Click it and Unblock the Notifications
ತೇಜು ಅರುಣಾಚಲ ಪ್ರದೇಶದ ಲೋಹಿತ್ ಜಿಲ್ಲೆಯಲ್ಲಿರುವ ಸಣ್ಣ ಪಟ್ಟಣ. ಈ ಪಟ್ಟಣವು ಸುಂದರ ಕಣಿವೆಗಳು ಮತ್ತು ನದಿಗಳಿಗೆ ಹೆಸರುವಾಸಿಯಾಗಿದೆ. ಇಲ್ಲಿನ ಮೂಲನಿವಾಸಿಗಳು ಮಿಶ್ಮಿ ಪಂಗಡದವರು. ಇವರು ಮಹಾಭಾರತದ ಕಾಲದಿಂದ ಇರುವರೆಂದು ಹೇಳಲಾಗುತ್ತದೆ. ಕೃಷ್ಣನ ಮೊದಲ ರಾಣಿ ರುಕ್ಮಿಣಿ ಮಿಶ್ಮಿ ದಮ್ಸೆಲ್ಗೆ ಸೇರಿದವಳೆಂದು ಹೇಳಲಾಗುತ್ತದೆ. ಇವರು ತಮ್ಲಾಡು ಪೂಜ ಎನ್ನುವ ಹಬ್ಬವನ್ನು ಆಚರಿಸುತ್ತಾರೆ. ಇದನ್ನು ಪ್ರತಿ ವರ್ಷ 15ನೇ ಫೆಬ್ರವರಿಯಂದು ಆಚರಿಸಲಾಗುತ್ತದೆ. ಈ ಸಮಯದಲ್ಲಿ ಎಲ್ಲ ಪಂಗಡಗಳ ಜನರನ್ನು ಇದರಲ್ಲಿ ಭಾಗವಹಿಸಲು ಆಹ್ವಾನಿಸಲಾಗುತ್ತದೆ.
ತೇಜು ಪಟ್ಟಣದಲ್ಲಿ ಕೆಲವು ಮುಖ್ಯ ಪ್ರವಾಸಿ ಆಕರ್ಷಣೆಗಳಿವೆ. ಇವುಗಳಲ್ಲಿ ಮುಖ್ಯವಾದುದು ಪರಶುರಾಮ ಕುಂಡ. ಇದು ದೇಶ ವಿದೇಶಗಳಿಂದ ಸಾವಿರಾರು ಹಿಂದೂ ಯಾತ್ರಾರ್ಥಿಗಳನ್ನು ಆಕರ್ಷಿಸುತ್ತದೆ. ಪ್ರವಾಸಿಗರು ಈ ಪವಿತ್ರ ನೀರಿನಲ್ಲಿ ಮುಳುಗೇಳುವುದರಿಂದ ತಮ್ಮ ಪಾಪಗಳನ್ನು ಪರಿಹರಿಸಿಕೊಳ್ಳಬಹುದೆಂದು ನಂಬುತ್ತಾರೆ. ಇಲ್ಲಿ ಪ್ರತಿ ವರ್ಷ ಜನವರಿಯಲ್ಲಿ ಜಾತ್ರೆ ನಡೆಯುತ್ತದೆ. ಇಲ್ಲಿನ ಇನ್ನಿತರ ಆಕರ್ಷಣೆಗಳೆಂದರೆ ಗ್ಲೋ ಸರೋವರ, ಹವಾ ಕ್ಯಾಂಪ್ ಮತ್ತು ಬಿಸಿ ನೀರಿನ ಬುಗ್ಗೆ.
ತೇಜುವಿನಲ್ಲಿನ ಜನ
ತೇಜುವಿನಲ್ಲಿ ಮುಖ್ಯವಾಗಿ ಟಿಬೇಟಿಯನ್ನರು ಕಾಣಬಹುದು. ಅವರಲ್ಲಿ ಸುಮಾರು 2000 ಮಂದಿ ಲಾಮಾ ಕ್ಯಾಂಪಿನಲ್ಲಿ ವಾಸವಾಗಿದ್ದಾರೆ. ಇದು ತೇಜು ಮಾರುಕಟ್ಟೆಯಿಂದ 6 ಕಿಮೀ ದೂರದಲ್ಲಿರುವ ಟಿನ್ಡೊಲಾಂಗ್ ಎನ್ನುವಲ್ಲಿ ಇದೆ. ಇಲ್ಲಿ 5 ಕ್ಯಾಂಪುಗಳಿದ್ದು ಪ್ರತಿ ಕ್ಯಾಂಪು ವಿವಿಧ ಟಿಬೇಟ್ ಪ್ರದೇಶಗಳನ್ನು ಪ್ರತಿನಿಧಿಸುತ್ತದೆ. ಇದು ಖಾಮ್ ಕೊನ್ಗ್ಪೋ ಮತ್ತು ಪೆಮಾಕೋ ಎಂದು ಹೆಸರಾಗಿದೆ. ಇವರುಗಳು ಇಲ್ಲಿ ತಮ್ಮ ಮೂಲಸ್ಥಾನದಿಂದ ಚೀನಿಯರಿಂದ ಆಕ್ರಮಣಕ್ಕೊಳಗಾಗಿ ಹೊರದೋಡಿಸಿದ ನಂತರ 1960 ರಿಂದ ವಾಸವಾಗಿದ್ದಾರೆ. ಇವರು ಇಲ್ಲಿ ಬೌದ್ಧ ಧಾರ್ಮಿಕ ಕೇಂದ್ರಗಳನ್ನು, ಆರೋಗ್ಯ ಕೇಂದ್ರಗಳನ್ನು, ಶುಶ್ರುಷಾ ಕೇಂದ್ರಗಳನ್ನು ಮತ್ತು ಶಾಲೆಗಳನ್ನು ಸರ್ಕಾರ ಮತ್ತಿತರ ಮೂಲಗಳಿಂದ ಪಡೆದ ಧನಸಹಾಯದಿಂದ ನಿರ್ಮಿಸಿದ್ದಾರೆ.
ತಲುಪುವುದು ಹೇಗೆ?
ತೇಜುವಿಗೆ ರಸ್ತೆ, ರೈಲು ಮತ್ತು ವಾಯು ಮಾರ್ಗದ ಮೂಲಕ ಸುಲಭವಾಗಿ ತಲುಪಬಹುದು. ಇಲ್ಲಿಗೆ ಸಮೀಪದ ರೈಲು ನಿಲ್ದಾಣ ತಿನ್ಸುಕಿಯಾದಲ್ಲಿದೆ. ಇಲ್ಲಿಂದ ಟ್ಯಾಕ್ಸಿ ಮತ್ತು ಬಸ್ಸುಗಳು ತೇಜುವಿಗೆ ತಲುಪಲು ಲಭ್ಯವಿದೆ.
ಪ್ರವಾಸಕ್ಕೆ ಸೂಕ್ತ ಸಮಯ
ಡಿಸಂಬರ್-ಫೆಬ್ರವರಿ ಚಳಿಗಾಲ. ಇದು ತೇಜು ಪ್ರವಾಸಕ್ಕೆ ಸೂಕ್ತ ಸಮಯ.
