ಈ ಸ್ಥಳಗಳು ಭಾರತದ ಅಗ್ರಮಾನ್ಯ ಎಮ್ಐಸಿಇ ತಾಣಗಳ ಪಟ್ಟಿಯಲ್ಲಿ ಸೇರಿವೆ.

ದೆಹಲಿ

ಭಾರತದ ರಜಧಾನಿಯಾಗಿರುವ ದೆಹಲಿಯು ವಾಣಿಜ್ಯ ಮತ್ತು ರಾಜಕೀಯ ಕೇಂದ್ರವಾಗಿ ಶತಮಾನಗಳಿಂದಲೂ ಪ್ರಚಲಿತದಲ್ಲಿದೆ. ಇಲ್ಲಿಯ ಅತ್ಯುತ್ತಮ ಮೂಲಸೌಕರ್ಯಗಳು, ಐತಿಹಾಸಿಕ ಹೆಗ್ಗುರುತುಗಳು ಮತ್ತು ಪ್ರಮುಖ ಸಗಟು ವ್ಯಾಪಾರ ಕೇಂದ್ರಗಳಿಗೆ ಪ್ರವೇಶಾರ್ಹತೆ, ಇತ್ಯಾದಿಗಳನ್ನು ಹೊಂದಿರುವ ರಾಜಧಾನಿ ದೆಹಲಿಯು ಜನಪ್ರಿಯ ಎಂಐಸಿಇ ತಾಣವಾಗಿ ಮುಂದುವರಿದಿದೆ. ಹ್ಯಾಬಿಟೇಟ್ ವರ್ಲ್ಡ್ ಕನ್ವೆನ್ಷನ್ ಸೆಂಟರ್, ವಿಜ್ಞಾನ್ ಭವನ್, ಇತ್ಯಾದಿಗಳು ಕಾರ್ಪೊರೇಟ್ ಸಭೆಗಳಿಗೆ ಕೆಲವು ಪ್ರಸಿದ್ಧ ಸ್ಥಳಗಳಾಗಿವೆ.

ಮುಂಬೈ, ಮಹಾರಾಷ್ಟ್ರ

ಇದು ಭಾರತದ ವ್ಯಾಪಾರ ಕೇಂದ್ರವಾಗಿರುವ ಹಲವಾರು ಇತರ ಭಾರತೀಯ ನಗರಗಳಿಗೆ ಅದರ ಕೇಂದ್ರ ಸ್ಥಾನ ಮತ್ತು ಸಾಮೀಪ್ಯದಿಂದಾಗಿ ಎಂಐಸಿ ಇ ಚಟುವಟಿಕೆಗಳಿಗೆ ಒಂದು ಪ್ರಮುಖ ಸ್ಥಳವಾಗಿದೆ. ದೇಶದ ಆರ್ಥಿಕ ರಾಜಧಾನಿಯಾಗಿ ಮುಂಬೈ ತನ್ನ ಸ್ಥಾನಮಾನದಿಂದಾಗಿ ದೇಶೀಯ ಮತ್ತು ಅಂತರರಾಷ್ಟ್ರೀಯ ಸಭೆಗಳು ಮತ್ತು ಸಮಾವೇಶಗಳು ಇವೆರಡನ್ನೂ ತನ್ನಲ್ಲಿ ನಡೆಸುವಂತೆ ಸೆಳೆಯುತ್ತದೆ.

ಇದು ಅತ್ಯುತ್ತಮ ಮೂಲಸೌಕರ್ಯ ಮತ್ತು ಲಭ್ಯವಿರುವ ಮಾನವ ಸಂಪನ್ಮೂಲಗಳನ್ನು ಹೊಂದಿರುವ ನಗರವಾಗಿದೆ. ಮೈಸ್ ಪ್ರವಾಸಿಗರ ಬದಲಾಗುತ್ತಿರುವ ಅಗತ್ಯಗಳನ್ನು ಪೂರೈಸುವ ಸಲುವಾಗಿ, ನಗರವು ನಿರಂತರವಾಗಿ ಹೊಸ ಅನುಭವಗಳನ್ನು ಅಭಿವೃದ್ಧಿಪಡಿಸುತ್ತಿದೆ ಮತ್ತು ಈಗಾಗಲೇ ಅಸ್ತಿತ್ವದಲ್ಲಿರುವವುಗಳನ್ನು ಇನ್ನೂ ಉತ್ತಮ ಮಟ್ಟದಲ್ಲಿ ಸುಧಾರಿಸುತ್ತಿದೆ.

ಬೆಂಗಳೂರು, ಕರ್ನಾಟಕ

ದೆಹಲಿ ಮತ್ತು ಮುಂಬೈ ಇವೆರಡು ವ್ಯಾಪಾರಿ ಪ್ರವಾಸಿಗರನ್ನು ಸೆಳೆಯುವಂತಹ ತಾಣವಾಗಿದ್ದರೆ ಬೆಂಗಳೂರು ಹಲವಾರು ಅಂತರಾಷ್ಟ್ರೀಯ ಕಂಪನಿಗಳನ್ನು ತನ್ನಲ್ಲಿ ಹೊಂದಿರುವುದಕ್ಕೆ ಮತ್ತು ಹೆಚ್ಚಿನ ಸಂಖ್ಯೆಯಲ್ಲಿ ಅಂತರಾಷ್ಟ್ರೀಯ ಕಂಪನಿಗಳ ಕಾರ್ಯಕ್ರಮಗಳನ್ನು ನಡೆಸುವುದಕ್ಕೆ ಜನಪ್ರಿಯವಾದುದಾಗಿದೆ.

ಈ ನಗರವು ಅತ್ಯಂತ ಹೆಚ್ಚಿನ ಸಂಖ್ಯೆಯಲ್ಲಿ ಅತ್ಯುತ್ತಮ ಹೋಟೇಲುಗಳು ಮತ್ತು ಕಾನ್ಫರೆನ್ಸ್ ಕೊಠಡಿಗಳನ್ನು ಹೊಂದಿದ್ದು, ಇವು ಅಧಿಕ ಸಂಖ್ಯೆಯ ಸಮೂಹವನ್ನು ಆಕರ್ಷಿಸುತ್ತದೆ. ಕಂಪನಿಗಳಿಗೆ ವ್ಯವಹಾರ ನಡೆಸಲು ಉತ್ತಮ ಸ್ಥಳವಾಗಿರುವುದರ ಜೊತೆಗೆ, ಬೆಂಗಳೂರು ಮ್ಯೂಸಿಯಂಗಳು, ಕಲಾ ಗ್ಯಾಲರಿಗಳು ಮತ್ತು ರಂಗಮಂದಿರಗಳು ಮತ್ತು ಶಾಪಿಂಗ್ ಅವಕಾಶಗಳಂತಹ ಅನೇಕ ಸಾಂಸ್ಕೃತಿಕ ಚಟುವಟಿಕೆಗಳನ್ನು ಸಹ ಒದಗಿಸುತ್ತದೆ.

ಹೈದರಾಬಾದ್, ತೆಲಂಗಾಣ

ತೆಲಂಗಾಣ ರಾಜ್ಯದ ರಾಜಧಾನಿ ಮತ್ತು ಭಾರತದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ನಗರಗಳಲ್ಲಿ ಒಂದಾದ ಹೈದರಾಬಾದ್ ವ್ಯಾಪಾರ ಸಭೆಗಳು, ಸಮ್ಮೇಳನಗಳು ಮತ್ತು ಕಾರ್ಯಕ್ರಮಗಳಿಗೆ ಹೋಗಲು ಒಂದು ಸ್ಥಳವಾಗಿದೆ. ಇದು ಭಾರತದ ಅತಿದೊಡ್ಡ ತಂತ್ರಜ್ಞಾನ ಕಂಪನಿಗಳ ಹೆಚ್ಚಿನ ಸಂಖ್ಯೆಗೆ ನೆಲೆಯಾಗಿದೆ.

ಎಂಐ ಸಿ ಇ ಪ್ರಯಾಣದ ಉನ್ನತ ಭಾರತೀಯ ಮಹಾನಗರಗಳಲ್ಲಿ ಹೈದರಾಬಾದ್ ಒಂದಾಗಿದೆ. ಐತಿಹಾಸಿಕ ಹೆಗ್ಗುರುತುಗಳಿಂದ ಸಮೃದ್ಧವಾಗಿರುವ ಹೈದರಾಬಾದ್ ನಗರವು ಹೈದರಾಬಾದ್ ಇಂಟರ್ನ್ಯಾಷನಲ್ ಕನ್ವೆನ್ಷನ್ ಸೆಂಟರ್ (ಎಚ್ಐಸಿಸಿ) ನಂತಹ ಹಲವಾರು ಅತ್ಯಾಧುನಿಕ ಕಾರ್ಪೊರೇಟ್ ಸ್ಥಳಗಳನ್ನು ಅಭಿವೃದ್ಧಿಪಡಿಸಿದೆ.

ಚೆನ್ನೈ , ತಮಿಳುನಾಡು

ಚೆನ್ನೈ ಭಾರತದ ದಕ್ಷಿಣ ಕರಾವಳಿಯಲ್ಲಿ ನೆಲೆಸಿರುವ ಅತ್ಯಂತ ಜನದಟ್ಟಣೆಯಿಂದ ಕೂಡಿರುವಂತಹ ನಗರವಾಗಿದ್ದು ಇದು ತನ್ನಲ್ಲಿಯ ವೈವಿಧ್ಯಮಯ ಸಂಸ್ಕೃತಿ, ಶ್ರೀಮಂತ ಇತಿಹಾಸ ಮತ್ತು ಸುಂದರ ಬೀಚ್ ಗಳಿಗೆ ಹೆಸರುವಾಸಿಯಾಗಿದೆ. ಈ ನಗರವು ಕೈಗಾರಿಕಾ ಪ್ರವಾಸೋದ್ಯಮವನ್ನೂ ಸಹ ಪ್ರೋತ್ಸಾಹಿಸುತ್ತದೆ ಆದುದರಿಂದ ಇದು ಭಾರತದ ಎಂಐಸಿಇ ತಾಣಗಳಲ್ಲಿ ಒಂದಾಗಿದೆ.

ಉನ್ನತ ಮಟ್ಟದ ವ್ಯಾಪಾರ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಚೆನ್ನೈ ಕನ್ವೆನ್ಷನ್ ಸೆಂಟರ್ (ಸಿಸಿಸಿ) ಅನ್ನು ತಮಿಳುನಾಡು ಸರ್ಕಾರವು ಸ್ಥಾಪಿಸಿತು. ಸಿಸಿಸಿ ಹವಾನಿಯಂತ್ರಿತ ಔತಣಕೂಟ ಕೊಠಡಿಯನ್ನು ಹೊಂದಿದ್ದು, ಇದು ಏಕಕಾಲದಲ್ಲಿ ಸುಮಾರು 2000 ಪ್ರತಿನಿಧಿಗಳಿಗೆ ಸ್ಥಳಾವಕಾಶ ನೀಡುತ್ತದೆ, ಇದು ದೊಡ್ಡ ಪ್ರಮಾಣದ ಸಭೆಗಳಿಗೆ ಸೂಕ್ತವಾಗಿದೆ.