ಇಲ್ಲಿ ಒಂದು ರಾತ್ರಿ ಕಳೆಯೋ ಧೈರ್ಯ ನಿಮಗಿದ್ಯಾ?

ಭೂತ, ಪ್ರೇತಗಳು ನಿಜವಾಗಿಯೂ ಇದೆಯೋ, ಇಲ್ಲವೋ ಅನ್ನೋದನ್ನು ಹೇಳಲು ಸಾಧ್ಯವಿಲ್ಲ. ಸ್ವಲ್ಪ ಮಂದಿ ಇದನ್ನು ನಂಬಿದರೆ ಇನ್ನೂ ಕೆಲವರು ನಂಬೋದಿಲ್ಲ. ಆದರೆ ಭೂತ, ಪ್ರೇತಾತ್ಮಗಳಿಗೆ ಸಂಬಂಧಿಸಿದ ಕಥೆಗಳು ಮಾತ್ರ ಇಡೀ ದೇಶಾದ್ಯಂತ ಕೇಳಲು ಸಿಗುತ್ತದೆ. ಒಂದೊಂದು ಸ್ಥಳದಲ್ಲಿ ಒಂದೊಂದು ರೀತಿಯ ಕಥೆಗಳಿವೆ. ಇಂದು ನಾವು ಅಂತಹದ್ದೇ ಕೆಲವು ಪ್ರೇತಭಾದಿತ ಸ್ಥಳಗಳ ಬಗ್ಗೆ ತಿಳಿಸಲಿದ್ದೇವೆ. PC: youtubeರಾಜಸ್ತಾನ್ ನಲ್ಲಿರುವ ಸುಂದರ ಹೋಟೆಲ್ ಇದಾಗಿದೆ. ೧೭೮ ವರ್ಷ ಪುರಾತನ ಈ ಹೋಟೆಲ್ ನಲ್ಲಿ ರಾಜಸ್ತಾನದ ರಾಜಮನೆತನದವರು ವಾಸಿಸುತ್ತಿದ್ದರು. ೧೯೮೦ರಲ್ಲಿ ಇದನ್ನು ಹೋಟೆಲ್ ಆಗಿ ಪರಿವರ್ತಿಸಲಾಯಿತು. ಇಲ್ಲಿ ಮೇಜರ್ ಬರ್ಟನ್ ನ ಭೂತ ಅಡ್ಡಾಡುತ್ತಿದೆ ಎನ್ನುತ್ತಾರೆ. ಇಲ್ಲಿ ಮೇಜರ್ ತನ್ನ ಪರಿವಾರದ ಜೊತೆಗೆ 13 ವರ್ಷ ನೆಲೆಸಿದ್ದರಂತೆ. ಮೇಜರ್ ನ್ನು ಭಾರತೀಯ ಸಿಪಾಯಿ ಹತ್ಯೆಗೆದರು. ಅಂದಿನಿಂದ ಅಲ್ಲಿ ಮೇಜರ್ ನ ಪ್ರೇತಾತ್ಮ ಅಡ್ಡಾಡುತ್ತಿದೆ ಎನ್ನಲಾಗುತ್ತದೆ. ಮುಂಬೈನ ತಾಜ್ ಹೋಟೆಲ್ ನಲ್ಲೂ ಪ್ರೇತಾತ್ಮಗಳು ಅಡ್ಡಾಡುತ್ತವೆ ಎನ್ನೋದನ್ನು ಕೇಳಿದ್ರೆ ನಿಮಗೆ ಶಾಕ್ ಆಗೋದು ಖಂಡಿತ. ಈ ಹೋಟೆಲ್ ನ್ನು ಫ್ರೆಂಚ್ ನ ಆರ್ಕಿಟೆಕ್ಕಟ್ ಡಬ್ಲ್ಯು ಎ ಚೇಂಬರ್ಸ್ ಡಿಸೈನ್ ಮಾಡಿದ್ದು, ಅವರು ಇಂಗ್ಲೆಂಡ್ ಪ್ರವಾಸದಿಂದ ಹಿಂದಿರುಗುಗಿದಾಗ ಅವರಿಗೆ ಈ ಕಟ್ಟಡವನ್ನು ನೋಡಿ ಶಾಕ್ ಆಗಿತ್ತಂತೆ. ಯಾಕೆಂದ್ರೆ ಅವರು ಡಿಸೈನ್ ಮಾಡಿದ ರೀತಿಯಲ್ಲಿ ಈ ಕಟ್ಟಡ ನಿರ್ಮಾಣವಾಗಿರಲಿಲ್ಲ. ಇದರಿಂದ ಜಿಗುಪ್ಸೆಗೊಂಡು ಚೆಂಬರ್ಸ್ ಹೋಟೆಲ್ ನ ಐದನೇ ಮಹಡಿಯಿಂದ ಕೆಳಕ್ಕೆ ಜಿಗಿದು ಆತ್ಮಹತ್ಯೆ ಮಾಡಿಕೊಂಡರು. ಅಂದಿನಿಂದ ಚೆಂಬರ್ಸ್ ಆತ್ಮ ಅಲ್ಲಿ ಓಡಾಡುತ್ತಿದೆ ಎನ್ನಲಾಗುತ್ತದೆ. PC: youtubeಮಸೂರಿಯ ಹೋಟೆಲ್ ಸವಾಯಿಯ ಕೋಣೆಯೊಂದರಲ್ಲಿ ೧೯೧೦ರಲ್ಲಿ ಮಹಿಳೆಯೊಬ್ಬಳು ಸಾವನ್ನಪ್ಪಿದ್ದಳು. ಆಕೆಯನ್ನು ವಿಷಕೊಟ್ಟು ಕೊಲೆ ಮಾಡಲಾಗಿದೆ ಎನ್ನಲಾಗುತ್ತದೆ. ಆಕೆ ಸತ್ತಂದಿನಿಂದ ಆ ಹೋಟೆಲ್ ನಲ್ಲಿ ಆಕೆಯ ಪ್ರೇತಾತ್ಮ ತಿರುಗಾಡುತ್ತಿದೆ ಎನ್ನಲಾಗುತ್ತದೆ. ಆ ನಂತರ ಕೆಲವು ವರ್ಷದ ನಂತರ ಆ ಮಹಿಳೆಗೆ ಚಿಕಿತ್ಸೆ ನೀಡುತ್ತಿದ್ದ ವೈದ್ಯರು ಕೂಡಾ ಅದೇ ಸ್ಥಿತಿಯಲ್ಲಿ ಆ ಹೊಟೇಲ್ ನಲ್ಲಿ ಸಾವನ್ನಪ್ಪಿದ್ದರು. ಆ ಹೋಟೆಲ್ ನಲ್ಲಿ ತಂಗುವವರಿಗೆ ರಾತ್ರಿ ಹೊತ್ತಲ್ಲಿ ಚಿತ್ರ ವಿಚಿತ್ರ ಸದ್ದು, ಘಟನೆಗಳ ಅನುಭವವಾಗಿದೆ. ಈ ಹೋಟೆಲ್ ತನ್ನ ಸುಂದರ ವಾಸ್ತುಶಿಲ್ಪವನ್ನು ಹೊರತುಪಡಿಸಿ ಭಯಾನಕ ತಾಣಕ್ಕೂ ಹೆಸರುವಾಸಿಯಾಗಿದೆ. ಇಲ್ಲಿ ಪ್ರೇತಾತ್ಮಗಳ ಕಾಟವಿದೆ ಎಂದು ತಿಳಿದಿದ್ದು ರಾಜ್ ಶೂಟಿಂಗ್ ಸಂದರ್ಭದಲ್ಲಿ. ಇಲ್ಲಿ ಮಧ್ಯರಾತ್ರಿಯಲ್ಲಿ ಫರ್ನಿಚರ್ ಎಳೆಯುವ ಸದ್ದಾಗುತ್ತದೆ. ಹಾಗಾಗಿ ಸ್ವಲ್ಪ ಸಮಯದ ವರೆಗೆ ಈ ಹೋಟೆಲ್ ನ್ನು ಮುಚ್ಚಲಾಗಿತ್ತು.