Search
  • Follow NativePlanet
Share
» »ಟ್ರೆಕ್ಕಿಂಗ್ ಪ್ರಿಯರು ಖೀರ್‌ ಗಂಗಾ ಟ್ರೆಕ್ಕಿಂಗ್ ಅನುಭವ ಪಡೆಯಲೇ ಬೇಕು

ಟ್ರೆಕ್ಕಿಂಗ್ ಪ್ರಿಯರು ಖೀರ್‌ ಗಂಗಾ ಟ್ರೆಕ್ಕಿಂಗ್ ಅನುಭವ ಪಡೆಯಲೇ ಬೇಕು

ಟ್ರಕ್ಕಿಂಗ್ ಹೋಗಲು ಹಿಮಾಚಲ ಪ್ರದೇಶ ಸೂಕ್ತವಾದ ತಾಣವಾಗಿದೆ. ಇಲ್ಲಿನ ಟ್ರಕ್ಕಿಂಗ್‌ನ ಅನುಭವವೇ ಬೇರೆ. ಹಿಮಾಚಲ ಪ್ರದೇಶದಲ್ಲಿರುವ ನಾನಾ ಟ್ರಕ್ಕಿಂಗ್ ತಾಣಗಳಲ್ಲಿ ಖೀರ್‌ ಗಂಗಾ ಕೂಡಾ ಒಂದು. ಖೀರ್‌ ಗಂಗಾವು ಚಾರಣ ಕೈಗೊಳ್ಳಬೇಕಾದ ಒಂದು ಅದ್ಭುತ ತಾಣವಾಗಿದೆ. ಖೀರ್‌ ಗಂಗಾದ ವಿಶೇಷತೆಯನ್ನು ತಿಳಿಯೋಣ.

ಎಲ್ಲಿದೆ ಖೀರ್‌ ಗಂಗಾ

ಎಲ್ಲಿದೆ ಖೀರ್‌ ಗಂಗಾ

PC: Zoeacs

ಕುಲ್ಲುವಿನಿಂದ 64 ಕಿ.ಮೀ ದೂರದಲ್ಲಿರುವ ಭುಂತರ್‌ನಿಂದ 56 ಕಿ.ಮೀ, ಮನಿಕರನ್ ನಿಂದ 22 ಕಿ.ಮೀ ಮತ್ತು ಮನಾಲಿಯಿಂದ 102 ಕಿ.ಮೀ. ದೂರದಲ್ಲಿ ಖೀರ್ ಗಂಗಾ ಪಾರ್ವತಿ ಕಣಿವೆಯಲ್ಲಿ 3050 ಮೀಟರ್ ಎತ್ತರದಲ್ಲಿದೆ. ಇದು 11 ಕಿಮೀ ಟ್ರೆಕ್ ಮೂಲಕ ಬರ್ಶೆನಿಯಿಂದ ತಲುಪಬೇಕು. ಸಾಮಾನ್ಯವಾಗಿ ಕುಲ್ಲು / ಬರ್ಶೆನಿ ಯಿಂದ 2 ದಿನಗಳ ಚಾರಣದ ಮೂಲಕ ತಲುಪಬೇಕು. ಹಿಮಾಚಲ ಪ್ರದೇಶದ ಖೀರ್ ಗಂಗಾ ಅತ್ಯುತ್ತಮ ಚಾರಣ ತಾಣವಾಗಿದೆ.

ಕಾರ್ತಿಕೇಯ ಧ್ಯಾನ ಮಾಡಿದ ತಾಣ

ಕಾರ್ತಿಕೇಯ ಧ್ಯಾನ ಮಾಡಿದ ತಾಣ

PC:Jan J George

ಖೀರ್ ಗಂಗಾ ಒಂದು ಬಿಸಿ ನೀರಿನ ಬುಗ್ಗೆಯೊಂದಿಗೆ ಪವಿತ್ರ ಸ್ಥಳವಾಗಿದೆ. ಇಲ್ಲಿ ಶಿವ ಮತ್ತು ಪಾರ್ವತಿಗೆ ಅರ್ಪಿತವಾದ ದೇವಾಲಯವಿದೆ. ದಂತಕಥೆಯ ಪ್ರಕಾರ, ಶಿವ ಮತ್ತು ಪಾರ್ವತಿಯ ಕಿರಿಯ ಪುತ್ರ ಕಾರ್ತಿಕೇಯ ಖಿರ್ ಗಂಗಾದಲ್ಲಿ ಸಾವಿರ ವರ್ಷಗಳ ಕಾಲ ಧ್ಯಾನ ಮಾಡಿದ್ದರು, ಹಾಗಾಗಿ ಇದು ಹಿಂದೂಗಳಿಗೆ ಪ್ರಮುಖ ಧಾರ್ಮಿಕ ಸ್ಥಳವಾಗಿದೆ.

ಖೀರ್ ಗಂಗಾ ಹೆಸರು ಬಂದಿದ್ದು

ಖೀರ್ ಗಂಗಾ ಹೆಸರು ಬಂದಿದ್ದು

PC:Zoeacs

ಪಾರ್ವತಿ ಕಣಿವೆಯಲ್ಲಿ ಹಾದು ಹೋಗುವ ಪಾರ್ವತಿ ನದಿಯ ನೀರಿನಿಂದಾಗಿ ಖೀರ್ ಗಂಗಾ ಹೆಸರು ಬಂದಿತು. ಈ ಕಣಿವೆ ನೀರಿನ ಸಂಪನ್ಮೂಲಗಳಲ್ಲಿ ಬಹಳ ಹೇರಳವಾಗಿದೆ. ಮನಿಕರನ್ ನಿಂದ ತಲುಪಬಹುದಾದ ಬರ್ಶೆನಿ ಹಳ್ಳಿಯಿಂದ ಖೀರ್ ಗಂಗಾ ಚಾರಣ ಆರಂಭವಾಗುತ್ತದೆ. ಖೀರ್ ಗಂಗಾ ತಲುಪಲು ಬರ್ಶೆನಿಗೆ ಸುಮಾರು 11 ಕಿ.ಮೀ. ಟ್ರೆಕ್ ಅಗತ್ಯವಿದೆ. ಈ ಮಾರ್ಗವನ್ನು ಟ್ರೆಕ್ ಮಾಡಲು ಒಂದು ಮಾರ್ಗದರ್ಶಿಯನ್ನು ನೇಮಿಸುವುದು ಒಳ್ಳೆಯದು. ಬರ್ಶೆನಿನಲ್ಲಿ ಟೋಶ್ ನದಿಯ ಮತ್ತು ಪಾರ್ವತಿ ನದಿಯ ಸಂಗಮವನ್ನು ಕಾಣಬಹುದು.

ಇತರ ಪ್ರೇಕ್ಷಣೀಯ ತಾಣಗಳು

ಇತರ ಪ್ರೇಕ್ಷಣೀಯ ತಾಣಗಳು

PC:Alok Kumar

ಬರ್ಶೆನಿಯಿಂದ ಟ್ರೆಕ್ಕಿಂಗ್ ಮಾಡುವ ಪ್ರವಾಸಿಗರು ರುದ್ರ-ನಾಗ್, ಸರ್ಪ ಆಕಾರದ ಜಲಪಾತ, ಪಾಂಡು ಪುಲ್ ಮತ್ತು ಪಿನ್-ಪಾರ್ವತಿ ಪಾಸ್ ಕಲ್ಲಿನ ರಚನೆಗಳಿಗೆ ಭೇಟಿ ನೀಡಬಹುದು. ಪಿನ್ ವ್ಯಾಲಿ ರಾಷ್ಟ್ರೀಯ ಉದ್ಯಾನವು ಮತ್ತೊಂದು ಪ್ರವಾಸಿ ಆಕರ್ಷಣೆಯಾಗಿದೆ . ಇದು ಹಿಮ ಚಿರತೆಗಳನ್ನು ಒಳಗೊಂಡಂತೆ ಇನ್ನಿತರ ಪ್ರಾಣಿಗಳಿಗೆ ಹೆಸರುವಾಸಿಯಾಗಿದೆ.

ಬಿಸಿನೀರಿನ ಬುಗ್ಗೆಯಲ್ಲಿ ಸ್ನಾನ

ಬಿಸಿನೀರಿನ ಬುಗ್ಗೆಯಲ್ಲಿ ಸ್ನಾನ

PC:Zoeacs

ಚಾರಣವು ಬಹಳ ಆಹ್ಲಾದಕರವಾಗಿರುತ್ತದೆ ಮತ್ತು ಕೆಲವು ಉತ್ತಮವಾದ ನೋಟಗಳನ್ನು ನೀಡುತ್ತದೆ. ಖೀರ್ ಗಂಗಾವನ್ನು ಹತ್ತಿದ ನಂತರ, ಬಿಸಿನೀರಿನ ಬುಗ್ಗೆಯಲ್ಲಿ ಸ್ನಾನ ಮಾಡಿದಾಗ ಮನಸ್ಸು ಮತ್ತು ದೇಹವನ್ನು ಸಡಿಲಗೊಳಿಸುತ್ತದೆ. ಖೀರ್ ಗಂಗಾ ಕಾಡುಗಳ ಮೂಲಕ ಟ್ರೆಕಿಂಗ್ ಮಾಡುವ ಹೊರತಾಗಿ ಸೂರ್ಯಾಸ್ತದ ನೋಟವು ಅದ್ಭುತ ಅನುಭವವಾಗಿದೆ. ಖೀರ್ ಗಂಗಾದಲ್ಲಿ ವಿದ್ಯುತ್ ಇಲ್ಲ ಮತ್ತು ದೀಪಗಳು ಎಲ್ಲಾ ಸೌರಶಕ್ತಿಯ ಮೇಲೆ ಚಲಿಸುತ್ತವೆ.

ಆಹಾರವನ್ನು ಕೊಂಡೊಯ್ಯಿರಿ

ಆಹಾರವನ್ನು ಕೊಂಡೊಯ್ಯಿರಿ

PC:Malay Gupta

ಈ ಸ್ಥಳಕ್ಕೆ ಚಾರಣ ಕೈಗೊಳ್ಳುವಾಗ ಸಾಕಷ್ಟು ಆಹಾರವನ್ನು ಜೊತೆಗೆ ತೆಗೆದುಕೊಂಡು ಹೋಗುವುದು ಉತ್ತಮ. ಖೀರ್ ಗಂಗಾ ಮರಿಜುವಾನಾದ ಕುಖ್ಯಾತಿಯನ್ನು ಪಡೆದಿದ್ದು, ಇದು ಚಾರಸ್ ಎಂದು ಕರೆಯಲ್ಪಡುತ್ತದೆ.

ಯಾವಾಗ ಭೇಟಿ ನೀಡುವುದು ಸೂಕ್ತ

ಯಾವಾಗ ಭೇಟಿ ನೀಡುವುದು ಸೂಕ್ತ

PC:Jan J George

ಹವಾಮಾನ ಹಿತಕರವಾದ ಮತ್ತು ಅನುಕೂಲಕರವಾದಾಗ ಮೇ ಮತ್ತು ನವೆಂಬರ್ ನಡುವೆ ಖೀರ್ ಗಂಗಾಗೆ ಭೇಟಿ ನೀಡಲು ಸೂಕ್ತ ಸಮಯ. ಖೀರ್ ಗಂಗಾ ಚಳಿಗಾಲದಲ್ಲಿ ಹಿಮದಿಂದ ಆವೃತವಾಗಿರುತ್ತದೆ ಮತ್ತು ಬೇಸಿಗೆಯಲ್ಲಿ ತಾತ್ಕಾಲಿಕ ಹವಾಮಾನ ಹೊಂದಿರುತ್ತದೆ. ಶಿವ ದೇವಸ್ಥಾನದ ಬಳಿ ಇರುವ ಆಶ್ರಮವು ಮೂಲ ಸೌಕರ್ಯ ಸೌಲಭ್ಯಗಳನ್ನು ಒದಗಿಸುತ್ತದೆ. ಖೀರ್ ಗಂಗಾ ಸಮೀಪವಿರುವ ಕೆಲವು ರೆಸ್ಟೋರೆಂಟ್‌ಗಳು ಸಸ್ಯಾಹಾರಿ ಮತ್ತು ಮಾಂಸಹಾರಿ ತಿನಿಸುಗಳನ್ನು ಪೂರೈಸುತ್ತವೆ.

ತಲುಪುವುದು ಹೇಗೆ?

ತಲುಪುವುದು ಹೇಗೆ?

PC:Zoeacs

ವಿಮಾನದ ಮೂಲಕ - ಖೀರ್ ಗಂಗಾಕ್ಕೆ ಸಮೀಪದ ವಿಮಾನ ನಿಲ್ದಾಣ ಪಂತ್‌ನಗರ ವಿಮಾನ ನಿಲ್ದಾಣ. ಇದು ಖೀರ್ ಗಂಗಾದಿಂದ 235 ಕಿ.ಮೀ ದೂರದಲ್ಲಿದೆ. ಇಲ್ಲಿಂದ ಬಾರ್ಶೈನಿಗೆ ಟ್ಯಾಕ್ಸಿ ಅಥವಾ ಬಸ್ ಅನ್ನು ತೆಗೆದುಕೊಳ್ಳಬಹುದು. ಅಲ್ಲಿಂದ 11 ಕಿ.ಮೀ ದೂರದಲ್ಲಿ ಖೀರ್ ಗಂಗಾಗೆ ಪ್ರಯಾಣಿಸಬಹುದು.

ರೈಲು ಮೂಲಕ - ಖೀರ್ ಗಂಗಾದಿಂದ ಸುಮಾರು 198 ಕಿ.ಮೀ ದೂರದಲ್ಲಿರುವ ಕಾತ್ಗೋಡಮ್ ಹತ್ತಿರದ ರೈಲು ನಿಲ್ದಾಣವಾಗಿದೆ.

ರಸ್ತೆಯ ಮೂಲಕ - ಖೀರ್ ಗಂಗಾಗೆ ಹೋಗುವ ಮಾರ್ಗವು ಬಾರ್ಶೈನಿ ವರೆಗೂ ಸಂಪರ್ಕ ಹೊಂದಿದೆ. 11 ಕಿ.ಮೀ. ಟ್ರೆಕ್ ಮೂಲಕ ಖೀರ್ ಗಂಗಾವನ್ನು ತಲುಪಬಹುದು.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more