ಅಮೃತೇಶ್ವರ ದೇವಾಲಯದ ಕಲಾ ಸೌಂದರ್ಯಕ್ಕೆ ಎಂಥವರು ಕೂಡ ಬೆರಗಾಲೇಬೇಕು...

ಅಮೃತೇಶ್ವರ ದೇವಾಲಯ ಎಲ್ಲಿದೆ?

ಈ ಸುಂದರವಾದ ದೇವಾಲಯವಿರುವುದು ನಮ್ಮ ಕರ್ನಾಟಕದಲ್ಲಿನ ಚಿಕ್ಕಮಂಗಳೂರು ಜಿಲ್ಲೆಯ ಒಂದು ಸಣ್ಣ ಅಮೃತಪುರ ಹಳ್ಳಿಯಲ್ಲಿ. ಅಮೃತಪುರವು ಅಮೃತೇಶ್ವರ ದೇವಾಲಯಕ್ಕೆ ಖ್ಯಾತಿಯನ್ನು ಪಡೆದಿದೆ.

PC:Dineshkannambadi

ಯಾರು ನಿರ್ಮಿಸಿದರು?

ಈ ಸುಂದರವಾದ ಶಿಲ್ಪಕಲೆಗಳನ್ನು ಹೊಂದಿರುವ ದೇವಾಲಯವನ್ನು ನಿರ್ಮಿಸಿದವರು ಹೊಯ್ಸಳ ರಾಜವಂಶದ 2ನೇ ವೀರ ಬಳ್ಳಾಲ. ಈ ದೇವಾಲಯವನ್ನು ಸುಮಾರು 1196 ರಲ್ಲಿ ನಿರ್ಮಿಸಿದ್ದಾರೆ ಎಂದು ಇತಿಹಾಸ ತಿಳಿಸುತ್ತದೆ.

PC:Dineshkannambadi

ವಾಸ್ತು ಶಿಲ್ಪ

ಈ ಅಮೃತೇಶ್ವರ ದೇವಾಲಯವನ್ನು ಹೊಯ್ಸಳ ವಾಸ್ತುಶಿಲ್ಪ ಶೈಲಿಯಲ್ಲಿ ನಿರ್ಮಿಸಲಾಗಿದೆ. ಇಲ್ಲಿ ಒಂದು ವಿಶಾಲವಾದ ತೆರೆದ ಮಂಟಪದ ನಿರ್ಮಾಣವನ್ನು ಕಾಣಬಹುದಾಗಿದೆ. ಇದೊಂದು ಹೊಯ್ಸಳ ನಿರ್ಮಾಣ ಶೈಲಿಯ ನಿರ್ದನವಾಗಿದೆ.

PC:Dineshkannambadi

ಸುಂದರವಾದ ಕೆತ್ತನೆಗಳು

ಈ ದೇವಾಲಯದಲ್ಲಿ ಸಮಾನವಾದ ವೃತ್ತಾಕಾರದ ಕೆತ್ತನೆಗಳನ್ನು ಹೊಂದಿರುವ ಹೊರ ಗೋಡೆಗಳನ್ನು ಕಾಣಬಹುದಾಗಿದೆ. ಈ ದೇವಾಲಯದ ಗೋಪುರವಂತೂ ಸೂಕ್ಷ್ಮವಾದ ಕೆತ್ತನೆಗಳಿಂದ ಕಂಗೊಳಿಸುತ್ತಿದೆ.

PC:Dineshkannambadi

ವೀರ ನಾರಾಯಣ ದೇವಾಲಯ

ಈ ದೇವಾಲಯದ ಮಂಟಪ ರಚನೆ ಮತ್ತು ಗಾತ್ರ ವೀರ ನಾರಾಯಣ ದೇವಾಲಯಕ್ಕೆ ಹೋಲಿಕೆಯಾಗುವಂತೆ ಇದೆಯಂತೆ. ತೆರದ ಮಂಟಪವು 29 ಕೊಲ್ಲಿಗಳನ್ನು ಹಾಗೂ ಮುಚ್ಚಿದ ಮಂಟಪವು 9 ಕೊಲ್ಲಿಗಳನ್ನು ಒಳಗೊಂಡಿದೆ.

PC:Dineshkannambadi

ಹೊಯ್ಸಳ ಲಾಂಛನ

ಈ ದೇವಾಲಯವನ್ನು ಹೊಯ್ಸಳರು ನಿರ್ಮಾಣ ಮಾಡಿರುವುದು ಎಂಬುದಕ್ಕೆ ಸಾಕ್ಷಿಯೆಂಬಂತೆ ಈ ದೇವಾಲಯದಲ್ಲಿ ಹೊಯ್ ಎಂಬ ರಾಜನು ಸಿಂಹವನ್ನು ಕೊಲ್ಲುತ್ತಿರುವ ಹೊಯ್ಸಳರ ಲಾಂಛನವನ್ನು ಇಲ್ಲಿ ಕಾಣಬಹುದು.

PC:Dineshkannambadi

ಒಳ ಛಾವಣಿಯ ರಚನೆ

ನೀವು ಈ ದೇವಾಲಯದಲ್ಲಿನ ಒಳ ಛಾವಣಿಯನ್ನು ಕಂಡರೇ ಮೂಕ ವಿಸ್ಮಿತರಾಗುವುದಂತೂ ಖಂಡಿತ. ಮಂಟಪದ ಮಧ್ಯೆ ಭಾಗದಲ್ಲಿ ಸುಂದರವಾದ ಹೂವಿನ ವಿನ್ಯಾಸವಿದೆ. ಈ ಹೂವಿನ ಕೆತ್ತನೆಯು ಆನೇಕ ಅಲಂಕಾರಿಕ ಒಳಂಗಾಣ ಕೆತ್ತನೆಗಳನ್ನು ಕಾಣಬುದಾಗಿದೆ. ಈ ಸುಂದರವಾದ ಕೆತ್ತನೆಯನ್ನು ಇಲ್ಲಿಗೆ ಬರುವ ಹಲವಾರು ಪ್ರವಾಸಿಗರು ಬೆರಗಾಗುತ್ತಾರೆ.

PC:Dineshkannambadi

ಶಿಲ್ಪಗಳು

ದೇವಾಲಯದ ಹೊರಭಾಗದಲ್ಲಿ ವಾಲಿ ಮತ್ತು ಸುಗ್ರೀವರು ಯುದ್ಧ ಮಾಡುತ್ತಿರುವ ಶಿಲ್ಪಗಳು, ಹಿಂದೂ ದೇವತಾ ಮೂರ್ತಿಗಳು, ಹಳೆಯ ಕನ್ನಡ ಶಾಸನಗಳು, ಕೀರ್ತಿ ಮೂಖಗಳನ್ನು ಇಲ್ಲಿ ಕಾಣಬಹುದಾಗಿದೆ.

PC:Dineshkannambadi

ಸಮೀಪದ ಪ್ರವಾಸಿ ತಾಣಗಳು

ಸಮಿಪದ ಪ್ರವಾಸಿ ತಾಣಗಳೆಂದರೆ ಅವು ಬಾಬಾ ಬುಡನ್‍ಗಿರಿ, ಅಯ್ಯನ ಕೆರೆ, ಕೊದಂಡರಾಮ ದೇವಾಲಯ, ಮಾಣಿಕ್ಯಾಧಾರ ಜಲಪಾತ, ಮುತುಡಿ ಫಾರೆಸ್ಟ್ ಕ್ಯಾಂಪ್ ಇನ್ನೂ ಹಲವಾರು...

PC:Dineshkannambadi

ತಲುಪುವ ಬಗೆ?

ಬೆಂಗಳೂರಿನಿಂದ ಚಿಕ್ಕಮಂಗಳೂರಿನ ಅಮೃತೇಶ್ವರ ದೇವಾಲಯಕ್ಕೆ ತಲುಪುವ ಸಮಯ ಸುಮಾರು 5 ಗಂಟೆ. ಸುಮಾರು 263 ಕಿ,ಮೀ ದೂರದ ಪ್ರಯಾಣ ಮಾಡಬೇಕಾಗುತ್ತದೆ.