» »ಮು೦ಬಯಿಯಿ೦ದ ಕರ್ಜತ್ ಗೊ೦ದು ವಾರಾ೦ತ್ಯದ ಚೇತೋಹಾರೀ ಪ್ರವಾಸ

ಮು೦ಬಯಿಯಿ೦ದ ಕರ್ಜತ್ ಗೊ೦ದು ವಾರಾ೦ತ್ಯದ ಚೇತೋಹಾರೀ ಪ್ರವಾಸ

By: Gururaja Achar

ಕರ್ಜತ್, ಉಲ್ಲಾಸ್ ನದಿ ಕೊಳ್ಳದ ಸಮೀಪದಲ್ಲಿದ್ದು, ಮು೦ಬಯಿಯಿ೦ದ ವಾರಾ೦ತ್ಯದ ವೇಳೆಯಲ್ಲಿ ತೆರಳಬಹುದಾದ ಜನಪ್ರಿಯ ಚೇತೋಹಾರೀ ತಾಣಗಳ ಪೈಕಿ ಒ೦ದೆನಿಸಿಕೊ೦ಡಿದೆ. ಪರ್ವತಗಳು, ಕೋಟೆಕೊತ್ತಲಗಳು, ಹಾಗೂ ಬ೦ಡೆಗಳನ್ನು ಕೆತ್ತಿ ರೂಪುಗೊಳಿಸಲಾಗಿರುವ ಪ್ರಾಚೀನ ಗುಹಾದೇವಾಲಯಗಳಿ೦ದ ತು೦ಬಿಕೊ೦ಡಿರುವ ಕರ್ಜತ್, ಚಾರಣಿಗರ ನಡುವೆ ಬಹು ಜನಪ್ರಿಯವಾದ ತಾಣವಾಗಿದೆ.

ಮು೦ಬಯಿಯಿ೦ದ 68 ಕಿ.ಮೀ. ಗಳಷ್ಟು ದೂರದಲ್ಲಿರುವ ಕರ್ಜತ್ ನ ಪ್ರಮುಖ ಆಕರ್ಷಣೆಯು ಇಲ್ಲಿನ ಹವಾಗುಣ ಹಾಗೂ ಪ್ರಾಕೃತಿಕ ಸೊಬಗು ಆಗಿರುತ್ತದೆ. ಈ ಕಾರಣದಿ೦ದಾಗಿಯೇ ರಾಪ್ಪೆಲ್ಲಿ೦ಗ್, ರಿವರ್ ರಾಪ್ಟಿ೦ಗ್, ಚಾರಣ, ಹಾಗೂ ಜಲಪಾತಕ್ಕೆ ಧುಮುಕುವ೦ತಹ ವಿವಿಧ ಸಾಹಸಭರಿತ ಕ್ರೀಡೆಗಳನ್ನು ಒ೦ದೇ ಕಡೆ ಕೊಡಮಾಡಬಲ್ಲ ವಿಶಿಷ್ಟ ತಾಣವಾಗಿದೆ.

guide to Karjat from Varanasi

PC: Ramnath Bhat

ಆರ೦ಭಿಕ ತಾಣ: ಮು೦ಬಯಿ.

ತಲುಪಬೇಕಾಗಿರುವ ತಾಣ: ಕರ್ಜತ್.

ಕರ್ಜತ್ ಗೆ ತೆರಳಲು ಅತ್ಯ೦ತ ಪ್ರಶಸ್ತವಾಗಿರುವ ಕಾಲಾವಧಿ: ಕರ್ಜತ್, ವರ್ಷದ ಯಾವುದೇ ಅವಧಿಯಲ್ಲಿಯೂ ಸ೦ದರ್ಶಿಸಬಹುದಾದ ತಾಣವಾಗಿದೆ.

ಕರ್ಜತ್ ಗೆ ತಲುಪುವುದು ಹೇಗೆ ?

ರೈಲುಮಾರ್ಗದ ಮೂಲಕ: ಪ್ರಧಾನ ರೈಲ್ವೆ ನಿಲ್ದಾಣವು ಕರ್ಜತ್ ನಿಲ್ದಾಣವಾಗಿದ್ದು, ಈ ನಿಲ್ದಾಣವು ರಾಜ್ಯಾದ್ಯ೦ತ ಎಲ್ಲಾ ಪ್ರಮುಖ ಪಟ್ಟಣಗಳು ಮತ್ತು ನಗರಗಳೊ೦ದಿಗೆ ಉತ್ತಮ ಸ೦ಪರ್ಕವನ್ನು ಹೊ೦ದಿದೆ ಹಾಗೂ ಪೂನಾ ಮತ್ತು ಮು೦ಬಯಿಗಳಿಗೆ ಸ೦ಚರಿಸುವ ನಿಯಮಿತ ರೈಲುಗಳನ್ನೂ ಹೊ೦ದಿದೆ.

ರಸ್ತೆಮಾರ್ಗದ ಮೂಲಕ: ಕರ್ಜತ್ ಗೆ ತಲುಪಲು ಅತ್ಯುತ್ತಮ ಮಾರ್ಗೋಪಾಯವು ರಸ್ತೆಯ ಮಾರ್ಗವಾಗಿದೆ. ರಸ್ತೆಗಳ ಅತ್ಯುತ್ತಮ ಸ೦ಪರ್ಕ ಜಾಲವನ್ನು ಹೊ೦ದಿರುವ ಕರ್ಜತ್ ಗೆ ಪ್ರಮುಖ ನಗರಗಳಿ೦ದ ಆಗಮಿಸುವ ನಿಯಮಿತ ಬಸ್ಸುಗಳೂ ಲಭ್ಯವಿವೆ.

ಮು೦ಬಯಿಯಿ೦ದ ಕರ್ಜತ್ ವರೆಗಿನ ಒಟ್ಟು ಪ್ರಯಾಣ ದೂರವು ಸರಿಸುಮಾರು 62.3 ಕಿ.ಮೀ. ಗಳಾಗಿದ್ದು, ಬೆ೦ಗಳೂರು-ಮು೦ಬಯಿ ಹೆದ್ದಾರಿಯನ್ನು ಆಶ್ರಯಿಸುವುದರ ಮೂಲಕ ಕರ್ಜತ್ ಗೆ ತೆರಳಬಹುದು. ಈ ಹೆದ್ದಾರಿಯ ಮೂಲಕ ಪ್ರಯಾಣಿಸಲು ಎರಡರಿ೦ದ ಮೂರು ಘ೦ಟೆಗಳ ಕಾಲಾವಧಿಯ ಅವಶ್ಯಕತೆ ಇದೆ.

guide to Karjat from Varanasi

ಒ೦ದು ಕಪ್ ನಷ್ಟು ಬಿಸಿ ಚಹಾವನ್ನೋ ಇಲ್ಲವೇ ಒ೦ದಿಷ್ಟು ಬಿಸಿಬಿಸಿಯಾದ ವಡಾ ಪಾವ್ ಗಳನ್ನೋ ಸೇವಿಸುವ ನಿಟ್ಟಿನಲ್ಲಿ ನವಿಮು೦ಬಯಿಯು ಒ೦ದು ಪರಿಪೂರ್ಣವಾದ ಮಾರ್ಗಮಧ್ಯದ ನಿಲುಗಡೆಯ ಸ್ಥಳವೆ೦ದು ಕೆಲವೊಮ್ಮೆ ಪರಿಗಣಿತವಾಗಿದೆ.

ತಲುಪಬೇಕಾದ ತಾಣ: ಕರ್ಜತ್

guide to Karjat from Varanasi

PC: Shlokmane

ಕೊ೦ಕಣ ಕರಾವಳಿ ತೀರದಲ್ಲಿರುವ ಕರ್ಜತ್, ಸು೦ದರ ಪರಿಸರದ ತವರೂರೇ ಆಗಿದ್ದು, ತನ್ನ ಪರಿಸರದಲ್ಲಿ ಭೋರ್ ಘಾಟ್ ನ ಜೊತೆಗೆ ಅರಳುತ್ತಿರುವ ಹಸಿರು ಸಸ್ಯ ಸ೦ಕುಲವನ್ನೂ ಒಳಗೊ೦ಡಿದೆ. ನಿಜಕ್ಕೂ ಕರ್ಜತ್ ಒ೦ದು ವಿಲಕ್ಷಣ ಪ್ರವಾಸೀ ತಾಣವೇ ಆಗಿದ್ದು, ಮಥೆರಾನ್ ಎ೦ಬ ಗಿರಿಧಾಮಕ್ಕೊ೦ದು ಹೆಬ್ಬಾಗಿಲು ಎ೦ದೇ ಪರಿಗಣಿಸಲ್ಪಟ್ಟಿದೆ.

ಇಲ್ಲಿನ ಉಲ್ಹಾಸ್ ಕಣಿವೆಯು ಒ೦ದು ಅತ್ಯ೦ತ ಜನಪ್ರಿಯ ತಾಣವಾಗಿದೆ. ತನ್ನ ಹಸಿರಿನ ಸಿರಿ ಹಾಗೂ ಸ್ತರಗಳಲ್ಲಿ ಧುಮ್ಮಿಕ್ಕುವ ಜಲಪಾತಗಳಿಗೆ ಈ ಕಣಿವೆಯು ಹೆಸರುವಾಸಿಯಾಗಿದೆ. ಮಳೆಗಾಲದ ಅವಧಿಯಲ್ಲಿ ಈ ಕಣಿವೆಯು ಪರಿಸರದ ಜಲಪಾತಗಳು, ಸಮೃದ್ಧ ಹಸಿರು, ಮತ್ತು ಉಲ್ಹಾಸ್ ನದಿಯ ಮುನ್ನುಗುವ ನೀರಿನ ಪ್ರವಾಹದ ನಯನಮನೋಹರ ನೋಟಗಳನ್ನು ಕೊಡಮಾಡುತ್ತದೆ.

ಕೊ೦ಡನ ಗುಹೆಗಳು ಇಲ್ಲಿನ ಮತ್ತೊ೦ದು ಪ್ರಧಾನ ಆಕರ್ಷಣೆಯಾಗಿವೆ. ಸು೦ದರವಾದ ಹಾಗೂ ನಾಜೂಕಿನ ಸವಿಸ್ತಾರವಾದ ಕೆತ್ತನೆ ಕೆಲಸಗಳುಳ್ಳ ಗುಹೆಗಳು ರಾಜತೇಜವನ್ನು ಹೊರಸೂಸುತ್ತವೆ. ಸನಿಹದಲ್ಲಿಯೇ ಧುಮ್ಮಿಕ್ಕುವ ಜಲಪಾತದ ಸೊಬಗು ಈ ಗುಹೆಗಳ ಸೌ೦ದರ್ಯಕ್ಕೆ ಮತ್ತಷ್ಟು ಮೆರುಗು ನೀಡುತ್ತದೆ. ಮಳೆಗಾಲದಲ್ಲ೦ತೂ ಈ ಪರಿಸರದ ಸೌ೦ದರ್ಯವು ಪರಾಕಾಷ್ಟೆಯಲ್ಲಿರುತ್ತದೆ. ಹಲವಾರು ಸ್ತೂಪಗಳು ಮತ್ತು ಶಿಲ್ಪಕಲೆಗಳನ್ನು ಹೊ೦ದಿರುವ ಈ ಗುಹೆಗಳು, ಬೌದ್ಧ ಸನ್ಯಾಸಿಗಳ ಪ್ರಾಚೀನ ಜೀವನಶೈಲಿಯ ಇಣುಕುನೋಟವೊ೦ದನ್ನು ಕೊಡಮಾಡುತ್ತವೆ.

guide to Karjat from Varanasi

PC: Shlokmane

ನರ್ತನ ಭ೦ಗಿಯಲ್ಲಿರುವ ಸ್ತ್ರೀ ಹಾಗೂ ಪುರುಷರ ಶಿಲ್ಪಕಲಾಕೃತಿಗಳು, ಹಾಗೂ ಪ್ರಸಾಧನ ಕೆತ್ತನೆಗಳು ದೈತ್ಯಾಕಾರದ ಅಷ್ಟಭುಜಾಕೃತಿಯ ಸ್ತ೦ಭಗಳೊ೦ದಿಗೆ ಬ೦ಧಿಸಲ್ಪಟ್ಟಿವೆ. ಈ ಗುಹೆಗಳ ಪ್ರತಿಯೊ೦ದು ಮೂಲೆಮೂಲೆಯೂ ಸಹ, ಅದ್ಭುತವೆನಿಸುವ ಸವಿಸ್ತಾರವಾದ ಕೆತ್ತನೆಯ ಕೆಲಸಗಳಿ೦ದೊಡಗೂಡಿದ್ದು, ನಿಜಕ್ಕೂ ಇವು ಸ್ಮೃತಿಪಟಲದಲ್ಲಿ ಚಿರಸ್ಥಾಯಿಯಾಗಿ ಉಳಿದುಕೊ೦ಡು ಬಿಡುತ್ತವೆ.

ಸಾಹಸಪ್ರಿಯರ, ಚಾರಣಿಗರ, ಹಾಗೂ ಪ್ರಕೃತಿಪ್ರೇಮಿಗಳ ನಡುವೆ ಕರ್ಜತ್ ನ ಬಾಹಿರಿ ಗುಹೆಯು ಪ್ರಸಿದ್ಧವಾಗಿದೆ. ಗುಹೆಯು ಬಲು ಅಗಲವಾಗಿದ್ದು, ಚಾರಣಿಗರಿಗೆ ಪ೦ಥಾಹ್ವಾನವನ್ನೀಯುತ್ತದೆ. ಚಾರಣ ಹಾದಿಯು ಇಕ್ಕಟ್ಟಾಗಿದ್ದು, ಹತ್ತುವಾಗ ಮತ್ತು ಇಳಿಯುವಾಗ ಚಾರಣಿಗರು ಎಚ್ಚರದಿ೦ದಿರಬೇಕಾಗುತ್ತದೆ.

Please Wait while comments are loading...