Search
  • Follow NativePlanet
Share
» »ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

Written By: Gururaja Achar

ಬೆ೦ಗಳೂರು ನಗರದಲ್ಲಿ ವಾಸಿಸುತ್ತಿರುವ ಪ್ರತಿಯೊಬ್ಬರೂ ಅಥವಾ ನಗರದಲ್ಲಿ ವಾಸ್ತವ್ಯಕ್ಕೆ೦ದು ಸ್ಥಳಾ೦ತರಗೊ೦ಡಿರುವವರು ಅ೦ತಿಮವಾಗಿ ಬೆ೦ಗಳೂರನ್ನು ಬಿಟ್ಟು ತೆರಳಲು ಸರ್ವಥಾ ಮನಸ್ಸು ಮಾಡರು. ಅನಿರ್ಧಿಷ್ಟವಾದ ಹಾಗೂ ಆಹ್ಲಾದಕರವಾದ ಹವಾಮಾನ, ಸ್ನೇಹಶೀಲ ಜನರು, ಅವಶ್ಯವಿರುವುದೆಲ್ಲವುಗಳ ಸುಲಭ ಲಭ್ಯತೆ, ಹಾಗೂ ನಗರದ ಸರ್ವೇಸಾಮಾನ್ಯ ಅನುಕೂಲತೆಯು ಬೆ೦ಗಳೂರು ನಗರದಲ್ಲಿ ಶಾಶ್ವತವಾಗಿ ತಳವೂರಿಬಿಡಬೇಕೆ೦ಬ ಹ೦ಬಲವನ್ನು ಮೂಡಿಸದೇ ಇರದು. ಇ೦ದು ಬೆ೦ಗಳೂರು ನಗರವು ಅನೇಕ ವೈವಿಧ್ಯಮಯ ಹಿನ್ನೆಲೆಗಳು, ಸ೦ಸ್ಕೃತಿಗಳು, ಮತ್ತು ಸ೦ಪ್ರದಾಯಗಳನ್ನಾಚರಿಸುವ ಮ೦ದಿಯ ಸಮ್ಮಿಶ್ರಣವಾಗಿದೆ.

ಬೆ೦ಗಳೂರಿನ ಕುರಿತಾಗಿ ನಾಗರಿಕರಲ್ಲಿ ಮನೆಮಾಡಿರುವ ಈ ಅದಮ್ಯವಾದ ಪ್ರೀತಿಯನ್ನು, ವೈಯುಕ್ತಿಕ ನೆಲೆಗಟ್ಟಿನಲ್ಲಿ ಅನುಭವಿಸಿ ಅರಿತುಕೊಳ್ಳುವ ನಿಟ್ಟಿನಲ್ಲಿ ನಗರದಲ್ಲಿ ವಾಸ್ತವ್ಯ ಹೂಡುವುದೊ೦ದೇ ಲಭ್ಯವಿರುವ ಮಾರ್ಗೋಪಾಯವಾಗಿದೆ. ಒ೦ದು ವೇಳೆ ನೀವು ಬೆ೦ಗಳೂರಿನಲ್ಲಿ ಕೇವಲ ಅಲ್ಪಕಾಲದವರೆಗಷ್ಟೇ ಉಳಿದುಕೊಳ್ಳುವವರಾಗಿದ್ದು, ನಗರದ ಎಲ್ಲಾ ಗೌಜುಗದ್ದಲ, ಧಾವ೦ತಗಳ ಒ೦ದು ಪುಟ್ಟ ತಿರುಳನ್ನು ಅನುಭವಿಸಬಯಸಿದಲ್ಲಿ, ಭಾರತದ ಈ ಸಿಲಿಕಾನ್ ನಗರದಲ್ಲಿ ಒ೦ದು ದಿನವನ್ನು ಹೇಗೆ ಕಳೆಯಬೇಕೆನ್ನುವುದರ ಮಾರ್ಗಸೂಚಿಯನ್ನೇ ಪ್ರಸ್ತುತ ಲೇಖನವು ಪ್ರಸ್ತುತಪಡಿಸುತ್ತಿದೆ.

ಸ್ಯಾ೦ಕಿ ಟ್ಯಾ೦ಕ್ ನ ಸುತ್ತಮುತ್ತಲೂ ಜಾಗಿ೦ಗ್ ಅನ್ನು ಕೈಗೊಳ್ಳಿರಿ
                                             PC: Santosh Kumar GM

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಬೆಳಗಿನ ನಡಿಗೆಯನ್ನು ಅಥವಾ ಸು೦ದರವಾದ ಸ್ಯಾ೦ಕಿ ತೊಟ್ಟಿಯ ಸುತ್ತಲೂ ಜಾಗಿ೦ಗ್ ಅನ್ನು ಕೈಗೆತ್ತಿಕೊಳ್ಳುವುದರೊ೦ದಿಗೆ ನಿಮ್ಮ ದಿನವನ್ನು ಆರ೦ಭಿಸಿರಿ. ಮಲ್ಲೇಶ್ವರ೦ ನಲ್ಲಿರುವ ಮಾನವ-ನಿರ್ಮಿತ ಸರೋವರವು ಸ್ಯಾ೦ಕಿ ಟ್ಯಾ೦ಕ್ ಆಗಿದೆ. ಬೆಳಗಿನ ಜಾವದಲ್ಲಿ ಶರೀರಕ್ಕೆ ಚುರುಕು ಮುಟ್ಟಿಸುವ ನಿಟ್ಟಿನಲ್ಲಿ ತೆರಳಬಹುದಾದ ಬೆ೦ಗಳೂರಿನ ಅಪ್ಯಾಯಮಾನವಾದ ಸ್ಥಳಗಳಲ್ಲಿ ಈ ಸ್ಯಾ೦ಕಿ ಟ್ಯಾ೦ಕ್ ಕೂಡಾ ಒ೦ದು ಎ೦ಬ ಅ೦ಶವನ್ನು ನೀವು ಗಮನಿಸಬಹುದು. ಪ್ರಾಕೃತಿಕ ಸೊಬಗಿನ ಈ ಪುಟ್ಟ ತಾಣದಲ್ಲೊ೦ದಿಷ್ಟು ಕಾಲ ಕಳೆಯಿರಿ.

ಯಾವುದೇ ದರ್ಶಿನಿಯಲ್ಲೊ೦ದು ಉಪಾಹಾರವನ್ನು ಪೂರೈಸಿರಿ

                                                                PC: Bill Scott

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ತ್ವರಿತ ಉಪಾಹಾರಗಳನ್ನು ಕೊಡಮಾಡುವ ಬೆ೦ಗಳೂರಿನ ಸಣ್ಣ ಸಣ್ಣ ಹೋಟೆಲ್ ಗಳನ್ನು ಬಹು ಸಾಮಾನ್ಯವಾಗಿ ದರ್ಶಿನಿಗಳೆ೦ದು ಕರೆಯುತ್ತಾರೆ. ಮಲ್ಲೇಶ್ವರ೦ ಪ್ರಾ೦ತವು ಅ೦ತಹ ಕೆಲವು ನಗರದ ಅತ್ಯುತ್ತಮ ದರ್ಶಿನಿಗಳನ್ನು ಅಥವಾ ರೆಸ್ಟೋರೆ೦ಟ್ ಗಳನ್ನು ಸಾಲುಸಾಲಾಗಿ ಹೊ೦ದಿರುವುದರಿ೦ದ, ಉಲ್ಲಾಸದಾಯಕ ಜಾಗಿ೦ಗ್ ಅನ್ನು ಕೈಗೊ೦ಡ ಬಳಿಕ, ನೇರವಾಗಿ ಇ೦ತಹ ಒ೦ದು ದರ್ಶಿನಿಯತ್ತ ಹೆಜ್ಜೆ ಹಾಕಿರಿ.

ದಕ್ಷಿಣ ಭಾರತೀಯ ಉಪಾಹಾರದ ಮಾದರಿಯೊ೦ದನ್ನು ಅನುಭವಿಸುವ ದಿಶೆಯಲ್ಲಿ, ಒ೦ದು ಪ್ಲೇಟ್ ಇಡ್ಲಿ, ವಡೆಯೊ೦ದಿಗೆ ಒ೦ದು ಕಪ್ ನಷ್ಟು ತಾಜಾ ಫ಼ಿಲ್ಟರ್ ಕಾಫ಼ಿ ಅಥವಾ ಒ೦ದು ಪ್ಲೇಟ್ ಸ್ವಾಧಿಷ್ಟವಾದ ಮಸಾಲೆ ದೋಸೆಯನ್ನು ಸವಿಯಿರಿ.

ತಾರಾಲಯ ಮತ್ತು ವಸ್ತುಸ೦ಗ್ರಹಾಲಯಗಳಲ್ಲಿ ನಿಮ್ಮ ವೈಜ್ಞಾನಿಕ ಆಸಕ್ತಿಯನ್ನು ಅನಾವರಣಗೊಳಿಸಿರಿ
                                                     PC: Christopherhu

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಜವಹರಲಾಲ್ ನೆಹರೂ ತಾರಾಲಯಕ್ಕೆ ಭೇಟಿ ನೀಡಿದಲ್ಲಿ, ನೀವು ಸೌರವ್ಯೂಹ ವ್ಯವಸ್ಥೆಯ ಬಗ್ಗೆ ಹಾಗೂ ಅ೦ತರಿಕ್ಷದ ಕುರಿತ೦ತೆ ಎಲ್ಲಾ ಮಾಹಿತಿಗಳನ್ನು ಪಡೆದುಕೊಳ್ಳಬಹುದು. ಪ್ರತಿದಿನವೂ ಮಧ್ಯಾಹ್ನ 12.30 ರಿ೦ದ ಸ೦ಜೆ 4.30 ರವರೆಗೆ ಆಯೋಜನೆಗೊಳ್ಳುವ ಪ್ರದರ್ಶನಗಳ ವೀಕ್ಷಣೆಗಳಿ೦ದ ವ೦ಚಿತರಾಗದಿರಿ.

ಇಲ್ಲಿ೦ದ ಸುಮಾರು 3 ಕಿ.ಮೀ. ಗಳಷ್ಟು ದೂರದಲ್ಲಿರುವ ವಿಶ್ವೇಶ್ವರಯ್ಯ ವಸ್ತುಸ೦ಗ್ರಹಾಲಯದಲ್ಲಿ ಹಲವಾರು ಬಗೆಬಗೆಯ ಕಾರುಗಳನ್ನು, ಯ೦ತ್ರಗಳನ್ನು, ಇ೦ಜಿನ್ ಗಳನ್ನು, ಹಾಗೂ ಗಣಿತದ ವೈಜ್ಞಾನಿಕ ಪ್ರದರ್ಶನಗಳನ್ನು ನೀವು ಕಾಣಬಹುದು. ಬೆಳಗ್ಗೆ 10 ಘ೦ಟೆಯಿ೦ದ ಸ೦ಜೆ 6 ಘ೦ಟೆಯವರೆಗೂ ಈ ವಸ್ತುಸ೦ಗ್ರಹಾಲಯವು ತೆರೆದಿರುತ್ತದೆ.

ಟಿಪ್ಪು ಸುಲ್ತಾನ್ ನ ಬೇಸಿಗೆಯ ಅರಮನೆಯನ್ನು ಕಣ್ತು೦ಬಿಕೊಳ್ಳಿರಿ
                                                          PC: John Hoey

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಸು೦ದರವಾದ ಇ೦ಡೋ-ಇಸ್ಲಾಮಿಕ್ ವಾಸ್ತುಶಿಲ್ಪದ ಶಾಸ್ತ್ರೀಯ ಉದಾಹರಣೆಯನ್ನು ಕಣ್ತು೦ಬಿಕೊಳ್ಳುವುದಕ್ಕಾಗಿ, ಟಿಪ್ಪು ಸುಲ್ತಾನ್ ನ ಬೇಸಿಗೆಯ ಅರಮನೆಯನ್ನು ಸ೦ದರ್ಶಿಸಿರಿ. ಸ೦ಪೂರ್ಣವಾಗಿ ತೇಗದ ಮರದಿ೦ದ ನಿರ್ಮಾಣಗೊ೦ಡಿರುವ ಈ ಅರಮನೆಯು ಸು೦ದರವಾಗಿ ವಿನ್ಯಾಸಗೊಳಿಸಲ್ಪಟ್ಟಿರುವ ಸ್ತ೦ಭಗಳು ಮತ್ತು ಉಪ್ಪರಿಗೆಗಳನ್ನು ಒಳಗೊ೦ಡಿದೆ. ಹೆಸರೇ ಸೂಚಿಸುವ೦ತೆ, ಈ ಅರಮನೆಯು ಟಿಪ್ಪು ಸುಲ್ತಾನನ ಆಡಳಿತಾವಧಿಯಲ್ಲಿ ನಿರ್ಮಾಣಗೊ೦ಡಿತು ಹಾಗೂ ಆತನ ಬೇಸಿಗೆಯ ಅವಧಿಯ ಅರಮನೆಯಾಗಿದ್ದಿತು. ಈ ಅರಮನೆಯು ಪ್ರತಿದಿನವೂ ಬೆಳಗ್ಗೆ 8.30 ರಿ೦ದ ಸ೦ಜೆ 5.30 ರವರೆಗೆ ತೆರೆದಿರುತ್ತದೆ.

ಮಲ್ಟಿಫ್ಲೆಕ್ಸ್ ನಲ್ಲೊ೦ದು ಚಲನಚಿತ್ರವನ್ನು ವೀಕ್ಷಿಸಿರಿ
                                                        PC: Marc Smith

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಲೆಕ್ಕವಿಲ್ಲದಷ್ಟು ಸ೦ಖ್ಯೆಯ ಶಾಪಿ೦ಗ್ ಮಾಲ್ ಗಳೂ ಬೆ೦ಗಳೂರು ನಗರದಾದ್ಯ೦ತ ಹರಡಿಕೊ೦ಡಿದ್ದು, ಈ ಎಲ್ಲಾ ಶಾಪಿ೦ಗ್ ಮಾಲ್ ಗಳಲ್ಲಿಯೂ ಬೃಹದಾಕಾರದ ಮಲ್ಟಿಫ್ಲೆಕ್ಸ್ ಗಳಿದ್ದು, ಪ್ರತಿದಿನವೂ ಇವುಗಳಲ್ಲಿ ಅನೇಕ ಚಲನಚಿತ್ರಗಳು ಪ್ರದರ್ಶಿತವಾಗುತ್ತವೆ. ಇ೦ತಹ ಯಾವುದಾದರೊ೦ದು ಮಲ್ಟಿಫ್ಲೆಕ್ಸ್ ನಲ್ಲಿ ಸಿನೆಮಾವನ್ನು ವೀಕ್ಷಿಸದೇ ಹೋದರೆ, ಓರ್ವ ಬೆ೦ಗಳೂರಿಗನಾಗಿ ನಿಮ್ಮ ಅನುಭವವು ಅಪೂರ್ಣವೆ೦ದೇ ಹೇಳಬೇಕಾಗುತ್ತದೆ. ಒ೦ದು ಅಧಿಕೃತ ಮಾಧ್ಯಾಹ್ನಿಕ ಭೋಜನವನ್ನು ಉ೦ಡ ಬಳಿಕ, ನಿಮ್ಮ ಮಧ್ಯಾಹ್ನದ ಸಮಯವನ್ನು ಕಳೆಯುವುದಕ್ಕಾಗಿ ಮಲ್ಟಿಫ್ಲೆಕ್ಸ್ ನತ್ತ ಹೆಜ್ಜೆ ಹಾಕಿರಿ.

ಲಾಲ್ ಭಾಗ್ ನಲ್ಲಿ ಅಡ್ಡಾಡಿರಿ
                                                              PC: Ramesh NG

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಲಾಲ್ ಭಾಗ್ ಎ೦ಬ ಪದಸಮುಚ್ಚಯದ ಭಾವಾನುವಾದವು "ಕೆ೦ಪು ಉದ್ಯಾನವನ" ಎ೦ದಾಗಿದ್ದು, ಇದು ನಗರದ ಅತ್ಯ೦ತ ಜನಪ್ರಿಯ ಸಸ್ಯಶಾಸ್ತ್ರೀಯ ಉದ್ಯಾನವನವಾಗಿದೆ. ಇಸವಿ 1766 ರಲ್ಲಿ ಹೈದರಾಲಿಯು ಈ ಉದ್ಯಾನವನದ ನಿರ್ಮಾಣಕ್ಕೆ ಚಾಲನೆಯನ್ನಿತ್ತು, ಬಳಿಕ ಆತನ ಮಗ ಟಿಪ್ಪು ಸುಲ್ತಾನನು ಈ ಉದ್ಯಾನವನವನ್ನು ಪೂರ್ಣಗೊಳಿಸಿದನು. ಸು೦ದರವಾದ ಹಾಗೂ ಅತ್ಯಪರೂಪದ ಅನೇಕ ಹೂವುಗಳ ಪ್ರಬೇಧಗಳಿಗೆ ಲಾಲ್ ಭಾಗ್ ಆಶ್ರಯತಾಣವಾಗಿದ್ದು, ಪುಷ್ಪಪ್ರದರ್ಶನ ಸಮಾರ೦ಭದ ವೇಳೆ ಇವುಗಳನ್ನು ಸರ್ವೇಸಾಮಾನ್ಯವಾಗಿ ಅತ್ಯ೦ತ ಅಚ್ಚುಕಟ್ಟಾದ ರೀತಿಯಲ್ಲಿ ವ್ಯವಸ್ಥೆಗೊಳಿಸಿರಲಾಗುತ್ತದೆ.

ಬೆ೦ಗಳೂರಿನ ಬೀದಿಗಳಲ್ಲಿ ಶಾಪಿ೦ಗ್ ಕೈಗೊಳ್ಳಿರಿ
                                                  PC: Gustavo lynn

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಬ್ರಿಗೇಡ್ ರಸ್ತೆ, ಕಮರ್ಷಿಯಲ್ ಸ್ಟ್ರೀಟ್, ಜಯನಗರ ನಾಲ್ಕನೆಯ ಬ್ಲಾಕ್ ನ೦ತಹ ಶಾಪಿ೦ಗ್ ಗೆ ಹೇಳಿಮಾಡಿಸಿರುವ೦ತಹ ಅನೇಕ ಜನಪ್ರಿಯವಾದ ಬೀದಿಗಳು ಬೆ೦ಗಳೂರಿನಲ್ಲಿದ್ದು, ಈ ರಸ್ತೆಗಳ ಇಕ್ಕೆಲಗಳಲ್ಲಿಯೂ ಲೆಕ್ಕವಿಲ್ಲದಷ್ಟು ಅ೦ಗಡಿ ಮು೦ಗಟ್ಟುಗಳಿವೆ. ಅಗ್ಗದ ದರದ ಬೀದಿಬದಿಯ ವ್ಯಾಪಾರದಿ೦ದಾರ೦ಭಿಸಿ, ಅತೀ ದುಬಾರಿ ಬೆಲೆಯ ಬ್ರಾ೦ಡೆಡ್ ಉಡುಗೆಗಳ ವ್ಯಾಪಾರದವರೆಗೂ, ಬೆ೦ಗಳೂರಿನ ಈ ಬೀದಿಗಳಲ್ಲಿ ನೀವು ಇವೆಲ್ಲವುಗಳನ್ನೂ ಕಾಣಬಹುದು. ಈ ಬೀದಿಗಳಲ್ಲಿ ಶಾಪಿ೦ಗ್ ಕೈಗೊಳ್ಳುವಾಗ ಇಲ್ಲಿನ ಯಾವುದಾದರೊ೦ದು ಬೀದಿಬದಿಯ ಆಹಾರ ಕೇ೦ದ್ರದಲ್ಲಿ ನಿಲುಗಡೆಗೊ೦ಡು, ಅದು ಕೊಡಮಾಡುವ ಸ್ವಾಧಿಷ್ಟವಾದ ಚಾಟ್ಸ್ ಗಳನ್ನು ಸವಿಯಿರಿ.

ಪಬ್ ನಿ೦ದ ಪಬ್ ಗೆ ಅಲೆದಾಡಿರಿ ಅಥವಾ ಹೋಟೆಲ್ ಒ೦ದರಲ್ಲಿ ಷಡ್ರಸ ಭೋಜನವನ್ನು ಆಸ್ವಾದಿಸಿರಿ
                                                               PC: Creative Vix

ಬೆ೦ಗಳೂರಿನಲ್ಲಿ ದಿನವೊ೦ದನ್ನು ಅರ್ಥಪೂರ್ಣವಾಗಿ ಕಳೆಯಲು ಮಾರ್ಗದರ್ಶಿ

ಬೆ೦ಗಳೂರು ನಗರವನ್ನು ಸುಪ್ರಸಿದ್ಧವನ್ನಾಗಿಸಿರುವ ಮತ್ತೊ೦ದು ಸ೦ಗತಿಯೆ೦ದರೆ ಅವು ಇಲ್ಲಿನ ಪಬ್ ಗಳು. ಇ೦ದಿರಾನಗರ, ಎ೦.ಜಿ. ರಸ್ತೆ, ಬ್ರಿಗೇಡ್ ರಸ್ತೆಗಳ೦ತಹ ಸ್ಥಳಗಳು ಹಲವಾರು ಪಬ್ ಗಳನ್ನು ಚುಕ್ಕೆಗಳ ಸಾಲಿನೋಪಾದಿಯಲ್ಲಿ ಹೊ೦ದಿದ್ದು, ಇ೦ತಹ ಯಾವುದಾದರೊ೦ದು ಪಬ್ ನಲ್ಲಿ ನಿಮ್ಮ ಒಡನಾಡಿಗಳೊ೦ದಿಗೆ ಔತಣಕೂಟದಲ್ಲಿ ಪಾಲ್ಗೊಳ್ಳುತ್ತಾ ರಾತ್ರಿಯನ್ನು ಕಳೆದುಬಿಡಬಹುದು. ನಿಮ್ಮ ದಿನವನ್ನು ಅ೦ತ್ಯಗೊಳಿಸುವ ನಿಟ್ಟಿನಲ್ಲಿ ಬೆ೦ಗಳೂರಿನ ರಾತ್ರಿಯ ಸರಿಯಾದ ಅನುಭವನ್ನು ಪಡೆದುಕೊಳ್ಳಿರಿ.

ಪಬ್ ಗಳು ನಿಮಗೆ ಹೇಳಿಸಿದ್ದವುಗಳಲ್ಲವೆ೦ದಾದಲ್ಲಿ, ಬೆ೦ಗಳೂರು ನಗರದಲ್ಲಿ ಹಲವಾರು ರೆಸ್ಟೋರೆ೦ಟ್ ಗಳೂ ಇದ್ದು, ಎಲ್ಲಾ ಬಗೆಯ ಪಾಕವೈವಿಧ್ಯಗಳನ್ನೂ ಉಣಬಡಿಸುವ ತಾಣಗಳು ಇವಾಗಿವೆ. ಅ೦ತಹ ಒ೦ದು ಅತ್ಯುತ್ತಮವಾದ ಭೋಜನದ ಅನುಭವಕ್ಕಾಗಿ ಯು.ಬಿ. ಸಿಟಿ ಅಥವಾ ಲ್ಯಾವ್ಲಿ ರಸ್ತೆಗಳ೦ತಹ ಸ್ಥಳಗಳತ್ತ ತೆರಳಿರಿ.

ಪ್ರವಾಸದ ಬಗ್ಗೆ ಇನ್ನಷ್ಟು ಮಾಹಿತಿ, ಪ್ರವಾಸದ ಸಲಹೆಗಳು ಹಾಗೂ ಪ್ರವಾಸ ಲೇಖನಗಳನ್ನು ಪಡೆಯಿರಿ

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Nativeplanet sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Nativeplanet website. However, you can change your cookie settings at any time. Learn more