Click it and Unblock the Notifications
ನಮ್ಮ ದೇಶದಲ್ಲಿ ತುಂಬಾ ಸುಂದರವಾದ ಮತ್ತು ಅತಿ ಎತ್ತರದ ಜಲಪಾತಗಳಿವೆ. ವಿಶೇಷವಾಗಿ ಕರ್ನಾಟಕ ರಾಜ್ಯದಲ್ಲಿರುವ ಜಲಪಾತಗಳಂತೂ ಮಳೆಗಾಲದಲ್ಲಿ ಮೈದುಂಬಿಕೊಂಡು ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತವೆ. ಮಳೆಗಾಲದಲ್ಲಿ ಈ ಜಲಪಾತಗಳ ಅಂದವೇ ಬೇರೆ. ವರ್ಣಿಸಲು ಅಸಾಧ್ಯ. ಹಾಗಾದರೆ ಈ ಮಾನ್ಸೂನ್ನಲ್ಲಿ ನೀವು ರಿಫ್ರೆಶ್ ಆಗಲು ಕರ್ನಾಟಕದ ಯಾವ ಜಲಪಾತಗಳಿಗೆ ಭೇಟಿ ನೀಡಬಹುದು ಎಂದು ತಿಳಿಯೋಣ.
ಜೋಗ ಜಲಪಾತ
ಕನ್ನಡಿಗರಿಗೆ ತಿಳಿದಿರುವಂತೆ ಜೋಗ ನಾಲ್ಕು ಸಣ್ಣ ಜಲಪಾತಗಳನ್ನು ಒಳಗೊಂಡಿದೆ. ರಾಜ, ರಾಣಿ, ರೋರರ್, ರಾಕೆಟ್. ಇದರ ನೀರು 250 ಮೀಟರ್ ಎತ್ತರದಿಂದ ಬೀಳುತ್ತದೆ. ಇದು ತುಂಬಾ ರೋಮಾಂಚನಕಾರಿ ದೃಶ್ಯವಾಗಿದೆ. ಇದನ್ನು 'ಗೇರುಸೊಪ್ಪೆ ಜಲಪಾತʼ ಎಂದೂ ಕರೆಯುತ್ತಾರೆ. ಈ ಜಲಪಾತದ ಎತ್ತರ 830 ಅಡಿ. ಇದು ಭಾರತದ ಎರಡನೇ ಅತಿ ಎತ್ತರದ ಜಲಪಾತವಾಗಿದೆ. ಇದನ್ನು ಯುನೆಸ್ಕೋದ ವಿಶ್ವ ಪರಂಪರೆಯ ತಾಣಗಳಲ್ಲಿಯೂ ಸೇರಿಸಲಾಗಿದೆ. ಇದು ವಿಶ್ವದ ಅತ್ಯುತ್ತಮ ಪರಿಸರ ತಾಣಗಳಲ್ಲಿ ಒಂದಾಗಿದೆ. ಪ್ರಸ್ತುತ ಬೆಂಗಳೂರಿನಿಂದ ಇಲ್ಲಿಗೆ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ (KSRTC) ವಿಶೇಷ ಟೂರ್ ಪ್ಯಾಕೇಜ್ ಸಹ ಘೊಷಿಸಿದೆ.
ಶಿವಸಮುದ್ರ ಜಲಪಾತ
ಶಿವಸಮುದ್ರ ಜಲಪಾತವು ಮೈಸೂರಿನಿಂದ 100 ಕಿ.ಮೀ ದೂರದಲ್ಲಿದೆ. ಇದು ಸುಮಾರು 98 ಮೀಟರ್ ಎತ್ತರದಿಂದ ಬೀಳುತ್ತದೆ. ಇದನ್ನು ಜಲವಿದ್ಯುತ್ ಉತ್ಪಾದನೆಗೆ ಬಳಸಲಾಗುತ್ತದೆ. ಜಲಪಾತದ ಮೇಲೆ ಸ್ಥಾಪಿಸಲಾದ ಜಲವಿದ್ಯುತ್ ಕೇಂದ್ರವು ಏಷ್ಯಾದಲ್ಲಿಯೇ ಮೊದಲನೆಯದು. ಇದನ್ನು 1902 ರಲ್ಲಿ ಸ್ಥಾಪಿಸಲಾಯಿತು. ಶಿವನಸಮುದ್ರದಲ್ಲಿ ಮಳೆಗಾಲ ಜುಲೈನಿಂದ ಪ್ರಾರಂಭವಾಗುತ್ತದೆ ಮತ್ತು ಸೆಪ್ಟೆಂಬರ್ ವರೆಗೆ ಇರುತ್ತದೆ. ವರ್ಷದ ಈ ಸಮಯದಲ್ಲಿ ಹವಾಮಾನವು ಆಹ್ಲಾದಕರವಾಗಿರುತ್ತದೆ.
ಕುಂಚಿಕಲ್ ಜಲಪಾತ
ಕುಂಚಿಕಲ್ ಜಲಪಾತವು ಭಾರತದ ಅತಿ ಎತ್ತರದ ಜಲಪಾತವಾಗಿದೆ. ಇದರ ಎತ್ತರ 455 ಮೀಟರ್. ಕರ್ನಾಟಕದ ಶಿವಮೊಗ್ಗ-ಉಡುಪಿ ಹೆದ್ದಾರಿಯಲ್ಲಿರುವ ಕುಂಚಿಕಲ್ ಜಲಪಾತವು ವರಾಹಿ ನದಿಯ ಮೇಲೆ ನೆಲೆಗೊಂಡಿದೆ. ಬೆಂಗಳೂರಿನಿಂದ ಇಲ್ಲಿಗೆ ತಲುಪಲು ಸುಮಾರು 8 ಗಂಟೆ ತೆಗೆದುಕೊಳ್ಳುತ್ತದೆ. ಪ್ರವಾಸಿಗರು ಜಲಪಾತವನ್ನು ವೀಕ್ಷಿಸಲು ಪಾರ್ಕಿಂಗ್ನಿಂದ ಕೆಲವು ಮೀಟರ್ಗಳಷ್ಟು ನಡೆಯಬೇಕು.
ಹೆಬ್ಬೆ ಜಲಪಾತ
ಚಿಕ್ಕಮಗಳೂರು ಜಿಲ್ಲೆಯಲ್ಲಿರುವ ಹೆಬ್ಬೆ ಜಲಪಾತವು ಕೆಮ್ಮಣ್ಣುಗುಂಡಿಯಿಂದ ಕೇವಲ 8 ಕಿ.ಮೀ ದೂರದಲ್ಲಿದೆ. ಟ್ರೆಕ್ಕಿಂಗ್ಗೆ ಇದು ತುಂಬಾ ಒಳ್ಳೆಯ ಸ್ಥಳವಾಗಿದೆ. ಆದರೆ ಮಾರ್ಗವು ಸಾಕಷ್ಟು ನೇರ ಮತ್ತು ಕಿರಿದಾಗಿದೆ. ಈ ಜಲಪಾತದ ಎತ್ತರ 250 ಅಡಿ. ನೀವು ದೂರದಿಂದಲೇ ಜಲಪಾತದ ಸದ್ದು ಕೇಳಬಹುದು. ಹೆಬ್ಬೆ ಜಲಪಾತದ ನೀರಿನಲ್ಲಿ ಪವಿತ್ರ ಗಿಡಮೂಲಿಕೆಗಳಿವೆ ಎಂದು ನಂಬಲಾಗಿದೆ. ಇದು ರೋಗಗಳನ್ನು ಸಹ ಗುಣಪಡಿಸುತ್ತದೆ. ಜಲಪಾತದ ಈ ವಿಶೇಷ ಗುಣಲಕ್ಷಣವು ಜೀವಶಾಸ್ತ್ರಜ್ಞರಿಗೆ ಕುತೂಹಲಕಾರಿಯಾಗಿದ್ದು, ಆಕರ್ಷಣೆಯ ಸ್ಥಳವಾಗಿದೆ. ಮಳೆಗಾಲದಲ್ಲಿ ಇಲ್ಲಿ ಕೇವಲ ಒಂದೇ ಒಂದು ಕಪ್ ಕಾಫಿ ಕುಡಿಯುವುದು ಕೂಡ ತುಂಬಾ ರೋಮಾಂಚನಕಾರಿಯಾಗಿರುತ್ತದೆ.
ಇರುಪ್ಪು ಜಲಪಾತ
ಈ ಜಲಪಾತವು ಕೊಡಗು ಜಿಲ್ಲೆಯ ದಕ್ಷಿಣ ಭಾಗದಲ್ಲಿದ್ದು, ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನಕ್ಕೆ ಹತ್ತಿರದಲ್ಲಿದೆ. ಮಳೆಗಾಲದಲ್ಲಿ ಈ ಜಲಪಾತವನ್ನು ವೀಕ್ಷಿಸುವುದು ರೋಮಾಂಚನಕಾರಿ ಮತ್ತು ಮರೆಯಲಾಗದ ಅನುಭವವಾಗಿರುತ್ತದೆ.
ಗೋಕಾಕ್ ಜಲಪಾತ
ಬೆಳಗಾವಿ ಜಿಲ್ಲೆಯಲ್ಲಿರುವ ಈ ಜಲಪಾತವು ದಕ್ಷಿಣ ಭಾರತದ ಅತಿದೊಡ್ಡ ಜಲಪಾತಗಳಲ್ಲಿ ಒಂದಾಗಿದೆ. ಜಲಪಾತದ ಎತ್ತರ 54 ಮೀಟರ್. ಇದು ಪಶ್ಚಿಮ ಘಟ್ಟ ಶ್ರೇಣಿಯಲ್ಲಿದೆ.
ಮಾಗೋಡು ಜಲಪಾತ
ಮಾಗೋಡು ಜಲಪಾತವು ಉತ್ತರ ಕನ್ನಡ ಜಿಲ್ಲೆಯಲ್ಲಿದೆ. ಈ ಜಲಪಾತ 650 ಅಡಿ ಎತ್ತರವಿದೆ. ಬೇಡ್ತಿ ನದಿಯಿಂದ ರೂಪುಗೊಂಡ ಇದು ಎರಡು ಸ್ಥಳಗಳಲ್ಲಿ ಒಟ್ಟಿಗೆ ಬೀಳುತ್ತದೆ. ಅದರ ನೋಟವು ಬಹಳ ಸುಂದರವಾಗಿರುತ್ತದೆ.
ಅಬ್ಬೆ ಜಲಪಾತ
ಈ ಸುಂದರ ಜಲಪಾತ ಮಡಿಕೇರಿಯಿಂದ ಸುಮಾರು 5 ಕಿ.ಮೀ ದೂರದಲ್ಲಿದೆ. ಇದು ಕಾಫಿ ತೋಟದ ಒಳಗಿದ್ದು, ಇದರ ನಿಸರ್ಗ ಸೌಂದರ್ಯವನ್ನು ನೋಡಲು ದೂರದೂರುಗಳಿಂದ ಪ್ರವಾಸಿಗರು ಬರುತ್ತಾರೆ. ಮಳೆಗಾಲದಲ್ಲಿ ಈ ಸ್ಥಳದ ಸೌಂದರ್ಯ ಬಹಳ ಸೊಗಸಾಗಿ ಕಾಣುತ್ತದೆ.
ಉಂಚಳ್ಳಿ ಜಲಪಾತ
ಜಲಪಾತವು ಉತ್ತರ ಕನ್ನಡ ಜಿಲ್ಲೆಯಲ್ಲಿದೆ. ಇದು ಟ್ರೆಕ್ಕಿಂಗ್ ಸ್ಥಳವಾಗಿದ್ದು, ಹೆಗ್ಗರ್ಣೆಯಿಂದ ಸುಮಾರು 5 ಕಿ.ಮೀ ದೂರದಲ್ಲಿದೆ. ಬ್ರಿಟಿಷ್ ಅಧಿಕಾರಿಯೊಬ್ಬರು ಮೊದಲು ಅದರ ಸೌಂದರ್ಯವನ್ನು ವಿವರಿಸಿದ್ದರಿಂದ ಇದನ್ನು ಲುಶಿಂಗ್ಟನ್ ಜಲಪಾತ ಎಂದೂ ಕರೆಯುತ್ತಾರೆ.
ಅಪ್ಸರಕೊಂಡ ಜಲಪಾತ
ಅಪ್ಸರಕೊಂಡ ಜಲಪಾತವನ್ನು ಅತ್ಯಂತ ಹಳೆಯ ಜಲಪಾತವೆಂದು ಪರಿಗಣಿಸಲಾಗಿದೆ. ಇದು ಸುಮಾರು 50 ಮೀಟರ್ ಎತ್ತರದಿಂದ ಕೊಳಕ್ಕೆ ಬೀಳುತ್ತದೆ. ಜಲಪಾತವು ಕರ್ನಾಟಕದ ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲೂಕಿನಲ್ಲಿದೆ.
ಬರ್ಕಣ ಜಲಪಾತ
ಬರ್ಕಣ ಜಲಪಾತವು ಅತ್ಯಂತ ಸುಂದರವಾದ ಜಲಪಾತವಾಗಿದೆ. ಈ ಜಲಪಾತದ ಎತ್ತರ 850 ಅಡಿ. ಅದರ ಸುತ್ತಲಿನ ಪ್ರದೇಶವು ತುಂಬಾ ಸುಂದರವಾಗಿದೆ ಮತ್ತು ಮಳೆಗಾಲದಲ್ಲಿ ಅದರ ಸೌಂದರ್ಯ ನೋಡುವುದೇ ಸೊಗಸು. ಮಳೆಗಾಲದಲ್ಲಿ ಈ ಜಲಪಾತವನ್ನು ನೋಡಲು ದೂರದೂರುಗಳಿಂದ ಪ್ರವಾಸಿಗರು ಬರುತ್ತಾರೆ. ಬರ್ಕಣ ರಾಜ್ಯದಲ್ಲಿ ಜಲವಿದ್ಯುತ್ ಶಕ್ತಿಯ ದೊಡ್ಡ ಮೂಲವಾಗಿದೆ. ಇದು ರಾಜ್ಯದ ಉಂಚಳ್ಳಿ ಮತ್ತು ಕುಂಚಿಕಲ್ ಜಲಪಾತದ ಸಮೀಪದಲ್ಲಿದೆ ಮತ್ತು ಇದು ದೇಶದ ಹತ್ತು ಅತಿ ಎತ್ತರದ ಜಲಪಾತಗಳಲ್ಲಿ ಒಂದಾಗಿದೆ.
