ್ನಾಂಗ್ , ಏಷ್ಯಾದ ಸ್ವಚ್ಚ ಗ್ರಾಮ

ಈ ಗ್ರಾಮದ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ

ಮಾವ್ಲಿನಾಂಗ್ ನಲ್ಲಿ ಮರದ ಮನೆಗಳು ಅಥವಾ ಮರದ ಸ್ಟಿಲ್ಟ್ಸ್ ನಲ್ಲಿ ನಿರ್ಮಿಸುವುದರಲ್ಲಿ ಹೆಸರುವಾಸಿಯಾಗಿದೆ. ಇಲ್ಲಿ ಎಲ್ಲದಕ್ಕೂ ಬಿದಿರನ್ನು ಉಪಯೋಗಿಸಲಾಗುತ್ತದೆ ಇದನ್ನು ಮನೆ ಕಟ್ಟುವಿಕೆಯಲ್ಲೂ ಉಪಯೋಗಿಸುತ್ತಾರೆ. ಖಾಸಿ ಜನರ ಮನೆಗಳು ಹೆಚ್ಚಾಗಿ ಸೆಣಬಿನಿಂದ ಮಾಡಲ್ಪಟ್ಟಿರುವುದಾಗಿದೆ. ಬಿದರಿನ ಮರಗಳಿಂದ ಕೂಡಿದ ನೈಸರ್ಗಿಕ ಮತ್ತು ಆನಂದದಾಯಕ ಹಿನ್ನೆಲೆಗಳನ್ನು ಹೊಂದಿದ ಈ ಪ್ರದೇಶವು ನಯನ ಮನೋಹರ ನೋಟವನ್ನು ಹೊಂದಿದೆ.

ಈ ಮೋಡಿ ಮಾಡುವ ಹಳ್ಳಿ ಯಲ್ಲಿ ಭೇಟಿ ಕೊಡುವಾಗ ಇಲ್ಲಿನ ಸಾವಯವ ಉತ್ಪನ್ನಗಳಿಂದ ತಯಾರಾದ ರುಚಿಕರವಾದ ಆಹಾರಗಳನ್ನು ಸವಿಯಲು ಮರೆಯದಿರಿ. ಇಲ್ಲಿಯ ಜನರು ತಾವೇ ಬೆಳೆದ ಉತ್ಪನ್ನಗಳನ್ನು ಬಳಸುತ್ತಾರೆ ಅಲ್ಲದೆ ಇಲ್ಲಿ ಮಾಂಸವನ್ನೂ ಕೂಡ ಸ್ಥಳೀಯರು ಬೆಳೆಸಿದ ಜಾನುವಾರುಗಳಿಂದಲೇ ಪಡೆಯುತ್ತಾರೆ.

ಜಡೋಹ್ ಅನ್ನು ಪ್ರಯತ್ನಿಸಿ, ಇದ ಕೆಂಪು ಅಕ್ಕಿಯ ಭಕ್ಷ್ಯವಾಗಿದ್ದು ಅದು ಹಂದಿ ಅಥವಾ ಚಿಕನ್ ನೊಂದಿಗೆ ಬೇಯಿಸಲಾಗುತ್ತದೆ ಮತ್ತು ಇದನ್ನು ಮಸಾಲೆಗಳೊಂದಿಗೆ ಬೆರೆಸಲಾಗುತ್ತದೆ.ನೀವು ಮಾವ್ಲಿನಾಂಗ್ ನಲ್ಲಿ ಪ್ರಯತ್ನಿಸಬೇಕಾದ ಇತರ ಭಕ್ಷ್ಯಗಳು ತುಂಗೈಂಬಾಯ್, ಮಿನಲ್ ಸಾಂಗ, ಪುಖಲಿನ್, ಇತ್ಯಾದಿ.

PC: Travelling Slacker

 ಮಾವ್ಲಿನ್ನಾಂಗ್ , ಏಷ್ಯಾದ ಸ್ವಚ್ಚ ಗ್ರಾಮ

ಮಾವ್ಲಿನಾಂಗ್ ಸುತ್ತಲೂ ಭೇಟಿ ನೀಡಲು ಸ್ಥಳಗಳು


ಈ ಗ್ರಾಮವು ಗಡಿ ಪ್ರದೇಶದ ಹತ್ತಿರವಿರುವುದರಿಂದ ಬಾಂಗ್ಲಾದೇಶದ ಭೂದೃಶ್ಯದ ಅದ್ಭುತ ನೋಟವನ್ನು ನೀಡುವ ಬಿದಿರಿನಿಂದ ನಿರ್ಮಿಸಲಾದ ವಾಂಟೇಜಕೇಂದ್ರವಾದ ಸ್ಕೈ ವ್ಯೂಗೆ ಭೇಟಿ ಕೊಡಿ. ಇಲ್ಲಿ ನೀವು ಭೇಟಿ ನೀಡಬಹುದಾದ ಇನ್ನಿತರ ಕೆಲವು ಸ್ಥಳಗಳು ಚರ್ಚ್ ಆಫ್ ಎಪಿಫ್ಯಾನಿ, ಮಾವ್ಲಿನಾಂಗ್ ಜಲಪಾತ, ಇತ್ಯಾದಿ.

ಮಾವ್ಲಿನಾಂಗ್ ಜೀವಂತ ಮೂಲ ಸೇತುವೆಗೆ ನೆಲೆಯಾಗಿದೆ, ಇದು ಚಿರಾಪುಂಜಿಯ ಡಬಲ್ ಡೆಕ್ಕರ್ ಮೂಲ ಸೇತುವೆಯನ್ನು ಹೋಲುತ್ತದೆ. ಈ ಸೇತುವೆಯಲ್ಲಿ ಅಡ್ಡಾಡಿ ಮತ್ತು ಅಸಂಖ್ಯಾತ ಛಾಯ ಚಿತ್ರಗಳನ್ನು ಸೇತುವೆಯ ಬದಿಯಲ್ಲಿ ತೆಗೆದುಕೊಳ್ಳಬಹುದು.

ಮಾವ್ಲಿನಾಂಗ್ ಜೀವಂತ ಮೂಲ ಸೇತುವೆಗೆ ನೆಲೆಯಾಗಿದೆ, ಇದು ಚಿರಾಪುಂಜಿಯ ಡಬಲ್ ಡೆಕ್ಕರ್ ಮೂಲ ಸೇತುವೆಯನ್ನು ಹೋಲುತ್ತದೆ. ಈ ಸೇತುವೆಯಲ್ಲಿ ಅಡ್ಡಾಡಿ ಮತ್ತು ಅಸಂಖ್ಯಾತ ಛಾಯ ಚಿತ್ರಗಳನ್ನು ಸೇತುವೆಯ ಬದಿಯಲ್ಲಿ ತೆಗೆದುಕೊಳ್ಳಬಹುದು.

PC: Kiranjit

 ಮಾವ್ಲಿನ್ನಾಂಗ್ , ಏಷ್ಯಾದ ಸ್ವಚ್ಚ ಗ್ರಾಮ

ಮಾವ್ಲಿನಾಂಗ್ ಗೆ ಭೇಟಿಕೊಡಲು ಸರಿಯಾದ ಸಮಯ


ಮಾವ್ಲಿನ ಹವಾಮಾನ ವರ್ಷಪೂರ್ತಿ ಸರಾಗವಾಗಿರುವುದಾಗಿದ್ದು ಆದರೂ ಮಾನ್ಸೂನ್ ಅಥವಾ ಮಾನ್ಸೂನ್ ನಂತರದ ತಿಂಗಳುಗಳು ಈ ಪ್ರದೇಶದ ಮೋಡಿ ಮಾಡುವಿಕೆಗೆ ಕಾರಣವಾಗುತ್ತದೆ, ಮಾನ್ಸೂನ್ ಮಳೆಯು ಹಳ್ಳಿಯ ಹಚ್ಚ ಹಸಿರಿನ ಸೌಂದರ್ಯವನ್ನು ಹೆಚ್ಚಿಸುತ್ತದೆ.

ಮಾವ್ಲಿನಾಂಗ್ ನ ಸಂಸ್ಕೃತಿಯನ್ನು ನೋಡಬಯಸುವಿರಾದಲ್ಲಿ ಈ ಹಳ್ಳಿಯನ್ನು ಜುಲೈ ತಿಂಗಳಲ್ಲಿ ಭೇಟಿಕೊಡಿ ಮತ್ತು ಇಲ್ಲಿ ಈ ಸಮಯದಲ್ಲಿ ಬೇಹ್ದಿಯೇಂಕ್ಲಮ್ ಉತ್ಸವದಲ್ಲಿ ಭಾಗಿಯಾಗಿ ಮತ್ತು ನವೆಂಬರ್ ನಲ್ಲಿ ಇಲ್ಲಿ ಗ್ ಕ್ರೇಮ್ ನೃತ್ಯೋತ್ಸವದಲ್ಲಿ ಪಾಲ್ಗೊಳ್ಳಿ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more