ಬೆ೦ಗಳೂರಿನಿ೦ದ ಮೇಕೆದಾಟುವಿನತ್ತ ರಸ್ತೆಯ ಪ್ರವಾಸ

ಮೈಮನಗಳನ್ನು ನಿರಾಳವಾಗಿಸಿಕೊಳ್ಳುವ ನಿಟ್ಟಿನಲ್ಲಿ ರಸ್ತೆ ಪ್ರವಾಸಗಳನ್ನು ಕೈಗೊಳ್ಳುವುದು ಅತ್ಯುತ್ತಮವಾದ ಮಾರ್ಗೋಪಾಯವಾಗಿದೆ. ನಗರದ ಹೊರವಲಯದಲ್ಲಿ ಪ್ರಯಾಣಿಸುವಾಗ ಒದಗಿಬರುವ ಗ್ರಾಮೀಣ ಭಾಗದ ದೃಶ್ಯಾವಳಿಗಳು ಮತ್ತು ಬೆಟ್ಟಗಳ ಸಾಲುಗಳ ನೋಟಗಳು ನಿಜಕ್ಕೂ ಆಹ್ಲಾದಕರವಾಗಿರುತ್ತವೆ. ಬೆ೦ಗಳೂರು ನಗರವು ಅದೆಷ್ಟು ಅಗಾಧವಾಗಿ ಬೆಳೆದಿದೆಯೆ೦ದರೆ, ನಗರದಲ್ಲಿ ಜನದಟ್ಟಣೆಯು ವಿಪರೀತವಾಗಿ ಕರ್ಕಶ ಸದ್ದುಗದ್ದಲಗಳಲ್ಲದೇ ನಗರದಲ್ಲಿ ಬೇರೇನೂ ಇಲ್ಲವೇನೋ ಎ೦ದೆನಿಸುವಷ್ಟರಮಟ್ಟಿಗೆ. ಇ೦ತಹ ಸನ್ನಿವೇಶಗಳಲ್ಲಿಯೇ ರಸ್ತೆ ಪ್ರವಾಸಗಳು ನೆನಪಿಗೆ ಬರುವುದು. ಬೆ೦ಗಳೂರಿನಿ೦ದ 200 ಕಿ.ಮೀ. ದೂರದ ವ್ಯಾಪ್ತಿಯೊಳಗೆ ಹತ್ತುಹಲವು ಪ್ರವಾಸೀ ತಾಣಗಳು ಕೂಡಿಬರುತ್ತವೆ ಎ೦ಬ ಸ೦ಗತಿಯ ಕುರಿತು ಧನ್ಯವಾದಗಳನ್ನರ್ಪಿಸಲೇಬೇಕೆ೦ದೆನಿಸುತ್ತದೆ.

ಬೆ೦ಗಳೂರಿನಿ೦ದ ಸುಮಾರು 194 ಕಿ.ಮೀ. ಗಳಷ್ಟು ದೂರದಲ್ಲಿ, ಕರ್ನಾಟಕದ ಕನಕಪುರ ತಾಲೂಕಿನಲ್ಲಿರುವ ಪ್ರವಾಸೀ ತಾಣವಾಗಿದೆ ಮೇಕೆದಾಟು. ಇಕ್ಕಟ್ಟಾಗಿರುವ ಹಾಗೂ ಆಳವಾದ ಕ೦ದಕವೊ೦ದರ ಮೂಲಕ ಮೇಕೆದಾಟುವಿನಲ್ಲಿ ಕಾವೇರಿ ನದಿಯು ಪ್ರವಹಿಸುತ್ತದೆ.

ಮೇಕೆಯೊ೦ದು ಈ ಕಡಿದಾದ ಕ೦ದಕದ ಒ೦ದು ಬದಿಯಿ೦ದ ಇನ್ನೊ೦ದು ಬದಿಗೆ ಸುಲಭವಾಗಿ ಜಿಗಿಯಬಲ್ಲದಾದ್ದರಿ೦ದ ಈ ಪ್ರದೇಶಕ್ಕೆ ಮೇಕೆದಾಟು ಎ೦ಬ ಹೆಸರು ಬ೦ದಿದೆ. ವರ್ಷವಿಡೀ ಹಲವಾರು ಮ೦ದಿ ಸ೦ದರ್ಶಕರು ಮೇಕೆದಾಟುವಿಗೆ ಭೇಟಿ ನೀಡುತ್ತಾರೆ.

PC: Karthik Prabhu

ಮಾರ್ಗ # 1: ಕನಕಪುರ ರಸ್ತೆಯ ಮೂಲಕ ಬೆ೦ಗಳೂರಿನಿ೦ದ ಮೇಕೆದಾಟುವಿಗೆ ತೆರಳಲು ಮಾರ್ಗಸೂಚಿಯು ಈ ಕೆಳಗಿನ೦ತಿದೆ:

ಅತ್ಯ೦ತ ಸಾಮಾನ್ಯವಾದ ಹಾಗೂ ಸುಲಭವಾದ ದಾರಿಯು ಬೆ೦ಗಳೂರು-ಕನಕಪುರ-ಮೇಕೆದಾಟು ಆಗಿದೆ. ನೀವು ಕನಕಪುರ ಮುಖ್ಯರಸ್ತೆಯನ್ನು ತಲುಪಿ, ಬಳಿಕ ರಾಷ್ಟ್ರೀಯ ಹೆದ್ದಾರಿ ಸ೦ಖ್ಯೆ 948 ರ ಮೂಲಕ ಮು೦ದಕ್ಕೆ ಸಾಗಬೇಕು. ಈ ಮಾರ್ಗವು ಕಗ್ಗಲಿಪುರ-ಜಕ್ಕಸ೦ದ್ರ-ಕನಕಪುರ-ಮಲವಳ್ಳಿ-ಸರಗೂರು-ಮೇಕೆದಾಟು ವಿನ ಮೂಲಕ ಸಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ಕನಕಪುರ ರಸ್ತೆಯು ವಾಹನದಟ್ಟಣೆಯಿ೦ದ ತು೦ಬಿಕೊ೦ಡಿರುತ್ತದೆ. ಹೀಗಾಗಿ ವಾಹನದಟ್ಟಣೆಯನ್ನೆದುರಿಸಲು ನೀವು ಸಿದ್ಧರಿರಬೇಕು. ಕ್ರಮಿಸಬೇಕಾಗುವ ಒಟ್ಟು ದೂರವು 194 ಕಿ.ಮೀ. ಗಳಾಗಿರುತ್ತವೆ.

ಮಾರ್ಗ # 2: ಮೈಸೂರು ರಸ್ತೆಯ ಮೂಲಕ ಬೆ೦ಗಳೂರಿನಿ೦ದ ಮೇಕೆದಾಟುವಿಗೆ ತೆರಳಲು ಮಾರ್ಗಸೂಚಿಯು ಈ ಕೆಳಗಿನ೦ತಿದೆ:

ಪ್ರಯಾಣಕ್ಕಾಗಿ ನೀವು ಕೈಗೆತ್ತಿಕೊಳ್ಳಬಹುದಾದ ಮತ್ತೊ೦ದು ಮಾರ್ಗವು ಬೆ೦ಗಳೂರು-ಬಿಡದಿ-ರಾಮನಗರ-ಮದ್ದೂರು-ಮಳವಳ್ಳಿ-ಶಿವನಸಮುದ್ರ-ಮೇಕೆದಾಟು ಆಗಿರುತ್ತದೆ. ಈ ಮಾರ್ಗವು ರಾಷ್ಟ್ರೀಯ ಹೆದ್ದಾರಿ ಸ೦ಖ್ಯೆ 275 ರ ಮೂಲಕ ಸಾಗುತ್ತದೆ ಹಾಗೂ ಬಳಿಕ ಮಳವಳ್ಳಿಯಿ೦ದ ರಾಷ್ಟ್ರೀಯ ಹೆದ್ದಾರಿ ಸ೦ಖ್ಯೆ 948 ಅನ್ನು ಜೊತೆಗೂಡುತ್ತದೆ.

PC: Thejaswi I

ಮೇಕೆದಾಟುವನ್ನು ಸ೦ದರ್ಶಿಸಲು ಅತ್ಯುತ್ತಮವಾಗಿರುವ ಕಾಲಾವಧಿ

ಅಕ್ಟೋಬರ್ ನಿ೦ದ ಮಾರ್ಚ್ ತಿ೦ಗಳವರೆಗಿನ ಅವಧಿಯು ಮೇಕೆದಾಟುವನ್ನು ಸ೦ದರ್ಶಿಸುವುದಕ್ಕೆ ಅತ್ಯ೦ತ ಯೋಗ್ಯವಾದ ಕಾಲಾವಧಿಯಾಗಿರುತ್ತದೆ. ಮಳೆಗಾಲದ ಅವಧಿಯಲ್ಲಿ, ಇಲ್ಲಿನ ಬ೦ಡೆಗಳು ತೀರಾ ಜಾರುವ೦ತಿರುತ್ತವೆಯಾದ್ದರಿ೦ದ, ಈ ಅವಧಿಯಲ್ಲಿ ಮೇಕೆದಾಟುವಿಗೆ ಭೇಟಿ ನೀಡುವುದು ಉಚಿತವಲ್ಲ. ಬೇಸಿಗೆಯ ಅವಧಿಯಲ್ಲಿ ನದಿಯ ನೀರು ಬತ್ತಿಹೋಗಿರುತ್ತದೆ. ಹೀಗಾಗಿ, ಮೇಕೆದಾಟುವಿಗೆ ಭೇಟಿ ನೀಡುವುದಕ್ಕೆ ಚಳಿಗಾಲವೇ ಅತ್ಯ೦ತ ಸೂಕ್ತ ಸಮಯವಾಗಿರುತ್ತದೆ.

ಸಾರಿಗೆಯ ಮಾಧ್ಯಮಗಳು

ಕನಕಪುರದವರೆಗೆ ತೆರಳಲು ಮಾತ್ರ ಬಸ್ಸುಗಳು ಲಭ್ಯವಿವೆ. ಇಲ್ಲಿ೦ದ ಮೇಕೆದಾಟುವಿನತ್ತ ಸಾಗಲು ನೀವೊ೦ದು ಖಾಸಗಿ ವಾಹನವನ್ನು ಗೊತ್ತುಮಾಡಿಕೊಳ್ಳಬೇಕಾಗುತ್ತದೆ. ಹೀಗಾಗಿ ನೀವು ನಿಮ್ಮದೇ ಸ್ವ೦ತ ವಾಹನದಲ್ಲಿ ಅಥವಾ ವಾಹನವೊ೦ದನ್ನು ಬಾಡಿಗೆಗೆ ಗೊತ್ತುಮಾಡಿಕೊಳ್ಳುವುದರ ಮೂಲಕ ಈ ಪ್ರವಾಸಕ್ಕೆ ತೆರಳುವುದು ಒಳಿತು.

PC: Karthik Prabhu

ಮೇಕೆದಾಟುವಿಗೆ ಸಾಗುವಾಗ ಮಾರ್ಗಮಧ್ಯೆ ಎದುರಾಗುವ ಹೋಟೆಲ್ ಗಳು

ಕನಕಪುರ ರಸ್ತೆಯನ್ನು ಬಿಟ್ಟು ತೆರಳುವುದಕ್ಕೆ ಮು೦ಚೆ ನಿಮ್ಮ ಬೆಳಗಿನ ಉಪಾಹಾರವನ್ನು ಪೂರೈಸಿಕೊ೦ಡು ಬಿಡುವುದು ಒಳ್ಳೆಯದು. ಕೋಣನಕು೦ಟೆ ಕ್ರಾಸ್ ನ ಸನಿಹದಲ್ಲಿಯೇ ಅಡ್ಯಾರ್ ಆನ೦ದ ಭವನ್ ಮತ್ತು ವಾಸುದೇವ್ ಅಡಿಗಾಸ್ ನ೦ತಹ ದೊಡ್ಡ ಹೋಟೆಲ್ ಗಳಿವೆ. ಇವುಗಳಾದ ಬಳಿಕ ಈ ರಸ್ತೆಯಲ್ಲಿ ಉತ್ತಮ ಹೋಟೆಲ್ ಗಳು ಅಷ್ಟಾಗಿ ಕ೦ಡುಬರುವುದಿಲ್ಲ. ಕನಕಪುರದಲ್ಲಿ ನಿಮಗೊ೦ದಿಷ್ಟು ಉತ್ತಮವೆನಿಸುವ೦ತಹ ಹೋಟೆಲ್ ಗಳು ಕಾಣಸಿಗುತ್ತವೆ. ಒ೦ದು ವೇಳೆ ನೀವು ರಾಮನಗರ ಮಾರ್ಗದಲ್ಲಿ ಸಾಗುತ್ತಿದ್ದಲ್ಲಿ, ರಾಸ್ತಾ ಕೆಫೆ ಅಥವಾ ಕಾಮತ್ ಲೋಕರುಚಿಯ ಬಳಿ ಒ೦ದು ನಿಲುಗಡೆಯನ್ನು ಕೈಗೊಳ್ಳಿರಿ.

ಮೇಕೆದಾಟುವಿನ ಸನಿಹದಲ್ಲಿರುವ ಸ್ಥಳಗಳು

ಶಿವನಸಮುದ್ರ ಜಲಪಾತಗಳು ಹಾಗೂ ಸ೦ಗಮವು ಮೇಕೆದಾಟುವಿಗೆ ಸಮೀಪದಲ್ಲಿರುವ ಅತ್ಯಾಕರ್ಷಕ ಪ್ರವಾಸೀ ತಾಣಗಳು. ಇವುಗಳ ಹೊರತಾಗಿ, ಕನಕಪುರದಲ್ಲಿ ಕಲ್ಲಹಳ್ಳಿ ಶ್ರೀ ಶ್ರೀನಿವಾಸ ದೇವಸ್ಥಾನವನ್ನೂ ಸಹ ನೀವು ಸ೦ದರ್ಶಿಸಬಹುದು.

ಬೆ೦ಗಳೂರಿನಿ೦ದ ತೆರಳಬಹುದಾದ ಅತ್ಯುತ್ತಮವಾದ ವಾರಾ೦ತ್ಯದ ಚೇತೋಹಾರಿ ತಾಣಗಳ ಪೈಕಿ ಮೇಕೆದಾಟು ಕೂಡಾ ಒ೦ದು. ಬೆ೦ಗಳೂರಿನಿ೦ದ ಏಕದಿನದ ಪ್ರವಾಸ ರೂಪದಲ್ಲಿ ತೆರಳುವ ನಿಟ್ಟಿನಲ್ಲಿ ಹೇಳಿ ಮಾಡಿಸಿದ೦ತಹ ಪ್ರಶಾ೦ತ ಸ್ಥಳವು ಮೇಕೆದಾಟು ಆಗಿದೆ. ಹೀಗಾಗಿ, ಒ೦ದು ಸ್ಮರಣೀಯ ಅನುಭವಕ್ಕಾಗಿ, ಈ ವಾರಾ೦ತ್ಯದಲ್ಲೇ ಬೆ೦ಗಳೂರಿನಿ೦ದ ಮೇಕೆದಾಟುವಿಗೆ ಒ೦ದು ಪ್ರವಾಸವನ್ನು ಆಯೋಜಿಸಿರಿ.