ಸ್ಪ್ರೆಡ್ ಈಗಲ್ ಫಾಲ್ಸ್ ಶಿಲ್ಲಾಂಗ್ ನ ಅತಿ ಅಗಲವಾದ ಜಲಪಾತಗಳಲ್ಲೊಂದಾಗಿದೆ. ಪೊಲೊ ಮೈದಾನದಿಂದ ಕೇವಲ 3 ಕಿ. ಮೀ. ದೂರದಲ್ಲಿರುವ ಈ ಜಲಪಾತವು, ಕಡಿದಾದ ಜಲಪಾತವಾಗಿದೆ. ಬೆಟ್ಟದಿಂದ ನವಿರಾಗಿ ಹೊರಬರುವ ಜಲಪಾತವು, ನಿಧಾನವಾಗಿ ರಭಸವನ್ನು ಪಡೆದು, ಘರ್ಜಿಸುತ್ತಾ ಅಪಾರ ವೇಗದೊಂದಿಗೆ ಧುಮುಕುತ್ತದೆ. ಸರೋವರವು ಶಾಂತವಾಗಿದ್ದು, ಅದೇ ಸಮಯದಲ್ಲಿ ಕಲರವಗೈಯುತ್ತಾ, ಮನತಣಿಸುವ ದೃಶ್ಯವನ್ನುಂಟು ಮಾಡುತ್ತದೆ. ಬಂಡೆಗಳ ಮೇಲೆ ಬೀಳುವ ನೀರು, ಇಬ್ಬಾಗವಾಗುತ್ತದೆ.
ಈ ಜಲಪಾತವು ಈಗಲ್ ಫಾಲ್ಸ್ ಎಂದು ಕರೆಯಲ್ಪಡಲು ಕಾರಣ, ಇದು ರೆಕ್ಕೆ ಬಿಚ್ಚಿದ ರಣಹದ್ದಿನಂತೆ ಗೋಚರಿಸುತ್ತದೆ. ಇಲ್ಲಿನ ಸ್ಥಳೀಯ, ಖಾಸ್ ಬುಡಕಟ್ಟು ಜನಾಂಗದವರು ಈ ಜಲಪಾತವನ್ನು ಉರ್ಕಲಿಯರ್ ಫಾಲ್ಸ್ ಎಂದು ಕರೆಯುತ್ತಾರೆ ಮತ್ತು ಇದರ ಹಿನ್ನೆಲೆ, ನಂಬುಗೆ ಏನೆಂದರೆ, ಇಲ್ಲಿಯೇ 'ಕಾ ಲಯರ್' ಜಾರಿತು ಎಂಬುದಾಗಿ. ಇಷ್ಟಾಗಿಯೂ ಕೂಡ, ಈ ಜಲಪಾತವು ಇಲ್ಲಿರುವ ಕಡಿದಾದ, ಜಾರುವ ಬಂಡೆಗಳಿಂದಾಗಿ ನಗರದ ಅತ್ಯಂತ ಅಪಾಯಕರ ಜಲಪಾತಗಳಲ್ಲೊಂದು ಎಂದು ಪರಿಗಣಿಸಲ್ಪಟ್ಟಿದೆ.
ಸ್ಪ್ರೆಡ್ ಈಗಲ್ ಫಾಲ್ಸ್ ಗಿರುವ ಮತ್ತೊಂದು ಹೆಸರೇ ಸತಿ ಜಲಪಾತ. ಕೆಲವರ್ಷಗಳ ಹಿಂದಿನವರೆಗೂ ಸ್ಪ್ರೆಡ್ ಈಗಲ್ ಫಾಲ್ಸ್ ಗೆ ಸರಿಯಾದ ಸಂಪರ್ಕವಿರಲಿಲ್ಲ ಆ ಕಾರಣ, ಇದು ಪ್ರಸಿದ್ಧ ಪ್ರವಾಸಿ ತಾಣವಾಗಿರಲಿಲ್ಲ. ಆದರೆ, ಈಗಿನ ದಿನಗಳಲ್ಲಿ, ಪ್ರವಾಸೋದ್ಯಮ ಇಲಾಖೆಯು ಈ ಜಲಪಾತವನ್ನು ಜನಪ್ರಿಯಗೊಳಿಸಲು ಬೇಕಾದ ಕ್ರಮಗಳನ್ನು ಕೈಗೊಂಡಿದೆ. ಉತ್ತಮ ರಸ್ತೆಗಳು ನಿರ್ಮಾಣವಾಗುತ್ತಿದು, ಸುರಕ್ಷತೆಗೆ ಸಂಬಂಧಿಸಿದಂತೆ ಹಲವಾರು ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ.