Click it and Unblock the Notifications
ನೀವು ಮಳೆಗಾಲದಲ್ಲಿ ಪ್ರವಾಸಕ್ಕೆ ಹೋಗಬೇಕೆಂದು ಬಯಸುತ್ತೀರಿ. ಆದರೆ ಯಾವ ಸ್ಥಳಕ್ಕೆ ಹೋಗಬೇಕು ಎಂಬ ಬಗ್ಗೆ ಗೊಂದಲವಿದ್ದರೆ, ಯಾವುದೇ ಅನುಮಾನವಿಲ್ಲದೆ ನಮ್ಮ ಕರ್ನಾಟಕ ರಾಜ್ಯದಲ್ಲಿಯೇ ಪ್ರವಾಸ ಮಾಡಬಹುದು. ಮಳೆಗಾಲದಲ್ಲಿ ಮೋಜು ಮಸ್ತಿ ಮಾಡಲು ಇಲ್ಲಿ ಸಂಪೂರ್ಣ ಅವಕಾಶವಿದೆ. ಇಲ್ಲಿನ ಸ್ಥಳಗಳು ಮತ್ತು ಪ್ರವಾಸಿ ತಾಣಗಳು ನಿಮಗೆ ಪ್ರಕೃತಿಯ ವರ್ಣರಂಜಿತ ನೋಟಗಳನ್ನು ಪರಿಚಯಿಸುತ್ತವೆ. ಮಳೆಗಾಲದಲ್ಲಿ ಕರ್ನಾಟಕದ ಸೌಂದರ್ಯವು ತೊಳೆದ ಹೂವಿನಂತೆ ಹಿತಕರವಾಗಿರುತ್ತದೆ ಎಂದು ಪ್ರವಾಸಿ ಪ್ರೇಮಿಗಳು ಹೇಳುತ್ತಾರೆ.
ಜುಲೈನಿಂದ ಸೆಪ್ಟೆಂಬರ್ ವರೆಗಿನ ಸಮಯವು ಕರ್ನಾಟಕಕ್ಕೆ ಭೇಟಿ ನೀಡಲು ಉತ್ತಮ ಸಮಯವಾಗಿದೆ. ಈ ಸಮಯದಲ್ಲಿ ಇಲ್ಲಿ ತಾಪಮಾನವು ಸುಮಾರು 27 ಮತ್ತು 28 ಡಿಗ್ರಿ ಇರುತ್ತದೆ.
ಎಲ್ಲಿಗೆ ಭೇಟಿ ನೀಡಬಹುದು?
ಬೆಂಗಳೂರಿನ ಅರಮನೆ, ಮೈಸೂರಿನ ಅರಮನೆ ಇತ್ಯಾದಿಗಳ ಜೊತೆಗೆ, ನೀವು ಕರ್ನಾಟಕದಲ್ಲಿ ಮೈದುಂಬಿ ಹರಿಯುವ ಜಲಪಾತಗಳು, ಬೆಟ್ಟಗಳು ಮತ್ತು ಲೇಕ್ಗಳನ್ನು ನೋಡಬಹುದು. ಹಾಗೆಯೇ ಮೈಸೂರು, ಬೆಂಗಳೂರು ಮತ್ತು ಹಂಪಿಯನ್ನು ನಿಮ್ಮ ಆದ್ಯತೆಯ ಪಟ್ಟಿಯಲ್ಲಿ ಇರಿಸಬಹುದು.
ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಇದು ಒಂದು
ಹಂಪಿಯು ಕರ್ನಾಟಕದ ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಒಂದಾಗಿದೆ. ಮಳೆಗಾಲದ ಪ್ರಾರಂಭದೊಂದಿಗೆ ಅದರ ಸೌಂದರ್ಯವು ಹೆಚ್ಚಾಗುತ್ತದೆ, ಏಕೆಂದರೆ ಇಲ್ಲಿನ ಒಣ ಪ್ರದೇಶಗಳು ಹಸಿರು ಹುಲ್ಲುಗಾವಲುಗಳಾಗಿ ಮಾರ್ಪಡುತ್ತವೆ ಮತ್ತು ಹಂಪಿಯ ಸುತ್ತುವರೆದಿರುವ ಅನೇಕ ದೇವಾಲಯಗಳು ಮಳೆಯಲ್ಲಿ ನೆನೆದಾಗ ಹೆಚ್ಚು ಸುಂದರವಾಗಿ ಕಾಣುತ್ತವೆ. ಐತಿಹಾಸಿಕ ಹಂಪಿ ದೇವಾಲಯವು ಪ್ರಪಂಚದಾದ್ಯಂತ ಜನಪ್ರಿಯವಾಗಿದ್ದು, ಪ್ರವಾಸಿಗರ ಆಕರ್ಷಣೆಯ ಕೇಂದ್ರವಾಗಿದೆ. ಹಂಪಿಯ ಪ್ರಾಕೃತಿಕ ಸೌಂದರ್ಯ, ಪುರಾತನ ಮತ್ತು ಭವ್ಯವಾದ ಸ್ಥಳಗಳನ್ನು ನೋಡುವುದೇ ಚೆನ್ನ.
ಪ್ರಕೃತಿ ಪ್ರಿಯರಿಗಾಗಿಯೇ ಇವೆ ಈ ತಾಣಗಳು
ಮಳೆಗಾಲದಲ್ಲಿ ಕರ್ನಾಟಕದ ಕೂರ್ಗ್ಗೆ ಹೋಗಲು ಯೋಜಿಸಬಹುದು. ಇಲ್ಲಿ ನೀವು ಎಲ್ಲೆಡೆ ಹಸಿರಿನ ಜೊತೆಗೆ ಪ್ರಕೃತಿಯ ಸುಂದರ ನೋಟ ಕಣ್ತುಂಬಿಕೊಳ್ಳಬಹುದು. ಅಷ್ಟೇ ಅಲ್ಲ, ನೀವು ಚಹಾ ಮತ್ತು ಕಾಫಿ ತೋಟಗಳು, ಜಲಪಾತಗಳು ಮತ್ತು ಸುಂದರವಾದ ಕಣಿವೆಗಳಲ್ಲಿ ಖಂಡಿತವಾಗಿ ಸಮಯವನ್ನು ಕಳೆಯಲು ಇಷ್ಟಪಡುತ್ತೀರಿ. ನೀವೇ ವಾಹನ ಚಲಾಯಿಸಿಕೊಂಡು ಪ್ರಕೃತಿಯ ನೋಟವನ್ನು ಆನಂದಿಸಲು ಬಯಸಿದರೆ ನಂದಿ ಬೆಟ್ಟಕ್ಕೆ ತೆರಳಬಹುದು. ಬೆಟ್ಟದ ಸುಂದರ ದೃಶ್ಯಗಳು ಮತ್ತು ಕಣ್ಣಿಗೆ ಆಹ್ಲಾದಕರವಾದ ಸೂರ್ಯೋದಯ ಮತ್ತು ಸೂರ್ಯಾಸ್ತವನ್ನು ನೋಡುವಾಗ ನೀವು ಮತ್ತೆ ಮತ್ತೆ ಇಲ್ಲಿಗೆ ಬರಲು ಬಯಸುತ್ತೀರಿ.
ಪಶ್ಚಿಮ ಘಟ್ಟಗಳ ತಪ್ಪಲಿನಲ್ಲಿರುವ ಸಕಲೇಶಪುರ
ಸಕಲೇಶಪುರವು ಮಲೆನಾಡಿನ ಪಶ್ಚಿಮ ಘಟ್ಟಗಳ ತಪ್ಪಲಿನಲ್ಲಿರುವ ಸ್ಥಳವಾಗಿದೆ. ಈ ನಗರವು ಎಲ್ಲರನ್ನೂ ಮಂತ್ರಮುಗ್ಧಗೊಳಿಸುತ್ತದೆ. ಇಲ್ಲಿ ನೀವು ಚಹಾ, ಕಾಫಿ, ಏಲಕ್ಕಿ ಮತ್ತು ಕರಿಮೆಣಸು ತೋಟಗಳಿಂದ ತುಂಬಿರುವ ಹಚ್ಚ ಹಸಿರಿನ ಬೆಟ್ಟಗಳ ಮೂಲಕ ಹಾದುಹೋಗುವ ಟ್ರೆಕ್ಕಿಂಗ್ ಹೋಗಬಹುದು. ಇದೊಂದು ಅದ್ಭುತ ಅನುಭವ. ಈ ನಗರದಲ್ಲಿ ನೀವು ಅನೇಕ ಜಲಪಾತಗಳು, ಹಳೆಯ ಕೋಟೆಗಳು, ಭವ್ಯವಾದ ದೇವಾಲಯಗಳು ಮತ್ತು ಅತ್ಯಂತ ಸುಂದರವಾದ ಬೆಟ್ಟಗಳನ್ನು ಹೊಂದಿರುವ ಹಾಟ್ಸ್ಪಾಟ್ಗಳನ್ನು ಸಹ ನೋಡಬಹುದು.
ಬೇಲೂರು ಮತ್ತು ಶ್ರೀರಂಗಪಟ್ಟಣ
ಬೇಲೂರು ಕರ್ನಾಟಕದ ಅತ್ಯಂತ ಪ್ರಸಿದ್ಧ ಪ್ರವಾಸಿ ಸ್ಥಳಗಳಲ್ಲಿ ಒಂದಾಗಿದೆ. ಬೇಲೂರಿನಲ್ಲಿ ಅನೇಕ ಧಾರ್ಮಿಕ ಸ್ಥಳಗಳಿವೆ, ಅವು ಸುಂದರವಾದ ಬೆಟ್ಟಗಳು ಮತ್ತು ಬಯಲು ಪ್ರದೇಶದಲ್ಲಿವೆ. ಶ್ರೀರಂಗಪಟ್ಟಣವು ಕರ್ನಾಟಕದ ಐತಿಹಾಸಿಕ ಕಟ್ಟಡಗಳು ಮತ್ತು ಇತಿಹಾಸವನ್ನು ನಿಮಗೆ ಪರಿಚಯಿಸುವ ನಗರವಾಗಿದೆ. ಇಲ್ಲಿ ನೀವು ಟಿಪ್ಪು ಸುಲ್ತಾನ್ ಕಾಲದ ಕಟ್ಟಡಗಳು ಮತ್ತು ವಾಸ್ತುಶಿಲ್ಪವನ್ನು ನೋಡಬಹುದು.
ಮಿನಿ ಗೋವಾ ಗೋಕರ್ಣ
ಒಂದು ಕಡೆ ಕಲ್ಲಿನ ಪರ್ವತಗಳು, ಇನ್ನೊಂದು ಬದಿಯಲ್ಲಿ ಅರಬ್ಬಿ ಸಮುದ್ರ... ಗೋಕರ್ಣದ ಈ ಸುಂದರ ದೃಶ್ಯಗಳು ನಿಮ್ಮನ್ನು ಸ್ವರ್ಗಕ್ಕೆ ಪ್ರವಾಸಕ್ಕೆ ಕರೆದೊಯ್ದ ಹಾಗೆ ಭಾಸವಾಗುತ್ತದೆ. ಅಂದಹಾಗೆ, ಇದನ್ನು ಮಿನಿ ಗೋವಾ ಎಂದೂ ಕರೆಯುತ್ತಾರೆ. ನೀವು ಮಳೆಗಾಲದಲ್ಲೂ ಇಲ್ಲಿಗೆ ಬರಬಹುದು.
ಯೋಜಿಸಿ ನಂತರ ತೆರಳಿ
ಅಂದಹಾಗೆ ಮಳೆಗಾಲದಲ್ಲಿ ನೀವು ಯಾವುದೇ ಸ್ಥಳ ಅಥವಾ ಜಲಪಾತವನ್ನು ನೋಡಲು ಬಯಸಿದರೆ, ದಯವಿಟ್ಟು ಎಚ್ಚರಿಕೆಯಿಂದ ಯೋಚಿಸಿದ ನಂತರವೇ ಅಲ್ಲಿಗೆ ಹೋಗಲು ಯೋಜಿಸಿ. ಏಕೆಂದರೆ ಕೆಲವೊಮ್ಮೆ ಮಳೆಯ ಸಮಯದಲ್ಲಿ ಅನೇಕ ದೊಡ್ಡ ಜಲಪಾತಗಳು, ಪ್ರವಾಸಿ ತಾಣಗಳು ಕ್ಲೋಸ್ ಆಗುತ್ತವೆ. ಅದರ ಬಗ್ಗೆ ಮಾಹಿತಿ ಸಹ ಲಭ್ಯವಿರುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಅಲ್ಲಿಯ ತನಕ ಹೋಗಿ ವಾಪಾಸ್ ಬರುವುದು ನಿಷ್ಪ್ರಯೋಜಕವಾಗಿದೆ.
