ರಜೆ ಒಂದೇ ದಿನ… ಮಜಾ 5 ದಿನ, ಆಗಸ್ಟ್ ತಿಂಗಳಲ್ಲಿ ಮಾತ್ರ ಈ ಅವಕಾಶ ಲಭ್ಯ! ಹೇಗೆ ಗೊತ್ತಾ?

ಈ ಬಾರಿ ಆಗಸ್ಟ್ ತಿಂಗಳಿನಲ್ಲಿ ವೀಕೆಂಡ್ ನಲ್ಲಿ ಎಂಜಾಯ್ ಮಾಡಲು ಸಾಕಷ್ಟು ಅವಕಾಶ ಸಿಗುತ್ತದೆ. ಎಷ್ಟರ ಮಟ್ಟಿಗೆ ಅಂದರೆ ನೀವು ವಿದೇಶ ಪ್ರವಾಸವನ್ನು ಸಹ ಯೋಜಿಸಬಹುದು. ಹೌದು, ಕೇವಲ 1 ದಿನದ ರಜೆ ತಗೆದುಕೊಂಡರೆ ನೀವು 5 ದಿನಗಳ ಕಾಲ ಆನಂದಿಸಬಹುದು. ಹೇಗೆ ಅಂತೀರಾ?, ನೀವು ಎಲ್ಲೋ ಹೋಗಬೇಕೆಂದಿದ್ದರೆ ಈಗಲೇ ಪ್ಲಾನ್ ಮಾಡಿ. ವಾರಾಂತ್ಯವು ಆಗಸ್ಟ್ 15 ರ ರಜೆಯೊಂದಿಗೆ ಪ್ರಾರಂಭವಾಗುತ್ತದೆ. ಬೇಕಿದ್ದರೆ ನೀವೂ ಮನೆಗೆ ಹೋಗಿ ಅಕ್ಕನೊಂದಿಗೆ ರಾಖಿ ಹಬ್ಬವನ್ನು ಸಹ ಆಚರಿಸಬಹುದು. ಈ 5 ದಿನಗಳ ರಜಾದಿನಗಳನ್ನು ನೀವು ಹೇಗೆ ಯೋಜಿಸಬಹುದು ಎಂಬುದನ್ನು ತಿಳಿಯಿರಿ.ದೀರ್ಘ ವಾರಾಂತ್ಯವು ಆಗಸ್ಟ್ 15 ರಿಂದ ಪ್ರಾರಂಭಆಗಸ್ಟ್ ನಲ್ಲಿ ಬರುವ ಈ ದೀರ್ಘ ವಾರಾಂತ್ಯವು ಆಗಸ್ಟ್ 15 ರ ರಜಾದಿನದೊಂದಿಗೆ ಪ್ರಾರಂಭವಾಗುತ್ತದೆ. ಆಗಸ್ಟ್ 15 ರಂದು ಗುರುವಾರ ರಜಾದಿನವಾಗಿದೆ. ಇದರ ನಂತರ ನೀವು ಶುಕ್ರವಾರ ಅಂದರೆ ಆಗಸ್ಟ್ 16 ರಂದು ಒಂದು ದಿನದ ರಜೆ ತೆಗೆದುಕೊಳ್ಳಬೇಕಾಗುತ್ತದೆ. ನಂತರ ಶನಿವಾರ ಮತ್ತು ಭಾನುವಾರ ಅಂದರೆ ಆಗಸ್ಟ್ 17 ಮತ್ತು ಆಗಸ್ಟ್ 18 ರಂದು ರಜೆ ಇರುತ್ತದೆ. ಇದಾದ ನಂತರ ಆಗಸ್ಟ್ 19 ರ ಸೋಮವಾರ ರಕ್ಷಾಬಂಧನ ರಜೆ ಇದೆ (ಕೆಲವು ಕಡೆ ಮಾತ್ರ). ಅಂದರೆ ಕೇವಲ 1 ದಿನ ರಜೆ ತೆಗೆದುಕೊಂಡ ನಂತರ, ನೀವು 5 ದಿನಗಳ ಕಾಲ ಮಜಾ ಮಾಡಬಹುದು.1 ದಿನದ ರಜೆ, 5 ದಿನ ಮೋಜು5 ದಿನಗಳ ದೀರ್ಘ ವಾರಾಂತ್ಯದಲ್ಲಿ, ನೀವು ದುಬೈ, ಸಿಂಗಾಪುರ್, ಮಲೇಷ್ಯಾ, ಫುಕೆಟ್ ಅಥವಾ ಶ್ರೀಲಂಕಾದಂತಹ ಹತ್ತಿರದ ದೇಶಗಳಿಗೆ ಸಹ ಪ್ರಯಾಣಿಸಬಹುದು. ನೀವು ವಿಶ್ರಾಂತಿ ಪಡೆಯಲು ಬಯಸಿದರೆ, ನೀವು ಮುಂಬೈ ಬಳಿಯ ಮಹಾಬಲೇಶ್ವರ ಮತ್ತು ಪಂಚಗಣಿಗೆ ಭೇಟಿ ನೀಡಲು ಯೋಜಿಸಬಹುದು. ಮಳೆಗಾಲದಲ್ಲಿ ಇಲ್ಲಿನ ಹವಮಾನ ಅದ್ಭುತವಾಗಿರುತ್ತದೆ. ನೀವು ಬಯಸಿದರೆ ಈ ಕೆಳಕಂಡ ಗಿರಿಧಾಮಗಳಿಗೆ ಸಹ ಭೇಟಿ ನೀಡಬಹುದು.ಮಾನ್ಸೂನ್ ನಲ್ಲಿ ಭೇಟಿ ನೀಡಲು ಉತ್ತಮ ಸ್ಥಳಗಳುಊಟಿ: ಊಟಿಯು ಸ್ವರ್ಗಕ್ಕಿಂತ ಕಡಿಮೆಯಿಲ್ಲ, ಇಲ್ಲಿ ನೋಡಲು ಸಾಕಷ್ಟು ಸ್ಥಳಗಳಿವೆ.. ಹಸಿರು ಮತ್ತು ಆಹ್ಲಾದಕರ ವಾತಾವರಣದಿಂದ ತುಂಬಿರುವ ಊಟಿಯನ್ನು ಗಿರಿಧಾಮಗಳ ರಾಣಿ ಎಂದೇ ಕರೆಯಲಾಗುತ್ತದೆ.ಡಾರ್ಜಿಲಿಂಗ್: ಡಾರ್ಜಿಲಿಂಗ್ ಅತ್ಯಂತ ಸುಂದರವಾದ ಗಿರಿಧಾಮವಾಗಿದೆ. ಈ ಗಿರಿಧಾಮವು ಕಾಂಚನಜುಂಗಾ ಪರ್ವತ ಶ್ರೇಣಿಯ ಮಡಿಲಲ್ಲಿದೆ. ಪಶ್ಚಿಮ ಬಂಗಾಳದಲ್ಲಿರುವ ಈ ಗಿರಿಧಾಮ ನೈನಿತಾಲ್ ಮತ್ತು ಶಿಮ್ಲಾಕ್ಕಿಂತ ಸುಂದರವಾಗಿದೆ.ಕೂರ್ಗ್: ನಿತ್ಯಹರಿದ್ವರ್ಣ ಕಾಡುಗಳು, ಮಂಜಿನ ಬೆಟ್ಟಗಳು, ಮೋಡಿಮಾಡುವ ಶಿಖರಗಳು, ಹಚ್ಚ ಹಸಿರಿನ ಕಣಿವೆಗಳು ಮತ್ತು ಪ್ರಶಾಂತತೆಗೆ ಹೆಸರುವಾಸಿಯಾಗಿದೆ ಕೂರ್ಗ್. ಈ ಸುಂದರ ನಗರಕ್ಕೆ ಭೇಟಿ ನೀಡುವ ಅವಕಾಶವನ್ನು ನೀವೂ ಕಳೆದುಕೊಳ್ಳಬೇಡಿ.ಶಿಲ್ಲಾಂಗ್: ಶಿಲ್ಲಾಂಗ್ ಸಮುದ್ರ ಮಟ್ಟದಿಂದ 1,491 ಮೀಟರ್ ಎತ್ತರದಲ್ಲಿದೆ, ಇದು ಮೇಘಾಲಯದ ರಾಜಧಾನಿ ಮತ್ತು ಪ್ರಸಿದ್ಧ ಗಿರಿಧಾಮವಾಗಿದೆ. ಎಲ್ಲಾ ಕಡೆಯಿಂದ ತಲುಪಬಹುದಾದ ದೇಶದ ಮೊದಲ ಗಿರಿಧಾಮ ಇದಾಗಿದೆ.ಮುನ್ನಾರ್: ಮುನ್ನಾರ್ ಸುತ್ತಲೂ ನೀವು ಭೇಟಿ ನೀಡಬಹುದಾದ ಅನೇಕ ಆಸಕ್ತಿದಾಯಕ ಸ್ಥಳಗಳಿವೆ. ನೀವು ನಿಸರ್ಗ ಪ್ರೇಮಿಯಾಗಿದ್ದರೆ ಎಕೋ ಪಾಯಿಂಟ್, ಎರ್ವಿಕುಲಂ ರಾಷ್ಟ್ರೀಯ ಉದ್ಯಾನವನ ಮತ್ತು ಕುಂಡಲ ಸರೋವರದಂತಹ ವಿಶೇಷ ಸ್ಥಳಗಳಿಗೆ ಭೇಟಿ ನೀಡಬಹುದು.ರಾನಿಖೇತ್: ಉತ್ತರಾಖಂಡದಲ್ಲಿ ಪ್ರವಾಸಿಗರಿಗೆ ಭೇಟಿ ನೀಡಲು ಹಲವು ಸ್ಥಳಗಳಿವೆ, ಅಲ್ಲಿ ನೀವು ದುಬಾರಿಯಿಂದ ಅಗ್ಗದವರೆಗೆ ಎಲ್ಲಾ ರೀತಿಯ ಸ್ಥಳಗಳನ್ನು ನೋಡಬಹುದು. ರಾಣಿಖೇತ್ ಸುಂದರವಾಗಿದ್ದು, ಭೇಟಿ ನೀಡಲು ಅಗ್ಗದ ಸ್ಥಳವಾಗಿದೆ.ಮೌಂಟ್ ಅಬು: ರಾಜಸ್ಥಾನದ ಏಕೈಕ ಗಿರಿಧಾಮವಾಗಿರುವ ಮೌಂಟ್ ಅಬು ಸ್ವರ್ಗಕ್ಕಿಂತ ಕಡಿಮೆಯಿಲ್ಲ. ಒಂದು ವರದಿಯ ಪ್ರಕಾರ ಸಿರೋಹಿಯ ಮಹಾರಾಜರು ಇದನ್ನು ಬ್ರಿಟಿಷರಿಗೆ ಗುತ್ತಿಗೆ ನೀಡಿದ್ದರು.ಜೋಗ್ ಫಾಲ್ಸ್: ದೇಶದ ಕೆಲವು ಭಾಗಗಳಲ್ಲಿ ಮಳೆ ಅನಾಹುತವನ್ನು ಸೃಷ್ಟಿಸಿದ್ದರೆ, ಭಾರತದ ಅತಿದೊಡ್ಡ ಜಲಪಾತವಾದ ಜೋಗ ಜಲಪಾತದ ಸೌಂದರ್ಯವು ಹಲವಾರು ಪಟ್ಟು ಹೆಚ್ಚಾಗಿದೆ. ಜಲಪಾತಗಳ ನೈಜ ಸೌಂದರ್ಯವನ್ನು ಮಳೆಗಾಲದಲ್ಲಿ ಮಾತ್ರ ಕಾಣಬಹುದು.ಪಚ್ಮರ್ಹಿ: ಮಧ್ಯಪ್ರದೇಶದಲ್ಲಿರುವ ಪಚ್ಮರ್ಹಿಯ ಸೌಂದರ್ಯಕ್ಕೆ ನೀವು ಕಳೆದುಹೋಗುವುದು ಖಂಡಿತ. ಇಲ್ಲಿ ನೀವು ನಿಮ್ಮ ಸ್ನೇಹಿತರು ಮತ್ತು ಕುಟುಂಬದೊಂದಿಗೆ ವಿಶ್ರಾಂತಿ ಕ್ಷಣಗಳನ್ನು ಕಳೆಯಬಹುದು.ಗಮನಿಸಿ...ಉತ್ತರಾಖಂಡ ಮತ್ತು ಹಿಮಾಚಲದ ಪರ್ವತಗಳು ಮಳೆಯ ದಿನಗಳಲ್ಲಿ ಸ್ವಲ್ಪ ಅಪಾಯಕಾರಿಯಾಗುತ್ತವೆ. ಇಲ್ಲಿ ಭೂಕುಸಿತದ ಅಪಾಯವು ಗಮನಾರ್ಹವಾಗಿ ಹೆಚ್ಚಾಗುತ್ತದೆ. ಆದ್ದರಿಂದ, ನೀವು ಯಾವುದೇ ಯೋಜನೆಯನ್ನು ಮಾಡಿದರೂ, ಅದನ್ನು ಚಿಂತನಶೀಲವಾಗಿ ಮಾಡಿ.