150 ರೂ.ಗೆ ಜೀನ್ಸ್, 90 ರೂ.ಗೆ ಶರ್ಟ್; ದೇಶದಲ್ಲೇ ಅಗ್ಗದ ಮಾರ್ಕೇಟ್ ಇದು

ಭಾರತದಲ್ಲಿ ಅನೇಕ ಕಡೆಗಳಲ್ಲಿ ಕಡಿಮೆಗೆ ಬಟ್ಟೆ ಬರೆಗಳು ದೊರೆಯುತ್ತವೆ. ಪ್ರತಿಯೊಂದು ಸ್ಥಳದಲ್ಲೂ ಕಡಿಮೆ ಬೆಲೆಗೆ ಬಟ್ಟೆ ಸಿಗುವ ಸ್ಥಳಗಳು ಇದ್ದೇ ಇರುತ್ತವೆ. ಬರೀ 50ರೂ. 100ರೂ.ಗೆ ಬಟ್ಟೆಗಳು ಸಿಗುತ್ತವೆ. ಅಂತಹದ್ದೇ ಒಂದು ಬಹಳ ಅಗ್ಗದ ಮಾರ್ಕೇಟ್ ಬಗ್ಗೆ ನಾವಿಂದು ತಿಳಿಸಿಕೊಡಲಿದ್ದೇವೆ. ಇಲ್ಲಿ ಒಳ್ಳೇ ಕ್ವಾಲಿಟಿ ಬಟ್ಟೆಗಳೆಲ್ಲಾ ಬಹಳ ಕಡಿಮೆ ಬೆಲೆಗೆ ಸಿಗುತ್ತವೆ. ದೆಹಲಿಯ ಗಾಂಧೀ ನಗರದ ಸುಭಾಷ್ ರೋಡ್ ನಲ್ಲಿ ಒಂದು ಅತ್ಯಂತ ಅಗ್ಗದ ಮಾರ್ಕೇಟ್ ಇದೆ. ಇದು ದೇಶದ ಅತ್ಯಂತ ಅಗ್ಗದ ಮಾರ್ಕೇಟ್ ಗಳಲ್ಲಿ ಒಂದಾಗಿದೆ. ಸಾವಿರಾರು ಸಂಖ್ಯೆಯ ಜನರು ಇಲ್ಲಿಗೆ ಬಂದು ಶಾಪಿಂಗ್ ಮಾಡುತ್ತಾರೆ. ಕೈಯಲ್ಲಿ ಸಾವಿರ ರೂ. ಇದ್ರೆ ಮನೆಮಂದಿಗೆಲ್ಲಾ ಬಟ್ಟೆ ಖರೀದಿಸಬಹುದು. ಇಲ್ಲಿ ಜೀನ್ಸ್ , ಟೀ ಶರ್ಟ್, ಶರ್ಟ್ ಗಳನ್ನು ಬಹಳ ಕಡಿಮೆ ಬೆಲೆಗೆ ಮಾರಾಟ ಮಾಡಲಾಗುತ್ತದೆ. ಯಾವುದೇ ಶೋ ರೂಂನಲ್ಲಿ 1000 ರೂ ನಲ್ಲಿ ಮಾರಾಟ ಮಾಡಲಾಗುವ ಬಟ್ಟೆಗಳು ಇಲ್ಲಿ ಕೇವಲ 150 ರೂ.ಗೆ ದೊರೆಯುತ್ತದೆ. ಇಲ್ಲಿನ ಹೆಚ್ಚಿನ ಶಾಪ್ ಕೀಪರ್ಸ್ ಜೀನ್ಸ್ ಹಾಗೂ ಶರ್ಟ್ ತಯಾರಿಸುವ ಫ್ಯಾಕ್ಟರಿ ಇಟ್ಟಿದ್ದಾರೆ. ಇವರು ಬಟ್ಟೆಯನ್ನು ತೆಗೆದುಕೊಂಡು ವಿಭಿನ್ನ ಶೈಲಿಯ ಜೀನ್ಸ್ ಹಾಗೂ ಶರ್ಟ್ ತಯಾರಿಸುತ್ತಾರೆ. ಶಾಪ್ ಕೀಪರ್ಸ್ ಸ್ವತಃ ಬಟ್ಟೆ ತಯಾರಿಸುವುದರಿಂದ ಇಲ್ಲಿ ಬಟ್ಟೆಗಳು ಬಹಳ ಕಡಿಮೆ ಬೆಲೆಗೆ ದೊರೆಯುತ್ತವೆ. ಇಲ್ಲಿ ಬಹಳ ಉತ್ತಮ ಕ್ವಾಲಿಟಿಯ ಬಟ್ಟೆಯ ಜೀನ್ಸ್ ಬರೀ 250 ರೂ.ಗೆ ಸಿಗುತ್ತದೆ. ಈ ಮಾರ್ಕೇಟ್ ನಲ್ಲಿ ಒಂದೇ ಬೆಲೆಯ ೫ ಅಥವಾ ಅದಕ್ಕಿಂತ ಹೆಚ್ಚಿನ ಜೀನ್ಸ್ ನ್ನು ಕೊಂಡುಕೊಳ್ಳಬೇಕು. ಹಾಗೆಯೇ ಶರ್ಟ್ ನ ಬೆಲೆ 90 ರೂ.ಯಿಂದ ಆರಂಭವಾಗುತ್ತದೆ. ಇದನ್ನು ಕೂಡಾ 5 ಪೀಸ್ ತೆಗೆದುಕೊಳ್ಳಲೇ ಬೇಕು. ಈ ಮಾರ್ಕೇಟ್ ನಲ್ಲಿ ನೀವು ಜೀನ್ಸ್ , ಶರ್ಟ್ ಹಾಗೂ ಟೀ ಶರ್ಟ್ ಖರೀದಿಸುವಾಗ ಕೆಲವು ವಿಷ್ಯಗಳನ್ನು ಗಮನದಲ್ಲಿಡುವುದು ಬಹಳ ಅವಶ್ಯಕವಾಗಿದೆ. ಇಲ್ಲಿ ಎಲ್ಲಾ ರೀತಿಯ ಬಟ್ಟೆಗಳು ಪ್ಯಾಕ್ ಆಗಿರುತ್ತವೆ. ನೀವು ಯಾವುದೇ ಬಟ್ಟೆ ಕೊಳ್ಳುವಾಗ ಅದನ್ನೊಮ್ಮೆ ಓಪನ್ ಮಾಡಿ ನೋಡಿ. ಕೆಲವೊಮ್ಮೆ ಜೀನ್ಸ್ ನ ಸೈಜ್ ನಲ್ಲಿ ವ್ಯತ್ಯಾಸ ಕಂಡುಬರುತ್ತದೆ. ಕೆಲವೊಮ್ಮೆ ಕಲರ್ ನಲ್ಲಿ ವ್ಯತ್ಯಾಸವಾಗುತ್ತದೆ. ಇದು ಫಿಕ್ಸ್ ಡ್ ರೇಟ್ ನ ಮಾರ್ಕೇಟ್ ಅಲ್ಲ. ಹಾಗಾಗಿ ನೀವು ಇಲ್ಲಿ ಬೆಲೆಯಲ್ಲಿ ಬಾರ್ಗೇನಿಂಗ್ ಮಾಡಬಹುದು. ಇನ್ನಷ್ಟು ಕಡಿಮೆ ಬೆಲೆಗೆ ಬಟ್ಟೆಗಳನ್ನು ಕೊಳ್ಳಬಹುದು. ನಿಮಗೂ ಈ ದುಬಾರಿ ಬಟ್ಟೆಗಳು ಕಡಿಮೆ ಬೆಲೆಯಲ್ಲಿ ಪಡೆಯಬೇಕೆಂದಿದ್ದರೆ ನೀವೂ ಕೂಡಾ ದೆಹಲಿಯಲ್ಲಿರುವ ಈ ಅಗ್ಗದ ಮಾರ್ಕೇಟ್ ಗೆ ಹೋಗಿ ಶಾಪಿಂಗ್ ಮಾಡಿ. ಇಲ್ಲಿ ಕ್ವಾಲಿಟಿಯೂ ಒಳ್ಳೆದಿರುತ್ತದೆ ಹಾಗೆಯೇ ದುಡ್ಡು ಕೂಡಾ ಕಡಿಮೆ ಖರ್ಚಾಗುತ್ತದೆ.