Search
  • Follow NativePlanet
Share
» »ಕನಕನ ಕಿಂಡಿ ಮೂಲಕ ಉಡುಪಿಯ ಶ್ರೀ ಕೃಷ್ಣನ ದರ್ಶನ ಮಾಡಿದ್ದೀರಾ

ಕನಕನ ಕಿಂಡಿ ಮೂಲಕ ಉಡುಪಿಯ ಶ್ರೀ ಕೃಷ್ಣನ ದರ್ಶನ ಮಾಡಿದ್ದೀರಾ

By Rajatha

ತನ್ನ ಕೈಯೊಳಗೆ ಎಲ್ಲವನ್ನು ಹೊಂದಿರುವ ಭಾರತದ ಕೆಲವೇ ಕೆಲವು ರಾಜ್ಯಗಳಲ್ಲಿ ಕರ್ನಾಟಕವೂ ಒಂದು. ಇದು ಪ್ರವಾಸಿಗರ ಅಲೆಮಾರಿ ಚಟವನ್ನು ಪೂರೈಸುತ್ತದೆ. ಕಡಲತೀರಗಳು, ಸರೋವರಗಳು, ಪರ್ವತಗಳು, ಬೆಟ್ಟಗಳು ಮತ್ತು ದೇವಾಲಯಗಳು, ಕೋಟೆಗಳನ್ನು ಹೊಂದಿರುವ ಕರ್ನಾಟವು ಒಂದು ಪ್ರಮುಖ ಪ್ರವಾಸಿತಾಣವಾಗಿದೆ.

ಫಸ್ಟ್‌ ಟೈಮ್ ಗೋವಾಕ್ಕೆ ಹೋಗ್ತಿದ್ದೀರಾ ಹಾಗಾದ್ರೆ ಇದನ್ನ ನೆನಪಿಟ್ಟುಕೊಳ್ಳಿ

ಕರ್ನಾಟಕದ ಕರಾವಳಿ ಪ್ರದೇಶದಲ್ಲಿರುವ ಉಡುಪಿ ಜಿಲ್ಲೆಯು ಎಲ್ಲಾ ರೀತಿಯ ಪ್ರವಾಸಿಗರಿಗೆ ಸೂಕ್ತವಾದ ತಾಣವಾಗಿದೆ. ಇಲ್ಲಿ ದೇವಸ್ಥಾನವೂ ಇದೆ, ಬೀಚ್‌ ಕೂಡಾ ಇದೆ. ಬೆಟ್ಟ ಗುಡ್ಡಗಳೂ ಇವೆ. ನೀವು ಉಡುಪಿ ಶ್ರೀ ಕೃಷ್ಣ ಮಠದ ಬಗ್ಗೆ ಕೇಳಿರುವಿರಿ. ಒಂದು ವೇಳೆ ಇಲ್ಲ ಎಂದಾದಲ್ಲಿ ಉಡುಪಿಗೆ ಪ್ರವಾಸ ಕೈಗೊಳ್ಳುವುದು ಅವಶ್ಯಕ.

ಯಾವಾಗ ಭೇಟಿ ನೀಡುವುದು ಸೂಕ್ತ

ಯಾವಾಗ ಭೇಟಿ ನೀಡುವುದು ಸೂಕ್ತ

PC: Avinashisonline

ಕರ್ನಾಟಕದ ಕರಾವಳಿ ಪ್ರದೇಶದಲ್ಲಿರುವ ಉಡುಪಿ ಜಿಲ್ಲೆಯು ಬೇಸಿಗೆ ಕಾಲದಲ್ಲಿ ಬಿಸಿ ಮತ್ತು ತೇವಭರಿತ ವಾತಾವರಣದಿಂದ ಕೂಡಿರುತ್ತದೆ. ಆದ್ದರಿಂದ ಮೇ ಮತ್ತು ಜೂನ್ ತಿಂಗಳುಗಳಲ್ಲಿ ಇಲ್ಲಿಗೆ ಭೇಟಿ ನೀಡುವುದು ಸೂಕ್ತವಾಗಿದೆ. ಪ್ರಕೃತಿ ಪ್ರೇಮಿಗಳು, ಛಾಯಾಚಿತ್ರಗ್ರಾಹಕರು ಮತ್ತು ಹಿಂದೂ ಭಕ್ತರಿಗೆ ಉಡುಪಿಯು ವರ್ಷಪೂರ್ತಿ ಒಂದು ಪ್ರವಾಸಿ ತಾಣವಾಗಿದೆ. ನೀವು ಉಡುಪಿಯ ಶ್ರೀಕೃಷ್ಣನ ಸೌಂದರ್ಯವನ್ನು ಆರಾಮವಾಗಿ ಅನ್ವೇಷಿಸಲು ಯೋಜಿಸುತ್ತಿದ್ದರೆ, ಉಡುಪಿಗೆ ಭೇಟಿ ನೀಡಲು ಅತ್ಯುತ್ತಮ ಸಮಯವೆಂದರೆ ಆಗಸ್ಟ್ ನಿಂದ ಮಾರ್ಚ್.

ಮಧ್ವಾಚಾರ್ಯರು ನಿರ್ಮಿಸಿದರು

ಮಧ್ವಾಚಾರ್ಯರು ನಿರ್ಮಿಸಿದರು

PC: Shailum

ಉಡುಪಿಯ ಶ್ರೀ ಕೃಷ್ಣ ಮಠವು ಕರ್ನಾಟಕದ ಅತ್ಯಂತ ಜನಪ್ರಿಯ ಹಿಂದೂ ದೇವಾಲಯಗಳಲ್ಲಿ ಒಂದಾಗಿದೆ. 13 ನೇ ಶತಮಾನದಲ್ಲಿ ಹಿಂದೂ ತತ್ವಜ್ಞಾನಿ ಮತ್ತು ದ್ವೈತ ಶಾಲೆಯ ಸ್ಥಾಪಕ ಮಧ್ವಾಚಾರ್ಯರು ಈ ದೇವಸ್ಥಾನವನ್ನು ನಿರ್ಮಿಸಿದರು ಎನ್ನಲಾಗುತ್ತದೆ. ಅಷ್ಟಮಠಗಳನ್ನೂ ಸ್ಥಾಪಿಸಿದ್ದಾರೆ. ಅಂದಿನಿಂದ, ಇದು ಹಿಂದೂಗಳ ಪ್ರಮುಖ ಧಾರ್ಮಿಕ ಸ್ಥಳವಾಗಿದೆ. ಈ ಅಷ್ಟಮಠಗಳು ದ್ವೈತದ ಹಿಂದೂ ತತ್ತ್ವಶಾಸ್ತ್ರಕ್ಕೆ ಹೆಸರುವಾಸಿಯಾಗಿದೆ. ಶ್ರೀಕೃಷ್ಣ ಮಠವು ಪೂಜಾ ಕೇಂದ್ರದ ಜೊತೆಗೆ ಧ್ಯಾನ ಕೇಂದ್ರವೂ ಆಗಿದೆ ಹಾಗಾಗಿ ಹಿಂದೂ ತತ್ತ್ವಶಾಸ್ತ್ರದ ಆಳವಾದ ಜ್ಞಾನದ ಬಗ್ಗೆ ಕಲಿಯಲು ಪ್ರತಿಯೊಬ್ಬ ಪ್ರಯಾಣಿಕರಿಗೆ ಇದು ಪರಿಪೂರ್ಣ ಸ್ಥಳವಾಗಿದೆ.

ಹಳ್ಳಿ ಲೈಫ್ ತಿಳಿಯಬೇಕಾದ್ರೆ ಭಾರತದ ಈ ಸುಂದರ ಹಳ್ಳಿಗಳಿಗೆ ಹೋಗಿ

ಶ್ರೀಕೃಷ್ಣ ಮಠದ ಪ್ರಮುಖ ವಿಶೇಷತೆ

ಶ್ರೀಕೃಷ್ಣ ಮಠದ ಪ್ರಮುಖ ವಿಶೇಷತೆ

PC: Avinashisonline

ಶ್ರೀಕೃಷ್ಣ ಮಠದ ಪ್ರಮುಖ ವಿಶೇಷತೆ ಎಂದರೆ ಅದು ದೈವಿಕ ವಾತಾವರಣವನ್ನು ಹೊಂದಿದೆ. ಒಮ್ಮೆ ನೀವು ಕೃಷ್ಣ ಮಠದೊಳಗೆ ಪ್ರವೇಶಿಸಿದರೆ ನೀವು ನಿಮ್ಮೊಳಗಿನ ಆತ್ಮದಲ್ಲಿ ಕಳೆದುಹೋಗುತ್ತೀರಿ. ಪ್ರಬುದ್ಧರಾಗಲು ಉತ್ತಮ ಸ್ಥಳವಾಗಿರುವುದರಿಂದ, ರಾಜ್ಯದ ಎಲ್ಲೆಡೆಯಿಂದ ಜನರು ಜೀವನದ ವಿಭಿನ್ನ ಅಂಶಗಳನ್ನು ತಿಳಿದುಕೊಳ್ಳಲು ಇಲ್ಲಿಗೆ ಬರುತ್ತಾರೆ. ಇದರ ಸುಂದರವಾದ ಸ್ಥಳವನ್ನು ಹೊರತುಪಡಿಸಿ, ಇದನ್ನು ಭಾರತೀಯ ಸಾಹಿತ್ಯದ ರೂಪವಾದ ದಾಸಾ ಸಾಹಿತ್ಯವು ಹುಟ್ಟಿಕೊಂಡಿರುವ ಸ್ಥಳವೆಂದೂ ಕರೆಯಲ್ಪಡುತ್ತದೆ. ಇತರ ಹಿಂದೂ ದೇವಸ್ಥಾನಗಳಿಂದ ಉಡುಪಿಯ ಈ ದೇವಸ್ಥಾನವನ್ನು ಪ್ರತ್ಯೇಕಿಸುವ ಪ್ರಮುಖ ವಿಷಯವೆಂದರೆ, ನೀವು ಕೃಷ್ಣನ ದರ್ಶನ ಪಡೆಯಲು ಕಿಟಕಿ ಮೂಲಕ ನೋಡಬೇಕಾಗುತ್ತದೆ. ಇದೊಂದು ಒಂಬತ್ತು ರಂಧ್ರಗಳನ್ನು ಹೊಂದಿರುವ ಬೆಳ್ಳಿ ಲೇಪಿತ ಕಿಟಕಿಯಾಗಿದೆ. ಇದನ್ನು ಕನಕನ ಕಿಂಡಿ ಎಂದು ಕರೆಯಲಾಗುತ್ತದೆ.

ಆಚರಿಸುವ ಉತ್ಸವಗಳು

ಆಚರಿಸುವ ಉತ್ಸವಗಳು

PC:Rayabhari

ಪ್ರತಿ ಎರಡು ವರ್ಷಗಳಿಗೊಮ್ಮೆ ಪರ್ಯಾಯವನ್ನು ಆಚರಿಸಲಾಗುತ್ತದೆ. ಈ ಸಂದರ್ಭದಲ್ಲಿ ದೇವಾಲಯದ ಆಡಳಿತವನ್ನು ಮುಂದಿನ ಮಠಕ್ಕೆ ಒಪ್ಪಿಸಲಾಗುತ್ತದೆ. ಪ್ರತಿಯೊಂದು ಮಠವು ಪರ್ಯಾಯ ಕಾಲದಲ್ಲಿ ದೇವಸ್ಥಾನದ ಉಸ್ತುವಾರಿ ವಹಿಸಿಕೊಂಡಿರುವವರು ಸ್ವಾಮಿ ನೇತೃತ್ವದಲ್ಲಿರುತ್ತದೆ. ಮಕರ ಸಂಕ್ರಾಂತಿ, ರಥ ಸಪ್ತಮಿ, ಮಾಧವ ನವಮಿ, ಹನುಮಾನ್ ಜಯಂತಿ, ಶ್ರೀ ಕೃಷ್ಣ ಜನ್ಮಾಷ್ಟಮಿ, ನವರಾತ್ರಿ ಮಹೋತ್ಸವ, ಮಾಧವ ಜಯಂತಿ (ವಿಜಯ ದಶಮಿ), ನರಕ ಚತುರ್ದಶಿ, ದೀಪಾವಳಿ, ಗೀತಾ ಜಯಂತಿ ಮುಂತಾದ ಹಬ್ಬಗಳನ್ನು ಆಚರಿಸಲಾಗುತ್ತದೆ. ಉಡುಪಿಯಲ್ಲಿ ಪರ್ಯಾಯವನ್ನು ಅತ್ಯಂತ ವೈಭವಯುತವಾಗಿ ಆಚರಿಸಲಾಗುತ್ತದೆ.

ಇತರ ಪ್ರೇಕ್ಷಣೀಯ ಸ್ಥಳಗಳು

ಇತರ ಪ್ರೇಕ್ಷಣೀಯ ಸ್ಥಳಗಳು

PC:Ashok Prabhakaran

ಜೀವನದ ವಿವಿಧ ವಿಷಯಗಳ ಬಗ್ಗೆ ನಿಮ್ಮನ್ನು ಜ್ಞಾನೋದಯವಾಗಿ ಮತ್ತು ಹಿಂದೂ ತತ್ತ್ವಶಾಸ್ತ್ರದ ದೃಷ್ಟಿಕೋನಗಳ ಬಗ್ಗೆ ತಿಳಿದುಕೊಳ್ಳುವುದರ ಜೊತೆಗೆ, ನೀವು ಅದರ ಸುತ್ತಮುತ್ತಲಿನ ಪ್ರದೇಶಗಳನ್ನು ಅನ್ವೇಷಿಸಬಹುದು ಮತ್ತು ಸಾವಿರ ವರ್ಷಗಳ ಹಿಂದೆ ನಿರ್ಮಿಸಲ್ಪಟ್ಟಿದೆ ಎಂದು ಹೇಳಲಾಗುವ ಅನಂತೇಶ್ವರ ದೇವಸ್ಥಾನದಂತಹ ಹತ್ತಿರದ ಪ್ರವಾಸಿ ಸ್ಥಳಗಳನ್ನು ಭೇಟಿ ಮಾಡಬಹುದು. ನೀವು ಕಾಪು ಬೀಚ್, ಸೇಂಟ್ ಮೇರೀಸ್ ದ್ವೀಪ, ಮಲ್ಪೆ ಬೀಚ್ ಮತ್ತು ಕುದ್ಲು ಫಾಲ್ಸ್ ಸಹ ಭೇಟಿ ನೀಡಬಹುದು.

ತಲುಪುವುದು ಹೇಗೆ?

ತಲುಪುವುದು ಹೇಗೆ?

ವಿಮಾನದಿಂದ: ಉಡುಪಿಗೆ ನೇರ ವಿಮಾನ ಇಲ್ಲ, ಆದ್ದರಿಂದ ನೀವು ಮಂಗಳೂರು ವಿಮಾನ ನಿಲ್ದಾಣಕ್ಕೆ ಹೋಗಿ ಅಲ್ಲಿಂದ ಬಸ್‌ ಅಥವಾ ಬಾಡಿಗೆ ವಾಹನದ ಮೂಲಕ ಉಡುಪಿ ತಲುಪಬಹುದು. ಶ್ರೀ ಕೃಷ್ಣ ಮಠವು ಉಡುಪಿ ನಗರ ಕೇಂದ್ರದಿಂದ ಸುಮಾರು 3 ಕಿ.ಮೀ ದೂರದಲ್ಲಿದೆ.
ರೈಲು ಮೂಲಕ: ಉಡುಪಿ ಕರ್ನಾಟಕದ ಪ್ರಮುಖ ಪಟ್ಟಣಗಳಲ್ಲಿ ಒಂದಾಗಿದೆ. ಆದ್ದರಿಂದ ಎಲ್ಲಾ ನಗರಗಳು ಮತ್ತು ಪ್ರಮುಖ ಪಟ್ಟಣಗಳಿಗೆ ರೈಲ್ವೆ ಸಂಪರ್ಕವಿದೆ. ಉಡುಪಿ ರೈಲ್ವೆ ನಿಲ್ದಾಣಕ್ಕೆ ನೀವು ನೇರ ರೈಲು ಮಾರ್ಗವನ್ನು ಹಿಡಿಯಬಹುದು.
ರಸ್ತೆ ಮೂಲಕ: ಉಡುಪಿ ಬೆಂಗಳೂರಿಗೆ ಮತ್ತು ರಸ್ತೆಗಳ ಉತ್ತಮ ಜಾಲವನ್ನು ಹೊಂದಿರುವ ಇತರ ನಗರಗಳೊಂದಿಗೆ ಸಂಪರ್ಕ ಹೊಂದಿದೆ, ಆದ್ದರಿಂದ ಉಡುಪಿಗೆ ಬೇಕಾದಷ್ಟು ಬಸ್‌ಗಳಿವೆ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more