ಪುಲಿಕಾಟ್ ಸರೋವರ- ಒಂದು ಐತಿಹಾಸಿಕ ಬೀಚ್

ಪುಲಿಕಾಟ್ ಸರೋವರ

ಈ ಸರೋವರವು ಹಲವಾರು ಸಮುದ್ರದಲ್ಲಿನ ಜೀವಿಗಳಿಗೆ ಆಸರೆ ತಾಣವಾಗಿದೆ. ಇಲ್ಲಿ ಜಲಚರಗಳು, ಸಸ್ಯಗಳು, ಪ್ರಾಣಿಗಳು ಎಂದು ಮೂರು ಸ್ವಾಬಾವಿಕ ನೆಲೆಯನ್ನು ವಿಂಗಡಿಸಬಹುದು. ಸರೋವರದ ಸುತ್ತಮುತ್ತಲಿನ ಹಲವಾರು ಹಳ್ಳಿಗಳಿಗೆ ಮೀನುಗಾರಿಕೆ ಒಂದು ಪ್ರಮುಖವಾದ ಕಸುಬಾಗಿದೆ. ಈ ಪುಲಿಕಾಟ್ ಸರೋವರವು ಮೀನುಗಾರಿಕೆಗೆ ಸಮೃದ್ಧವಾಗಿದೆ. ಇಲ್ಲಿ ಹಲವಾರು ಜಾತಿಯ ಮೀನುಗಳನ್ನು ಕಾಣಬಹುದಾಗಿದೆ.

PC:Santhosh Janardhanan

ಪುಲಿಕಾಟ್ ಸರೋವರ

ಸರೋವರದ ಮೂರನೇ 2 ಭಾಗದಷ್ಟು ನೆಲೆಯು ತಮಿಳುನಾಡಿನಲ್ಲಿದ್ದರೆ, ಉಳಿದ ಭಾಗವು ಆಂಧ್ರ ಪ್ರದೇಶದಲ್ಲಿ ನೆಲೆಯೂರಿದೆ. ಈ ಪುಲಿಕಾಟ್ ಸರೋವರದಲ್ಲಿ ಸುಮಾರು 12,370 ರಷ್ಟು ಮೀನುಗಾರರು ಸರೋವರದ ಮೀನುಗಾರಿಕೆಯ ಮೇಲೆ ಅವಲಂಬಿಸಿದ್ದಾರೆ. ಅಂದರೆ (ಆಂಧ್ರ ಪ್ರದೇಶದಲ್ಲಿ 6000 ಹಾಗೂ ತಮಿಳು ನಾಡಿನಲ್ಲಿ 6,370 ಮಂದಿ).

PC:Maksim

ಪಕ್ಷಿ ಸಂಕುಲ

ನಿತ್ಯ ನೀರಿನಿಂದ ಹರಿಯುತ್ತಿರುವ ಈ ಸರೋವರದಲ್ಲಿ ಹಲವಾರು ಪಕ್ಷಿಗಳನ್ನು ಕಾಣಬಹುದಾಗಿದೆ. ಅಧಿಕವಾಗಿ ಆಳವಿಲ್ಲದ ಈ ಸರೋವರದ ನೀರಿನಲ್ಲಿ ಪಕ್ಷಿಗಳು ವಾಸಿಸುತ್ತಿರುತ್ತದೆ. ಇಲ್ಲಿ ವಲಸೆಗೆ ಬರುವ ಪಕ್ಷಿಗಳಿಗೂ ಕೂಡ ಒಂದು ಆಶ್ರಯ ತಾಣವಾಗಿದೆ. ಇಲ್ಲಿ ಹೆಚ್ಚಾಗಿ ವಸಂತ ಹಾಗೂ ಶರತ್ಕಾಲದಲ್ಲಿ ಪಕ್ಷಿಗಳ ವಲಸೆ ಹೆಚ್ಚಾಗಿರುತ್ತದೆ. ಇಲ್ಲಿ ಹೆಚ್ಚಾಗಿ ಪಕ್ಷಿಗಳು ಬರುವುದರಿಂದ 2 ಪಕ್ಷಿಧಾಮಗಳನ್ನು ಸ್ಥಾಪಿಸಲಾಗಿದೆ. ತಲಾ ಆಂಧ್ರ ಪ್ರದೇಶದಲ್ಲಿ ಒಂದು ತಮಿಳು ನಾಡಿನಲ್ಲಿ ಒಂದು.

PC:McKay Savage

ಸಸ್ಯವರ್ಗಗಳು

ನೀರಿನಲ್ಲಿ ಸುಮಾರು 59 ಬಗೆಯ ಸಸ್ಯವರ್ಗಗಳು ಈ ಪುಲಿಕಾಟ್ ಸರೋವರದಲ್ಲಿ ಬೆಳೆಯುತ್ತವೆ. ಇಲ್ಲಿನ ಮನೋಹರವಾದ ದೃಶ್ಯವನ್ನು ಸವಿಯಲು ಹಲವಾರು ಪ್ರವಾಸಿಗರು ಭೇಟಿ ನೀಡುತ್ತಿರುತ್ತಾರೆ. ಇಲ್ಲಿನ ಪ್ರಾಕೃತಿಕ ದೃಶ್ಯವು ಹಳ್ಳಿಯಲ್ಲಿನ ಸೌಂದರ್ಯ ನೆನಪಿಸುವಂತೆ ಮಾಡುತ್ತದೆ.

McKay Savage

ಕಟ್ಟಡಗಳು

ಈ ಪುಲಿಕಾಟ್ ಸರೋವರದಲ್ಲಿ ಡಚ್ ಚರ್ಚ್, ಡಚ್ ಸಮಾಧಿಗಳು, ಲೈಟ್ ಹೌಸ್, ದೇವಾಲಯಗಳು, ದೊಡ್ಡ ದೊಡ್ಡ ಮಸೀದಿಗಳು ಸೇರಿದಂತೆ ಹಲವಾರು ಪ್ರವಾಸಿ ಆಕರ್ಷಣೆಗಳಿವೆ. ಈ ಚರ್ಚ್‍ಗಳ ಹಾಗೂ ಪ್ರಾಚೀನ ಕಟ್ಟಡಗಳೆಲ್ಲವೂ ಕೂಡ ಡಚ್ ಶೈಲಿಯ ವಾಸ್ತು ಶಿಲ್ಪದಿಂದ ಕೂಡಿದೆ.

PC:McKay Savage

ತಲುಪುವ ಮಾರ್ಗ?

ಈ ಸುಂದರವಾದ ಸರೋವರಕ್ಕೆ ಒಮ್ಮೆ ಭೇಟಿ ನೀಡಬೇಕಾದರೆ ಸಮೀಪದ ವಿಮಾನ ನಿಲ್ದಾಣವೆಂದರೆ ಅದು ಚೆನ್ನೈ ವಿಮಾನ ನಿಲ್ದಾಣವಾಗಿದೆ. ಚೆನ್ನೈನಿಂದ ರಾಷ್ಟ್ರೀಯ ಹೆದ್ಧಾರಿಯಲ್ಲಿ ಪುಲಿಕಾಟ್ ಅನ್ನು ತಲುಪಬಹುದು. ಈ ಸರೋವರಕ್ಕೆ ವರ್ಷದಲ್ಲಿ ಯಾವಾಗಲಾದರೂ ಭೇಟಿ ನೀಡಬಹುದಾಗಿದೆ.